ബൂലോഗ‌ ക്ലബ്ബ്‌

ബൂലോഗ‌ ക്ലബ്ബ്‌: മേഘ സന്ദേശം : എം കെ ഭാസി

2011-03-09T03:53:00.000Z

ബൂലോഗ‌ ക്ലബ്ബ്‌: മേഘ സന്ദേശം : എം കെ ഭാസി

മേഘ സന്ദേശം : എം കെ ഭാസി

2011-03-09T03:39:00.002Z

തിരുകൊച്ചീ ട്രാവത്സ്‌

2010-07-17T06:53:00.004Z

പഴയ രാജഭരണം നമ്മെ ഓര്‍മ്മിപ്പിക്കുന്ന കെ എസ്സാര്‍ട്ടീസീ അഭിമാനപുരസ്സരം അവതരിപ്പിക്കുന്നൂ.... തിരുകൊച്ചീ ട്രാവത്സ്‌. വരും കാലങ്ങളില്‍ കൊച്ചിയിലെ പ്രൈവറ്റ്‌ ബസ്സ്‌ സമരം ജനങ്ങളെ തളര്‍ത്തില്ലെന്നു കരുതാം.

link:http://www.manoramaonline.com/cgi-bin/MMOnline.dll/portal/ep/malayalamContentView.do?contentType=EDITORIAL&programId=1073753765&articleType=Malayalam%20News&contentId=7560924&tabId=11&BV_ID=@@@

ചന്ദ്രന്റെ രാസ്വപ്നങ്ങൾ

2010-04-14T14:12:00.003Z

ഒന്നും ചെയ്യാനില്ലാതെ ഇറവരമ്പിൽ നിന്നും വീഴുന്ന മഴത്തുള്ളിയും നോക്കി ശുദ്ധ ശൂന്യമായ മനസ്സുമായി ഉമ്മറത്ത് കിടക്കകയായിരുന്നു ചന്ദ്രൻ. അകത്തുനിന്നും ടിവിയിൽ സന്ധ്യകൾ ചാലിച്ച സിന്ദൂരം കൊണ്ട് ജയഭാരതി പൊട്ടു കുത്തുന്നു. സംവിധായകൻ നിർബന്ധിച്ചത് കൊണ്ട് മാത്രമാണ് സോമൻ അഭിനയിക്കുന്നതെന്ന് തോന്നുന്നു. തോർന്ന മഴയ്ക്ക് ശേഷമുള്ള ഈറൻ കാറ്റിലും ചന്ദ്രന് ജയഭാരതിയ്യുടെ ചലനരൂപങ്ങൾ ചൂടുള്ളതായി തോന്നി. കലാതിലകമായ പെൺകുട്ടികളെ എന്ത് വേണെങ്കിലും കാട്ടികോളിൻ, നായികയാക്കണം, പറ്റൂച്ചാല് മോഹൻലാലിന്റെയോ മമ്മൂട്ടിയുടെയോ എന്ന് പറഞ്ഞു നടക്കാത്ത കാലായിരുന്നു അത്. ശൈശവരതി പ്രേക്ഷകരെ വലവീശിപിടിച്ചിട്ടില്ലാത്ത കാലം. സിനിമ വീട്ടിലെ കോലായിൽ നിന്നും അകത്തേക്ക് നോക്കിയാൽ കാണാനാകാത്ത ഒരു കാലം. എത്ര മുറുക്കിയുടുത്താലും പിന്നെയും പുറത്തേയ്ക്കു ചാടുന്ന അഴകളവുകളുടെ ലോകം. പ്രേം നസീറിനെ സ്ക്രീനിന്റെ മൂലയ്ക്ക് നിന്ന് കാണുമ്പോഴേ ജയഭാരതി ചുണ്ടു കടിക്കുമായിരുന്നു . 'പച്ച കുത്തിയ വിരിമാറെൻ മെത്തയാക്കും' എന്ന് പാടി ജയഭാരതി വെള്ളിത്തിരയിൽ കുട്ടിക്കുരങ്ങനെ പോലെ കാരണം മറിഞ്ഞു . നായികാ പദവിയുടെ ആകുലതകളില്ലാതെ ഓടിനടന്നു അഭിനയിച്ചു. തീരാത്ത കാമം ഉടലിലൊതുക്കി നടത്തിച്ചു സംവിധായകർ ജയഭാരതിയെ. കാമുകിയും, ഭാര്യയും, എല്ലാമായാലും കാമം അവളുടെ ഉടല് പൊട്ടിച്ചു ചാടിക്കൊണ്ടേയിരുന്നു. അകത്തു കിടക്കയിൽ ജയഭാരതി ഉറക്കം വരാതെ കാല്വിരലുകൾ കൂട്ടിപ്പിണയ്കുെ മ്പോൾ പുറത്തെ മുറിയിൽ കൂർക്കം വലിക്കുന്ന ഭരത് ഗോപിയോട് നമുക്ക് കൊല്ലാനുള്ള ദേഷ്യം തോന്നി. രതിനിർവേദത്തിലെ കൃഷ്ണചന്ദ്രൻ നമ്മളൊക്കെ ആയിരുന്നു. ജയഭാരതി നമ്മുടെ സ്വന്തം രതി ചേച്ചിയായി . കൊട്ടകകൾക്ക് പുറത്ത്, കിടപ്പ് മുറിക്കു പുറത്തു പോകാത്ത സീല്കാരങ്ങളിൽ കേരളത്തിലെ ആണുങ്ങൾ ഭോഗ വിജൃംഭിതരായ്തും ഇങ്ങനെയൊക്കെയായിരുന്നു. ഭാഗ്യവതി, ഒരു തലമുറയുടെ കിനാവിൽ കുടിയേറിയില്ലേ! നിങ്ങൾ ഇല്ലായിരുന്നെങ്കിൽ മലയാളിയുടെ രാഭോഗങ്ങള് ഇതിലും ദരിദ്രമായേനെ!!!
മഴ വീണ്ടും പെയ്യാൻ തുടങ്ങി. ചന്ദ്രൻ ഒരു കൌമാരരാവിന്റെ ഓർമയിലേക്ക് മടങ്ങി...

(കടപ്പാട്: പ്രമോദ് പുഴങ്കര)

മലയപ്പുലയന്‍ ക്ലാസ് പി റ്റി എ യില്‍

2010-03-21T11:10:00.000Z

മലയപ്പുലയന്‍ മാടത്തിന്‍ മുറ്റത്തിരുന്ന് ആലോചിക്കുകയാണ്. തമ്പുരാന് സമര്‍പ്പിച്ച വാഴക്കുല നിന്നിടത്ത് മക്കള്‍ രണ്ടും മണ്ണപ്പം ചുട്ട് കളിക്കുന്നു. നാളെ അപ്പ സ്കൂളില്‍ ചെല്ലണമെന്ന് രണ്ട് പേരും വന്ന് പറഞ്ഞിരിക്കുന്നു. കേട്ടപ്പോള്‍ അയാള്‍ക്ക് ആകാംക്ഷയായി. രണ്ടും കൂടി എന്തേലും കുരുത്തക്കേട് കാണിച്ചിരിക്കും.ഒരാള്‍ ആറാം ക്ലാസില്‍ പഠിക്കുന്നു. മറ്റെയാള്‍ നാലിലും.

'അല്ല പ്പാ, ഇത് ക്ലാസ് പി റ്റി എ യ്ക്കാ. എല്ലാവരുടെയും അപ്പന്മാര്‍ ചെല്ലണമെന്ന് സാറ് പറഞ്ഞിരിക്കുന്നു. അല്ലേല്‍ ക്ലാസില്‍ കയറ്റത്തില്ല.'

എന്ത് ചെയ്യണമെന്ന് അയാള്‍ക്കറിയുന്നില്ല. നാളെ പണിക്കു ചെന്നില്ലെങ്കില്‍ മറ്റന്നാള്‍ തമ്പ്രാന്‍റെ മൊകം കാണാന്‍ തന്നെ പേടിയാകും. രണ്ടൂസം മുന്പെ അറിഞ്ഞിരുന്നെങ്കില്‍ എന്തെങ്കിലും കള്ളം പറഞ്ഞ് പണിക്ക് പോവാതിരിക്കാമായിരുന്നു. മക്കളെ പള്ളിക്കൂടത്തിലയക്കുന്നത് തന്നെ തമ്പ്രാന് പിടിച്ചിട്ടില്ല. ഇനി ഓരോന്നും പറഞ്ഞ് താനും അങ്ങോട്ടു ചെല്ലുന്നുവെന്നറിഞ്ഞാലോ... ഓര്‍ക്കുന്പോള്‍ തന്നെ അയാള്‍ക്ക് നടുക്കമുണ്ടായി.

അപ്പന്‍ പനിച്ചു കിടക്കയാണെന്ന് പറയാന്‍ മൂത്തവനെ തമ്പ്രാനടുത്തയച്ചു. രണ്ടിന്‍റെയും കൈയും പിടിച്ച് പള്ളിക്കൂടത്തിലേക്ക് നടന്നു. അവിടെയെത്തിയപ്പോള്‍ പിള്ളാര് പിടിവലി തുടങ്ങി.

'അപ്പാ എന്‍റെ ക്ലാസില്‍ വാ'

ഇതും കണ്ടു കൊണ്ട് ഒരു വന്ന സാറ് കാര്യ മന്വേഷിച്ചു.

'മക്കള്‍ അടികൂടണ്ട, ഇന്ന് അപ്പന്‍ ആറിലിരിക്കട്ടെ. അടുത്ത തവണ നാലിലിരിക്കാം'

തീരുമാനം സാറിന്‍റേതായതിനാല്‍ കുട്ടികള്‍ക്ക് സ്വീകാര്യ മായി.

ക്ലാസില്‍ രണ്ട് രക്ഷിതാക്കള്‍ എത്തിയിട്ടുണ്ട്. പത്തു മുപ്പതു പിള്ളാര്‍ അവിടെയിരിപ്പുണ്ട്. മറ്റുള്ളവര്‍ക്കൊപ്പം അയാളും ബഞ്ചിലിരുന്നു.

രക്ഷിതാക്കളുടെ എണ്ണം പത്തു പന്ത്രണ്ടായപ്പോള്‍ സാറ് കടന്നു വന്നു പ്രസംഗം തുടങ്ങി. ഒട്ടു മുക്കാലും അയാള്‍ക്കു മനസ്സിലായില്ല. എന്നാല്‍ ഒടുവില്‍ അയാളുടെ കൈയില്‍ ഗ്രേഡുകള്‍ കുറിച്ച കടലാസ് കൊടുത്ത് സാറ് പറഞ്ഞത് കേട്ട് അയാള്‍ വിയര്‍ത്തു. തല കുനിഞ്ഞുപോയി.

'തീരെ പഠിക്കില്ല കേട്ടോ. അക്ഷരങ്ങള്‍ തന്നെ കൂട്ടിയെഴുതാനറിയില്ല. '

സാറിന്‍റെ മുഖം നോക്കാനാവാതെയിരിക്കുമ്പോള്‍ അതാ വരുന്നു അടുത്ത ഉപദേശം.

'വീട്ടില്‍ നിന്നു കൂടി ശ്രദ്ധിക്കണം. കുട്ടികള്‍ കൂടുതല്‍ സമയം നിങ്ങളുടെ കൂടെയല്ലേ'

'വീട്ടീന്ന് നോക്കാറുണ്ട് സാറേ, ഇവനെപ്പോഴും പറയും ഒന്നും പഠിപ്പിച്ചിട്ടില്ലെന്ന്. സാറമ്മാരും ടീച്ചര്‍മാരും വന്നില്ലാന്ന്.'

അയാളറിയാതെ നാക്കില്‍ നിന്ന് വീണുപോയതാണ്.

'ഇവനും ഇത് തന്നെയാണ് പറയാറ് സാറേ' - വേറൊരാള്‍ കൂട്ടിച്ചേര്‍ത്തു.

' ഓ, അതു ശരി, എപ്പഴാണ് ആളില്ലാതെ നിങ്ങള്‍ വെറുതെയിരുന്നത് ? ക്ലാസിനെയാകെ നോക്കിക്കൊണ്ട് സാറ് ചോദിച്ചു.

'സാറ് കഴിഞ്ഞയാഴ്ച വന്നിരുന്നേയില്ലല്ലോ '- കുട്ടികള്‍ക്കിടയില്‍ നിന്നും ഒരു ശബ്ദം ഉയര്ന്നു.

'അത് ഉപജില്ലാ യുവജനോത്സവം ‍ഡ്യൂട്ടിയായിരുന്നു.'

'സാറേ കഴിഞ്ഞയാഴ്ച മുഴുവന്‍ ഇവളും ഇത് തന്നെയാണല്ലോ പറയുന്നത്.' രക്ഷിതാക്കളിലൊരാള്‍ സംശയമുന്നയിച്ചു.

സാറ് ഓര്‍ത്തെടുത്ത് തന്‍റെ കഴിഞ്ഞ രണ്ട് മാസത്തെ അദര്‍ ഡ്യൂട്ടികള്‍ അവര്‍ക്കു മുമ്പില്‍ അവതരിപ്പിച്ചു.

ഒരാഴ്ച സ്വന്തം ഉപജില്ലയില്‍ യുവജനോത്സവം.

അടുത്ത ഒരാഴ്ച അടുത്ത രണ്ട് ഉപജില്ല കളില്‍ യുവജനോത്സവങ്ങള്‍.

പിന്നെ ഒരാഴ്ച സ്വന്തം ഉപ ജില്ലയിലും മറ്റ് ഉപജില്ല കളിലുമായി ശാസ്ത്ര, സാമൂഹ്യ ശാസ്ത്ര, ഗണിതശാസ്ത്ര, പ്രവൃത്തി പരിചയ, ഐ. റ്റി മേളകള്‍.

ഒരാഴ്ച ഉപജില്ലാ കായിക മേളകള്‍.

ഇതിനിടെ രണ്ടാഴ്ച തീരദേശ സര്‍വ്വെ.

അതു കഴിഞ്ഞ് ഒരാഴ്ച പഞ്ചായത്ത് കേരളോത്സവങ്ങള്‍. പിന്നെ ബ്ലോക്ക് കേരളോത്സവങ്ങളും.

ഇപ്പറഞ്ഞതിന്‍റെയൊക്കെ ജില്ലാ തല മേളകളില്‍ സാറ് തുടര്‍ന്ന് അദര്‍ ഡ്യൂട്ടിക്കാരനായി.

അതു കൊണ്ടാണ് സാറ് പറഞ്ഞത് കുട്ടികളുടെ കാര്യ ത്തില്‍ അവരവരുടെ രക്ഷിതാക്കള്‍ കുറെക്കൂടി ശ്രദ്ധചെലുത്തണമെന്ന്.

മലയപ്പുലയന്‍ തന്‍റെ മകനെ തിരിഞ്ഞൊന്നു നോക്കി. അപ്പോഴയാള്‍ കണ്ടത് വാതിലിനടുത്ത് ടൈ കെട്ടി തിളങ്ങുന്ന യൂണിഫോമുമണിഞ്ഞ് ഒരു കുട്ടി നില്‍ക്കുന്നതാണ്. അവന്‍ സാറിനെ നോക്കി വിളിച്ചു.

' ഡാഡീ'

അവന്‍റെ കഴുത്തില്‍ തൂങ്ങുന്ന പ്രമുഖ ഇംഗ്ലീഷ് മീഡിയം സ്കൂളിന്‍റെ ഫോട്ടോ പതിച്ച ഐഡന്‍റിറ്റി കാര്‍ഡ് ആ ക്ലാസിലാകെ പ്രഭ പരത്തി.

ഫെര്‍നാഡോ പെസ്സോ (Fernando Pessoa) യുടെ അശാന്തതയുടെ പുസ്തകം (The Book of Disquiet)

2009-05-25T14:07:00.000Z

ഫെര്‍നാഡോ പെസ്സോ (Fernando Pessoa) യുടെ അശാന്തതയുടെ പുസ്തകം (The Book of Disquiet)

മന്‍സൂര്‍ (കാള്‍ മി ഹലോ )

2009-01-23T14:00:00.000Z

ഇന്ന് വെള്ളിയാഴ്ച്ച,

പതിവുള്ള മുറി ഒതുക്കലും അടിച്ചു വാരലിന്റേയും ഇടയില്‍ എന്റെ സഹമുറിയന്‍ ഒരു തുണികൊണ്ട് മച്ചിലെ കത്തിനിന്ന ബള്‍ബ് പൊടി തുടയ്ക്കുന്നതിനിടെയാണ് യാദൃശ്ചികമെന്നോണം അത്ഫ്യൂസായത്. അപ്പൊതന്നെ അവന്‍ താഴെ കടയില്‍ പോയി പുതിയൊരു ബള്‍ബ് വാങ്ങി മാറ്റിയിട്ട ശേഷം ഫ്യൂസായ ബള്‍ബ് ഊരി ചവറ്റു കുട്ടയിലേയ്ക്ക് ഒറ്റയേറ് ! സ്വാഭാവികം..

അല്ല, നമ്മുടെ സൗഹൃദങ്ങളും പ്രത്യേകിച്ച് ബൂലോകത്തില്‍ ഒരര്‍ത്ഥത്തില്‍ ഈ ബള്‍ബ് പോലെയല്ലേ ? നല്ല പോസ്റ്റുകള്‍ വരുമ്പോള്‍ അഭിനന്ദിക്കുക, പ്രോത്സാഹിപ്പിക്കുക, നമ്മുടെ പോസ്റ്റുകള്‍ വായിച്ച് അഭിപ്രായമറിയിക്കുമ്പോള്‍ നന്ദി രേഖപ്പെടുത്തുക. ഗൂഗിള്‍ ടാക്കിലെ പച്ചവെളിച്ചത്തില്‍ കണ്ടാല്‍ കുശലാന്വഷണങ്ങള്‍ നടത്തുക.

പക്ഷേ, കുറച്ചുനാള്‍ ഇവിടെ വരാനാവാതിരുന്നാള്‍ ? അറിഞ്ഞുകൊണ്ടല്ലെങ്കിലും നമ്മള്‍ ആ സുഹൃത്തിനെ മറവിയുടെ ചവിറ്റു കൊട്ടയിലേക്ക് മാറ്റിവയ്ക്കുന്നു. പിന്നെ കുറേ കഴിയുമ്പോള്‍ അത് പെരുകി നറയുമ്പോള്‍ അവിടുന്ന് മറ്റൊരിടത്തേയ്ക്ക് എന്നെന്നേക്കുമായി വലിച്ചെറിയപ്പെടും.

പൊതുവായ കാര്യമല്ല, മറിച്ച് ഇതൊരുപക്ഷേ എന്റെ മാത്രം സ്വഭാവ ലക്ഷണമായിരിക്കാം.

ഇത്രയും തോന്നാന്‍ കാരണം. ബൂലോകത്ത് നിന്നും എനിക്ക് കിട്ടിയ കുറെ നല്ല സുഹൃത്തുക്കളില്‍ ഒരാളായ, മഴത്തുള്ളിക്കിലുക്കം, മധുരനൊമ്പരം, നിറക്കുട്ട് തുടങ്ങിയ കുറെ നല്ല ബ്ലോഗുകളിലൂടെ ബൂലോകത്ത് സജീവ സാന്നിദ്ധ്യമായിരുന്ന മന്‍സൂര്‍ (callmehelo) നെ ഇപ്പോ കാണാറെ ഇല്ല. നാട്ടില്‍ ഒരുമിച്ചുണ്ടായിരുന്നപ്പോള്‍ നേരില്‍ കാണാന്‍ സാധിച്ചില്ലെങ്കിലും ദിനേന SMS ലൂടെ മനോഹരമായ വരികളില്‍ മുടങ്ങാതെ ശുഭദിനം നേര്‍ന്നു സൗഹൃദം അകലാനനുനവദിക്കാതെ കാത്തുസൂക്ഷിക്കാന്‍ ശ്രമിച്ചിരുന്ന മന്‍സൂറിനെ അവന്റെ നാട്ടിലെ നമ്പരിലും ഈമെയിലിലും ബന്ധപ്പെടാന്‍ ശ്രമിച്ചിട്ടും സാധിക്കുന്നില്ല.

ഒരുപക്ഷേ ജോലിത്തിരക്കോ മറ്റ് വല്ല പരിമിധികളോ ആവാം ബോലോകത്ത് തിരിച്ചും സജ്ജീവമാകാന്‍ കഴിയാത്തത്. എങ്കില്‍, ഇത് കാണുന്നുനെങ്കില്‍ മന്‍സൂര്‍ ഒരു കമെന്റിലൂടെ ഇവിടെ തിരിച്ചെത്തുമെന്ന് പ്രതീക്ഷിക്കുന്നു.

ബ്രാന്‍ഡാലയം

2008-12-13T12:17:00.007Z

കേരളം ഭ്രാന്താലയമാണെന്ന് പറഞ്ഞത് സ്വാമി വിവേകാനന്ദനാണ്.
ബ്രാന്‍ഡാലയമാണെന്ന് പറഞ്ഞത് രാം മോഹന്‍ പാലിയത്തും.
രണ്ടും പറയാന്‍ പ്രതിഭ വേണം

അത് പകര്‍ത്തിയെഴുതാനും,
ആവര്‍ത്തിക്കാനും അത് വേണ്ട താനും.

പക്ഷേ പകര്‍ത്തുമ്പോഴും ആവര്‍ത്തിക്കുമ്പോഴും
അത് ആദ്യം പറഞ്ഞയാളെ ഓര്‍ക്കുന്നതിനും വേണത് മാന്യതയാണ്

ബ്ലോഗില്‍ പ്രസിദ്ധീകരിച്ച, മാത്യഭൂമി കവര്‍ സ്റ്റോറിയായി കൊടുത്ത
കേരളം ബ്രാന്‍ഡാലയം എന്ന ലേഖനം നിയമസഭയില്‍ അവതരിപ്പിക്കപ്പെട്ടു.
പട്ടാമ്പി എം.എല്‍.എ സി.പി. മുഹമ്മദാണ് ആ പ്രയോഗം ആവര്‍ത്തിച്ചത്.

രാം മോഹനെയോ,ലേഖനത്തെയോ അദ്ദേഹം ഓര്‍മ്മിച്ചതുമില്ല.
പത്രങ്ങള്‍ അത് വാര്‍ത്തയാക്കുകയും ചെയ്തു.

അത് ശ്രദ്ധയില്‍പ്പെടുത്താന്‍ മാത്രം ഈ കുറിപ്പ്

കേരളപ്പിറവി

2008-11-01T12:13:00.001Z

ഇന്നു കേരളപ്പിറവി ദിനമാണ്‌. ഐക്യ കേരളമുണ്ടായിട്ട്‌ ഇതു അൻപത്തിരണ്ടാം വർഷം.
കേരളത്തിനും എന്റെ ഭാഷക്കും നമോവാകം.... എല്ലവരും ഒരോ ആശംശ നേർന്നാൽ നന്നായിരുന്നു

copyright violation by blogger "maramakri"

2008-06-17T15:50:00.003Z

when there is a hue and cry over blog content being used elsewhere without proper attribution, bloggers should respond to copyright violations by malayalam bloggers themselves.

"maramakri" is using pictures in his blog which is lifted from flickr.

please respond before we are accused of double standards.

(sorry for typing in english)

SSLC Result in WEB

2008-05-12T07:52:00.003Z

http://keralaresults.nic.in/sslc08/sslc08.htm/ Here is the Direct Link

അഗ്രഗേറ്ററുകള്‍ ചതിക്കുന്നതിനാല്‍ ഇത്‌ ഒരു ലിങ്കാക്കി കൊടുക്കുന്നു.
ക്ഷമിക്കുക.

http://beerankutty.blogspot.com/2008/05/sslc-result-in-web.html

ചുമ്മ പാം?

2008-05-08T10:03:00.002Z

സഭയ്ക്ക് നമസ്കാരം. ഇതുവരെയുള്ള വിവരം വിശ്വസിച്ചാല്‍ ബൂലോഗ ക്ലബ്ബ് നിയന്ത്രിക്കാനോ നടത്താനോ ആര്‍ക്കും കഴിയില്ല, അല്ലെങ്കില്‍ കഴിയുന്ന ആളുകള്‍ അത് പുറത്താരോടും പറയാന്‍ തയ്യാറില്ല. ഇതിനു ഒരു അഡ്മിനെ ഉണ്ടാക്കിയെടുത്താല്‍ തന്നെ പുതിയ ബ്ലോഗര്‍ സം‌വിധാനത്തില്‍ പരമാവധി നൂറു അംഗങ്ങളേ ഒരു ടീം ബ്ലോഗിനു ചേര്‍ക്കാനാവൂ എന്നതിനാല്‍ പുതിയ അംഗങ്ങളെ ചേര്‍ക്കാനാവില്ല (നിവില്‍ പത്തുമുന്നൂറു പേര്‍ ഉണ്ടെന്ന് തോന്നുന്നു)

ഒരു നിയന്ത്രണവുമില്ലാത്ത, പ്രത്യേകിച്ച് ഒരു സ്ഥാപിതലക്ഷ്യവുമില്ലാത്ത, പ്രത്യേകിച്ച് ഒന്നും ചെയ്യാനാവാത്ത ഒരിനര്‍നെറ്റ് മൂല അപകടകരമായ സ്ഥലമാണ്‌. ഈയിടെയായി വന്ന പോസ്റ്റുകള്‍ മിക്കതും ഇട്ടയാള്‍ക്ക് ഡിലീറ്റ് ചെയ്യേണ്ടി വന്നു . കാരണം സിമ്പിള്‍- അവനവന്റെയോ മറ്റാരുടെയെങ്കിലുമോ പോസ്റ്റിലെഴുതാന്‍ പറ്റാത്ത കാര്യങ്ങള്‍ ഇവിടെ കമന്റായോ പോസ്റ്റ് ആയോ കൊണ്ടു തള്ളാം.

എനിക്ക് തോന്നുന്ന പരിഹാരം ഇതാണ്‌:

ഒന്ന്: ഇനിയാരും പോസ്റ്റുകള്‍ ഇടാതെയിരിക്കുക
രണ്ട് : നിലവിലുള്ള മെംബര്‍മാര്‍ സ്വയം മെംബര്‍ഷിപ്പ് അണ്‍സബ്സ്‌ക്രൈബ് ചെയ്യുക
മൂന്ന്: ശേഷം ആരും ഇവിടെ വരുന്ന പോസ്റ്റുകള്‍ വായിക്കരുത്, കമന്റരുത്.

അങ്ങനെ നമുക്ക് അണ്‍ക്ലബ്ബാം.

ഒരു് അറിയിപ്പ

2008-04-18T04:37:00.002Z

സുഹൃത്തുക്കളെ,

യൂണിക്കോഡ് മലയാളം ബൈബിളിന്റെ പുതിയ version പ്രവര്ത്തിച്ച് തുടങ്ങി.

പുതിയ സൌകര്യങ്ങള്‍:
1) വചനങ്ങള്‍ക്ക് permalink. നിങ്ങളുടെ ചര്‍ച്ചകള്‍കും പഠനത്തിനും quote ചെയ്യാനുള്ള സൌകര്യം
2) Registration ഒന്നും ഇല്ലാതെതന്നെ അവസാനം വായിച്ച pageതുറന്നു കാണിക്കും.
3) അന്വേഷണ സൌകര്യം എപ്പോഴും ലഭ്യമാണു്
4) Microsftന്റെ Technology യില്‍ നിന്നും വിട്ടുമാറി പൂര്ണമായും open source technology ഉപയോഗിക്കുന്നു. MySql ഉം PHP യും.
5) ഭാവി Mobile deviceഉകളില്‍ കാണാന്‍ സൌകര്യം
6) ചിത്രങ്ങള്‍ കഴിവതും ഒഴിവാക്കി CSS മാത്രം ഉപയോഗിക്കുന്നു.

അക്ഷരത്തെറ്റുകള്‍ അറിയിച്ച സുഹൃത്തുക്കള്‍ക്ക് പ്രത്യേകം നന്ദി പറയുന്നു. ബൈബിള്‍ സന്ദര്‍ശിച്ച്, ഉപയോഗിച്ച ശേഷം നിങ്ങളുടെ അഭിപ്രായങ്ങള്‍ അറിയിക്കുക.

നന്ദി

ഐശ്വര്യറായിയുടെ പാസ്സ്പോര്‍ട്ട് കോപ്പി ലീക്കായതിനു ബ്ലോഗിന്റെ നെഞ്ചത്ത്

2008-04-16T06:50:00.004Z

അങ്ങാടിയില്‍ തോറ്റാല്‍ അമ്മേടെ നെഞ്ചത്ത് എന്ന് പറയുന്നത് പോലെയാ മനോരമ ഇന്നത്തെ പത്രത്തില്‍ പറഞ്ഞിരിക്കുന്നത്. ഐശ്വര്യാറായിയുടെ പാസ്സ്പോര്‍ട്ട് ലീക്കായതിന്റെ ഉത്തരവാദിത്വം ബ്ലോഗിന്റെ പുറത്ത് വച്ച് കെട്ടിയിരിക്കുന്നു മനോരമ.

ഐശ്വര്യ റായിയെ ചതിച്ച ബ്ലോഗ് എന്നാണ് തലകെട്ട്.

കൂടുതല്‍ വിവരങ്ങള്‍ ദാ ഇവിടെ

http://www.manoramaonline.com/cgi-bin/MMOnline.dll/portal/ep/malayalamContentView.do?pageType=Article&contentType=EDITORIAL&programId=1073752206&articleType=Movies&tabId=3&contentId=3852648&BV_ID=@@@

മാതൃഭൂമി വെബ് സൈറ്റ് യുണികോഡില്‍!

2008-04-05T15:34:00.005Z

മാതൃഭൂമി പ്രസിദ്ധീകരണങ്ങളുടെ മലയാളം വെബ് പേജുകള്‍ യുണികോഡിലേക്ക് മാറ്റിയിരിക്കുന്നു! മലയാളത്തിന്റെ നാള്‍വഴിയിലെ ഈ ചരിത്രപ്രധാനമായ സംഭവം ആരും ശ്രദ്ധിച്ചില്ലെന്നുണ്ടോ?

മീര ഫോണ്ടിന്റെ വെബ് പേജ് എംബെഡ്ഡെഡ് രൂപമാണ് അവര്‍ ഉപയോഗിച്ചിരിക്കുന്നത്. താമസിയാതെ മാതൃഭൂമിയും സ്വന്തമായി വടിവൊത്ത് ഭംഗിയുള്ള മലയാളക്കുളിരുള്ള യുണികോഡ് ഫോണ്ടുകള്‍ ഉണ്ടാക്കും എന്നു പ്രതീക്ഷിക്കാം അല്ലേ?

എന്തായാലും മാതൃഭൂമിയ്ക്ക് ഹാര്‍ദ്ദവമായ അഭിനന്ദനങ്ങള്‍!

ദേവ’ദാസ് കാപിറ്റല്‍’ മാതൃഭൂമി ആഴ്ചപ്പതിപ്പില്‍

2008-04-01T12:39:00.003Z

മുന്‍ ബ്ലോഗറും ബ്ലോഗ് സഹകാരിയുമായ ശ്രീമാന്‍ ദേവദാസ് വി.എം(ലോനപ്പന്‍/ വിവി) യുടെ ഏറ്റവും പുതിയ കഥ മാതൃഭൂമി ആഴ്ചപ്പതിപ്പിന്റെ ഈ ലക്കത്തില്‍

ദാസ് കാപ്പിറ്റല്‍

സൂചികയുടെ ഫലങ്ങള്‍ ചുരുക്കത്തില്‍

2008-03-27T19:14:00.000Z

2004 മുതല്‍ 2008 വരെയുള്ള 676 ബ്ലോഗുകളാണു് സൂചികയില്‍ ഇപ്പോള്‍ ഉള്ളത്

2006 Sept മുതല്‍ 2006 Feb വരെ ലേഖനങ്ങളുടെ എണ്ണം കുറഞ്ഞു വരുന്നതായി കാണപ്പെട്ടു. June 2007 മുതല്‍ പിന്മൊഴികളുടെ എണ്ണം കുത്തനെ ഉയരുന്നതായി കാണപ്പെട്ടു. ഈ സമയത്താണു് pinmozhi എന്ന പിന്മൊഴി ശേഖരണ സംവിധാനം നിര്ത്തലാക്കുന്നത്. അപ്പോള്‍ aggragators വായനക്കരെ ഉണ്ടാക്കും എന്നല്ലാതെ participation കൂട്ടുന്നില്ലാ എന്ന് വെണമെങ്കില്‍ മനസിലാക്കാം. അതോ വായനക്കാര്‍ എഴുത്തുകാരായി മാറിയോ?

August 2006ല്‍ 89 പുതിയ മലയാളം ബ്ലോഗുകള്‍ തുടങ്ങിയത്. മലയാളം ബ്ലോഗിന്റെ ചുരുങ്ങിയ കലയളവില്‍ ഇത് ഒരു സുവര്ണ്ണകാലമായിരുന്നു.

പക്ഷെ ബ്ലോഗിന്റെ എണ്ണം കൂടിയതനുസരിച്ച് ലേഖനങ്ങള്‍ കൂടിയില്ല.

688 ബ്ലോഗുകളില്‍ നിന്നും 10 പോസ്റ്റിനു താഴെയുള്ള ബ്ലോഗുകളുടെ എണ്ണം = 289

വിവാദങ്ങള്‍ ബ്ലോഗിന്റെ popularity കൂട്ടും എന്നതിനു് പ്രത്യേകം തെളിവുകള്‍ വേണ്ട എന്ന് തോന്നുന്നു. എങ്കിലും കഴിഞ്ഞ രണ്ടു മാസം മലയാളം ബ്ലോഗ് പില്കാലത്തിനേക്കാള്‍ സജ്ജീവമായിരുന്നു.

ഇപ്പോള്‍ സൂചികയില്‍ clickthru ശേഖരിക്കുന്നുണ്ട്. അതായത് soochika വഴി ബ്ലോഗ് സന്ദര്‍ശിക്കുന്നവരുടെ എണ്ണം ശേഖരിക്കുന്നുണ്ട്.

RSS Feed പിള്ളേരു് കളിയല്ല.

2008-03-24T11:04:00.000Z

RSS Feed വളരെ പ്രധാനപെട്ട ഒരു സംവിധാനമാണു്. Soochika പ്രവര്ത്തിക്കുന്നത് ബ്ലോഗുകളുടെ RSS feed വഴിയാണു്.

Soochika തുടങ്ങിയതിനു ശേഷം ചില ബ്ലോഗില്‍ നിന്നും RSS feedകള്‍ publish ചെയ്യുന്നില്ല എന്ന് മനസിലാക്കാന്‍ കഴിഞ്ഞു. Blog Feed publish ചെയ്യുന്നത് ഓരോരുത്തരുടേയും സ്വാതന്ത്ര്യമാണു്.

Soochika Feedഉകള്‍ sequentialആയിട്ടാണു് ശേഖരിക്കുന്നത് ഈ sequencനു തടസം നേരിടുമ്പോള്‍, തടസം നേരിട്ട് blogഉകള്‍ soochika ഒരു blocked listലേക്ക് മാറ്റും. ഭാവിയില്‍ ഈ ബ്ലോഗുകള്‍ soochikയില്‍ പ്രത്യക്ഷപെടുകയില്ല. Blog Feed പുബ്ലിഷ് ചെയ്യണ്ടാ എന്ന ബ്ലോഗ് ഉടമയുടെ താല്പര്യം കണക്കിലെടുത്താണു് ഈ സ്മവിധാനം ഏര്‍പ്പെടുത്തിയിരിക്കുന്നത്. തീരുമാനം ഉറച്ചതായിരിക്കണം കാരണം ഈ ജന്മം ആ ബ്ലോഗ്
soochikaയില്‍ പ്രത്യക്ഷപ്പെടുകയില്ല.

മാത്രമല്ല Block ചെയ്ത Blogല്‍ നിന്നും എല്ല postകളും, commentകളും അഴിച്ചുകളയുകയും ചെയ്യുന്നതായിരിക്കും.

Soochika സൂചിക

2008-03-19T19:09:00.001Z

ചില സുഹൃത്തുക്കളുടെ നിര്‍ദ്ദേശങ്ങള്‍ അനുസരിച്ച ആവശ്യമുള്ള ചില മാറ്റങ്ങള്‍ വരുത്തിയിട്ടുണ്ട്.

1) ഇപ്പോള്‍ "നിങ്ങളുടെ ബ്ലോഗ് ചേര്‍ക്കു" എന്ന linkല്‍ അമര്ത്തിയാല്‍ ചേര്‍ക്കാനുള്ള ബ്ലോഗിന്റെ എണ്ണം എടുത്ത മാറ്റി. ബ്ലോഗ് ലേഖനങ്ങളോടൊപ്പം 500 പഴയ ലേഖനങ്ങളും 500 പിന്മൊഴികളും ചേര്‍ക്കുന്നതാണു്.

2) സൂചിക പലരും ഒരു aggregator ആയി ഉപയോഗിക്കുന്നുണ്ട് എന്ന് അറിയിന്നു. ഇപ്പോള്‍ Feed ശേഖരിക്കുന്നതിന്‍റെ cycle time 15 മിനിട്ടാണു്. ഇത് ഒരു നല്ല സംവിധാനമല്ല എന്ന് ഞാന്‍ കരുതുന്നു. ഈ പ്രശ്നം ഒഴിവാക്കാന്‍. താല്പര്യമുള്ളവര്‍ ഓരോരുത്തരും ഒരു Widget സ്വന്തം ബ്ലോഗില്‍ ചേര്ത്താല്‍ ബ്ലോഗ് സന്ദര്‍ശകര്‍ ആ ബ്ലോഗുകള്‍ സന്ദ്രശിക്കുന്ന ഉടന്‍ തന്നെ Feed update ആകും. ഞാന്‍ soochika host ചെയ്യുന്ന serverന്റെ processor loadഉം trafficഉം കുറയുകയും ചെയ്യും. ഈ വിധത്തില്‍ processing distribute ചെയ്യാനും സാധിക്കും. എല്ലാ processingഉം ഒരു serverല്‍ സൂക്ഷിക്കുന്നതിനേക്കാള്‍ സമൂഹം മുഴുവനും ഈ ക്രിയ ചെയ്യുന്നതല്ലെ അതിന്റെ demoകുന്ത്രാഫിക്കേഷന്‍.

3) കട്ടും മോട്ടിച്ചും ഉണ്ടാക്കിയ ചില ബ്ലോഗുകള്‍ soochikaയില്‍ നിന്നും ഇപ്പോള്‍ നിരോധിച്ചിട്ടുണ്ട്. മാത്രമല്ല blog സ്വഭാവമില്ലാത്ത ചില ബ്ലോഗുകളും നിരോധിച്ചിട്ടുണ്ട്. ഉദാഹരണം

a) ബ്ലോഗ് 'മുയ്മനും' അച്ചടിച്ച് മാസികകള്‍ scan ചെയ്ത് വെച്ചിരിക്കുന്ന blogകള്‍
b) മലയാളികള്‍ മലയാളത്തില്‍ അല്ലാതെ 'മൊണ്ടി' ഇങ്ക്ലീഷിലും മങ്ക്ലീഷിലും എഴുതുന്ന blogകള്‍.
c) മറ്റ് മാദ്ധ്യമങ്ങളില്‍ നിന്നും ലേഖനങ്ങള്‍ കഷ്ടപ്പെട്ട CTRL+C / CTRL+V അടിച്ച ഒപ്പിച്ച blogകള്‍.

soochikaയില്‍ ബ്ലോഗുകള്‍ വരണമോ വേണ്ടയോ എന്നുള്ള തീരുമാനം തല്ക്കാലം soochika പടച്ചവനായ ഈ ഞാന്‍ ആണു തീരുമാനിക്കുന്നത്. ഭാവിയില്‍ ഈ തീരുമാനം voteingലൂടെ നിങ്ങള്‍ക്ക് തീരുമാനിക്കാന്‍ വിട്ടുതരുന്നതിനെ കുറിച്ച് വേണമെങ്കില്‍ ആലോചിക്കാം.

4) ഏറ്റവും പുതിയ ബ്ലോഗുകള്‍ എന്ന ഒരു പുതിയ link ചേര്ത്തിട്ടുണ്ട്.

5) സന്ദര്‍ശകനു് soochika വിട്ട് പുറത്തു പോകാന്‍ ഇപ്പോള്‍ രണ്ട് വഴികള്‍ മാത്രമെ കൊടിത്തിട്ടുള്ള 1) ലേഖനത്തിലുള്ള link വഴി. 2) പിന്മൊഴിയിലുള്ള link വഴി. ഈ രണ്ട് linkകുകളും ഒരു clickthru script കഴിഞ്ഞശേഷമാണു് പുറത്തേക്ക് പോകുന്നത്. ഇതു വഴി സന്ദര്‍ശകര്‍ അമര്ത്തി പുറത്തു പോകുന്ന linkഉകളും ശേഖരിക്കാനാവും. അതു വഴി എത്രപേര്‍ ഏത് ലേഖനങ്ങളും, പിന്മൊഴികളും വായിക്കുന്നുണ്ട് എന്നും അറിയാന്‍ കഴിയും. ഇതുവഴി എത്രപേര്‍ ഒരു പിന്മൊഴി വായിക്കുന്നുണ്ട് എന്നും അറിയാന്‍ കഴിയും. soochika അടുത്തു തന്നെ ഈ വിവരവും പ്രസിദ്ധികരിക്കുന്നതായിരിക്കും

6) Page navigation ചേര്ത്തിട്ടുണ്ട്. ഉടന്‍ തന്നെ വിശതമായ searchഉം ചേര്‍ക്കുന്നതാണു്.

XML/RSS feed ഉടന്‍ തന്നെ സൃഷ്ടിക്കുന്നതായിരിക്കും.
നിര്‍ദ്ദേശങ്ങള്‍ അറിയിച്ച, eevuran, sajith, haree, എന്നിവര്‍ക്ക് പ്രത്യേകം നന്ദി പറഞ്ഞുക്കൊള്ളുന്നു.

ഭാരപ്പാ ഇവിടത്തെ ആരവാഹികള്‍?

2008-03-18T05:21:00.000Z

കൂട്ടുകാരേ, നാട്ടുകാരേ, തിത്തിത്താരേ,
ക്ലബ്ബ് മെംബര്‍ഷിപ്പ് എന്ന ത്രെഡ് തുടങ്ങിയത് ഞാനായതുകാരണം മെംബര്‍ഷിപ്പ് വേണമെന്നാവശ്യപ്പെട്ടുള്ള ഈമെയിലുലക്ക് എനിക്ക് ഇപ്പോഴും വന്നുകൊണ്ടേയിരിക്കുകയാണ്‌. ഞാന്‍ ലിതിന്റെ അഡ്മിനല്ലാത്തതുകാരണം മെമ്പ്രഷിപ്പ് കൊടുക്കാന്‍ പ്രിവിലേജ് ഉള്ള ബൂലോഗന്‍ ആരാണെന്ന് കാണാനും മേല. ആരാണു ഉത്തരവാദിത്വത്തില്‍ പെട്ടു കിടക്കുന്നവര്‍ എന്ന് അറിയിച്ചാല്‍ എല്ലാം കൂടെ ഫോര്വേര്‍ഡ് ചെയ്യാമായിരുന്നു, അതുപോലെ മെംബര്‍ഷിപ്പ് പോസ്റ്റ് ഒന്നു പുതിക്കി ഇനി ആരെ കോണ്ടാക്റ്റ് ചെയ്യണം എന്നു കാണിച്ച് ഇട്ടാല്‍ ബ്ലോഗന്മാര്‍ തപ്പിത്തപ്പി നടക്കേണ്ടിയും വരത്തില്ല.

അതുപോലെ കൈപ്പള്ളിയുടെ സ്റ്റാറ്റിസ്റ്റിക്സു പിടി യന്ത്രത്തില്‍ ക്ലബ്ബ് വലിയ ആക്റ്റീവിറ്റി ഉള്ള സ്ഥലമാണെന്ന് കാണുന്നു, അഡ് ബാനര്‍ വല്ലോം ഇട്ടാല്‍ ബൂലോഗ കാരുണ്യത്തിനോ അതുപോലെ വല്ല ചാരിറ്റിക്കോ ചുമ്മ കാശും പിരിഞ്ഞു കിട്ടും (നിര്‍ദ്ദേശമൊന്നുമല്ല, ഐഡിയ ആര്‍ക്കും ഉദിക്കാമല്ലോ.)

അലിയുടെലോകം

2008-03-17T16:27:00.000Z

അലിയുടെലോകം
ഹരിത കെ. വി,
പത്താം തരം
ഒരു ഇറാനിയന്‍ ചിത്രമാണെന്നറിഞ്ഞപ്പോള്‍ അതു കാണാനുള്ള താല്‍പര്യത്തിനു പകരം ഒരു തരം തമാശയായിരുന്നു എന്റെ മനസ്സില്‍. ഇംഗ്ലീഷ്‌ സിനിമയോ ഹിന്ദി സിനിമയോ ആണെങ്കില്‍ അത്യാവശ്യം മനസ്സിലാവും. ഒരു ഇറാനിയന്‍ സിനിമ കണ്ട്‌ എന്ത്‌ കിട്ടാനാണ്‌. ആ ഭാഷയെ അക്ഷരമോ ഒന്നും അറിയില്ല.എന്നാല്‍ സിനിമയ്ക്കോ ആസ്വാദകര്‍ക്കോ ഭാഷ തടസ്സമാകുന്നില്ല എന്ന്‌ ഞാനറിഞ്ഞത്‌ ചില്‍ഡ്രന്‍ ഓഫ്‌ ഹെവന്‍ എന്ന ചിത്രത്തിലൂടെയാണ്‌. അടുത്തിരിക്കുന്നവര്‍ അവേശം കൊള്ളുമ്പോള്‍, കണ്ണീരുതിര്‍ക്കുമ്പോള്‍. ഏന്റെ കണ്ണൂകളും അറിയാതെ നിറയുമ്പോള്‍ ഞാനറിഞ്ഞു ഭാഷ സിനിമയുടെ പ്രധാനപ്പെട്ട ഘടകമല്ലെന്ന്‌. ക്യാമറയാണ്‌ യഥാര്‍ത്ഥ ഭാഷയെന്ന്‌. നമ്മുടെ ജീവിതത്തിലെ ഒരു നിസ്സാര സംഭത്തില്‍ നിന്ന്‌ അതിമനോഹരമായി പുരോഗമിക്കുന്ന സിനിമയാണ്‌ മജീദ്‌ മാജിദിയുടെ സ്വര്‍ഗത്തിലെ കുട്ടികള്‍. ആരെയും ആകര്‍ഷിക്കുന്ന ഒരു ചെറിയ വലിയ സിനിമ........................................................സിനിമ തുടങ്ങുന്നതു മുതല്‍ അവസാനിക്കുന്നതു വരെ നാം ചുറ്റുപാടുള്ളതെല്ലാം മറന്നു പോകുന്നു. നമ്മുടെ ലോകം അലിയുടെ ലോകമാണ്‌. ഇലിടെ നാം അറിയാതെ അലിയായി മാറുന്നു.

ഒരു പുതിയ ബ്ലോഗ്

2008-03-17T08:52:00.003Z

എന്റെ നാടിനും നാട്ടാര്‍ക്കും വേണ്ടി ഒരു ബ്ലോഗ്...

പുത്തന്‍‌ചിറ വിശേഷങ്ങള്‍.

സസ്നേഹം,

-സുധീര്‍

പാവം ബെര്‍ളി തോമസ്‌

2008-03-13T12:21:00.010Z

ഇന്നത്തെ ഫ്ലാഷില്‍ വന്നത്‌
ബര്‍ളിയുടെ പോസ്റ്റ്‌ ഇതാ

കുവൈറ്റ് ബ്ലോഗ് മീറ്റിനെ കുറിച്ചൊരാലോചന...

2008-02-27T01:00:00.001Z

UAE, ബഹ്റൈന്‍, മലബാര്‍, ബാങ്ക്ലൂര്‍, എറണാകുളം ബൂലോക മീറ്റ്...

ഈ എല്ലാ സൗഹൃദ സംഗമങ്ങളും സന്തോഷത്തോടെ വിജയകരമായി നടത്തപ്പെടുകയും ബൂലോകത്തെ മറ്റുള്ളവര്‍ ആ നല്ല നിമിഷങ്ങള്‍ ചിത്രങ്ങളിലൂടെയും കുറിപ്പുകളിലുടെയും ആസ്വദിക്കുകയും ചെയ്തു...

അഗ്രജന്‍ പറഞ്ഞത് പോലെ വെറുതെ ഒന്ന് ഒന്നിച്ച് കൂടി പരിചയം പുതുക്കി പിരിയുന്നത് കൊണ്ട് ബൂലോകം ഇടിഞ്ഞു വീഴുകയൊന്നുമില്ലെന്ന് അറിയുന്നവര്‍ വീണ്ടും വീണ്ടും ഒത്ത് കൂടുന്നു. നര്‍മ്മത്തിന്റെയും സ്നേഹത്തിന്റെയും ഏതാനും നിമിഷങ്ങള്‍ പങ്കുവച്ച് എന്തെങ്കിലും കൊറിച്ച് പിരിയുന്നു..

നല്ല സൗഹൃദങ്ങള്‍ ദൈവത്തിന്റെ വരദാനം തന്നെ. ജനിച്ചു വീഴുമ്പോള്‍ കൂടെപ്പിറപ്പുകളെ പോലെ ലഭിക്കുന്നതല്ലെങ്കിലും നല്ല സുഹൃത്തുക്കള്‍ ജീവിത യാത്രയില്‍ പലപ്പോഴും പലയിടത്തു നിന്നും ലഭിക്കുന്നതും പിന്നെ കൂടപ്പിറപ്പുകളെ പോലെ ആയി തീരുന്നതും ആണ്. അത് ബൂലോകത്തായാലും ശരി.

കുവൈത്തില്‍ ഒരുപാട് ബ്ലോഗര്‍മാര്‍ സജീവമായി ബൂലോകത്തുണ്ട് അതിലും എത്രയോ ഇരട്ടി ബ്ലോഗ് വായനക്കാര്‍ കുവൈത്തില്‍ നിന്നും ഉണ്ട്. അക്ഷരങ്ങളിലൂടെ മാത്രം പരസ്പരം പരിചയപ്പെട്ട കുവൈത്തിലുള്ള എല്ലാവര്‍ക്കും ഒന്ന് ഒത്തു കൂടി നേരില്‍ പരിചയപ്പെട്ട് എന്നും ഓര്‍മ്മിക്കുവാന്‍ സൗഹൃദത്തിന്റെ ചില നല്ല നിമിഷങ്ങള്‍ സൃഷ്ടിക്കാം.

ഇതൊരനിവാര്യതയാണോ..? ആണെങ്കില്‍ എന്ന് ?, എവിടെ ?, എപ്പോ ?, എന്നതിനെ കുറിച്ച് നിങ്ങളുടെ അഭിപ്രായങ്ങള്‍ ഇത് വായിക്കുന്ന കുവൈറ്റിലുള്ള എല്ലാവരും കമന്റായി അറിയിക്കുമല്ലോ. ഒപ്പം മറ്റ് ബ്ലോഗ് മീറ്റുകള്‍ സംഘടിപ്പിച്ചവരും അതില്‍ പങ്കെടുത്തവരും അവരുടെ അനുഭവത്തില്‍ നിന്നുള്ള ഉപദേശ നിര്‍ദേശങ്ങളും കമന്റിലൂടെ അറിയിക്കുമല്ലോ..

വെട്ടുകിളികള്‍ ബ്ലോഗെഴുതിയാല്‍...

2008-02-22T21:04:00.002Z

ബൂലോകവും ബ്ലോഗും പിന്നെ വെട്ടുകിളികളും കൂടുതല്‍ പ്രിന്റ് മീഡിയകളിലേയ്ക്ക് വ്യാപിച്ചു കൊണ്ടിരിക്കുന്നു...!

ഫെബ്രുവരി 21 ലെ ഇന്ത്യാ ടുഡെ യില്‍ വന്ന ഒരു റിപ്പോര്‍ട്ട്...

വീണ്ടും മോഷണം

2008-02-13T17:44:00.009Z

ദാണ്ടെ ഇവര്‍ എന്റെ Photo അനുവാദം ഇല്ലാതെ അവരുടെ മാസികയില്‍ എടുത്തിട്ടിരിക്കുന്നു.

നിയമ വശങ്ങള്‍ അറിയാവുന്നവര്‍ ഇത് വായിക്കുന്നുണ്ടെങ്കില്‍ സഹായിക്കുക. മാസികയിലെ വിഷയത്തേക്കാള്‍ ചിത്രം മോഷ്ടിച്ചതാണു് ഇവിടെ എനിക്ക പ്രശ്നം. എന്റെ ബ്ലോഗില്‍ Footerല്‍ വളരെ വ്യക്തമായി Copyright Notice എഴുതിയിട്ടുണ്ട്.

© Nishad H. Kaippally 2007. All Rights Reserved. All material, including Photographs, audio and images created or otherwise, displayed in this Blog are the sole property of Nishad Hussain Kaippally. Written consent should be obtained from Nishad H Kaippally before re-producing the same.

ഇനി അറിയാനുള്ള കാര്യങ്ങള്‍ ഇത്രമാത്രം

1) ബ്ലോഗില്‍ നിന്നും ചീത്രങ്ങള്‍ അനുവാദമില്ലാതെ ഉപയോഗിക്കുന്നത് കുറ്റകരമാണോ.
2) ഇതിനു നിയമപരമായി എന്താണു് ചെയ്യാന്‍ കഴിയുക.
3) ഞാന്‍ എന്താണു ചെയ്യേണ്ടത്?

വീണ്ടും പറയുന്നു. മാസികയില്‍ പറയുന്ന വിഷയമല്ല ചര്‍ച്ചാ വിഷയം. അനുവാദമില്ലാതെ ചിത്രം ഉപയോഗിച്ചതാണു്.

-------
update
പേടിച്ച് ചൊത്രം മാറ്റിയതിനാല്‍ അതിന്റെ PDF ഇവിടെ
All content in the above link to the PDF document (With the exception of My photograph of the burining magazine") is the sole property of Satarday Digest

NRI കള്‍ പ്രതികരിക്കണം

2008-02-13T15:08:00.003Z

സ്വതന്ത്ര മലയാളം ബ്ലോഗിംഗ് പ്രിന്റ് മീഡിയകള്‍ക്ക് ദഹിക്കില്ല. അതിനൊരുദാഹരണമായിരുന്നല്ലോ എം.കെ.ഹരികുമാര്‍ ബ്ലോഗുകളെപ്പറ്റി മോശമായ രീതിയില്‍ കലാകൗമുദിയിലെ അക്ഷരജാലകത്തിലൂടെ പ്രസിദ്ധീകരിച്ചത്. ഇപ്പോഴിതാ ഹരികുമാറിനെ വാനോളം പുകഴ്തി എന്‍ആര്‍ഐകള്‍ക്കെതിരെ ആഞ്ഞടിക്കുന്നു.
പ്രതികരിക്കുക!!!!
ക്ലിപ്പിനുള്ളില്‍ ആംഗലേയത്തില്‍ കമെന്റുകള്‍ രേഖപ്പെടുത്തുക.

ബൂലോകത്ത് നിന്നും കലാകൌമുദിക്ക് ഖേദപൂര്‍വ്വം.

2008-01-30T20:29:00.000Z

എം.കെ.ഹരികുമാര്‍ കലാകൌമുദിയിലെ തന്റെ “അക്ഷരജാലകം” എന്ന കോളത്തില്‍ എഴുതിയിട്ട മലയാള ബ്ലൊഗിങ്ങിനെ കുറിച്ചുള്ള ചോദ്യോത്തരമാണ് ഇത്. ബ്ലോഗിങ്ങിനെ കുറിച്ച് പറഞ്ഞറിഞ്ഞ് മലയാള ബ്ലോഗിങ്ങിലേക്ക് കടന്നു വരുന്ന ആര്‍ക്കും ആദ്യം ഒരു സ്ഥല ജല ഭ്രമം ഉണ്ടാവുക സ്വാഭാവികമാണെങ്കിലും ബൂലോകര്‍ ഒരേ മനസ്സോടെ പുതുമുഖങ്ങളെ ഹൃദയപൂര്‍വ്വം ബ്ലോഗിങ്ങ് എന്ന അതിരുകള്‍ക്കതീതമായ ആശയപ്രകാശന മാധ്യമത്തിലേക്ക് സ്വാഗതമോതുകയാണ് പതിവ്. എങ്ങിനെ ബ്ലോഗിന്റെ സെറ്റിങ്ങുകള്‍ ശരിയാക്കാം എന്ന് തുടങ്ങി എവിടെയൊക്കെ തങ്ങളുടെ ബ്ലോഗ് വായനക്കാരെ കാത്തിരിക്കുന്നു എന്ന് വരെ വിശദീകരിക്കുന്ന സഹായ പോസ്റ്റുകളും കമന്റുകളുമായി ബൂലോകര്‍ പുതുതായി ബ്ലോഗിങ്ങിലേക്ക് വരുന്നവരെ തുറന്ന ഹൃദയത്തോടെ സ്വീകരിക്കുകയെന്നതാണ് ബൂലോക വഴക്കം. എം.കെ.ഹരികുമാര്‍ എന്ന ഒരു ബ്ലൊഗറുടെ ആഗമനത്തേയും അതേ ഊഷ്മളതയോടെയും സ്നേഹത്തോടെയും ബൂലോകത്തേക്ക് സ്വാഗതം ഓതിയതിന് അദ്ദേഹത്തിന്റെ ആദ്യ പോസ്റ്റുകള്‍ തന്നെ ഉദാഹരണങ്ങളാണ്. പുതുതായി ഒരാള്‍ ബ്ലോഗ് തുടങ്ങുന്നതിനെ മലയാളം ബ്ലോഗിങ്ങ് അത്രയും കൂടി വളര്‍ന്നിരിക്കുന്നു എന്ന് ചിന്തിക്കുന്നവരാണ് ഇന്ന് മലയാള ബ്ലൊഗിങ്ങില്‍ നിറഞ്ഞ് നില്‍ക്കുന്നവര്‍ എല്ലാവരും തന്നെ.

കാര്യങ്ങള്‍ ഇങ്ങിനെയായിരിക്കേ “പുതുതായി വരുന്ന ബ്ലോഗുടമകളെ, ഇക്കൂട്ടര്‍ നിരന്തരമായി പിന്തുടര്‍ന്ന് കമന്റുകള്‍ ഇട്ട് ഒന്നുകില്‍ കീഴ്പ്പെടുത്തുകയോ, തകര്‍ക്കുകയോ ചെയ്യാം...” എന്ന പ്രസ്താവന ഉന്നയിക്കാന്‍ എം.കെ.ഹരികുമാറിനെ പ്രേരിപ്പിച്ച ഘടകം എന്താണെന്ന് മലയാള ബ്ലൊഗിങ്ങുമായി ബന്ധമുള്ള ഏവര്‍ക്കും തിരിച്ചറിവുള്ളതാണ്. പക്ഷേ ബൂലോകത്ത് നടന്ന ഹരികുമാറിന്റെ ഗിമ്മിക്കുകളെ കുറിച്ച് ഏതെങ്കിലും തരത്തിലുള്ള സൂചനകള്‍ ഇല്ലാത്തവര്‍ അദ്ദേഹത്തിന്റെ ബ്ലൊഗിങ്ങിനെ കുറിച്ചെഴുതിയ കുറിപ്പ് തെറ്റിദ്ധാരണയുണ്ടാക്കും.

“ബ്ലോഗില്‍ കവിതയോ കഥയോ എഴുതുന്നവരെ ആരും ഗൌരവത്തിലെടുക്കാത്ത സാഹചര്യമാണ് ഇപ്പോഴുള്ളത്. എത്രയും വിലകുറഞ്ഞ കാര്യങ്ങള്‍ ആഭാസപൂര്‍വ്വം പറയാമെന്ന മത്സരം ബ്ലോഗില്‍ നടക്കുന്നു...” എന്നരീതിയില്‍ അദ്ദേഹം ബൂലോകത്തെ നിരീക്ഷിക്കുന്നിടത്ത് ഹരികുമാറിന്റെ ബ്ലോഗിങ്ങിനെ കുറിച്ചുള്ള തികച്ചും ബാലിശമായ ധാരണകള്‍ പുറത്തേക്ക് വരുന്നു എന്നതിനും പുറമേ ബൂലോകത്തെ ഏതെങ്കിലും രചനകളെ ക്രിയാത്മകമായോ വിമര്‍ശനാത്മകമായോ സമീപിക്കുന്നതില്‍ പരാജയപ്പെട്ടിരിക്കുകയും ചെയ്തിരിക്കുന്നു എന്നും മനസ്സിലാക്കാന്‍ പ്രയാസമൊന്നുമില്ല. കുരുടന്‍ കണ്ട ആനയെ പോലെ ഹരികുമാര്‍ ബ്ലോഗിങ്ങിനെ കണ്ടതില്‍ മലയാളത്തില്‍ ബ്ലോഗ് ചെയ്യുന്നവര്‍ ആരും ഒരു തരത്തിലും തെറ്റുകാരാ‍കുന്നില്ല.

ഹരികുമാര്‍ തന്റെ ബ്ലോഗിലേക്ക് ആളെ കൂട്ടാന്‍ “ഗിമ്മിക്കുകള്‍” തുടങ്ങിയപ്പോള്‍ മുതല്‍ ബ്ലോഗിങ്ങിന്റെ നല്ല വശങ്ങളെ കുറിച്ച് ആധികാരികാരികമായി സംസാരിക്കാന്‍ കഴിയുന്നവര്‍ ബ്ലോഗിങ്ങിന്റെ തത്വങ്ങളെ കുറിച്ചും ബ്ലോഗ് നല്‍കുന്ന സീമാതീതമായ ആശയപ്രകാശന സൌകര്യത്തെ കുറിച്ചുമൊക്കെ അദ്ദേഹത്തെ പലവുരു ഓര്‍മ്മപ്പെടുത്തുകയും ഗിമ്മുക്കുകളില്‍ നിന്നും പിന്‍‌വാങ്ങി നല്ല എഴുത്തിലേക്ക് തിരിച്ച് വരണമെന്ന് അഭ്യര്‍ത്ഥിക്കുകയും ചെയ്തെങ്കിലും ആ അഭിപ്രായ പ്രകടനങ്ങളെ ഒക്കെയും വിമര്‍ശനങ്ങളായി കണ്ട് വിമര്‍ശനങ്ങളെ പിന്നെ ശത്രുതയായും മാറ്റി ഹരികുമാര്‍ ബൂലോകത്തോട് യുദ്ധം പ്രഖ്യാപിക്കുകയായിരുന്നു. കൊടുക്കുന്നവന്‍ വാങ്ങാനും തയ്യാറായിരിക്കണം എന്ന ബൂലോക തത്വം പാടെ തള്ളിയ ഹരികുമാര്‍ ഞാന്‍ ശരിയാണ്, ഞാനാണ് ശരി, ഞാന്‍ മാത്രമാണ് ശരി മറ്റെല്ലാവരും തെറ്റാ‍ണ് എന്ന സ്വത സിദ്ധമായ ശൈലിയില്‍ ഉറച്ച് നിന്നു. മുഖ്യധാരാ മാധ്യമ സംസ്കാരത്തില്‍ ഒരു പക്ഷേ ചോദ്യം ചെയ്യപ്പെടാത്ത ഈ നിലപാട് ബ്ലോഗില്‍ വിലപോവില്ലല്ലോ. അങ്ങിനെ അങ്ങാടിയില്‍ തോറ്റതിന് കൌമുദിയില്‍ മറുപടി എഴുതിയ ഹരികുമാര്‍ അദ്ദേഹത്തിന്റെ ഭീരുത്വത്തെയാണ് വെളിവാക്കിയത്.

തിരിച്ചൊന്നും കേള്‍ക്കേണ്ടി വരാത്തിടത്ത് തന്റെ നിലപാടുകള്‍ വികൃതമായി അവതരിപ്പിക്കാന്‍ ഹരികുമാര്‍ ശ്രമിച്ചിരിക്കുന്നതിനെ അദ്ദേഹത്തിന്റെ ശൈലിയായി കണ്ടു നമ്മുക്ക് പ്രതികരിക്കാതിരിക്കാം. പക്ഷേ മലയാളത്തിലെ ഒരു മാധ്യമത്തില്‍, മലയാളത്തിന്റെ മഹത്വം കെടാതെ സൂക്ഷിക്കാന്‍ ചെറുതെങ്കിലും തങ്ങളെ കൊണ്ട് കഴിയാവുന്ന തരത്തില്‍ ശ്രമിക്കുന്ന ഒരു പുതു മാധ്യമത്തിനെതിരേ -അത് ഒരു കോളത്തിലാണെങ്കില്‍ കൂടി-വന്ന ഒരു അപവാദത്തെ കണ്ടില്ലാ എന്ന് നടിച്ചു കൂട.

ഹരികുമാറിന്റെ ബൂലോക പ്രവേശം തന്നെ മലയാള ബ്ലൊഗിങ്ങിനെ തെറ്റായി വ്യാഖ്യാനിക്കാനുള്ള പുറപ്പാടായിട്ടേ കാണാന്‍ കഴിയുന്നുള്ളൂ. ഹരികുമാര്‍ ബൂലോകത്ത് കാട്ടി കൂട്ടിയ വിവരക്കേടുകളും വിക്രിയകളും തിരിച്ചറിയാതെ അദ്ദേഹത്തിന്റെ കോളത്തില്‍ കൂടിയാണെങ്കില്‍ കൂടിയും കലാകൌമുദിയില്‍ മലയാള ബ്ലോഗ് സമൂഹത്തെ അടച്ച് ആക്ഷേപിക്കുന്ന തരത്തില്‍ ഒരു കുറിപ്പ് വന്നതിനെ അപലപിക്കേണ്ടിയിരിക്കുന്നു. ഹരികുമാറിനെ തിരുത്തുകയോ അദ്ദേഹത്തോട് പ്രതിഷേധം അറിയിക്കുകയോ ഈ പോസ്റ്റിന്റെ ലക്ഷ്യമേയല്ല. പക്ഷേ നിരുത്തരവാദപരമായി മലയാള ബ്ലോഗ് സമൂഹത്തെ കരിവാരി തേക്കാന്‍ കലാകൌമുദി ഹരികുമാറിന് കൂട്ടു നിന്നതിനെ നിസ്സാരമായി കാണാന്‍ കഴിയില്ല.

ഭാര്യയും ഭര്‍ത്താവും, മാതാവും പിതാവും, ജ്യേഷ്ടനും അനുജനും, അനുജത്തിയും ജ്യേഷ്ടത്തിയും, ആങ്ങിളയും പെങ്ങളും ഒക്കെ ഒരുമിച്ചിരിന്ന് എഴുതുകയും വായിക്കുകയും ചെയ്യുന്ന, മറന്ന വായന കുറേശ്ശെയെങ്കിലും തിരിച്ച് കൊണ്ട് വരാന്‍ സഹായിക്കുന്ന മലയാള ബ്ലോഗിങ്ങിന്റെ ശുദ്ധമായ സംസ്കാരത്തെ ഇന്റെര്‍നെറ്റിലെ അസ്സഭ്യങ്ങളുമായി ഹരികുമാര്‍ ചേര്‍ത്ത് വെച്ചത് കലാകൌമുദിയില്‍ അടിച്ച് വന്നു എന്നുള്ളത് ഖേദകരമാണ്.

ഹരികുമാര്‍ ബൂലോകത്ത് എതിര്‍ക്കപ്പെടാനിടയായതില്‍ ബ്ലോഗറന്മാരുടെ ഭാഗത്ത് നിന്നും ഏതെങ്കിലും തരത്തിലുള്ള ശ്രമങ്ങളോ ലോബിയിങ്ങോ ഉണ്ടായിട്ടുണ്ട് എങ്കില്‍ അതും ചര്‍ച്ച ചെയ്യപ്പെടണം. ബൂലോകത്തെ കുറിച്ച് ഹരികുമാറിനുള്ള ഏറ്റവും ശക്തമായ എതിര്‍പ്പ് അനോനിമസം ആണല്ലോ? അനോനിമസം ബ്ലോഗിങ്ങിന്റെ ആത്യന്തികമായ സാധ്യതയാണെന്ന് തിരിച്ചറിയാന്‍ ഹരികുമാറിന് കഴിയാത്തിടത്താണ് അദ്ദേഹം കുഴങ്ങിയത്. ബ്ലൊഗിങ്ങിനെ കുറിച്ച് അത് മുന്നോട്ട് വക്കുന്ന സാധ്യതകളെ കുറിച്ച് പഠിക്കാന്‍ ഹരികുമാറിന് കഴിയില്ല. കമന്റ് ഓപ്ഷന്‍ അടച്ചിട്ടിട്ട് ബ്ലൊഗ് ചെയ്യുന്നിടത്ത് ഒരു ബ്ലോഗര്‍ എന്ന നിലക്കെങ്കിലും ഹരികുമാര്‍ പരാജയപ്പെടുകയായിരുന്നു.

മുഖ്യധാരാ മാധ്യമത്ത് നിന്നു കൊണ്ട് ബ്ലോഗിങ്ങിന്റെ നല്ല വശങ്ങളെ നന്നായി ഉപയോഗിക്കുന്നവരാലും സമ്പന്നമാണ് ബൂലോകം. സമൂഹത്തിലെ ചെറു ചലനങ്ങളെ വരെ തങ്ങളുടേതായ രീതിയില്‍ വിശകലനം ചെയ്ത് ബ്ലോഗിലെത്തിച്ച് ബൂലോകത്തിന്റെ ശ്രദ്ധാകേന്ദ്രങ്ങളായി നില്‍ക്കുന്ന മാധ്യമ സുഹൃത്തുക്കള്‍ ഒരു തരത്തിലുള്ള ഗിമ്മുക്കുകളും കാട്ടാതെ തങ്ങളുടെ ബ്ലോഗുകളുമായി ബൂലോകത്ത് നിറഞ്ഞു നില്‍ക്കവേയാണ് ഹരികുമാര്‍ ബൂലോകത്തെ തനിക്ക് കഴിയും വിധത്തിലെല്ലാം ചവിട്ടി മെതിച്ചത്. ഇപ്പോള്‍ ചര്‍ച്ച അടച്ചിട്ട പത്രതാളിലേക്ക് മാറ്റുകയും ചെയ്തിരിക്കുന്നു. അതുകൊണ്ട് തന്നെ ബൂലോകത്ത് ഹരികുമാര്‍ ആടിയ കത്തി വേഷം ബൂലോകത്തിന് പുറത്തേക്ക് ചര്‍ച്ചയാക്കപ്പെടണം. അക്ഷരവിരോധത്തിന്റെ അല്പത്വമാണ് കൌമുദിയിലെ അക്ഷരജാലകം എന്ന വസ്തുത തെളിയിക്കാന്‍ അദ്ദേഹം എഴുതിയിട്ട പോസ്റ്റുകള്‍ ധാരാളമാണ്. ബൂലോകത്തെ മാധ്യമ സുഹൃത്തുക്കള്‍ ഇക്കാര്യത്തില്‍ അവര്‍ക്ക് കരുണീയമായത് ചെയ്യണം.

ഹരികുമാര്‍ കണ്ട ബ്ലോഗിലെ പരിമിതികളും തെറ്റുകളും അദ്ദേഹം ഇവിടെ തന്നെ ചര്‍ച്ച ചെയ്ത് ഒന്നുകില്‍ അദ്ദേഹം അദ്ദേഹത്തിന്റെ അഭിപ്രായത്തില്‍ ഉറച്ച് നില്‍ക്കണമായിരുന്നു അല്ലെങ്കില്‍ തെറ്റിദ്ധാരണകള്‍ തിരുത്തണമായിരുന്നു. അല്ലാതെ കലാകൌമുദിയില്‍ ബ്ലോഗിങ്ങിനെ കുറിച്ച് തെറ്റായ നിരീക്ഷണങ്ങള്‍ എഴുതിയിട്ടത് തെറ്റാണ്. ബൂലോകത്ത് അദ്ദേഹം നടത്തിയ അനാരോഗ്യകരമായ ചര്‍ച്ചകള്‍‍ നേരേ ചൊവ്വേ മനസ്സിലാക്കാതെ, ഒരു കോളത്തിലൂടെയാണെങ്കിലും മലയാള ബ്ലോഗിങ്ങിനെ കുറിച്ച് അടിസ്ഥാന രഹിതമായ ഒരു കുറിപ്പിന് കലാകൌമുദി അവസരം ഒരുക്കിയതിനേ കലാകൌമുദിയുടെ ഒരു വായനക്കാരന്‍ എന്ന നിലക്കും ബൂലോകത്തെ ഒരു അംഗം എന്ന നിലക്കും ശക്തമായി അപലപിക്കുന്നു.

മലയാള ബ്ലോഗിങ്ങിന്റെ വളര്‍ച്ചക്ക് കടിഞ്ഞാണിടാന്‍ വിഫല ശ്രമം നടത്തുന്ന ഹരികുമാറിന്റെ ഹിഡന്‍ അജണ്ട ബൂലോകര്‍ മനസ്സിലാക്കണം. ഹരികുമാറിന്റെ നല്ല സര്‍ട്ടിഫിക്കറ്റ് ലഭിച്ചവര്‍ അദ്ദേഹത്തിന്റെ കുരുട്ടു ബുദ്ധി തിരിച്ചറിയണം. ലഭ്യമായ എല്ലാ സൌകര്യങ്ങളും ഫലപ്രദമായി ഉപയോഗപ്പെടുത്തി മലയാള ബ്ലോഗ് സമൂഹത്തിന്റെ ശക്തമായ പ്രതിഷേധവും അമര്‍ഷവും കലാകൌമുദിയിലും മറ്റു മുഖ്യധാരാ മാധ്യമത്തിലും എത്തിക്കാന്‍ നമ്മുക്ക് കഴിയണം.

നാട്ടുഭാഷ്യം

2008-01-29T08:54:00.000Z

പ്രിയ ബൂലോഗ സഖാക്കളേ!

ഞാന്‍ ഒരു പുതിയ ബ്ലോഗ്ഗര്‍ ആണ്.
‘അന്തം വിട്ട ചിന്ന പയ്യന്‍’ (‘new kid on the block')

ഞങ്ങളുടെ നാട്ടില്‍ നിന്നും ഒരു ഇന്‍ലന്‍‌ഡ് മാഗസിന്‍ പ്രസിദ്ധീകരണം
തുടങ്ങിയിരിക്കുന്നു: “ നാട്ടുഭാഷ്യം”. അത് ഈയുള്ളവന്‍ ബ്ലോഗില്‍ എത്തിച്ചിട്ടുണ്ട്:
http://nattubhashyam.blogspot.com/

വായിച്ച് അഭിപ്രായങ്ങള്‍ അറിയിച്ചാലും.

മംഗളാശംസകളോടെ,
- സുധീര്‍.

ഒരു കവിത...

2008-01-29T05:28:00.001Z

ചാക്രികക്രിയകള്‍

And the Case of Mr. Harikumar

2008-01-05T21:06:00.000Z

Dear friends
I strongly feel that the time has come to do this job. And someone had to do this. I hope this is not out of order.

I am sure some of us are aware of one Mr. Harikumar .I am unfamiliar with his 20th century writing medium (also known as the print medium). I am more interested in what he has to contribute to the community and to the world at large. We being an informal collection of thinkers, writers and crackpots have welcomed such individuals into our fold before with open arms. Somehow this time things have gone terribly wrong. I do not want to get into the details of hows and whos and the whys. Believe it or not, but there exists certain unwritten codes of conduct on the blog. Paramount among this is the right to freedom and the obligation to respect the others freedom. Mr. Harikumar was not aware of the democratic nature of the Internet. nor was he aware of the socio-political landscape of the ബൂലോകം.

He is someone who stumbled into the Malayalam blog with a rather poor understanding of its workings. He took the liberty to equate this populace with his existing captive audience. We should remember that he works for an institution that has difficulty accepting the idea that the prominence of ink on paper is fast fading. Mr. Harikumar's outcry is only a symptom of this much larger issue. He has unknowingly become an unfortunate victim of the pampered and encapsulated condition provided by the miserably primitive publishing and print industry in our country.

I would request my fellow bloggers to show restraint for a moment while Mr. Harikumar recuperates from the wounds sustained by his unexpected "blog shock". Yes my friend there is such a thing called "blog shock". Its a state of shock sustained by unwary Mallu writers when they are confronted by the real readers of their writing on the Blog. If my memory serves me well, there hasn't been a case this severe.

If he continues to be entertained in this manner, he may quit the blog altogether. He will return to his day job and bad mouth this very young collection of thinkers, writers and crackpots. That , my friends, will not do us good. Let him stay. Let him read some of the finer works created by our collective. Let him appreciate this wonderful medium. Give him an opportunity to learn the mechanics of this system. Let him see the highs and lows of our creations.

And to you Mr. Harikumar: Your opinions are important, just like mine, his and theirs. But they are not final. Its an ongoing process. We are not here to compete on knowledge. We are here to share. I honestly believe this sudden acclimatization to Web 2.0. will dawn on you soon. Perhaps the coming months (or years) may fine tune you to be a better writer than what you were. I wish you luck.

ഫോട്ടോഷോപ്പ് പഠനവും പ്രയോഗവും

2007-12-30T08:44:00.000Z

ശ്രീ അച്ചുത് ശങ്കര്‍ ഐ.ടി@സ്കൂള്‍ ഡയറക്ടര്‍ അന്‍വര്‍ സാദത്തിന് പുസ്തകം നല്‍കി
കൂടുതല്‍ ചിത്രങ്ങള്‍

ഒരു അറിയിപ്പ്!

2007-12-16T09:30:00.000Z

നമ്മുടെ സഹബ്ലോഗര്‍ തറവാടി യുടെ ജ്യേഷ്ഠസഹോദരന്‍ മരണപ്പെട്ട വിവരം സുഹൃത്തുക്കളെ അറിയിക്കുന്നു.

പരേതന് വേണ്ടി പ്രാര്‍ത്ഥിക്കുന്നതോടൊപ്പം കുടുംബാംഗങ്ങളുടെ ദുഃഖത്തില്‍ പങ്ക് ചേരുന്നു!

പുഴുവിന്‍റെ ബ്ളോഗില്‍ നിന്ന് മോഷണം!!

2007-12-14T04:58:00.000Z

http://puzhu.blogspot.com/2007/12/blog-post_13.html

ബൂലോഗത്ത് വീണ്ടും മോഷണം.
മനോജേ.. കഷ്ടമാണ്‌ കേട്ടോ....ഇല്ലാത്ത നേരമുണ്ടാക്കിയിട്ടാണ്‌ ഇവിടെ ഇവരൊക്കെ ഓരോന്ന് എഴുതിയുണ്ടാക്കുന്നത്. അതിനെ ഇങ്ങനെ ഒരു നാണവുമില്ലാതെ അടിച്ചു മാറ്റരുത്.

ദേശീയ പതാകയുടെ പുതിയ നിര്‍വചനം.!!!

2007-12-12T09:40:00.000Z

"അരിക്കു പകരം കോഴി" ആയിരുന്നു കഴിഞ്ഞ ആഴ്ച നമ്മെ ചിരിപ്പിച്ചത്‌. ഇനി ദേശീയ പതാകയുടെ പുതിയ നിര്‍വചനം കേട്ട്‌ ചിരിക്കാം. ( കരയേണ്ടവര്‍ക്ക്‌ കരയുകയുമാവാം. ). ഇമെയില്‍ വഴി ഒരു സ്നേഹിതന്‍ അയച്ചുതന്നതാണ്‌. സത്യത്തില്‍ ഇത്‌ എന്നില്‍ ചിരി അല്ല ഉണര്‍ത്തിയത്‌.... നിങ്ങളില്‍ ഉണരുന്നത്‌ ഏത്‌ വികാരമായിരിക്കും?

( ദേവേട്ടാ ഇത്തരം ഒരു പോസ്റ്റ്‌ ഇടുന്നതില്‍ എന്തെങ്കിലും അപാകതയുണ്ടോ? ഇത്‌ ആരുടെയെങ്കിലും വികാരങ്ങളെ വ്രണപ്പെടുത്തുമോ? അങ്ങനെയെങ്കില്‍ ഡിലീറ്റ്‌ ചെയ്തുകൊള്ളു. )

e-mail ലോട്ടറി തട്ടിപ്പുകള്‍.

2007-12-07T00:40:00.000Z

e-mail ലോട്ടറി തട്ടിപ്പുകള്‍.

ഇ-മെയില്‍/ഓണ്‍ലൈന്‍ ലോട്ടറി തട്ടിപ്പുമായി ബന്ധപ്പെട്ട്‌ രണ്ടുപേരെ രണ്ടുദിവസം മുന്‍പ്‌ ഡെല്‍ഹിയില്‍ അറസ്റ്റുചെയ്ത വാര്‍ത്ത നിങ്ങളില്‍ പലരും പത്രങ്ങളില്‍ വായിച്ചുകാണും. വിദേശങ്ങളില്‍, പ്രത്യേകിച്ചും മൂന്നാം‍ലോക രാജ്യങ്ങളില്‍ ഇത്തരം തട്ടിപ്പുകള്‍ ധാരാളം നടക്കുന്നുണ്ടെങ്കിലും ഇന്ത്യയില്‍ നിന്നും രണ്ടുപേരെ അറസ്റ്റുചെയ്തത്‌ സൂചിപ്പിക്കുന്നത്‌ ഇത്തരം തട്ടിപ്പുകള്‍ വ്യാപകമായിക്കൊണ്ടിരിക്കുന്നതായാണ്‌. ഡെല്‍ഹിയിലെ ഒരു മനോജ്‌കുമാറിന്‌ പത്തുലക്ഷം ബ്രിട്ടീഷ്‌ പൗണ്ട്‌ ഓണ്‍ലൈന്‍ ലോട്ടറിയായി അടിച്ചെന്നും പറഞ്ഞ്‌ അയാള്‍ക്ക് മെയില്‍ കിട്ടി. അതുപ്രകാരം ആ സംഖ്യ വിട്ടുകിട്ടുന്നതിലേക്കായ നടപടി ചിലവിലേക്ക്‌ 1.47 ലക്ഷം അവര്‍ പറഞ്ഞ ഒരു ബാങ്ക്‌ അക്കൗണ്ടില്‍ നിക്ഷേപിക്കുകയും ചെയ്തു. പിന്നീട്‌ ചില വാര്‍ത്തകളുടെ അടിസ്ഥാനത്തില്‍ സംശയം തോന്നുകയും പോലീസില്‍ ഇയാള്‍ പരാതി നല്‍കുകയും ചെയ്തതിനനുസരിച്ച്‌ ബാങ്ക്‌ അക്കൗണ്ട്‌കാരന്റെ ഉറവിടം തേടിയ പോലീസ്‌, പ്രശാന്ത്‌ എന്നയാളേയും അയാളുടെ കൂട്ടാളി അഭയ്‌-നേയും അറസ്റ്റ്‌ ചെയ്തു. ഇരുവരും ഡെല്‍ഹിയില്‍ ഒരു കാള്‍ സെന്ററില്‍ ജോലി ചെയ്യുന്നവര്‍. ഇവരെ ഇത്തരം പ്രവര്‍ത്തികള്‍ക്ക്‌ പ്രേരണ നല്‍കിയതോ ഒരു നൈജീരിയക്കാരനും അയാളുടെ കൂട്ടാളി ഒരു ഇന്ത്യാക്കാരനും.

ഇത്തരം ഫ്രാഡ്‌ ഇ-മെയിലുകള്‍ ധാരാളം വരാറുണ്ട്‌. ആദ്യമാദ്യം തുറന്നു നോക്കുമായിരുന്നു. പിന്നെ, ഇതുപോലുള്ളവ spam ആയി മാര്‍ക്ക്‌ ചെയ്ത്‌ കളയും. യാഹൂ മെയിലില്‍ ആണ്‌ ഇത്തരത്തിലുള്ളവ കൂടുതലും വരുന്നത്‌. ജീ-മെയിലില്‍ നല്ല ഫില്‍ട്ടര്‍ സംവിധാനം ഉള്ളതുകൊണ്ട്‌ തീരെ ഇല്ലെന്നുതന്നെ പറയാം. ജി-മെയില്‍ വരുന്നതിന്‌ എത്രയോ മുന്‍പ്‌ യാഹൂ-വും ഹോട്ട്‌മെയിലും ഉള്ള സമയത്തുള്ള അക്കൗണ്ട്‌ ആയതുകൊണ്ടും, ഫ്ലിക്കറിന്‌ ആവശ്യമുള്ളതുകൊണ്ടും യാഹൂ-മെയില്‍ നിലനിര്‍ത്തിപോരുന്നു. ഇന്‍ബോക്സിലെത്തുന്ന അനാവശ്യ മെയിലുകള്‍ ഡിലിറ്റ്‌ ചെയ്തിട്ടും കാര്യമില്ല, സ്പാം മാര്‍ക്ക്‌ ചെയ്യണം. ആവശ്യമില്ലാത്തവ സ്പാം മാര്‍ക്ക്‌ ചെയ്തിട്ട്‌ പോലും പുതിയവ ആഴ്ചയില്‍ 10-15 എണ്ണമെങ്കിലും ഇന്‍ബോക്സില്‍ കയറിക്കൂടും. സ്പാം മെയിലില്‍ ബോക്സില്‍ നേരിട്ട്‌ എത്തുന്നവ ആഴ്ചയില്‍ ഒരു 400 എണ്ണമെങ്കിലും കാണും. ഇത്തരത്തിലുള്ളവ യാഹൂ മെയില്‍ അക്കൗണ്ട്‌ ഉള്ള നിങ്ങള്‍ക്കും കിട്ടുന്നുണ്ടാവും.

ഇനി, ചില തട്ടിപ്പ്‌ ഇ-മെയിലുകള്‍:

തട്ടിപ്പ്‌ ഇ-മെയിലുകള്‍ പല തരത്തിലുള്ളവയാണ്‌. നൈജീരിയ തുടങ്ങിയ ആഫ്രിക്കന്‍ രാജ്യങ്ങളില്‍ നിന്നും വരുന്നവ ശുദ്ധ തട്ടിപ്പാണെന്ന് ഒറ്റനോട്ടത്തില്‍ മനസ്സിലാകുമെങ്കിലും, ചിലരെങ്കിലും ഇതില്‍ വീണുപോകാറുണ്ട്‌. കാരണം നിങ്ങളുടെ പേര്‍ അഭിസംബോധന ചെയ്തുകൊണ്ടാണ്‌ ഇത്തരം മെയിലുകള്‍ വരുന്നത്‌. നിങ്ങളുടെ അതേ പേരിലുള്ള ഒരാളും അയാളുടെ മുഴുവന്‍ കുടുംബാംഗങ്ങളും കുറച്ച്‌ വര്‍ഷങ്ങള്‍ക്ക്‌ മുന്‍പ്‌ ഒരു വിമാനാപകടത്തില്‍/കാര്‍ അപകടത്തില്‍ പെട്ടെന്നും, ഇദ്ദേഹത്തിന്റെ പേരില്‍ ---ബാങ്കിലുള്ള ഭാരിച്ച പണം ഏറ്റെടുക്കാന്‍ ആരും തന്നെ ഇല്ലാത്തതിനാല്‍, താങ്കള്‍ അവകാശം സ്ഥാപിക്കുകയാണെങ്കില്‍ പണം താങ്കളുടെ സ്ഥലത്ത്‌ യാതൊരു വിഷമവുമില്ലാതെ എത്തിച്ചു തരാമെന്നും ഇവര്‍ പറയുന്നു. ഇതിന്റെ പ്രൊസസ്സിംഗ്‌ ചിലവിലേക്കായി ഒരു തുക നല്‍കിയാല്‍ മതിയെന്നും മറ്റും.

വേറൊരുതരം ഇ-മെയില്‍, താങ്കള്‍ക്ക്‌ വലിയ ഒരു സംഖ്യ ഓണ്‍ലൈന്‍ ലോട്ടറി അടിച്ചെന്നും 15 ദിവസത്തിനകം അഡ്രസ്സില്‍ ബന്ധപ്പെട്ട്‌ പണം സ്വീകരിച്ചുകൊള്ളൂ എന്നുമാണ്‌. ഇ-മെയില്‍ വഴിയോ, ടെലഫോണ്‍ വഴിയോ ബന്ധപെട്ടാല്‍, പ്രൊസസ്സിംഗ്‌ ഫീ അല്ലെങ്കില്‍ ഡെലിവറി ചാര്‍ജ് വകയില്‍ ഒരു സംഖ്യ ഉടന്‍ അയക്കാന്‍ പറയും.ബന്ധപ്പെട്ടുകഴിഞ്ഞാല്‍ ചില നടത്തിപ്പുകാര്‍, ആദ്യം തുക ഒന്നും തന്നെ വാങ്ങിക്കാതെ വിജയിച്ച തുകക്കുള്ള ചെക്ക്‌ വരെ തരും. എന്നിട്ട്‌ ഡെലിവറി ചാര്‍ജ്‌/പ്രൊസസ്സിംഗ്‌ ഫീ വകയില്‍ ഉടന്‍ തന്നെ ഒരു ദിവസത്തിനകം കുറച്ച് പണം അയച്ചുകൊടുക്കാന്‍ പറയും. വമ്പന്‍ തുകക്കുള്ള ചെക്ക്‌ കൈയ്യില്‍ കിട്ടിയ സന്തോഷത്തില്‍ ചിലര്‍ കടം വാങ്ങിച്ചെങ്കിലും അവര്‍ക്കുള്ള ഫീ അയച്ചുകൊടുക്കുകയും ചെയ്യും. ചെക്ക്‌ ബാങ്കില്‍ നിന്നും കലക്ഷനാവാതെ മടങ്ങിവരുമ്പോഴായിരിക്കും കള്ളചെക്കിന്റെ കള്ളി വെളിച്ചത്താവുക. അപ്പോഴേക്കും കൈയ്യിലുള്ള പണം പോയിരിക്കും. ഇത്തരത്തിലുള്ള എല്ലാ ഇടപാടുകളും വളരെ രഹസ്യമായി വെക്കാനാണ്‌ ഇവര്‍ നിര്‍ദ്ദേശിക്കുക. അല്ലെങ്കിലും അമളി പറ്റിയാല്‍ ആരും തന്നെ ഇത്‌ പുറത്ത്‌ പറയില്ലല്ലോ. ഇതു തന്നെയാണ്‌ ഈ തട്ടിപ്പുവീരന്മാരുടെ വിജയവും. ഇതുപോലെ പലതരം തട്ടിപ്പുകളാണ് ഇ-മെയില്‍/നെറ്റ് മുഖേന ഇന്നത്തെക്കാലത്ത് നടക്കുന്നത്.

(ഇത്‌ ഒരു തമാശക്കളി. പക്ഷേ, അമളി ഇങ്ങനേയും പറ്റാം:

മൂന്ന്നാല്‌ മാസം മുന്‍പ്‌ യാഹൂ & വിന്റോസ്‌ ലൈവ്‌ മെയിലില്‍ നിന്നും എന്റെ പേര്‍ വെച്ച്‌ ഒരു മെയില്‍ വന്നു. യാഹൂ/ഹോട്ട്‌മെയില്‍ ഓണ്‍ലൈന്‍ ആയിരിക്കുന്നവരില്‍ നിന്നും ആ മാസം തിരഞ്ഞെടുത്ത 6 ഭാഗ്യശാലികളില്‌ ഒരാള്‍ ഞാനാണെന്നും 85,000-ളം ബ്രിട്ടീഷ്‌ പൗണ്ട്‌ സമ്മാനമായി അടിച്ചെന്നും ഉടന്‍ ബന്ധപ്പെടണമെന്നും. യാഹൂ-വിന്റെയും MSN വിന്റോ-യുടെ ലോഗൊയും അഡ്ഡ്രസ്സും ടെലഫോണ്‍ നമ്പറും വെച്ച്‌ കണ്ടാല്‍ ശരിക്കും റിയല്‍ ആണന്നേ തോന്നൂ. ഇത്‌ ഡിലിറ്റാന്‍ നോക്കിയപ്പോഴാണ് ഒരു കാര്യം ശ്രദ്ധിച്ചത്‌. യാഹൂ, യു.കെ& അയര്‍ലന്റ്‌ എന്നാണ്‌. എന്റെ മെയില്‍ ഐഡി യാഹൂവിന്റെ യു.കെ& അയര്‍ലന്റ്‌ അല്ലല്ലോ. ഒരു കുസൃതിക്ക്‌ ചുമ്മാ ഒന്ന് റിപ്ലൈ ചെയ്തു. ഞാന്‍ യു.കെ-യില്‍ നിന്നുമല്ലെന്നും ഇന്ത്യയിലുള്ള എനിക്ക്‌ എങ്ങിനെയാണ്‌ അവിടെ ലോട്ടറി അടിക്കുന്നതെന്നും, ഇതൊക്കെ ഫ്രാഡ്‌ അല്ലഡേയ്‌ എന്നങ്ങട്‌ കാച്ചി. മറുപടി ഉണ്ടാകില്ലെന്ന് തീര്‍ത്തും കരുതി. പക്ഷേ, ഉടന്‍ തന്നെ മറുപടി എത്തി. ഇത്‌ ഫ്രാഡേ അല്ലെന്നും, യഥാര്‍ത്ഥത്തില്‍ ഉള്ളതാന്നും, നിങ്ങള്‍ക്ക്‌ പണത്തിനു ഇവിടെ വരേണ്ടെന്നും അവിടെ എത്തിച്ചു തരാമെന്നും, അതിനായി ഉടന്‍ വിശദവിവരങ്ങള്‍ അയച്ചുകൊടുക്കണമെന്ന്‌. എന്താണ്‌ ഇവന്മാരുടെ അടുത്ത പരിപാടി അഥവാ മണ്ടൂസ് കോപ്പറാണ്ടി (മോഡസ് ഓപ്പറാണ്ട്ടി) എന്താണെന്നറിയണമല്ലോ, ചുമ്മാ കുറച്ച്‌ വിവരങ്ങള്‍ മെയില്‍ ചെയ്തു. അടുത്തദിവസം, ദാ, മെയിലില്‍ സാക്ഷാല്‍ യാഹൂ/എം.എസ്‌.എന്‍-കാരുടെ അഡ്ഡ്രസ്സും ലോഗോയോടുകൂടിയ കളര്‍ഫുള്‍ അവാര്‍ഡ്‌ സര്‍ട്ടിഫിക്കറ്റ്‌, സമ്മാനത്തുക അനുവദിച്ചുകൊണ്ടുള്ളത്‌. ആരായാലും കണ്ടാല്‍ ഒന്നു ചെറുതായി ഞെട്ടിപ്പോകും. എത്ര പൗണ്ടാണ്‌ കൈയ്യില്‍ എത്തിച്ചേരാന്‍ പോകുന്നത്‌, അതിന്റെ സര്‍ട്ടിഫിക്കറ്റല്ലേ ഈ വന്നിരിക്കുന്നത്‌. പക്ഷേ, ഈ കളിക്കിടയില്‍ ഒന്നുരണ്ട്‌ കാര്യം തിരക്ക് കാരണം വിട്ടുപോയിരുന്നു. ഇവരെക്കുറിച്ച്‌ ഗൂഗിളില്‍ ഒന്ന് സെര്‍ച്ച്‌ ചെയ്യണമായിരുന്നെന്ന്. സെര്‍ച്ച്‌ ചെയ്ത ഉടനെ ദാ വരുന്നു, ലോകം മുഴുവന്‍ ഇതുപോലുള്ളവരുടെ, ഞെട്ടിക്കുന്ന പറ്റിക്കലിന്റെ കഥകള്‍ യഥേഷ്ടം. ഇരയായവര്‍ പലരും മാനഹാനി കാരണം വെളിയില്‍ പറയുന്നില്ല. വിദേശങ്ങളില്‍ ഇവര്‍ക്കെതിരെ തിരിയുന്നവരെ വകവരുത്താന്‍ ഇവര്‍ക്ക്‌ ഗുണ്ടാസംഘങ്ങള്‍ വരെയുണ്ട്‌.എന്തിനും പോരുന്നവര്‍. അതേസമയം, യഥാര്‍ത്ഥ യാഹൂവിനോ, എം.എസ്‌.എന്‍-നോ ഇതുപോലുള്ള യാതൊരു ലോട്ടറി പരിപാടിയും ഇല്ലെന്ന്. സംഗതി ഉദ്ദേശിച്ചപോലെ തന്നെ, സമാധാനമായി.

അന്ന് രാത്രി മൊബെയിലില്‍ ഒരു കാള്‍ വന്നു. നമ്പര്‍ നോക്കിയപ്പോള്‍ ഒരു പരിചയവുമില്ല. ഒരു കി.മീ. നീളമുള്ള നമ്പര്‍ (അതിച്ചിരി കൂടിപ്പോയിയല്ലേ, എന്നാല്‍ കുറയ്ക്കാം. കട്‌: വിശാല്‍ജി) ഇന്ത്യയിലൊരിടത്തുനിന്നും ഇതുപോലുള്ള നമ്പര്‍ കാണില്ല. വിദേശത്തുള്ള ആകെയുള്ള ഒരു ബന്ധുവിന്റെയുമല്ല. വളരെ നീണ്ട നമ്പര്‍. സംശയത്തോടെ കാള്‍ സ്വീകരിച്ചപ്പോള്‍ അപ്പുറത്തുനിന്നും ഇംഗ്ലീഷില്‍ ഒരു സായിപ്പ്‌, യു.കെ-യില്‍ നിന്നും യാഹൂ ലോട്ടറിക്കാരാ. ഇംഗ്ലീഷില്‍ സായിപ്പ്‌ പറയുന്നത്‌ നേരെ വ്യക്തമാകുന്നില്ല. ഒരുതരം കമ്പ്യൂട്ടര്‍ വോയിസ്‌ പോലെ. ലൈന്‍ കട്ടായി. അപ്പോഴാണ്‌ ഓര്‍ത്തത്‌ വിവരങ്ങള്‍ അയച്ചപ്പോള്‍ എന്റെ ശരിക്കുള്ള നമ്പറാണല്ലോ കൊടുത്തതെന്ന്. അല്‍പ്പസമയത്തിനകം വീണ്ടും കാള്‍, അതേ നമ്പറില്‍ നിന്നും. ആഹാ, അപ്പോള്‍ ഇവര്‍ വിടാനുള്ള ഭാവമല്ല. ഇത്രയും ഭാരിച്ച തുക എന്നെ ഏല്‍പ്പിച്ചേ ഇവര്‍ അടങ്ങൂന്നാ തോന്നണ്‌. പണം ശരിയായെന്നും ഒരു ദിവസത്തിനുള്ളില്‍ അതുമായി അവരുടെ ഒരു ഡിപ്ലൊമാറ്റ്‌ ഇന്ത്യയില്‍ എത്തുമെന്നും, പാസ്‌പ്പോര്‍ട്ടിന്റെ ഒരു കോപ്പി അയക്കണമെന്നും, പിന്നെ ഡെലിവറി ചാര്‍ജ്‌ ആയി ഒരു ലക്ഷത്തോളം രൂപ ഉടന്‍ നല്‍കണമെന്നും. അമ്പടാ, അപ്പോ ഇതാ കാര്യം! ഞാന്‍ പറഞ്ഞു ഇപ്പോള്‍ തിരക്കിലാണെന്നും കാര്യങ്ങള്‍ വിശദമായി മെയില്‍ ചെയ്യാമെന്ന്‌. അടുത്ത ദിവസം വെറും ഒരു നാലുവരി മെയില്‍ അയച്ചു - നിങ്ങളുടെ കള്ളി വെളിച്ചത്തായിയെന്നും, ഞാന്‍ നിങ്ങളെ ടെസ്റ്റ്‌ ചെയ്യുകയായിരുന്നെന്നും, ഇനി മുതല്‍ എനിക്ക്‌ മെയില്‍ അയക്കുകയോ ഫോണില്‍ ബന്ധപ്പെടുകയോ ചെയ്യരുത്‌ എന്ന താക്കീതും. അതുകഴിഞ്ഞ്‌ ഇന്നുവരെ അവരുടെ ഒരു മെയിലോ ഫോണ്‍ കാളോ വന്നിട്ടില്ല. ഇവിടെ പറ്റിയ അമളി ശരിക്കുള്ള ഫോണ്‍ നമ്പര്‍ കൊടുത്തതാ.

ഒരു മണ്ടത്തരം/അമളിയൊക്കെ ഏതു പോലീസുകാരനും പറ്റുമല്ലോ, അതോ ഇനി മണ്ടത്തരങ്ങള്‍ ശ്രീജിത്തിന് മാത്രം കോപ്പിറൈറ്റ് ഉള്ളതാണോ. എല്ലാവരും തങ്ങള്‍ക്ക് പറ്റിയ അമളി/മണ്ടത്തരങ്ങള്‍ മറച്ചുപിടിച്ച് ജീനിയസ്സ് അഭിനയിച്ച് ഞെളിഞ്ഞ് നടക്കുമ്പോള്‍ ശ്രീജിത്തിന് സ്ഥിരമായി പറ്റാറുള്ള മണ്ടത്തരങ്ങള്‍ ബൂലോഗവാസികളുടെ മുന്‍പില്‍ അവതരിപ്പിക്കാറുണ്ടായിരുന്നു. പക്ഷേ, ആശാന്‍ അമേരിക്കയില്‍ പോയപ്പോള്‍ വമ്പന്‍ അമേരിക്കന്‍ മണ്ടത്തരങ്ങളുമായി ബൂലോഗത്ത് ദിവസേന രണ്ട് പോസ്റ്റ് വീതം ഇടുമെന്ന് കരുതിയവര്‍ക്ക് തെറ്റി. സായിപ്പിന്റെ നാട്ടില്‍ ചെന്നപ്പോള്‍ സായിപ്പാകാനുള്ള ആഗ്രഹം കൊണ്ടോ, അതോ ഇനിയും മണ്ടത്തരങ്ങള്‍ വിളമ്പിയാല്‍ കല്യാണം കഴിക്കാന്‍ പെണ്ണ് കിട്ടില്ലെന്ന് കരുതിയോ, ആശാന്‍ പണിനിര്‍ത്തിയ മട്ടാണ്. ശ്രീജി, മ്യാപ്പ്.)

പക്ഷേ, നെറ്റില്‍ പുതിയ ഇരയെ തേടി നിരന്തരം മെയിലുകള്‍ ലോകം മുഴുവന്‍ പ്രവഹിക്കുന്നു. ഇന്റര്‍നെറ്റിന്റെ ലോകത്തിലേക്ക്‌ പുതുതായി എത്തുന്നവരില്‍ ആരെങ്കിലും ഇത്തരം ചതിക്കുഴിയില്‍ അറിയാതെ വീഴാതിരിക്കില്ല. അമളി പറ്റിയവര്‍ ഇത്‌ പുറത്ത്‌ പറയില്ലെന്ന വിശ്വാസമാണ് ഇവര്‍ക്ക്‌ ഈ ചതി തുടരാനുള്ള ശക്തി നല്‍കുന്നത്‌.

അറിയാത്തവര്‍ക്കായി:

ഇതുപോലുള്ള മെയിലുകള്‍ നിങ്ങളുടെ മെയില്‍ബോക്സില്‍ വന്നാല്‍, ഉടന്‍ തന്നെ സ്പാം മാര്‍ക്ക്‌ ചെയ്യുക.

ദേശി ബ്ലോഗ്സില്‍ മലയാളം ബ്ലോഗ് റോള്‍

2007-11-28T09:33:00.000Z

ഇന്ത്യയിലെ പ്രമുഖ ഡയറക്ടറി ബ്ലോഗായ http://www.desiblogs.org/ മലയാളം ബ്ലോഗുകള്‍ക്കായി പ്രത്യേക വിഭാഗം തുറന്നു. പ്രധാനമായും ഇന്ത്യന്‍ ഇംഗ്ലീഷ് ബ്ലോഗുകള്‍ക്കായി തുറന്ന ഈ ഡയറക്ടറി ബ്ലോഗില്‍ ക്രമേണ തെലുങ്ക്, തമിഴ്, ഹിന്ദി, ബംഗാളി എന്നീ ഭാഷകള്‍ കൂടി സ്ഥാനം പിടിച്ചിരുന്നു. എന്നാല്‍ മലയാളമടക്കം പല ഭാഷകളും പടിക്ക് പുറത്തായിരുന്നു. തുടര്‍ന്ന് സൈറ്റ് അഡ്മിനിസ്ട്രേറ്റര്‍ക്ക് 07 നവംബര്‍ 26ന് ഞാന്‍ ഒരു മെയില്‍ അയച്ചു. ഇതിന് മറുപടിയായി പലരുടെയും റിക്വസ്റ്റ് കണക്കിലെടുത്താണ് ഈ ഭാഷകളിലെ ബ്ലോഗുകള്‍ അഗ്രിഗേറ്റ് ചെയ്യാന്‍ തുടങ്ങിയതെന്നും എല്ലാ ഇന്ത്യന്‍ ഭാഷകളും ലിസ്റ്റ് ചെയ്യാന്‍ ബുദ്ധിമുട്ടുണ്ടെങ്കിലും മലയാളം ഉള്‍പ്പെടുത്താമെന്നും കാട്ടി എനിക്ക് മറുപടി വന്നു.

ഇന്ന് നോക്കിയപ്പോള്‍ മലയാളത്തിനായി അവര്‍ പ്രത്യേക ഫോള്‍‍‍ഡര്‍ നിര്‍മ്മിച്ചതായി കണ്ടു. കൂടാതെ കന്നഡ, മറാഠി എന്നീ വിഭാഗങ്ങളും ചേര്‍ത്തിട്ടുണ്ട്. എന്നാല്‍ പുതുതായി ചേര്‍ത്ത ഈ മൂന്ന് ഭാഷകളിലെയും ഒരു ബ്ലോഗുപോലും ഇതേ വരെ ലിസ്റ്റില്‍ സ്ഥാനം പിടിച്ചിട്ടില്ല. ദേശി ബ്ലോഗിന്റെ രജിസ്റ്റേര്‍ഡ് യൂസര്‍മാര്‍ ആരെങ്കിലും റെക്കമെന്‍‍ഡ് ചെയ്യുന്ന ബ്ലോഗുകള്‍ മാത്രമെ ഇവിടെ സ്ഥാനം പിടിക്കൂ എന്ന് തോന്നുന്നു. മലയാളം ബ്ലോഗര്‍മാര്‍ക്ക് ഈ പുതിയ സൗകര്യം കൂടി ഇനി ഉപയോഗിക്കാവുന്നതാണ്.

ദേശി ബ്ലോഗിന്റെ അഡ്മിനിസ്ട്രേറ്റര്‍ക്ക് അയച്ച മിന്നഞ്ചും അതിനുള്ള മറുപടിയും താഴെ:

----- Original Message -----
From: "Sebin Abraham Jacob"
To: <admin@desiblogs.org>
Sent: Monday, November 26, 2007 8:37 AM
Subject: desi Blogs site contact: Blog Categories

> Hello,
>
> Sebin Abraham Jacob has sent the following message
> from your web site at
> http://www.desiblogs.org:
>
> Hi,
> I just read your category wise directory and found that among vernacular
> blogs, you have given space for Hindi, Bengali, Tamil and Telugu. As you
> know, there are also lots of good blogs and posts in other Indian
> languages as well. I blog in Malayalam and there are Malayalam specific
> blog aggregators too. As a Desi Blog directory, it would be good, if you
> aggregate them as well.
>
> Thank you,
> Sebin

മറുപടി:

from Rami Reddy V
to Sebin Abraham Jacob <*********@gmail.com>,
date Nov 26, 2007 2:57 PM
subject Re: desi Blogs site contact: Blog Categories

hide details Nov 26 (2 days ago)

Reply

Hi,
Thanks for contacting me, i am sorry i couldn't create other languages in
the first place. The ones which are there now are suggested by others and
they were created. I will add Malayalam to the directory.

thanks

കൈപ്പള്ളി വീണ്ടും!

2007-11-26T20:06:00.000Z

നിഷാദ് കൈപ്പള്ളി ഒരിക്കല്‍ കൂടി അച്ഛനായി. പെണ്‍കുഞ്ഞാണ്.

പ്യാരിട്ടിട്ടില്ല, തല്‍ക്കാലം അണ്‍‌ഐഡന്റിഫൈഡ് ക്രൈയിങ്ങ് ഓബ്ജക്റ്റ് എന്നു വിളിക്കാം.

പിള്ളേം തള്ളേം ഇക്കയും വാപ്പയും സുഖമായിരിക്കുന്നു.

പുസ്തക പരിചയപ്പെടുത്തെല്‍

2007-11-26T03:14:00.001Z

ലാറ്റിനമേരിക്കന്‍ സാഹിത്യത്തിലെ വിശ്വപ്രതിഭയായ കാര്‍ലോസ് ഫൂയെന്തിസിന്റെ

‘ആര്‍ത്തിമിയോ ക്രൂസിന്റെ മരണം‘ എന്ന കൃതിയെ പരിചയപ്പെടുത്തുന്നു.

കാര്‍ലോസ് ഫൂയെന്തസി (Carlos Fuentes) ന്റെ ആര്‍ത്ത്തിമിയോ ക്രൂസിന്റെ മരണം (The Death of Artemio Cruz)

കവിയരങ്ങ്: ഹരിയണ്ണന്റെ സര്‍ഗസന്ധ്യ എന്ന കവിത

2007-11-24T21:10:00.000Z

കവിയരങ്ങ്: ഹരിയണ്ണന്റെ സര്‍ഗസന്ധ്യ എന്ന കവിത

കരകുരാന്ന് എഴുതിയതാ

2007-11-24T07:42:00.000Z

കരകുര
സുമേഷേ..നിനക്ക് വയസ്സ് 18 ആകുന്നേയുള്ളൂ..പഠിക്കേണ്ട സമയമാണ്,പ്രേമിക്കാനൊക്കെ നിനക്ക് സമയം വരും, ഞാന്‍ പറഞ്ഞ് നിര്‍ത്തി

മരുന്ന്: സര്‍ഗസന്ധ്യ

2007-11-24T06:46:00.000Z

മരുന്ന്: സര്‍ഗസന്ധ്യ

കേരളം എവിടേയ്ക്ക്?

2007-11-24T05:36:00.000Z

സംസ്കാരത്തെപ്പറ്റി ഊറ്റം കൊള്ളുന്ന മലയാളികളെല്ലാം കേരളത്തനിമയെ പറ്റിയും എളിമയെപ്പറ്റിയും അഹങ്കരിച്ചിരുന്ന കാലം യവനീകയ്ക്കുള്ളിലാവുകയാണോ? കേരള രാ‍ഷ്ട്രീയവും, സാമൂഹ്യസ്ഥിതിയും ഇന്ന് അന്യസംസ്ഥാ‍നക്കാര്‍ക്ക് പോലും പറഞ്ഞു ചിരിക്കാനുള്ള വകകളുണ്ടാക്കുന്നു.(അവിടങ്ങളിലും സ്ഥിതി മെച്ചമല്ലെങ്കിലും...)
ചില സംഭവങ്ങളും, വിവാദങ്ങളും ഒന്നു തിരിഞ്ഞു നോക്കാം...(ഏറ്റവും പുതിയവ..)
1. തലസ്ഥാന നഗരിയില്‍ കുത്തകമുതലാളികള്‍ക്കെതിരെ എന്ന പേരില്‍ തുടങ്ങിയ ആക്രമണങ്ങള്‍,ഒരു സിനിമാക്കഥയുടെ, രൂപം കൈവരിച്ചിരിക്കുന്നു. (പോലീസിനെ തല്ലുക, കസ്റ്റഡിയില്‍ എടുത്തവരെ മന്ത്രിമാര്‍ നേരില്‍ വന്നിറക്കിക്കൊണ്ടുപോകുക... ഇത്യാദി കലകള്‍)
2.മൂന്ന് അമ്പലങ്ങള്‍ തല്ലിത്തകര്‍ത്തിരിക്കുന്നു. പ്രശ്നം വളരെ ദൂരവ്യാപകമായ സങ്കീര്‍ണതകള്‍ സൃഷ്ടിച്ചേക്കാം, തികഞ്ഞ കൈയ്യടക്കത്തോടെ സമീപിച്ചില്ലെങ്കില്‍.( എന്തുതന്നെ പറഞ്ഞാലും, പുറത്തുനിന്നും ആരും വന്നിതു ചെയ്യില്ല. എല്ലാം ന്നമ്മുടെ സഹോദരങ്ങാളുടെ തന്നെ കയ്യിലിരിപ്പ്...)
3.ഭൂമി കൈയ്യേറലുകളും, ആദിവാസിപ്രക്ഷോഭങ്ങളും അനുബന്ധസമരങ്ങളും ആരുടേയൊക്കെയോ തിരക്കഥകള്‍ക്കനുസരിച്ചു നീങ്ങുന്നു. (വ്യക്തിതാല്പര്യങ്ങളും, പാര്‍ട്ടിതാല്പര്യങ്ങളും...)
4.ദുഷിച്ച രാഷ്ട്രീയനാക്കുകള്‍ ദൈവങ്ങള്‍ക്കുപോലും മനസ്സമാധാനം നല്‍കാത്ത കാഴ്ച്ചകള്‍ നാം കണ്ടു.. കാണുന്നു.. ( ദൈവത്തെ നിഷേധിക്കുന്നവര്‍ക്കും, ദേവസ്വം വേണം... ശിവ, ശിവ)
5.അനുവദിച്ച ഫണ്ടുകള്‍ കൊണ്ട് റോഡിലെ കുഴികള്‍ അടയുന്നതിന് പകരം ചിലരുടെ കീശ വീര്‍ക്കുന്നു.. ( ചാകര, അമരക്കാര്‍ മൂന്നു പേരും അണികളും ടൈം ടേബിള്‍ വച്ചു വാരുന്നു..)
6.നേതാക്കന്മാരുടെ മക്കളുടേ വിദേശപഠനത്തെ ന്യായീകരിക്കാന്‍, രാഷ്ട്രശില്‍പ്പികളുമായ് താരതമ്യം ചെയ്യുന്നു... ( ആശാരിക്ക് അടുപ്പിലും... അല്ല്ലാതെന്തു പറയാന്‍? )
7.വടക്കാണെങ്കില്‍, നവംബര്‍, ഡിസംബര്‍ മാസങ്ങള്‍ രാഷ്ട്രീയപകപോക്കലുകള്‍ക്ക് കന്നിമാസമാണ്..
8.സ്ഥിതി മാറണമെങ്കില്‍, ഭരണം മാറണമെന്നൊന്നും പറയാനാ‍വില്ല... കാരണം കടിച്ചതിലും വലുതാണു മാളത്തില്‍..
ഇനി പറയൂ... ഇതിന് എന്താ ഒരു പരിഹാരം? നമ്മള്‍ എങ്ങോട്ടാണ്?

മെംബര്‍ഷിപ്പ്‌

2007-11-23T18:17:00.000Z

കൂട്ടുകാരേ, നാട്ടുകാരേ, തിത്തിത്താരേ...

ബൂലോഗ ക്ലബ്ബ്‌ തുടങ്ങിയത്‌ ഒരു ബ്ലോഗ്ഗര്‍ക്കൊരു ബ്ലോഗ്‌, ഒരു ബ്ലോഗ്ഗിനൊരു തീം എന്ന രീതി നിലവില്‍ നിന്ന ഓഫ്‌ മഹാപാപവും ഔട്ട്‌ ഓഫ്‌ തീം പോസ്റ്റ്‌ ബ്ലോഗനാശകാരിയും ആയിരുന്ന ഒരു സമയത്താണ്‌.

അത്തരം സാഹചര്യമൊന്നും നിലവിലില്ലെന്ന് തോന്നിയ കാലത്ത്‌ ഞാന്‍ ക്ലബ്ബും വിട്ട്‌ പോയി.

എന്താണു കാരണം എന്നറിയില്ല, ഇന്നും ക്ലബ്ബ്‌ അംഗത്വ മെയിലുകള്‍ എനിക്കു വരുന്നു. ജൂണ്‍ മുതല്‍ നവംബര്‍ വരെ എനിക്കു മെയില്‍ അയച്ച എല്ലാ കൂട്ടുകാര്‍ക്കും ഞാന്‍ ക്ഷണക്കത്ത്‌ അയച്ചിട്ടുണ്ട്‌. മറ്റു ക്ലബ്‌ അഡ്മിന്മാര്‍ ആരെങ്കിലും ഇതിനകം നിങ്ങള്‍ക്ക്‌ പ്രവേശനം അനുവദിച്ചിട്ടുണ്ടെങ്കില്‍ എന്റെ ഇന്വിറ്റേഷന്‍ തിരസ്കരിച്ചാല്‍ മതിയാവും.

ആരെയെങ്കിലും ഞാന്‍ വിട്ടുപോയിട്ടുണ്ടെങ്കില്‍ ഈ പോസ്റ്റിനു താഴെ മെയില്‍ ID ചേര്‍ത്താല്‍ മതി, ഞാന്‍ ആഡാം, അതുകൊണ്ട്‌ പ്രത്യേകിച്ച്‌ ഒരു പ്രയോജനവും ഇല്ലെങ്കിലും.

വിശാലമനസ്കന്‍ വീണ്ടും മാതൃഭൂമിയില്‍

2007-11-04T10:01:00.000Z

ഈ ആഴ്ചയിലെ മാ‍തൃഭൂമി ഗള്‍ഫ് ഫീച്ചറില്‍ വിശാലമനസ്കനുമായി ശ്രീ അജിത് പോളക്കുളത്ത് നടത്തിയ അഭിമുഖവും വിശാലമനസ്കനു ഏറ്റവും ഇഷ്ടപ്പെട്ട രചനയും സജ്ജീവ് ബാലകൃഷ്ണന്റെ വരയും ഉള്‍ക്കൊള്ളിച്ചിരിക്കുന്നു.

അഭിനന്ദനങ്ങള്‍

ഇവിടെ ഞെക്കൂ... കാണാം.

മലയാളം ഇതാ കുറച്ചു കൂടി എളുപ്പത്തില്‍...

2007-11-02T03:20:00.000Z

പ്രിയ ബൂലോകരേ, നമ്മുടെയെല്ലാം പ്രിയപെട്ട ഗൂഗിള്‍ ഇതാ മറ്റൊരു ഉപയോഗപ്രദമായ ടൂളുമായി വന്നിരിക്കുന്നു..

Google Indic Transliteration

ഇനി മുതല്‍ മലയാളം, ഹിന്ദി, തമിഴ്, തെലുങ്ക്, കന്നട എന്നീ ഭാഷകള്‍ വളരെ എളുപ്പത്തില്‍ ടൈപ്പ് ചെയ്യാവുന്നതാണ്.

എഴുതേണ്ട വാക്ക് ഇംഗ്ലീഷില്‍ ടൈപ്പ് ചെയ്തതിനു ശേഷം സ്പേസ് അമര്‍ത്തുക... കൂടാതെ ആ വാക്കില്‍ ക്ലിക്കിയാല്‍ കൂടുതല്‍ ഓപ്ഷന്‍സ് ലഭിക്കും... (ചിത്രം കാണുക)

ബ്ലോഗ് പൂട്ടിക്കെട്ടിയതിന്റെ വിശതീകരണവും പിന്നെ ചില തംശയങ്ങളും

2007-10-16T04:04:00.000Z

സുഹൃത്തുക്കളേ
മോഹന്ദാസ് കേ ഗാന്ധിയുടെ നല്ല വശങ്ങള്‍ മാത്രം പഠിക്കാനാണു് പലര്‍ക്കും അവസരങ്ങള്‍ കിട്ടിയിട്ടുള്ളത്. ഇരുപതാം നൂറ്റാണ്ടില്‍ ഭാരതത്തില്‍ സംഭവിച്ച സാമുഹിക മാറ്റങ്ങളില്‍ ഒരു വലിയ പങ്കു വഹിച്ച വ്യക്തിയെന്ന നിലയില്‍ ഗാന്ധി അതുല്യനാണു്.

ഏതൊരു വ്യക്തിയുടേയും എല്ലാ വശങ്ങളും അറിയുമ്പെഴാണു് അദ്ദേഹത്തിന്‍റെ ജീവചരിത്രം പൂര്ണമാകുന്നത്. അദ്ധേഹത്തെകുറിച്ച് അധികം ചര്‍ച്ച ചെയ്യപ്പെടാത്ത ചില വസ്തുതകള്‍ രേഖസഹിതം അവതരിപ്പിക്കുക എന്നതായിരുന്നു എന്‍റെ ഉദ്ദേശം.

ആവിഷ്കാര സ്വാതന്ത്ര്യത്തിനു പരിമിതികള്‍ നിശ്ചയിച്ച ജനതയാണു നമ്മുടേത്. ആ പരിധിയുടെ വക്കില്‍ നില്കുന്ന പ്രസ്ഥാനമായിരിക്കാം ഗാന്ധി. ഇത് ഞാന്‍ മനസിലക്കിക്കൊണ്ടാണു ഭാരത് സര്‍ക്കാര്‍ പുറത്തുവിട്ട 98 വാല്യത്തില്‍ പ്രസിദ്ധീകരിച്ച CWMG (The Collected Works of Mahathma Gandhi) എന്ന സമാഹാരത്തില്‍ നിന്നും Quote ചെയ്തത്. "ഞാന്‍ അറിഞ്ഞ ഗാന്ധി" എന്നാണു് ഞാന്‍ തലക്കെട്ട് കൊടുത്തിരുന്നത്. മറിച്ച് "നിങ്ങള്‍ അറിയേണ്ട ഗാന്ധി" എന്നോ, "ഇതാണു ഗാന്ധി എന്നോ" ഞാന്‍ പറഞ്ഞിട്ടില്ല. അങ്ങനെയായിരുന്നു എങ്കില്‍ എന്‍റെ വിശ്വാസം അടിച്ചേല്പിക്കലാകില്ലേ? അദ്ദേഹത്തിന്‍റെ തന്നെ വാക്കുകളില്‍ നിന്നും ഞാന്‍ മനസിലാക്കിയ ഗാന്ധി എന്ന് ഞാന്‍ ആവര്ത്തിച്ച് പറഞ്ഞിട്ടുണ്ട്. എന്‍റെ രണ്ടു പോസ്റ്റുകള്‍ക്ക് പിന്നാലെ വിത്യസ്തമായ മറ്റൊരു ചിത്രം തികച്ചും ഭംഗിയായി ഞാന്‍ ബഹുമാനിക്കുന്ന വക്കാരിയും, മവേലി കേരളവും, വിശ്വപ്രഭയും, പ്രതിപക്ഷ ബഹുമാനത്തോടെ അവതരിപ്പിക്കുകയുണ്ടായി. മനസിലാക്കിയ വസ്തുതകള്‍ തുറന്ന് പറയാനുള്ള സ്വാതന്ത്യം നഷ്ടപ്പെട്ടിട്ടില്ലാ എന്ന് അപ്പോഴും ഞാന്‍ കരുതിയിരുന്നു. പക്ഷെ തുടര്ന്നുണ്ടായ comment അക്രമണത്തില്‍ ആ സ്വാതന്ത്ര്യം നഷ്ടമാകും എന്ന് ഞാന്‍ സംശയിച്ചു. ചര്‍ച്ച വല്ലാതെ കൈവിട്ടുപോകുന്നതായി എനിക്ക് തോന്നി. ബഹുമാനപ്പെട്ട ശ്രീ ചന്ദ്രശേഖരന്‍ നായര്‍ വിഷയത്തെ hijack ചെയ്തു case പഠിക്കാതെ ഗാന്ധിയുടെ defense വക്കീലായി വൈകാരികമായി വാദിച്ചു തുടങ്ങിയിരുന്നു. നിന്ന നില്പിന്നു് എന്നോടു് മാപ്പ് പറയാന്‍ പറഞ്ഞു. ഒരു "Out Of Focus" നിമിഷത്തില്‍ ഞാന്‍ ആ ഒടുക്കത്തെ Poll ഇടുകയും ചെയ്തു. Pollല്‍ ഉണ്ടായിരുന്ന ആ രണ്ടാമത്തെ Optionലൂടെ ശ്രീ ചന്ദ്രശേഖരന്‍ നായരെ അല്പം (ഒരുപാടല്ല കേട്ടാ !!) disrespect ചെയ്യുകയും ചെയ്തു്. അവിടെയാണു് അദ്ദേഹത്തിനു് കോണ്ടത് എന്ന് തോന്നുന്നു. എന്‍റെ തെറ്റ്. അതിനാണു ഞാന്‍ മാപ്പ് പറയേണ്ടത്.
ശ്രീ ചന്ദ്രശേഖരന്‍ നായര്‍: ഞാന്‍ താങ്കളെ Pollലൂടെ disrespect ചെയ്തതിനു് മാപ്പ് പറയുന്നു.

അപ്പോഴും ഗാന്ധി is still very much In Focus;

താങ്കള്‍ കരുതുന്നത് പോലെ ഞാന്‍ ബ്ലോഗ് എന്‍റെ ബന്ധുമിത്രാതികള്‍ക്ക് മാത്രം തുറന്നു കൊടുത്തിട്ടില്ല. (രഹസ്യമായി ചര്‍ച്ച നടത്തി Tender Submission നടത്തി കാശ് ഉണ്ടാക്കുന്ന ഏര്‍പ്പാടൊന്നുമല്ലല്ലോ ഈ ബ്ലോഗ് കുണ്ടാമണ്ടി‍.) വെറും ആയിരം മല്ലു blogകള്‍ നമ്മള്‍ "മലയാലീ peoples" മാത്രമല്ല വായിക്കുന്നത് എന്ന് ഓര്‍ക്കണം. Blog എന്ന മാദ്ധ്യമത്തെ താഴ്ത്തിക്കെട്ടാന്‍ തക്കം നോക്കിയിരിക്കുന്ന ഒരു മാദ്ധ്യമ ലോകം പുറത്ത് കാത്തിരിക്കുന്നുണ്ട്. ഇവിടെ നടക്കുന്ന ചര്‍ച്ചകള്‍ നിരീക്ഷിക്കുകയും ഊതി പെരിപ്പിച്ച് അവലോകനം ചെയ്യുന്നവര്‍ വെറേയും. ഇതുപോലൊരു high value controversial ചര്‍ച്ച ഈ പ്രതലം വിട്ട് പുറത്ത് പോയാല്‍ Blog എന്തു് കോപ്പാണെന്നോ,Internet എന്താണെന്നും അറിയാത്ത ഏതെങ്കിലും കുഗ്രാമത്തില്‍ കുഴിയില്‍ കാലുംനീട്ടിയിരിക്കുന്ന ഏതെങ്കിലും മൂപ്പില്സ് ഒരു തമാശക്ക് (Just for യേ horror ങെ) നിരാഹാരം കിടന്നാല്‍, "Blogല്‍ രാഷ്ട്രപിതാവിനെ അവഹേളിച്ചു" എന്ന കാരണത്താല്‍ ഇന്ത്യയില്‍ blogspot നിരോധിക്കപ്പെട്ടേക്കാം. ഇതിലും നിസാര കാരണത്തിനു ബ്ലോഗിനു് ഭീഷണിയുണ്ടായിട്ടുണ്ട് എന്ന് ഓര്‍ക്കണം. അതിനു പ്രധാന കാരണക്കാരന്‍ ഞാന്‍ ആയിത്തീരും. കൈപ്പള്ളി വള വളാന്ന് പ്രസംഗിച്ചുനടന്ന സ്വതന്ത്ര മാദ്ധ്യമം ഞാന്‍ കാരണം ഒരു ദിവസത്തേക്ക് പോലും ഇല്ലാതാകരുത് എന്ന് എനിക്ക് നിര്‍ബന്ധമുണ്ട്. അത് ഒരിക്കലും എനിക്ക് സഹിക്കാനാകില്ല.

മണ്മറഞ്ഞ വിഗ്രഹങ്ങളെക്കാള്‍ പുതുമയേറിയ ചിന്താധാരകളാണു് നാം ഉയര്ത്തിപ്പിടിക്കേണ്ടത്. ആ ചിന്തകള്‍ ജനിക്കുന്ന മാദ്ധ്യമം ഇതാണു്. സീമകളില്ലാത്ത ആ മാദ്ധ്യമത്തെ ഒരു രണ്ട് നിമിഷത്തെ അത്മസംത്രിപ്തിക്കുവേണ്ടി നശിപ്പിച്ചുകൂട. അതാരായാലും അനുവതിച്ചുകൂട. കൈപ്പള്ളി വെറും വ്യക്തിയാണു്. വ്യക്തിയല്ല പ്രസ്ഥാനമാണു വലുത്. ഇന്നും. എപ്പോഴും.

ശ്രീ ചന്ദ്രശേഖരന്‍ നായര്‍ അറിയുന്നതിനു്.
താങ്കള്‍ വിഷമിക്കുന്നതുപോലെ എന്‍റെ ബ്ലോഗ് ആര്‍ക്കും വായിക്കാന്‍ തുറന്നു കൊടുത്തിട്ടില്ല. ഭാവിയില്‍ തുറന്നു കൊടുക്കണമോ വേണ്ടയോ എന്നുള്ളതും എന്‍റെ മാത്രം തീരുമാനമായിരിക്കും. തുറന്നാല്‍ ഉടന്‍ താങ്കളെ ഞാന്‍ അറിയിക്കുകയും ചെയ്യും. അതോര്ത്ത കലിപ്പാക്കണ്ട.

എന്തിരിന്നാലും, താങ്കള്‍ ഉത്തരം തരും എന്ന് പ്രതീക്ഷയില്ല എങ്കിലും എന്‍റെ അഞ്ച് സംശയങ്ങള്‍ ചോദിക്കട്ടെ:

1) താങ്കള്‍ ഗാന്ധിയേ കുറിച്ചുള്ള എന്‍റെ രണ്ട് പോസ്റ്റുകളും വായിച്ചുട്ടുണ്ടോ? മോഹന്ദാസ് കരംചന്ദ് ഗാന്ധി എഴുതിയതും പ്രസംഗിച്ചതുമായ ചില വരികള്‍ തെളിവുകള്‍ സഹിതം എന്‍റെ രണ്ടു പോസ്റ്റുകളിലൂടെ അവതരിപ്പിക്കുകയുണ്ടായി. ഞാന്‍ ഗാന്ധിയെ അവഹേളിച്ചതായി താങ്കള്‍ കണ്ടത് എവിടെയാണു് എന്ന് ചൂണ്ടിക്കാണികാമോ?

2.a.)ഗാന്ധി ജയന്തി October 2നാണെന്നാണു് എന്‍റെ അറിവ്. October മാസം മുഴുവനും ആഘോഷിക്കുന്ന ഒന്നാണോ ഗാന്ധി ജയന്തി? (സത്യത്തില്‍ അറിയാത്തതുകൊണ്ട് ചോദിക്കുന്നതാണേ.)

2.b.) October മാസം കഴിഞ്ഞാല്‍ ഗാന്ധിയെ വിമര്‍ശിക്കാമോ? ഗാന്ധിയെ വിമര്‍ശിക്കാന് അനുവതിച്ചിട്ടുള്ള മാസങ്ങള്‍ വിവരിക്കുക?

3) താങ്കള്‍ ഗാന്ധിയനാണോ? ആണെങ്കില്‍ 4ആം ചോദ്യം വായിക്കുക. ഇല്ലെങ്കില്‍ 5ലേക്ക് ചാടി കടക്കുക. (പ്രായത്തിനെ ഓര്ത്ത് പതുക്കെ ചടുക ! Please)

4) താങ്കളുടെ സമാധാനത്തിനു് വേണ്ടി ഞാന്‍ ഒരിക്കല്‍ മാപ്പ് പറഞ്ഞ്. മേല്‍ പറഞ്ഞ കാരണത്താല്‍ ബ്ലോഗ് പൂട്ടുകയും ചെയ്തൂ. തിരിഞ്ഞു നടക്കുന്നവന്‍റെ പുറകില്‍ കല്ലെറ്യുകയാണോ താങ്കള് പഠിച്ച ഗാന്ധിസം?

5) താങ്കളോടുള്ള എല്ലാ ബഹുമാനങ്ങളും നിലനിര്ത്തിക്കോണ്ടു് തന്നെ ചോദിക്കട്ടെ, സാറിന്‍റെ പ്രായത്തിനും പക്വവതക്കും ചേര്ന്ന പ്രവര്ത്തിയായിട്ട് ഇതിനെ സാര്‍ കാണുന്നുണ്ടോ?

അഞ്ചാമത്തെ ചോദ്യത്തിനു "ഓ തന്നെടെയ് ഇത് തന്ന എന്‍റെ നിലവാരം" എന്നാണെങ്കില്‍ (മഹാത്മാ ജയന്‍ സ്റ്റൈലില്‍) എങ്കില്‍ല്‍ല്‍ല്‍ എനിക്ക് തിരിച്ചു വരെണ്ടി വരുംംംംംംംംം.

ഉത്തരങ്ങള്‍ വികാരരഹിതമായിരിക്കും എന്ന് പ്രതിക്ഷിക്കുന്നു. (തമാശയാകാം, "ഓവര്‍"ാക്കല്ലും)

ബഹുമാനപുരസരം

കൈപ്പള്ളി

--------------------------------
Note. രണ്ടു ദിവസമായി പുതിയ വീട്ടിലേക്ക് മാറ്റം നടത്തുകയാണു. പുതിയ ഏരിയ ആയതിനാല്‍ ഇവിടെ DSL connectionഉം Phoneഉം കിട്ടാന്‍ ഒരാഴ്ച്ച സമയം എടുക്കും എന്ന് "ഇത്തിരി"സലാത്തുകാര്‍ പറയുന്നു. എനിക്കെതിരെ ഉള്ള തെറി commentകളും പോസ്റ്റുകളും പിള്ളേര്‍ എടുത്തുവെച്ച് തകര്‍ക്കുന്നുണ്ടെന്ന് ചില വാര്ത്തകള്‍ കേള്‍ക്കുന്നു. എല്ലാത്തിനേയും തപ്പി എടുത്ത് ഞാന്‍ വിമര്‍ശിച്ച് popular ആക്കും എന്നൊന്നും ഒരുത്തനും വ്യമോഹിക്കണ്ട. എനിക്ക് ഒരുപാട് പണിയുണ്ട് മക്കളെ. അതുകൊണ്ടൊന്നും നിങ്ങള്‍ വിഷമിക്കരുത്. (ഒന്നുമില്ലെങ്കിലും എഴുത് തെളിയൂല്ലെ). എഴുത്ത് നിര്ത്തുകയും അരുത്. Please continue.

ഞാന്‍ പൊടിയാടി സിറ്റിസണ്‍

2007-10-10T13:46:00.000Z

നിങ്ങള്‍ പൊടിയാടിയെ പറ്റി കേട്ടിട്ടുണ്ടോ? എന്റെ ഗ്രാമം അത്ര പ്രസിദ്ധയല്ലായെന്നാണു ഞാന്‍ കരുതിയതു. അതു എങ്ങനാ, ആനയ്ക്ക്‌ അതിന്റെ വലുപ്പം അറിയത്തില്ലാ എന്നു പറയുമ്പോലെ ആണു ഇതും.

പൊടിയാടി എന്ന പേരു എങ്ങനെ വന്നു എന്നു എനിക്കറിയില്ല. എന്നാലും ഒരു പൊടിയാടിക്കാരനായി അറിയപ്പെടാന്‍ തന്നെയാണു ഈ മണ്ണും, പൊടിയും ആയ എന്റെ ആഗ്രഹവും.

പത്തനംതിട്ട ജില്ലയില്‍, തിരുവല്ലാ താലൂക്കില്‍, നെടുമ്പ്രം ഗ്രാമ പഞ്ചായത്തില്‍ പെട്ടതാണു പൊടിയാടി എന്ന ഈ കൊച്ചു ഗ്രാമം. പൊടിയാടിയെ 4 പേരു അറിയുന്നതു പരുമല പള്ളി, എടത്വാ പള്ളി, ഇപ്പോള്‍ ചക്കുളത്ത്‌ കാവു മുതലായ ഭക്തി സങ്കേതങ്ങള്‍ ആയിരുന്നുവെന്നാണു ഞാന്‍ കരുതിയിരുന്നതു. കാരണം ഈ സ്ഥലത്തേക്ക്‌ പോകേണ്ടിയവര്‍ പൊടിയാടിയില്‍ കൂടി മാത്രമാണു പോകുന്നതു. ആ ചെറിയ അഹങ്കാരം പൊടിയാടിക്കാരില്‍ ഉണ്ടായിരുന്നു താനും. എന്നാല്‍ പൊടിയാടിയെ പൊടിയാടിയാക്കിയത്‌ മറ്റ്‌ പലതും ആയിരുന്നുവെന്നു ഓര്‍കുത്ത്‌ കമ്മ്യുണിറ്റികള്‍ കണ്ടപ്പോള്‍ മാത്രമാണു മനസ്സിലായതു. പൊടിയാടിക്കാരെ കണ്ടുപിടിക്കാന്‍ വേണ്ടി പൊടിയാടി സേര്‍ച്ചു ചെയ്തപ്പോള്‍ ഞെട്ടി പോയി എന്നു പറഞ്ഞാല്‍ മതിയല്ലോ? 'പൊടിയാടി ഷാപ്പ്‌' ആണു ഓര്‍കുത്തില്‍ മുഖ്യ ആകര്‍ഷണം. പൊടിയാടി ഷാപ്പിലെ കറികളുടെ രുചിയെ പറ്റി ഞാനും കേട്ടിട്ടുണ്ട്‌, പക്ഷേ ഒരു കമ്മ്യുണിറ്റി…. അതില്‍ 34 അംഗങ്ങള്‍….ഇതാണു എന്നെ ഞെട്ടിച്ചതു.

കേരള സംസ്ഥാനത്ത്‌ VAT തുടങ്ങുന്നതിനു എത്രയോ മുന്‍പു ഞങ്ങളുടെ അയല്‍ക്കാരനായ കുന്നച്ചേരില്‍ സരസ്സന്‍ VAT തുടങ്ങിയതാണു. പക്ഷെ സരസ്സന്‍ വാറ്റും, എക്സൈസ്കാര്‍ ഓടിക്കും, പിടിക്കും, ജയിലില്‍ ഇടും. പിന്നെയും വാറ്റും. ഈ അടുത്ത്‌ കാലത്തു സരസ്സനെ പോലീസുകാര്‍ പിടിച്ചപ്പോള്‍ സരസ്സന്‍ കൂള്‍ ആയി പറഞ്ഞത്രെ,'എന്നെ വിട്‌ സാറേ, ഇന്നലെയും ഞാന്‍ റ്റിവിയില്‍ കണ്ടതാ, വാറ്റ്‌, നമ്മള്‍ക്കും, നാടിനും എന്നു ധനകാര്യ മന്ത്രി പറയുന്നതു. ഇപ്പോള്‍ ഞങ്ങളുടെ സര്‍ക്കാരാ, തൊപ്പി പോണ വഴി അറിയില്ല സാറേ' യെന്നു പറഞ്ഞിട്ടും പോലിസുകാര്‍ കൊണ്ടു പൊയി എന്നതു മറ്റൊരു സത്യം.

പണ്ടു ഒരിക്കല്‍ സരസ്സനെ ഓടിച്ചു പിടിച്ച ഒരു പോലീസുകാരന്‍ പറഞ്ഞു,എടാ_____________മോനെ, നീ ഈ ഒടുക്കത്തെ ഓട്ടം ആ ഒളിമ്പിക്സില്‍ ഓടിയിരുന്നെങ്കില്‍, ഇന്‍ഡ്യക്ക്‌ ഒരു 10 സ്വര്‍ണ്ണം ഉറപ്പു എന്നു പറഞ്ഞതും, ഒളിമ്പിക്സിനു ഓടുമ്പോള്‍ നിങ്ങളും പുറകെ കാണുമെങ്കില്‍ ഞാന്‍ സ്വര്‍ണ്ണം വാങ്ങി തരാം എന്നു പറഞ്ഞപ്പോള്‍ ഒരു കൂട്ട ചിരി ഉയര്‍ന്നതും ഞാന്‍ ഇന്നും ഓര്‍ക്കുന്നു.

സരസ്സനെ കാണാന്‍ എവിടുന്നെല്ലാം ആണു ആളു വരുന്നതു എന്നു ആര്‍ക്കും അറിയില്ല. പക്ഷെ സരസ്സനെ കണ്ട്‌ മടങ്ങുമ്പോള്‍, വന്നവര്‍ പഴുതാരയായും, പാമ്പായും, പുഷ്‌-പുള്ളായും ഒക്കെയായിരിക്കും യാത്ര എന്നു മാത്രം. ആയതിനാല്‍ രാത്രി സമയത്തു അവിടെയും ഇവിടെയും ഈ 'ഇഴജന്തുക്കള്‍' കാണുമെന്ന കാരണത്താല്‍ രാത്രി കാലങ്ങളില്‍ റ്റോര്‍ച്ചു അത്യാവശ്യ ഘടകം ആയിരുന്നു എന്നു മാത്രം.

ഇന്നു സരസ്സനു എതിരാളികള്‍ ഉണ്ടു. വാറ്റ്‌, നമ്മള്‍ക്കും, നാടിനും എന്ന ആപ്ത വാക്യം മുറുകെ പിടിച്ചിരിക്കുന്നവര്‍.. എല്ലാവരും നമ്മുടെ നാടിനു വേണ്ടി വാറ്റുന്നു.

എന്നാണാവോ, ഈ സരസ്സന്റെ പേരിലും ഒരു ഓര്‍കുത്ത്‌ കമ്മ്യുണിറ്റി ഉണ്ടാവുക.

പൊടിയാടിയെ പ്രസിദ്ധമാക്കിയ പൊടിയാടി ഷാപ്പേ…………, പണ്ടേ വാറ്റ്‌ നടപ്പാക്കിയ സരസ്സാ……….., നിങ്ങള്‍ക്കു ഈ ഉള്ളവന്റെ നമോവാഹം.

പഴമ്പുരണംസ്‌.
http://pazhamburanams.blogspot.com/

കേരളമെന്ന പേര്‍കേട്ടാല്‍

2007-10-10T10:50:00.000Z

...നോക്കുവിന്‍ സഖാക്കളേ.....നമ്മള്‍ വന്ന വീഥിയില്‍ആയിരങ്ങള്‍ ചോര കൊണ്ടെഴുതി വച്ച വാക്കുകള്‍..

".....കേരളമെന്ന പേര്‍കേട്ടാല്‍ തിളക്കണം ചോര നമുക്കു ഞരംബുകളില്‍."
പണ്ടു കവി ഇങ്ങനൊക്കെ പാടിയെങ്കിലും ഇപ്പൊ ഞരംബില്‍ പോയിട്ടു റോഡില്‍ തിളക്കുന്ന ചോരയ്ക്കു മീതെ മീഡിയ വരെ പത്തി താഴ്ത്തി.
ഇനി റോഡ്‌ വികസനത്തിനു(പേരുമാറ്റി 'കുളം നികത്തല്‍') കേരളം എത്ര നാള്‍ കാത്തിരിക്കണം... ആവോ...

ചില വീഡിയോ ദ്രിശ്യങ്ങള്‍
വീഡിയോ1 വീഡിയോ2

ദേ പിന്നേം കട്ടു

2007-09-16T11:58:00.000Z

http://vellarikkaapattanam.blogspot.com എന്ന ബ്ലോഗില്‍ എന്റെ ബ്ലോഗില്‍ "കഥ" എന്ന വിഭാഗത്തില്‍ ഞാനെഴുതി പോസ്റ്റ് ചെയ്ത ഏതാണ്ടെല്ലാ പോസ്റ്റുകളും(ചിലതെല്ലാം ഒറിജിനല്‍ പോസ്റ്റിലെ കമന്റ് ലിങ്ക് അടക്കം) പ്രസിദ്ധീകരിച്ചിരിക്കുന്നു.ഡിലീറ്റ് ചെയ്യാന്‍ പറഞ്ഞെങ്കിലും ഇതു വരെ ഒരു കുലുക്കവുമില്ല.

വിശാലമനസ്കന്‍ വനിതയില്‍

2007-08-20T13:08:00.000Z

വിശാലേട്ടന്‍ വനിതാ മാഗസിനില്‍ എഴുതിയ ഒരു നുറുങ്ങ് കഥ. ബ്ലോഗില്‍ നിന്ന് പുറത്തേയ്ക്കും എത്തിനില്‍ക്കുന്ന വിശാലേട്ടന് അഭിവാദ്യങ്ങള്‍. (കടപ്പാട്: സ്കാനിങ്-കണ്ണൂരാന്‍, സഹായം-ഇക്കാസ്)

നാളെ അത്തമാണു കേട്ടോ...

2007-08-16T13:48:00.000Z

അങ്ങിനെ കള്ളക്കര്‍ക്കിടകം തീര്‍ന്നു...
പൊന്നിന്‍ ചിങ്ങം വരവായി...

നാളെ അത്തം.... പത്താം ദിവസം പൊന്നോണം...

എല്ലാ ബൂലോഗരും മനോഹരമായ പൂക്കളങ്ങളിട്ടുകൊണ്ട് മാവേലി മന്നനെ വരവേല്‍ക്കുവാനൊരുങ്ങുവിന്‍...
-------------------------------------------
ഇതാ ഒരോണപ്പാട്ട്... ആരോ തന്നതാണേ... എന്നാലും നമുക്കു പാടി തിമര്‍ക്കാം...

കറ്റകറ്റക്കയറിട്ടു
കയറാലഞ്ചു മടക്കിട്ടു
നെറ്റിപ്പട്ടം പൊട്ടിട്ടു
കൂടേ ഞാനും പൂവിട്ടു
പൂവേ പൊലി പൂവേ പൊലി
പൂവേ പൊലി പൂവേ
പൂവേ പൊലി പൂവേ
പൊലിപൂവേ പൊലി പൂവേ .......
തുമ്പേലരിമ്പേലൊരീരമ്പന്‍ തുമ്പ
തുമ്പ കൊണ്ടമ്പതു തോണി ചമച്ചു
തോണിത്തലയ്ക്കലൊരാലു മുളച്ചു
ആലിന്റെ പൊത്തിലൊരുണ്ണിപിറന്നു
ഉണ്ണിക്കു കൊട്ടാനും ഉണ്ണിക്കു പാടാനും
തുടിയും തുടിക്കോലും പറയും പറക്കോലും
പൂവേ പൊലി പൂവേ പൊലി പൂവേ.......

ചന്തത്തില്‍ മുറ്റം ചെത്തിപ്പറിച്ചീല
എന്തെന്റെ മാവേലി ഓണം വന്നൂ
ചന്തക്കുപോയീല നേന്ത്രക്കാ വാങ്ങീല
എന്തെന്റെ മാവേലി ഓണം വന്നൂ
പന്തുകളിച്ചീല പന്തലുമിട്ടീല
എന്തെന്റെ മാവേലി ഓണം വന്നൂ
അമ്മാവന്‍ വന്നീല, സമ്മാനം തന്നീല
എന്തെന്റെ മാവേലി ഓണം വന്നൂ
അച്ഛനും വന്നീല, സമ്മാനം തന്നീല
എന്തെന്റെ മാവേലി ഓണം വന്നൂ
നെല്ലു പുഴങ്ങീല, തെല്ലുമുണങ്ങീല
എന്തെന്റെ മാവേലി ഓണം വന്നൂ
പിള്ളേരും വന്നീല, പാഠം നിറുത്തീല
എന്തെന്റെ മാവേലി ഓണം വന്നൂ
തട്ടാനും വന്നീല, താലിയും തീര്‍ത്തീല
എന്തെന്റെ മാവേലി ഓണം വന്നൂ
നങ്ങേലിപ്പെണ്ണിന്റെ അങ്ങേരും വന്നീല
എന്തെന്റെ മാവേലി ഓണം വന്നൂ.......
പൂവായ പൂവെല്ലാം പിള്ളേരറത്തു
പൂവാങ്കുറുന്തില ഞാനുമറുത്തു
പിള്ളേരടെ പൂവെല്ലാം കത്തിക്കരിഞ്ഞു
എന്നുടെ പൂവെല്ലാം മിന്നിത്തെളിഞ്ഞു
പൂവേ പൊലി.......
അങ്ങേക്കര ഇങ്ങേക്കര കണ്ണാന്തളി
മുറ്റത്തൊരാലു മുളച്ചു
ആലിന്റെ കൊമ്പത്തൊരുണ്ണി പിറന്നു
ഉണ്ണിക്കു കൊട്ടാനും ഉണ്ണിക്കു പാടാനും
തുടിയും തുടിക്കോലും പറയും പറക്കോലും
പൂവേ പൊലി പൂവേ പൊലി.....

യൂറോപ്പിലൊരു കുറുമാന്‍

2007-08-10T05:19:00.000Z

കുറുമാന്റെ യൂറോപ്പ് സ്വപ്നങ്ങള്‍ റെയിന്‍ബോ ബുക്സ് പ്രസിദ്ധീകരിച്ചതിനെക്കുറിച്ച് മനോരമ യുവയില്‍ വന്ന ലേഖനം. കുറുമാന് ഈ ക്ലബ്ബിന്റെ അഭിനന്ദനങ്ങള്‍.

*ചിത്രം സ്കാന്‍ ചെയ്യാന്‍ സഹായിച്ച ഇക്കാസിനു പ്രത്യേകം നന്ദി.

DU സിം കാര്‍ഡ് ഫോര്‍ ഫ്രീ!

2007-08-08T07:49:00.000Z

ARY digital ന്റെ പ്രമോഷന്റെ ഭാഗമായി ഡൂ സിം കാര്‍ഡ് ഫ്രീയായി കൊടുക്കുന്നു ത്രേ!*

താല്പര്യമുള്ളവര്‍ താഴെ കാണിച്ചിരിക്കും വിധം ഒരു മെയിലങ്ങയക്കുക.

മെയില്‍ അയക്കേണ്ട ഐഡി : whatadeal@arydigital.tv
സബ്ജക്റ്റ് : i want a sim card
മാറ്റര്‍ : WAD_ നിങ്ങളുടെ പേര്‍ അഥവാ നാമധേയം.

അപ്പോള്‍ താഴെക്കാണിക്കും വിധം ഒരു റിപ്ലേ വരും.

Thank you for your interest in ''What A Deal''! You have now become an ARY Exclusive Card Member. Please collect your Free ARY Exclusive Membership card and your free du SIM card as a gift from any ARY Gold and Jewellery outlet after two days of the reciept of this message.

ഇത്രേ എനിക്കറിയൂ.

*ത്രേ! - ശ്രദ്ധിച്ചിരിക്കുമല്ലോ?

ആരൊക്കെയോ എന്നെ കമ്മ്യൂണിസ്റ്റാക്കി......

2007-07-28T15:07:00.001Z

കഴിഞ്ഞ ആഴ്ച അറബിക്കഥ കാണുവാന്‍ പോയിരുന്നു. അതിലെ ഈ ഗാനം കേട്ടപ്പോള്‍, എന്തരോ ഒരു കോരിത്തരിപ്പ്.... വരികള്‍ അന്വേഷിച്ചു കുറെ നടന്നു, അവസാനം ഇന്നലെ ഏതോ ഒരു 'സഖാവ്' എനിക്ക് വരികള്‍ സ്ക്രാപ്പ് ചെയ്തു തന്നു. എന്തു കൊണ്ടോ, വലത് വശം ചേര്‍ന്നു നടക്കുന്ന ഞാന്‍ ഈ വരികള്‍ കണ്ട് പുളകിതനായി...... ചുമ്മാതല്ല, ഈ കമ്മ്യൂണിസ്റ്റുകാര്‍ക്ക് ഇത്ര വീര്യം..... ഈ കാണ്‍ഗ്രേസ്സുകാരും, കെ എസ് യു-ക്കാര്‍ക്കും എന്ത് കൊണ്ട് ഇങ്ങനത്തെ ചോരതിളപ്പിക്കുന്ന കവിതകള്‍ ഉപയോഗിച്ചുകൂട. Tactics അറിയില്ലെങ്കില്‍ ചോദിക്ക് ഉമ്മച്ചാ, ഞാന്‍ പറഞ്ഞുതരാം... (ഒന്നും തോന്നല്ലെ, അഹങ്കാരത്തിന്റെ അസ്കിതയുണ്ടേ)

ചോര വീണ മണ്ണില്‍ നിന്നുയര്‍ന്നു വന്ന പൂമരം
ചേതനയില്‍ നൂറു നൂറു പൂക്കളായ് പൊലിക്കവേ...നോക്കുവിന്‍ സഖാക്കളേ.....
നമ്മള്‍ വന്ന വീഥിയില്‍ആയിരങ്ങള്‍ ചോര കൊണ്ടെഴുതി വച്ച വാക്കുകള്‍..
( ലാല്‍ സലാം...ലാല്‍ സലാം.. )

മൂര്‍ച്ചയുള്ള ആയുധങ്ങളല്ല പോരിനാശ്രയം
ചേര്‍ച്ചയുള്ള മാനസങ്ങള്‍ തന്നെയാണതോര്‍ക്കണം...

ഓര്‍മ്മകള്‍ മരിച്ചിടാതെ കാക്കണം കരുത്തിനായ്..
കാരിരുമ്പിലെ തുരുമ്പ് മായ്ക്കണം ജയത്തിനായ്...
നട്ടു കണ്ണു നട്ടു നാം വളര്‍ത്തിയ വിളകളെ
കൊന്നു കൊയ്തു കൊണ്ട് പോയ ജന്മികള്‍ ചരിത്രമായ്..

സ്വന്ത ജീവിതം ബലി കൊടുത്തു കോടി മാനുഷര്‍...‍,
പോരടിച്ചു കൊടി പിടിച്ച് നേടിയതീ മോചനം..
സ്മാരകം തുറന്നു വരും വീറു കൊണ്ട വാക്കുകള്‍,
ചോദ്യമായി വന്നലച്ചു നിങ്ങള്‍ കാലിടറിയോ..?

രക്തസാക്ഷികള്‍ക്കു ജന്മമേകിയ മനസുകള്‍
കണ്ണു നീരിന്‍ ചില്ലുടഞ്ഞ കാഴ്ചയായ് തകര്‍ന്നുവോ...?
( ലാല്‍ സലാം..ലാല്‍ സലാം.. )

പോകുവാന്‍ നമുക്കു ഏറെ ദൂരമുണ്ടതോര്‍ക്കുവിന്‍,
വഴി പിഴച്ചു പോയിടാതെ മിഴി തെളിച്ചുനോക്കുവിന്‍,
നേരു നേരിടാന്‍ കരുത്തു നേടണം,
നിരാശയില്‍വീണിടാതെ നേരിനായ് പൊരുതുവാന്‍ കൊതിക്കണം..

നാളെയെന്നതില്ല നമ്മളിന്നു തന്നെ നേടണം..
നാള്‍ വഴിയിലെന്നുമമരഗാഥകള്‍ പിറക്കണം..
സമത്വമെന്നൊരാശയം മരിക്കുകില്ല ഭൂമിയില്‍,
നമുക്കു സ്വപ്നമൊന്നു തന്നെയന്നുമിന്നുമെന്നുമേ...

ചിത്രം : അറബിക്കഥ
ആലാപനം : അനില്‍ പനച്ചൂരാന്‍
‍വരികള്‍ : അനില്‍ പനച്ചൂരാന്‍
‍സംഗീതം : ബിജി ബാല്‍

വേറൊരു തൊഴിലുമില്ലാത്തോണ്ടാണേ ഈ ചവര്‍ (ചവര്‍ എന്നത് കവിതയല്ലാ കവിതയല്ലാ കവിതയല്ല... ഈ പോസ്റ്റ് മാത്രം ഈ പോസ്റ്റ് മാത്രം... ഹൊ!!!!) ഇവിടെ ഇട്ടത്... ബുലോകക്ലബ്ബിന്റെ ഉദ്ദേശവും അത് തന്നെയെന്ന് വിശ്വസിക്കുന്നു.... പണ്ടൊക്കെ നെറ്റില്‍ കയറിയാല്‍ ആദ്യം പോകുന്നത് ഓര്‍ക്കുട്ടിലും, പിന്നെ ബുലോകക്ലബ്ബിലേക്കുമായിരുന്നു..... ഇപ്പോള്‍.......!!!.....

ഇതിനൊരു പുനര്‍ജന്മം കൊടുത്തു കൂടെ സഖാക്കളേ..........

"പോകുവാന്‍ നമുക്കു ഏറെ ദൂരമുണ്ടതോര്‍ക്കുവിന്‍,
വഴി പിഴച്ചു പോയിടാതെ മിഴി തെളിച്ചുനോക്കുവിന്‍
നേരു നേരിടാന്‍ കരുത്തു നേടണം,
നിരാശയില്‍വീണിടാതെ നേരിനായ് പൊരുതുവാന്‍ കൊതിക്കണം.. .."
[ ലാല്‍ ‍സലാമും, ഇങ്കുലാബും വേണ്ടാട്ടോ..... വേണേല്‍ സോണിയാജിയ്ക്ക് രണ്ട് ജയ് വിളിച്ചോ... :D ]

UPDATE:- ഹരീ പറഞ്ഞ തിരുത്തലുകള്‍ വരുത്തിയിട്ടുണ്ട്, വരി തിരിക്കലൊഴികെ

തൂത്തന്‍പ്പാറ വനം വകുപ്പിന്

2007-07-15T13:29:00.000Z

നെല്ലിയാന്‍പതിയിലെ തൂത്തന്‍പ്പാറ എസ്റ്റേറ്റ് ഇന്ന് രാവിലെ വനം വകുപ്പ് ഏറ്റെടുത്തു. നെന്മാറ ഡി.എഫ്.ഓ , ശ്രീ. ടി.കെ.ബാബു എസ്റ്റേറ്റ് സര്‍ക്കാര്‍ ഏറ്റെടുത്തതായുള്ള സര്‍ക്കാര്‍ ഉത്തരവ് വായിച്ചു. വളരെ അധികം പരിസ്ഥിതി പ്രാധാന്യമുള്ള വനപ്രദേശമാണിത്. ഈ ജൂണ്‍ 30ന് പാട്ടകാലാവധി കഴിഞ്ഞ എസ്റ്റേറ്റ് സര്‍ക്കാര്‍ ഏറ്റെടുകണമെന്നും, വീണ്ടും സ്വകാര്യ വ്യക്തികള്‍ക്ക് പാട്ടത്തിന് നല്‍കരുതെന്നും വിവിധ പരിസ്ഥിതി സംഘടനകള്‍ ശക്തമായി ആവശ്യപ്പെട്ടിരുന്നു. 99 കൊല്ലമായി ഈ സ്ഥലം വിവിധ സ്വകാര്യ വ്യക്തികളുടെ കൈവശമായിരുന്നു. അവസാനമായി ഇത് പോബ്സ് ഗ്രൂപ്പിന്റെ കൈവശമായിരുന്നു.
പടങ്ങള്‍

അഭ്യര്‍ത്ഥന

2007-06-30T07:32:00.000Z

പ്രിയ സുഹൃത്തേ..

ഐ.വൈ.എ അജ്‌മാന്‍ ഘടകത്തിന്റെ കീഴില്‍ പ്രവര്‍ത്തിക്കുന്ന പൊതു ഗ്രന്ഥാലയം വിപുലീകരിക്കുന്ന നടപടികള്‍ നടന്നു കൊണ്ടിരിക്കുകയാണ്‌. അജ്‌മാനിലെ മലയാളികള്‍ക്ക് ഉപയോഗപ്രദമാകുന്ന ഗ്രന്ഥാലയമെന്ന നിലയ്‌ക്ക്, അത്ലേക്ക് പുസ്‌തകങ്ങള്‍ സംഭാവനയായി നല്‍‌കി നിങ്ങളുടെ പിന്തുണ നല്‍‌കാന്‍ അഭ്യര്‍ത്ഥിക്കുന്നു. പുസ്‌തകങ്ങള്‍ സംഭാവനയായി നല്‍‌കാന്‍ ആഗ്രഹിക്കുന്നവര്‍ എന്നെ 050 8675371 എന്ന നമ്പറിലേക്ക് വിളിക്കാന്‍ താല്‍‌പര്യം.

സസ്‌നേഹം

നിങ്ങളൂടെ സുഹൃത്ത്

ഡ്രിസില്‍ മൊട്ടാമ്പ്രം

കുറുമാന്റെ യുറോപ്പ്‌ സ്വപനങ്ങള്‍ക്ക്‌ ഒരു കവര്‍ ഡിസൈന്‍ ചെയ്യാമോ?

2007-06-29T08:40:00.000Z

ബൂലോഗത്തിന്റെ പ്രിയങ്കരനായ നമ്മുടെ കുറുമാന്റെ 'എന്റെ യുറോപ്പ്‌ സ്വപനങ്ങള്‍ എന്ന പുസ്തകം റെയിന്‍ ബോ ബുക്സ്‌ ഈ ഓഗസ്റ്റ്‌ മാസം പ്രസിദ്ധീകരിക്കുന്ന വിവരം നിങ്ങളെല്ലാം ഏകദേശം അറിഞ്ഞിരിക്കുമല്ലോ?

ഇത്തരുണത്തില്‍, പുസ്തകത്തിന്റെ കവര്‍ പേജ്‌ ചെയ്യാന്‍ കുറുജി പലരേയും സമീപിക്കുകയുണ്ടായി. അപ്പോഴാണ്‌ ഇങ്ങനെ ഒരു ചിന്ത വന്നത്‌, ഗ്രാഫിക്സില്‍ പുലികളും സിംഹങ്ങളും ആയി വാഴുന്ന എത്രയോ പേരെ ക്കൊണ്ട്‌ സമ്പന്നമാണ്‌ ബൂലോഗം? നമുക്കു തന്നെ അത്‌ ചെയ്യാവുന്നതേയുള്ളല്ലോ?
മുഖം മനസിന്റെ കണ്ണാടി എന്ന പോലെ പുസ്തകത്തിന്റെ പകുതി വിജയം തീര്‍ച്ചയായും കവറിലാണ്‌ ഇരിക്കുന്നത്‌.

അതിനാല്‍, പ്രിയപ്പെട്ട ബൂലോക ഉടപ്പിറന്നവരേ, കുറുമാന്റെ സമ്മതത്തോടെ, ഞങ്ങള്‍ സോറി നമ്മള്‍ കുറുമാന്റെ പുസ്തകത്തിന്‌ കവര്‍ പേജ്‌ ക്ഷണിക്കുന്നു. അധികം സമയമെടുക്കാതെ ചെയ്യാന്‍ കഴിയുന്ന വിദഗ്ദന്മാര്‍ നമുക്കിടയില്‍ ഉണ്ടല്ലോ?

പുപ്പുലികള്‍ അടങ്ങിയ പാനല്‍ ഒരു കവര്‍ തിരഞ്ഞെടുക്കുന്നതായിരിക്കും. (പുപ്പുലികള്‍ എന്നു പറയുമ്പോ സര്‍വ്വശ്രീ: കുമാര്‍, സാക്ഷി, കൈപ്പള്ളി, സപ്തന്‍, തുളസി തുടങ്ങി കളര്‍ സെന്‍സുള്ള പുലികളില്‍ ചിലര്‍) തീര്‍ച്ചയായും ബ്ലോഗില്‍ നിന്നുള്ള പുസ്തകത്തിന്‌ ബ്ലോഗില്‍ നിന്നുള്ള ഒരാളുടേ കവര്‍ ആയിരിക്കും ഉചിതം എന്ന് തോന്നുന്നു.

എല്ലാവരുടേയും സഹകരണം പ്രതീക്ഷിക്കുന്നു.

ഓടോ:തിരഞ്ഞെടുക്കുന്ന കവറിന്‍ സമ്മാനം.

1 .യൂയേയി ക്കാരനാണെങ്കില്‍ ശ്രീ ഗന്ധര്‍വ്വനെ കൊണ്ട്‌ പ്രകാശനചടങ്ങില്‍ മുണ്ടിട്ട്‌ പിടിക്കും.
2. 2. ഇന്ത്യയിലുള്ള ആളാണെങ്കില്‍ കുറു സമ്മാനര്‍ഹനേയും കൊണ്ട്‌ മാപ്രാണം, ആലുവ തുരുത്ത്‌ നൂറ്റൊന്നു കറി ഷാപ്പ്‌ തുടങ്ങിയ തീര്‍ത്ഥാടന സ്ഥലങ്ങളില്‍ സന്ദര്‍ശനം നടത്തും.
3. വിജയി സ്ത്രീ ആണെങ്കില്‍ ദില്‍ബന്‍ എഴുതിയ ഭര്‍ത്താവിനെ ന്നിയന്ത്രിക്കാന്‍ 101 വഴികള്‍ എന്ന അച്ചടിയിലിരിക്കുന്ന പുസ്തകം ഫ്രീ.

================
JOKES APART,
കവര്‍ ഡിസൈനറുടേ പേരും ബ്ലോഗ്‌ അഡ്രസ്സും പുസ്തകത്തില്‍ കൊടുക്കുന്നതായിരിക്കും.
please send your mail to rageshku@gmail.com ASAP.

കൊല്ലുന്ന വിമാനക്കൂലിക്ക് അല്പമൊരു ആശ്വാസം.

2007-06-26T09:19:00.000Z

ദുബായില്‍ നിന്ന് കൊളം‌മ്പൊ വഴി തിരുവനന്തപുരത്തേക്ക്‌ ഒരു പുതിയ വിമാന കമ്പനി അതിന്റെ സര്‍വീസ്‌ തുടങ്ങുന്നു. ഈ അവധികാലത്തെ കൊല്ലുന്ന വിമാനകൂലിയേക്കാളും അല്‍പം മെച്ചപെട്ട രീതിയിലാണ്‌ അവര്‍ യാത്രാകൂലി ഈടാക്കുന്നത്‌. ജൂലൈ 1 മുതല്‍ തിരുവന്തപുരത്തേക്ക്‌ സര്‍വീസ്‌ ഉണ്ട്‌. മടക്കയാത്രക്കൂലി( ടാക്സുകളും സര്‍ചര്‍ജ്ജുകളും ഉള്‍പ്പെടെ) 1510 ദിര്‍ഹമേ വരുന്നുള്ളൂ.(ഞാന്‍ അവരുടെ സൈറ്റ് നോക്കിയിരുന്നു.ഇത് ജുലൈ മുതല്‍ ആഗസ്റ്റ് അവസാനം വരെ ഉള്ള ചാര്‍ജ്ജ് ആണ്.ടിക്കറ്റും ലഭ്യമാണ്) കൂടുതല്‍ വിവരങ്ങള്‍ക്ക്‌ അവരുടെ സൈറ്റില്‍ പോയാല്‍ അറിയാന്‍ പറ്റും. കുടുംബം ഒന്നിച്ച്‌ യാത്ര ചെയ്യുന്നവര്‍ക്ക്‌ ഇത്‌ അത്ര ഉപകാരപ്പെടുമോ എന്ന് അറിയില്ല. കാരണം, ദുബയില്‍ നിന്ന് വരുമ്പോള്‍ എകദേശം 5 മണിക്കൂറും ദുബായിലേക്ക്‌ പോകുമ്പോള്‍ എകദേശം അഞ്ചര മണിക്കൂറും കൊളംമ്പോ എയര്‍പോര്‍ട്ടില്‍ തങ്ങണം.

ഇത്‌ ഞാന്‍ പോസ്റ്റ്‌ ചെയ്യുന്നത്‌ മിഹിന്‍ ലങ്കക്ക്‌ ഒരു പരസ്യമായിട്ട്‌ അല്ല. നമുക്കും നമ്മുടെ സുഹൃത്തുക്കള്‍ക്കും എന്തെങ്കിലും ഉപകാരം ആണെങ്കില്‍ ആയിക്കോട്ടെ എന്ന് കരുതി മാത്രം. കൂടുതല്‍ വിവരങ്ങള്‍ക്ക്‌ അവരുടെ വെബ്‌സൈറ്റില്‍ തപ്പിയാല്‍ മതി.

"ന്‍റ" യും "ന്റ" യും... :)

2007-06-25T04:16:00.000Z

"ന്‍റ" എന്ന വാക്ക് എഴുതാനുള്ള കീ ബോര്‍ഡ് ക്രമം പലര്‍ക്കും അറിയില്ലെന്നു തോന്നുന്നു. പൊതുവെ "ന്റ" എന്നാണ്‌ ഉപയോഗിച്ചു കണ്ടിട്ടുള്ളത്. എനിക്ക് ഈയടുത്താണ്‌ ശരിയായ ക്രമം മനസ്സിലായത്.
n_R എന്നെഴുതിയാല്‍ അതു കിട്ടും.
:-)

ഒരു അഭ്യര്‍ത്ഥന

2007-06-21T10:36:00.000Z

സുഹൃത്തുക്കളേ,

പ്രഭാത് ബുക്സ് കേരളത്തില്‍ പ്രസിദ്ധീകരിച്ച പഴയ റഷ്യന്‍ കഥകളുടെ (റാദുഗ പബ്ളിക്കേഷന്‍സ്-ന്‍റെ) മലയാള പരിഭാഷ ആരുടെയെങ്കിലും കയ്യിലുണ്ടെങ്കില്‍, അവ കൈമാറാന്‍ തയ്യാറാണെങ്കില്‍, ദയവായി എന്നെ അറിയിക്കുക. തക്കതായ വില നല്‍കി വാങ്ങാന്‍ എനിക്ക് താല്‍പര്യമുണ്ട്.
ഇപ്പൊ അവയുടെ പ്രസാധനമൊന്നും നടക്കുന്നില്ല. ഒരു 20 വര്‍ഷം മുമ്പത്തെ ആണ്‌ ആ പുസ്തകങ്ങള്‍. പ്രഭാത് ബുക്സുമായി ബന്ധമുള്ള ആരെങ്കിലും ഉണ്ടെങ്കില്‍, അവയുടെ പഴയ സ്റ്റോക്ക് വല്ലതും ഉണ്ടോ എന്ന് അന്വേഷിക്കാമോ? മറുപടികള്‍ ഈ പോസ്റ്റിനു കമന്‍റായി ഇട്ടാല്‍ മതിയാകും.

അവയില്‍ ഓര്‍മ്മയുള്ള ചില പേരുകള്‍:

കുട്ടികളും കളിത്തോഴരും
രത്നമല
മായാജാലക്കഥകള്
‍പിനീഷ്യ

നന്ദിപൂര്‍വ്വം,
അനിയന്‍കുട്ടി.

"പറയാതെ വയ്യ..”

2007-06-03T18:56:00.000Z

ബൂലോക ക്ലബ്ബ് വളര്‍ച്ചയില്‍ നിന്നും വളര്‍ച്ചയിലേക്കോ അതോ തളര്‍ച്ചയിലേക്കോ എന്ന് ചിന്തിക്കേണ്ടിയിരിക്കുന്നു. എവിടെയാണ് ഒരു കൂട്ടായ്മയെന്ന സങ്കല്പം നമ്മുക്ക് നഷ്ടപ്പെടുന്നതെന്ന് നാം തിരിച്ചറിയേണ്ടിയിരിക്കുന്നു.

പലപ്പോഴും ബ്ലോഗര്‍മാരെ ബാധിക്കാതിരിക്കണമെന്ന് നിരവധി സന്ദര്‍ഭങ്ങളില്‍ ബ്ലോഗിങ്ങിന്റെ ഗുണദോഷങ്ങള്‍ തിരിച്ചറിയുന്ന സീനിയര്‍ ബ്ലോഗര്‍മാര്‍ പലതവണ പറഞ്ഞിട്ടുള്ള പല കാര്യങ്ങളും ബൂലോകത്ത് നടമാടുന്നതിനെ കണ്ടില്ലന്ന് നടിക്കാന്‍ കഴിയില്ല. സ്വതന്ത്രമായി ബ്ലോഗെഴുതി കൊണ്ടിരുന്നവര്‍ ബൂലോകത്ത് നിന്നുമാര്‍ജിച്ച അരാധനയും എഴുത്തുകാരനെന്ന പരിവേഷവുമായി പുസ്തക പ്രസാധനവും സീരിയല്‍ നിര്‍മ്മാണവുമൊക്കെയായി ബൂലോകത്ത് നിന്നും പടിയിറങ്ങിയിട്ട് തങ്ങളുടെ ഉല്പന്നങ്ങളുടെ പരസ്യ പലകയാക്കി ബൂലോക ക്ലബ്ബിനെ മാറ്റി ഈ കൂട്ടായ്മയുടെ നട്ടെല്ലൊടിക്കുന്ന പ്രവണത കൂടി വരുന്നു എന്ന് പറയുന്നതില്‍ ഖേദമുണ്ട്. ഇവിടുത്തെ ഒരു അംഗം പ്രസിദ്ധിയാര്‍ജിക്കുന്നുവെന്നതില്‍ ബൂലൊകമൊന്നാകെ അഭിമാനിക്കുന്നുവെങ്കിലും നിറ സാനിദ്ധ്യമായിരുന്നവരെ പിന്നെ കാണുന്നത് അവരവരുടെ സ്രിഷ്ടികളുടെ പരസ്യം പറയാന്‍ വേണ്ടി മാത്രം ബൂലോകത്തെത്തുന്നതാണ്. ഈ രീതി നിരുത്സാഹപ്പെടുത്തേണ്ടത് തന്നെയാണ്. പരസ്പരം പലതും പറഞ്ഞും തല്ലുപിടിച്ചും കൊണ്ടുംകൊടുത്തും കളിച്ചും ചിരിച്ചും ബൂലോകത്ത് കഴിഞ്ഞിരുന്നവര്‍
ഒരു സുപ്രഭാതത്തില്‍ ബുജികളായി മാറുന്നതും പിന്നെ തങ്ങള്‍ക്ക് കഴിയുന്നതരത്തില്‍ കുഞ്ഞു ബ്ലോഗുമായി വരുന്നവരെ വിവരദോഷികളായി കല്പിക്കുന്നതും ഏറി വരുന്നു.

ഉച്ചനീചത്വം ഇല്ല എന്ന് ആയിരം വട്ടം ആവര്‍ത്തിക്കുന്നവര്‍ ചില നല്ല ബ്ലോഗുകളെ കാരണമേതുമില്ലാതെ പുറത്ത് നിര്‍ത്തുന്നതെന്തിന് എന്ന് അറിയേണ്ടിയിരിക്കുന്നു. ഒരു ഉദാഹരണമായി പറഞ്ഞാല്‍ “ബെര്‍ളിത്തരങ്ങള്‍”. ആ ബ്ലോഗിനെ തനിമലയാളത്തില്‍ നിന്നും പിന്മൊഴിയില്‍ നിന്നുമൊക്കെ ഒഴിവാക്കുന്നതെന്താണ്? ഒരു പക്ഷേ സൂപ്പര്‍ ഹിറ്റായ “കൊടകര പുരാണ” ത്തിനൊപ്പമോ ചിലതലങ്ങളില്‍ അതിനപ്പുറമോ നിലവാരം പുലര്‍ത്തുന്ന ആ ബ്ലോഗിനെ എന്തിന്റെ പേരിലാണെങ്കിലും പുറത്ത് നിര്‍ത്തിയിരിക്കുന്നതിനെ ന്യായികരിക്കാന്‍ കഴിയില്ല. പലരും പലതും പറഞ്ഞും പരസ്പരം കൊടുത്തും കൊണ്ടുമൊക്കെയേ ഒരു കൂട്ടായ്മ ആരൊഗ്യകരമായി വളര്‍ന്നു വരുള്ളു. വിമര്‍ശനങ്ങളേയും ആക്ഷേപങ്ങളേയും സ്പോര്‍ട്സ് മാന്‍ സ്പിരിറ്റോടെ കാണാതെ വെട്ടിനിരത്താനുള്ള വ്യഗ്രത തിരുത്തപെടുക തന്നെ ചെയ്യണം.

നല്ല ചര്‍ച്ചകള്‍ ആവശ്യമായ എന്തെല്ലാം വിഷയങ്ങള്‍ മലയാളബ്ലോഗ് സമൂഹത്തില്‍ ദൈനം ദിനം ഉയര്‍ന്നു വരുന്നു. അതൊക്കെയും വെള്ളത്തില്‍ വരച്ച വര പോലെ മാഞ്ഞു പോകയും ചില ഉന്നത കുല ജാ‍തന്മാര്‍ പടച്ചു വിടുന്ന വിവരക്കേടുകള്‍ വാനോളം ഉയര്‍ത്തപ്പെടുന്നതും കണ്ടും കേട്ടും സഹി കെട്ടിരിക്കുന്നു. ഒരു ദോശയും വക്കു പൊട്ടിയ ഒരു കാസറോളും ഒന്നര ദിവസം കൊണ്ട് ഭൂകമ്പമുണ്ടാക്കിയപ്പോള്‍ കേരളം കണ്ട ഏറ്റവും ദൂ‍രൂഹവും മലയാളമനസ്സാകെ ചര്‍ച്ച ചെയ്തു കൊണ്ടിരിക്കുന്നതുമായ “അഭയ” കേസിനെ കുറിച്ച് കൂഴൂര്‍ വിത്സന്‍ ആധികാരികമായി ഇട്ട ഒരു പോസ്റ്റില്‍ തിരിഞ്ഞു നോക്കാന്‍ ആളില്ല. മനുഷ്യ മനസ്സാക്ഷിയെ ഞെട്ടിക്കുന്ന നികിര്‍ഷ്ട കര്‍മ്മങ്ങള്‍ ഫോട്ടോ ബ്ലോഗുകാളായി പുറത്ത് വരുമ്പോള്‍ അത് വഴിയൊന്ന് പോകാന്‍ നമ്മുക്ക് കഴിയുന്നില്ല. മജാസ് പാര്‍ക്കിലെ നാലുപേര്‍ കൂടിയ മീറ്റിലെ പഴം പൊരിയുടെ പഴത്തിന്റെ അളവ് അണുകിടകീറി വിശകലനം ചെയ്യാന്‍ ബൂലോകരുടെ തള്ളികയറ്റം. കഷ്ടമെന്നല്ലാതെ എന്തു പറയാന്‍.

ബൂലോക ക്ലബ്ബ് തുടങ്ങിയ സമയത്ത് ഒരാള്‍ അംഗത്വത്തിന് വേണ്ടി മെസേജയച്ചാല്‍ ഒന്നോ രണ്ടോ ദിനം കൊണ്ട് അവര്‍ക്ക് അംഗത്വം ലഭിച്ചിരുന്നിടത്ത്, ഇപ്പോല്‍ പുതിയ ആള്‍ക്കാര്‍ ചിറ്റുമായി കാത്തു കെട്ടി കിടക്കേണ്ട അവസ്ഥ. പല ബ്ലോഗുകളിലും ഇടുന്ന കമന്റുകള്‍ ത്രിശ്ശങ്കുവിലാകുന്നു. ചുരുക്കത്തില്‍ “അടപ്പൂരാന്‍” എന്ന പോസ്റ്റില്‍ ബെര്‍ളി പറഞ്ഞു വെച്ചിരിക്കുന്ന മാതിരിയുള്ള ഒരു സ്തിതി സംജാതമായിരിക്കുന്നു എന്ന് പറയുമ്പോള്‍ മേല്‍തട്ടിലുള്ളവര്‍ അഥവാ അഗ്രഗേറ്റര്‍മാര്‍ ഇത്രയും പറഞ്ഞ എന്നെയും പടിയടച്ചു പിണ്ഡം വച്ചിട്ട് കാര്യമില്ല. ഈ കൂട്ടായ്മ ഇങ്ങിനെ തെറ്റുകള്‍ തിരുത്തി മലയാള ബ്ലോഗ് സമൂഹത്തിന്റെ ഉത്തുംഗ ശ്രിംഗത്തില്‍ തന്നെ വിരാജിക്കണമെന്ന ആഗ്രഹം കൊണ്ട് പറഞ്ഞു പോകുന്നതാണ്.

ചാറ്റുറൂമായി തരം താണിരിക്കുന്ന ബൂലോക ക്ലബ്ബിനെ രക്ഷിച്ചെടുക്കേണ്ടത് ഈ കൂട്ടായ്മയുടെ അടിസ്ഥാന ധര്‍മ്മമാണെന്ന് പറയാതെ വയ്യ തന്നെ.

ശ്രദ്ധേയമായ പുരോഗതികള്‍

2007-06-02T21:52:00.000Z

2007 ആറാം മാസത്തിലേക്ക് കടന്നു. ബൂലോഗത്ത് ശ്രദ്ധേയമായ ചുവടുവയ്പ്പുകള്‍ പലതും നടന്നിട്ടുണ്ടാവണം. ബൂലോഗവരിയില്‍ അംഗസംഖ്യ ആയിരം കടന്ന വര്‍ഷമാണിത്. 35 പേര്‍ എഴുതിക്കൊണ്ടിരുന്ന 2005ആം ആണ്ടില്‍ നിന്നും എത്ര മാറിപ്പോയി!

ഈ വര്‍ഷം മലയാളത്തിനു ലഭിച്ച ശ്രദ്ധേയമായ നേട്ടങ്ങളിന്‍ എന്റെ കണ്ണില്‍ പെട്ടത്
1. സുഷേണന്റെ വൃത്ത സഹായി
ആരെയും ഗായകനാക്കുന്ന മിസ്റ്റര്‍ ഭാവയെപ്പോലെ ആരെയും വൃത്തത്തിലെഴുതിക്കുന്ന സൂത്രം.

2. പെരിങ്ങോടന്റെ ഓണ്‍ലൈന്‍ വരമൊഴിഒന്നും ഇന്‍സ്റ്റാള്‍ ചെയ്യാതെ ഓണ്‍ലൈനിലും ഓഫ് ലൈനിലും വര്‍ക്ക് ചെയ്യുന്ന ട്രാന്‍സ്‌ലിറ്ററേഷന്‍ പേജ്.

3. കെവിന്റെ ദിനപത്രം യാന്ത്രികമായ അഗ്രിഗേഷനും ആര്‍ എസ്സ് എസ്സ് ഫീഡ് കൂട്ടലും റീഡറും ഒന്നുമല്ല. ദൈനം ദിനം കെവിന്‍ ബ്ലോഗ്ന്‍ അരിച്ചു പെറുക്കി ഉണ്ടാക്കുന്ന പത്രം. രാവിലേ അതങ്ങോട്ട് തുറക്കുമ്പോ എന്താ രസം.

എനിക്കും ബാക്ക്‌-അപ്പോ?

2007-05-25T16:38:00.000Z

പ്രിയപ്പെട്ടവരെ..

എന്റെ 'ഒന്നേ രണ്ടേ മൂന്ന്' എന്ന ബ്ലോഗില്‍ പുതുതായി പോസ്റ്റ്‌ ചെയ്ത 'അക്ഷയപ്പടക്കങ്ങള്‍' (മുമ്പ്‌ 'അക്ഷയാക്കഥകള്‍ - ഒരു തുടരന്‍') എന്ന പോസ്റ്റ്‌ ജിദ്ദയില്‍ നിന്നുള്ള രണ്ടു വിദ്വാന്മാര്‍ അതിവിദഗ്ധമായി അവരുടെ ബ്ലോഗിലേക്ക്‌ വള്ളിപുള്ളി തെറ്റാതെ 'മാട്ടി'യിരിക്കുന്നു. എന്റെ പോസ്റ്റിനു ജനപ്രീതി ലഭിക്കട്ടെ എന്നു വിചാരിച്ചോ ഇനി അഥവാ പെട്ടെന്നൊരു ദിവസം എന്റെ പോസ്റ്റങ്ങടു മാഞ്ഞുപോയാ ഒരു ബാക്‍അപ്‌ ഇരിക്കട്ടെ എന്നു എനിക്കൊരു ഫേവര്‍ ചെയ്തതാണോ എന്തോ... തനിമലയാളത്തില്‍ വളരെ യാദൃശ്ചികമായി ഞാനത്‌ കാണാനിടയായി. സത്യം പറയട്ടെ .. സങ്കടം വന്നു പോയി.

ഏതായാലും മാഷന്മാരോട്‌ രണ്ടു കാര്യങ്ങള്‍

1) ബാക്‍അപ്‌ എടുക്കാന്‍ എനിക്കറിയാം. അതു ഞാന്‍ ചെയ്യുന്നുമുണ്ട്‌
2) പലരും കഷ്ടപ്പെട്ട്‌ ഇല്ലാത്ത സമയം ഉണ്ടാക്കിയെഴുതുന്നതാണ്‌. ഇങ്ങനെയൊരു വികൃതി ഇനിയാരോടും അരുത്‌.

ലിങ്കുകള്‍ താഴെക്കൊടുക്കുന്നു.

ഒന്നാമത്തെ ബാക്‍അപ്‌
രണ്ടാമത്തെ ബാക്‍അപ്‌

ബ്ലോഗ് സാഹിത്യം ഇങ്ങനെ മതിയോ ?

2007-05-24T04:58:00.000Z

കഴിഞ്ഞ കുറച്ച് വര്‍ഷങ്ങളായി മലയാളിയുടെ വായനാശീലം 30 മുതല്‍ 50 ശതമാനം വരെ കുറഞ്ഞതായി രേഖകള്‍. കേരള ഗ്രന്ഥശാലാ സംഘവും മറ്റും കുറച്ചു കാലമായി നഷ്ടത്തിന്റെ കണക്കുകള്‍ മാത്രമാണ് നിരത്തുന്നത്. പ്രധാനമായും മൂന്നു കാര്യങ്ങളാണ് ഈ അപചയത്തിനു കാരണമായി ചൂണ്ടി കാണിക്കപ്പെടുന്നത് . ദൃശ്യ മാധ്യമങ്ങളുടെ മുന്നേറ്റം.,വായനയ്ക്കായി സമയമില്ലത്ത അവസ്ഥ പിന്നെ നല്ല കൃതികളുടെ അഭാവം. ദൃശ്യമാധ്യമങ്ങളും ജീവിത തിരക്കും ഒഴിച്ചു നിര്‍ത്തിയാല്‍ നല്ല കൃതികള്‍ എന്തുകൊണ്ടുണ്ടാവുന്നില്ല എന്ന സംശയം പ്രസക്തമാണ്. അതോ ഉണ്ടായിട്ട് പ്രസിദ്ധീകരിക്കാത്തതാണോ ? കഴിഞ്ഞ പത്തു വര്‍ഷത്തിനിടയില്‍ ബെസ്റ്റ് സെല്ലര്‍ എന്ന കാറ്റഗറിയില്‍ പെടുത്താവുന്ന എത്ര കൃതികള്‍ മലയാളത്തില്‍ ഉണ്ടായിട്ടുണ്ട് ? എന്തുകൊണ്ട് വായന കുറയുന്നു ? എന്തുകൊണ്ട് എഴുത്തുകാര്‍ കുറയുന്നു ? എന്തുകൊണ്ട് ശക്തമായ പ്രമേയങ്ങളും ഭാഷയും മലയാളത്തില്‍ ഉയര്‍ന്നു വരുന്നില്ല ?

ഇവിടെയാണ് സമാന വായന (പാരലല്‍ റീഡിങ്ങ്), വായനക്കൂട്ടങ്ങള്‍, ലൈബ്രറികള്‍, എഴുത്തുകാരുടെ കൂട്ടായ്മ, എന്നിവയ്ക്കൊക്കെ പ്രസക്തി വര്‍ദ്ധിക്കുന്നത്. അപ്പോള്‍ നമുക്ക് എന്തു ചെയ്യാന്‍ സാധിക്കും എന്നു ചിന്തിക്കേണ്ടിയിരിക്കുന്നു.
ബ്ലോഗ്ഗ് സാഹിത്യം
അടുത്ത കാലത്തായി ബ്ലോഗ് സാഹിത്യം എന്നൊരു സാഹിത്യ ശൃംഖല മലയാളത്തില്‍ വേരുപിടിക്കുന്നതായി കാണുന്നു. കഴിഞ്ഞ ഒരു വര്‍ഷമായി ബ്ലോഗുകളുടെ എണ്ണത്തില്‍ വന്നിട്ടുള്ള വര്‍ദ്ധനവ് തന്നെ ഒരു ഉദാഹരണം. ആയിരത്തോളം മലയാള ഭാഷയിലുള്ള ബ്ലോഗുകളാണ് ഈ ചുരുങ്ങിയ കാലത്തിനുള്ളില്‍ ഉയര്‍ന്നു വന്നത്. അതില്‍ തന്നെ നൂറോളം സജീവമായ ബ്ലോഗുകളും. ഇവിടെ പ്രസക്തമായ മറ്റൊരു വിഷയം ബ്ലോഗിലെ കൃതികള്‍ എല്ലാ മലയാളിക്കും വായിക്കാനാവുന്നുണ്ടോ എന്ന ചോദ്യമാണ്. ഇല്ല എന്നു തന്നെ വേണം പറയാന്‍. കമ്പ്യൂട്ടറും ഇന്റര്‍ നെറ്റും സാധാരണക്കാരനു ഇന്നും ഒരു വിളിപ്പാടകലെ തന്നെയാണ്. അതുകൊണ്ട് ബ്ലോഗിലെ കൃതികള്‍ സാധാരണക്കാരന് വായിക്കേണ്ട എന്നാണോ ?
ബ്ലോഗ് പുസ്തകമാക്കുമ്പോള്‍
ഏറെ കാലത്തെ പരിശ്രമത്തിനു ശേഷം മൂന്നുമാസം മുന്‍പ് ശ്രീമാന്‍ വിശാലമനസ്കന്റെ ‘കൊടകര പുരാണം’ പുസ്തകരൂപത്തില്‍ ഇറങ്ങി. നല്ലൊരു ചുവടു വയ്പ്പാണത്. പക്ഷെ ‘കൊടകര പുരാണം’ എന്ന പുസ്തകത്തിനു എന്തു സംഭവിച്ചു ? എത്രപേര്‍ക്ക് അതിന്റെ കോപ്പികള്‍ ലഭിച്ചു ? ഇന്ന് ഏത് പുസ്തകശാലയിലാണ് അത് കിട്ടുക ? അതിന്റെ പുറം ചട്ടയും പേപ്പര്‍ ക്വാളിറ്റിയും എത്ര പേര്‍ക്ക് ഇഷ്ടപ്പെട്ടു ? എത്ര കോപ്പി അടിച്ചുവെന്നോ എത്ര എഡിഷന് പ്രിന്റ് ചെയാന്‍ പ്രസാധകന്‍ എഴുത്തുകാരന്‍ അനുമതി കൊടുത്തിട്ടുണ്ടെന്നോ വ്യക്തമക്കാമോ ?
കുത്തകകള്‍
പുസ്ത്രക പ്രസാധന രംഗത്ത് കേരളത്തില്‍ ഒരു തരം മാഫിയ യാണുള്ളതെന്ന് പറഞ്ഞാല്‍ അധികപ്രസംഗമാവില്ല. എഴുത്തുകാരനെ സ്വന്തം വരുതിയില്‍ നിര്‍ത്തുന്ന സ്ഥാപനങ്ങളായി മാറിയിരിക്കുന്നു കേരളത്തിലെ പ്രസാധകര്‍ . ബ്ലാങ്ക് പേപ്പറില്‍ എഴുത്തുകാരനെക്കൊണ്ട് കയ്യൊപ്പിടീപ്പിക്കുന്ന നയമാണ് അവര്‍ അനുവര്‍ത്തിച്ചു വരുന്നത്. തങ്ങള്‍ക്ക് ശേഷം പ്രളയമെന്ന തരത്തിലുള്ള അഭ്യൂഹങ്ങളാണവര്‍ പടച്ചു വിടുന്നത്. ഇത് ഭാഷയെ സ്നേഹിക്കുന്നവര്‍ക്ക് സഹിക്കാവുന്നതാണോ ?
പുസ്തക പ്രസാധനത്തിലൂടെ എഴുത്ത്കാരനുള്ള വരുമാനം തുലോം തുച്ഛമാണ്
പ്രശസ്ത സാഹിത്യകാരന്‍ സന്തോഷ് എച്ചിക്കാനം ഈയടുത്ത് പറഞ്ഞതാണ് താഴെ കൊടുക്കുന്നത്.
"എന്റെ കൊമാല എന്ന പുസ്തകം 1000 കൊപ്പി വിറ്റാല്‍ എനിക്ക് 7500 രൂപയാണു കിട്ടുക. അതായതു 1000 * 50 = 50000 തിന്റെ 15% ആയ 7500
ഒരു വര്‍ഷം കൊണ്ട് 1000 കോപ്പി വിറ്റു തീരുകയാണെങ്കില്‍ 7500 രൂപാകിട്ടും .ഒരെഴുത്തുകാരനു ഇത് ഒരിക്കലും മതിയായ തുകയല്ല. സ്വന്തം സൃഷ്ടിയ്ക്ക് സഹായകമാകുന്ന ഒരു യാത്ര നടത്താന്‍ പോലും അയാള്‍ക്ക് ഇത് വെച്ച് കഴിയുന്നില്ല"
മാസികകളിലും വാരികകളിലും പിന്വാതില്‍ പ്രവേശനം വളരെ കൂടുതലാണു. പ്രശസ്തരായ സാഹിത്യകാരന്മാര്‍ക്ക് ഉള്ള ഗോദാ മാത്രമാണു ചില സാഹിത്യ വാരികകള്‍. കുത്തക പ്രസിദ്ധീകരണ ഭീമന്മാര്‍ക്കെതിരെ ചെറിയ പ്രസിദ്ധീകരണ സംഘങ്ങള്‍ രംഗത്ത് വന്നിട്ടുണ്ടെങ്കിലും വേട്ടാളന്‍ പോറ്റിയ പുഴു കണക്കെ ഇവയുംസാവധാനത്തില്‍ എഴുത്തുകാര്‍ക്കെതിരായ ദിശയില്‍ തന്നെ നീങ്ങുന്നു.

ഈയടുത്ത കാലത്ത് പ്രസിദ്ധനായ ഒരു ബ്ലോഗെഴുത്തുകാരന്റെ കൃതി പബ്ലിഷ് ചെയ്യാനായി ഡി.സി. ബുക്സിനെ സമീപിച്ചപ്പോള്‍ ലഭിച്ച മറുപടി വളരെ വിചിത്രമായി തോന്നി. ‘ഞങ്ങളുടെ മാനദണ്ഢങ്ങള്‍ ഈ കൃതി പബ്ലിഷ് ചെയ്യുന്നതില്‍ നിന്നും ഞങ്ങളെ വിലക്കുന്നു..’ എന്താണാ മാനദണ്ഢം ? സമാനമായ വായനയെ ഡി.സി. ബുക്സ് അംഗീകരിക്കുന്നില്ലെന്ന് കരുതണമോ ?
എങ്ങനെ ബ്ലോഗ്ഗ് കൃതികള്‍ പുസ്തകരൂപത്തിലാക്കാം ?
സ്വയം പ്രസാധനം ഇന്നും എഴുത്തുകാരനൊരു കീറാമുട്ടി തന്നെയാണ്. മാര്‍ക്കറ്റിങ്ങ് എന്ന ബാലികേറാമല കീഴടക്കാന്‍ സ്വയം സഹായകങ്ങളായ ചെറു സംഘങ്ങളുടെ പ്രവര്‍ത്തനം എത്രമാത്രം ശക്തമാര്‍ന്നതാണെന്നതും കുഴക്കുന്ന ചോദ്യമാണ്.

എന്റെ അഭിപ്രായത്തില്‍ സമാന ചിന്താസരണിയിലുള്ളവര്‍ ഒരു കൂട്ടായ്മ സൃഷ്ടിച്ചെടുക്കേണ്ട കാലം അതിക്രമിച്ചിരിക്കുന്നു.
വ്യത്യസ്ഥ മേഖലകളിലുള്ള അഭ്യസ്തവിദ്യരായവരുടെ കൂട്ടമാണ് ഇന്ന് മലയാളം ബ്ലൊഗ് എന്ന കമ്മ്യൂണിറ്റി. ഇതിലൂടെ വളര്‍ന്ന് വരുന്ന എഴുത്തുകാരെയും അവരുടെ കൃതികളേയും പ്രൊത്സാഹിപ്പിക്കാനായി എളിയരീതിയിലുള്ള ശ്രമങ്ങളെങ്കിലും നമ്മുടെ ഭാഗത്ത് നിന്നുണ്ടാകുന്നു എങ്കില്‍ അത് തീര്‍ച്ചയായും മാറ്റങ്ങളുടെ വേലിയേറ്റം സൃഷ്റ്റിക്കാന്‍ പര്യാപ്തമാണ്
എല്ലാവരുടെയും അഭിപ്രായങ്ങള്‍ ക്ഷണിക്കുന്നു.

Creative contribution by : V V & Kuruman

Baroda attack Petition

2007-05-21T08:26:00.000Z

Baroda attack Petition

ബെര്‍ളിത്തരങ്ങള്‍: അപഥസഞ്ചാരം_മൂന്നാര്‍

2007-05-17T11:03:00.000Z

ബലേ ഭേഷ്.
ബെര്‍ളിത്തരങ്ങള്‍: അപഥസഞ്ചാരം_മൂന്നാര്‍

സിസ്റ്റര്‍ അഭയയുടെ മരണ രഹസ്യവും, പുത്തന്‍ പുരയ്ക്കലിനും തമ്മില്‍ ബന്ധമുണ്ട്

2007-05-15T05:58:00.000Z

പ്രിയ ബ്ലോഗര്‍മാരെ,

കവിയും, മാധ്യമ പ്രവര്‍ത്തകനുമായ ശ്രീ കുഴൂര്‍ വിത്സന്റെ വെളിപെടുത്തലുകള്‍ “സിറാജ്” ദിനപത്രം ഇന്നലെ പ്രസിദ്ധീകരിച്ചു.
ബ്ലോഗിനെ കുറിച്ചും പത്രപ്രവര്‍ത്തകനായ ശ്രീ ടി എ അലി അക്ബര്‍ ഈ വാര്‍ത്തയില്‍ പ്രതിപാദിച്ചിട്ടുണ്ട്.

കൂടുതല്‍ വാര്‍ത്തകള്‍ ദാ ഇവിടെ..

ഒരു നിര്‍ദ്ദേശം-ബൂലോഗരുടെ പ്രത്യേക ശ്രദ്ധയ്ക്കും വിശകലനത്തിനും

2007-05-14T10:00:00.000Z

ഇന്നു നാം നേരിടുന്ന വിദ്യുച്ഛക്തിപ്രശ്നത്തെ ചെറിയൊരളവിലെങ്കിലും പരിഹരിക്കാവുന്ന ഒരെളിയ നിര്‍ദ്ദേശം.

വൈദ്യുതിയുടെ ഉപയോഗം കുറച്ചുകൊണ്ട്‌ കൂടുതല്‍ പ്രകാശം നല്‍കുന്ന പുതിയതരം വിളക്കുകളാണ്‌ കോപാക്ട്‌ ഫ്ലുറസന്റ്‌ ലാമ്പ്‌ അഥവാ CFL. 11W ശേഷിയുള്ള CFL , 60W സാധാരണ ബള്‍ബിന്റെ പ്രകാശം നള്‍കുന്നു. ഒരു CFL ലാമ്പിന്റേ ആയുസ്സ്‌ 8000 മണിക്കൂറാണെന്ന മെച്ചവുമുണ്ട്‌. അതായത്‌ ഒരു മണിക്കൂര്‍ സാധാരണ ബള്‍ബിന്‌ പകരം CFL കത്തുകയാണെങ്കില്‍ 49W വിദ്യുച്ഛക്തി ലാഭം. സര്‍ക്കാരിന്റെ അവകാശ വാദമാണിത്‌.

ഒരു CFLന്‌ 100 രൂപ വിലയുള്ളതും ഒരുകൊല്ലം റീപ്ലേസബിള്‍ ഗാരണ്ടിയുള്ളതുമായ ഇത്തരം 15 ലക്ഷം വിളക്കുകള്‍ കേരളത്തിലെ BPL മേഖലയിലുള്ളവര്‍ക്ക്‌ സൗജന്യമായി സര്‍ക്കാരിന്‌ കൊടുത്തുകൂടെ? 15 ലക്ഷം CFL ഉപയോഗിക്കുമ്പോഴുണ്ടാകാവുന്ന വൈദ്യുതിലാഭം അതിന്‌വേണ്ടി ചിലവിടേണ്ട ഏകദേശം 15 കോടി രൂപ യുമായി തട്ടിച്ച്‌ നോക്കിയാല്‍, ഒരു സംസ്ഥാനത്തിന്‌ അത്ര വലുതാണോ?. കുറഞ്ഞത്‌ ഒരുകൊല്ലമെങ്കിലും അതിന്റെ മെച്ചം സംസ്ഥാനത്തിനില്ലേ?.

BPL കാരുടെ ഉന്നമനത്തിനു വേണ്ടിയും, വിദ്യുച്ഛക്തിയുടെ ഉല്‍പാദനത്തിനും പ്രസരണനഷ്ടം കുറക്കുന്നതിനു വേണ്ടിയും നമ്മുടെ സംസ്ഥാനം ആണ്ടുതോറും ചിലവിടുന്ന തുകയുടെ ഒരംശം മാത്രമല്ലേ ആകുന്നുള്ളൂയിത്‌. ബൂലൊഗര്‍ക്കെന്തു തോന്നുന്നു.

BPL കാര്‍ അതു കിട്ടിയാലുടന്‍ മറിച്ചു വില്‍ക്കുമായിരിക്കും. വിറ്റോട്ടേ. ആരെങ്കിലും അതുപയോഗിച്ചാല്‍ ഉദ്ദേശിച്ച ഫലം കിട്ടുമല്ലോ?. BPL കാര്‍ക്ക്‌ അവിചാരിതലാഭവും.

ഇതില്‍ നല്ല രീതിയിലുള്ള ചര്‍ച്ച നടക്കുകയാണെങ്കില്‍, അതിന്റെ എല്ലാംകൂടി ഒരു പ്രിന്റെടുത്ത്‌ നമുക്ക്‌ (ചര്‍ച്ചയില്‍ പങ്കെടുത്തവരുടെ സമ്മതത്തോടെ) ബഹുമാനപ്പെട്ട വിദ്യുച്ഛക്തി മന്ത്രിയുടെ മുമ്പാകെ സമര്‍പ്പിക്കാം.

പ്രചോദനംഃ ഈയടുത്തകാലത്ത്‌ ഞാന്‍ വായിച്ച ഒരു കമന്റില്‍ നിന്ന്‌(സാജന്റേതാണെന്ന്‌ തോന്നുന്നു, തീര്‍ച്ചയില്ല)

പി.എസ്സ്‌ഃ ബൂലോഗക്ലബ്ബില്‍ അംഗമാകാത്തവര്‍ക്കിവിടെ പ്രതികരിക്കാം.

കൊടകരപുരാണം മനോരമ ഓണ്‍ ലൈനില്‍

2007-05-14T05:08:00.000Z

ഇതുവരെ കൊടകരപുരാണത്തെ പറ്റി എഴുതിയ അവലോകനങ്ങളില്‍ ഏറ്റവും നല്ലതും സാരവത്തായതുമായ പുസ്തകപരിചയം മനോരമ ഓണ്‍ ലൈനില്‍ വായിക്കുക.

വശാലമനസ്കനു അഭിനന്ദനങ്ങളുടെ വാടാമലരുകളുമായി
സ്നേഹപൂര്‍‌വ്വം..!

കരീം മാഷ്.

കൊടകരപുരാണം മനോരമ ഓണ്‍ ലൈനില്‍

ശിവപ്രസാദ് മോചിതനായി

2007-05-08T05:08:00.000Z

നമ്മുടെ പ്രീയപ്പെട്ട കവി ശ്രീ പി.ശിവപ്രസാദ് മോചിതനായി ഇന്നലെ രാത്രി നാട്ടിലെത്തി.

ബൂലോകത്തിന്റെ “നന്മ“ സിനിമയിലെ “തിന്മ“ആകുന്നുവോ ?

2007-05-05T12:08:00.000Z

പ്രിയ ബൂലോകരെ,

കുറുമാന്റെ മൃതോത്ഥാനം നാം വളരെ ആകാംക്ഷയോടെ വായിച്ചുകൊണ്ടിരിക്കുകയാണല്ലോ ? "മുത്തു" ബൂലോക മലയാളത്തിലെ ഒരു പ്രധാന കഥാപാത്രമായി മാറിയിരിക്കുന്നു.

അതിനിടയില്‍ ഒരു വാര്ത്ത കേള്ക്കുന്നു. അതേ പേരില്, അതേ തൊഴിലെടുക്കുന്ന ഒരു കഥാപാത്രം മലയാള സിനിമയില്‍ വരുന്നു എന്നു. ശരത് ചന്ദ്രന്‍ വയനാടിന്റെ മേല്‍ നോട്ടത്തില്. കലാഭവന്‍ മണി മുത്തുവിനെ അവതരിപ്പിക്കുന്നു എന്നും കേള്ക്കുന്നു.

എന്തായാലും ഈ വക കാര്യങ്ങള്‍ കുറുമാനെ ആരും അറിയിച്ചിട്ടില്ല. "നന്മ" എന്നാണു സിനിമയുടെ പേരത്രേ. മുത്തുവിന്റെ കഥ കുറുമാന്‍ എന്നോട് ഉള്പ്പടെ പലരോടും നേരത്തെ പറഞ്ഞിട്ടുള്ളതാണ്. എന്തായാലും കേട്ട വാര്ത്ത ശരിയാണോ എന്നറിയേണ്ടതും, ശരിയെങ്കില്‍ അതു ശരിയല്ല എന്നു പറയേണ്ടതും നമ്മുടെ കടമയാണ്.

ശരത്ചന്ദ്രന്‍ വയനാടിനെ നേരിട്ട് അറിയാവുന്ന നമ്മുടെ കൂട്ടുകാര്‍ അദ്ദേഹവുമായി ബദ്ധപ്പെടുമല്ലോ ? അല്ലെങ്കില്‍ മറ്റ് വഴികള്‍ നോക്കേണ്ടതുണ്ടു.

"മുത്തു" എന്ന കഥാപാത്രം ബൂലോകത്തിന്റെ നന്മയാണു. അതു സിനിമാ ലോകത്തെ തിന്മയാകരുത്

കൈരളി പീപ്പിള്‍ ചാനലില്‍ കാണാന്‍ കഴിയാതെപോയത്‌

2007-04-18T13:00:00.000Z

2007 മാര്‍ച്ച് 18 ന് കൈരളി പീപ്പിള്‍ പരിപാടി കാണുവാന്‍ കഴിയാതെ പോയവര്‍ക്കായി അവതരിപ്പിക്കുന്നു.
VODPOD ല്‍ മൂന്നു ഭാഗങ്ങളായി കാണുക.
അല്ലെങ്കില്‍ 5 ഭാഗങ്ങളായി ഗൂഗിള്‍ പ്ലയറില്‍

ഇക്കഴിഞ്ഞ മാര്‍ച്ച്‌ 18 ന് കൈരളി റ്റിവിയിലെ പീപ്പിള്‍ ചാനലില്‍ എനിക്കൊരവസരം ലഭിച്ചിരുന്നു। ഇന്ത്യന്‍ സമയം ഉച്ചയ്ക്ക്‌ 1।30 ന് ആയിരുന്നു ഈ പരിപാടി। പരിപാടി അവതരിപ്പിച്ചത്‌ NTV യാണ്। വിപിനാണ് (അരുവിക്കരക്കാരന്‍ എന്ന ബ്ലോഗര്‍) ഈ പരിപാടി അവതരിപ്പിക്കുന്നതില്‍ പ്രധാന പങ്ക്‌ വഹിച്ചത്‌. വിഷയം എന്റെ കണ്ടെത്തലായ പട്ടമരപ്പും അതുമായി ബന്ധപ്പെട്ട കോപ്പിറൈറ്റ്‌സും, മറ്റു കര്‍ഷകരില്‍ നിന്നും വിഭിന്നമായി ഞാന്‍ ചെയ്യുന്ന കൃഷിരീതികളും। കോപ്പി റൈറ്റ്‌സ്‌ പറയുമ്പോള്‍ അത്‌ സൂര്യഗായത്രിയില്‍ നിന്ന്‌ തുടങ്ങുന്നുവെന്നുമാത്രം. അനില്‍ റിക്കോര്‍ഡ്‌ ചെയ്തു. എന്നാല്‍ ഇതേ പരിപാടി വീണ്ടും 22 ന് റീ ടെലികാസ്റ്റ്‌ ചെയ്യുകയാണ് ഇന്ത്യന്‍ സമയം 3.30 പീ‌എം ന് . സൌകര്യമുള്ളവര്‍ 18 ന് ഈ പരിപാടി കാണുവാന്‍ കഴിയാത്തവര്‍ ഈ പരിപാടി കാണുമെന്ന്‌ വിശസിക്കുന്നു. (എന്നാല്‍ പ്രസ്തുത പരിപാടി സെന്‍‌സര്‍ ചെയ്യപ്പെട്ടു)
വീണ്ടും ഒരു പോസ്റ്റിടേണ്ട ആവശ്യമില്ല എന്നതിനാലാണ് പഴയ പോസ്റ്റ്‌ എഡിറ്റ്‌ ചെയ്യുന്നത്‌।
ഇതുമായി ബന്ധപ്പെട്ട മറ്റൊരു പോസ്റ്റ്‌

‘സിറാജി‘ല്‍ കുറുമാന്റെ കഥ

2007-04-14T07:44:00.000Z

നമ്മുടെ പ്രിയങ്കരനായ ശ്രീ.രാഗേഷ് കുറുമാന്റെ ഒരു കഥ ‘സിറാജ്’ ദിനപത്രം പ്രസിദ്ധീകരിച്ചു. അങ്ങനെ ഇന്‍ഡിക് ബ്ലോഗ് അവാര്‍ഡ് നേടിയ ‘യൂറോപ്യന്‍ സ്വപ്നങ്ങള്‍’ പുസ്തകമാക്കുന്നതിന്റെ മുന്നോടിയായി പ്രിന്റഡ് മീഡിയയിലേക്ക് കുറുമാന്‍ കാലെടുത്ത് വെച്ചു. അടുത്ത പടിയായി പുസ്തകം പുറത്തിറങ്ങും എന്ന് കരുതുന്നു.

കുറുമാന്‍ ചേട്ടന് ആശംസകള്‍!

2007-04-12T22:06:00.000Z

ഇതുവരെ പത്രത്തിലെഴുത്തുമാത്രമായിരുന്നു. കുറഞ്ഞ മാസങ്ങളേ ആയിട്ടുള്ളൂ, ബ്ലോഗ് ചെയ്യാന്‍ തുടങ്ങിയിട്ട്. ബൂലോഗത്തില്‍ സാന്നിദ്ധ്യമറിയിക്കണമെന്ന് വിചാരിച്ചതാട്ടെ, ഇന്നം മാത്രവും. ആകെ എട്ടുപോസ്റ്റിങ്ങേ ഇതേവരെ ഞാന്‍ നടത്തിയിട്ടുള്ളൂ. ഒരു ബ്ളോഗ് റോളിലും ലിസ്റ്റ് ചെയ്യാതെ പോയാല്‍ ശരിയാവില്ലെന്ന് തോന്നി. പിന്നെ ഇപ്പണിനടത്തി തഴക്കവും പഴക്കവും വന്നവരോടൊത്ത് സമയം ചെലവഴിക്കാമെന്നും തോന്നി. സംഗതി കൊള്ളാമോ എന്ന് നോക്കട്ടെ!

പിന്നെ എന്‍റെ പുതിയ വിഷയം സ്കൂളുകളിലെ ലൈംഗിക വിദ്യാഭ്യാസമാണ്. പള്ളിക്കൂടത്തിലെ രതിയും രേണുകയുടെ മൊഴിയും എന്ന ആ പോസ്റ്റിങ് വായിക്കണേ....

http://absolutevoid.blogspot.com

അനുവാര്യര്‍ എന്ന അനിയന്‍സിന്റെ കഥാസമാഹാരം

2007-04-11T19:16:00.000Z

സുഹൃത്തുക്കളേ,
അനുവാര്യര്‍ എന്ന അനിയന്‍സിന്റെ ( http://apurvas.blogspot.com/ ) കഥാസമാഹാരം ഇല ബുക്ക്സ് പുറത്തിറക്കുന്നു.

ഒരു പത്രപ്രവര്‍ത്തകന്റെ അവിസ്മരണീയ കാഴ്‌ചകള്‍. അപരിചിതമായ ചില നാടുകളിലെ അതിനേക്കാള്‍ അപരിചിതരായ കുറെ മനുഷ്യരെ നമുക്ക് പരിചയപ്പെടുത്തുന്ന അനുഭവങ്ങള്‍. ഉത്തരേന്ത്യയിലെ വിദൂര ഗ്രാമങ്ങളിലും രാജ്യത്തിനു പുറത്തും മാധ്യമ പ്രവര്‍ത്തകന്‍ കണ്ട, നമ്മെ അസ്വസ്ഥപ്പെടുത്തുകയും ചിന്തിപ്പിക്കുകയും ചെയ്യുന്ന കുറേ വേറിട്ട മനുഷ്യര്‍.

ആയിരത്തിന്റെ നിറവില്‍

2007-04-10T09:03:00.000Z

ഇന്ന് ചില ബ്ലോഗുകള്‍ കൂടി ബ്ലോഗ്‌റോളില്‍ ചേര്‍ത്തതോടുകൂടി ബ്ലോഗ്‌റോളിലെ ബ്ലോഗുകളുടെ എണ്ണം ആയിരം തികച്ചു.

ബ്ലോഗ്‌റോളിനെക്കുറിച്ച് അല്‍പ്പം.
ക്ഷുരകന്‍ എന്ന ബ്ലോഗര്‍ നടത്തിയിരുന്നതായിരുന്നു ആദ്യം ബ്ലോഗര്‍മാര്‍ ഉപയോഗിച്ചിരുന്ന ബ്ലോഗ്‌റോള്‍. പിന്നീട് ക്ഷുരകന്‍ ബ്ലോഗ്ഗിങ്ങ് നിര്‍ത്തി അപ്രത്യക്ഷനായി. ബ്ലോഗുകളുടെ എണ്ണം പിന്നീട് ക്രമാതീതമായി വളര്‍ന്നപ്പോള്‍ ഈ ബ്ലോഗ്‌റോള്‍ ആവശ്യത്തിനു ഉപകരിക്കാതെ വന്നപ്പോഴാണ് 2006 മാര്‍ച്ച് തുടക്കത്തില്‍ പുതിയ ഒരു റോള്‍ തുടങ്ങിയത്. തുടങ്ങുമ്പോള്‍ ഒറ്റ ദിവസത്തില്‍ പലരുടേയും സഹായം കൊണ്ട് കണ്ടു പിടിച്ച് റോളില്‍ ചേര്‍ത്തത് നൂറില്‍പ്പരം ബ്ലോഗുകളാണ്. അന്ന് അത്ര ബ്ലോഗുകളേ ഉണ്ടായിരുന്നുള്ളൂ എന്നാണ് എന്റെ വിശ്വാസവും. പിന്നീട് പിന്മൊഴികളില്‍ പുതിയ ബ്ലോഗുകള്‍ വരുന്ന മുറയ്ക്ക്, ബ്ലോഗ്‌റോളില്‍ ചേര്‍ക്കുകയായിരുന്നു. ആഴ്ചയില്‍ ഒന്നും, അല്ലെങ്കില്‍ ദിവസങ്ങള്‍ കൂടുമ്പോള്‍ ഒന്നും ഒക്കെയായി റോളില്‍ ചേര്‍ക്കപ്പെട്ടിരുന്ന ബ്ലോഗുകളുടെ എണ്ണം പയ്യെപ്പയ്യെ കൂടിക്കൂടി ഇപ്പോള്‍ ദിവസം അഞ്ചിലധികം ബ്ലോഗുകള്‍ അതിലേയ്ക്ക് ചേര്‍ക്കേണ്ടുന്ന അവസ്ഥയിലായി. എങ്കിലും പുതിയ ബ്ലോഗുകള്‍ കാണുന്ന പുറയ്ക്ക് റോളില്‍ ചേര്‍ക്കാന്‍ ഞാന്‍ ആവുന്നത്ര ശ്രദ്ധിക്കാറുണ്ട്. പുതിയ ബ്ലോഗുകള്‍ കണ്ടുപിടിക്കാനും റോളില്‍ ഇല്ലാത്ത പഴയ ബ്ലോഗുകള്‍ ചൂണ്ടിക്കാണിക്കാനും ഇംഗ്ലീഷില്‍ പേരുള്ള ബ്ലോഗുകളോട് മലയാളത്തിലേയ്ക്ക് പേര് മാറ്റാനും ഒക്കെയായി ഈ റോളിന്റെ പരിപാലനത്തിന് സഹായിച്ച ഒരുപാട് പേരുണ്ട്. ഓരൊരുത്തരോടും ഞാന്‍ നന്ദി പ‌റഞ്ഞ് കൊള്ളുന്നു.

ആയിരത്തിലധികം ബ്ലോഗുകളുണ്ടെങ്കിലും ബ്ലോഗര്‍മാരുടെ എണ്ണം എത്രയുണ്ടാകാം എന്നതിനു കണക്കുകള്‍ ലഭ്യമല്ല. മലയാളംബ്ലോഗ്സ്.ഇന്‍ പോര്‍ട്ടലിന്റെ കണക്കുകള്‍ പ്രകാരം ഇത് 895 ആണ്. പക്ഷെ ഇതില്‍ ഇന്ന് ആക്റ്റീവ് അല്ലാത്ത ബ്ലോഗര്‍മാരുമുണ്ട് (ബ്ലോഗ് തന്നെ ഡിലീറ്റ് ചെയ്തവര്‍ ഉള്‍പ്പെടെ)എന്നതിനാല്‍ ഇത് കൃത്യമല്ല. പോര്‍ട്ടലിന്റെ കണക്കുകള്‍ പ്രകാരം ഇന്ന് ദിവസവും പുതുതായി വരുന്ന പോസ്റ്റുകള്‍ അന്‍പതിനടുത്തുണ്ട് (ഇത് ഒരു ശരാശരി കണക്കാണ്).

ബ്ലോഗുകള്‍ ഒരു സുപ്രധാന നാഴികക്കല്ലാണ് കൈവരിച്ചിരിക്കുന്നത് എന്ന് ഞാന്‍ വിശ്വസിക്കുന്നു. നാലക്ക സംഖ്യയില്‍ എത്തി നില്‍ക്കുന്ന ഈ ബ്ലോഗുകള്‍ ഇന്ന്, ഒരു വര്‍ഷം മുന്നെ ഉണ്ടായിരുന്ന ബ്ലോഗ് സംസ്കാരത്തില്‍ നിന്നും വ്യാപ്തിയില്‍ നിന്നും ഒക്കെ ഒരുപാട് മാറിയിരിക്കുന്നു. പുതുതായി വരുന്ന രചനകള്‍ എല്ലാം വായിക്കുക എന്നത് ബ്ലോഗര്‍മാര്‍ക്ക് ഒരു ദിവസം മുഴുവന്‍ ഇരുന്നാലും സാധിക്കാത്തവണ്ണം കൂടിയിരിക്കുന്നു. ഈ ബ്ലോഗുകളില്‍ എല്ലാം വരുന്ന കമന്റുകള്‍ കൂടി പിന്മൊഴികളേയും ശ്വാസം മുട്ടിക്കുന്നു. പിന്മൊഴികള്‍ ഗൂഗിള്‍ ഗ്രൂപ്പിന്റെ കണക്കുകള്‍ പ്രകാരം മാസം പന്ത്രണ്ടായിരത്തിലധികം കമന്റുകളാണ് അവിടേയ്ക്ക് ഒഴുകിയെത്തുന്നത്.

ആയിരത്തിന്റെ നിറവില്‍ നില്‍ക്കുന്ന ബൂലോകത്തിന്റെ കുടുമ്പാംഗങ്ങളെ ഞാന്‍ ഈയവസരത്തില്‍ അനുമോദിക്കുകയാണ്. ഈ വിജയം എല്ലാവര്‍ക്കും ഒരുപോലെ അവകാശപ്പെട്ടതാണ്. വല്ലപ്പോഴുമൊക്കെ ചെറിയ അടിയും വഴക്കുമൊക്കെ ഉണ്ടാക്കുമെങ്കിലും ഇന്നും നാം ഒരു വലിയ കുടുമ്പം തന്നെയാണ്. അറുപതു തികഞ്ഞവര്‍ മുതല്‍ കൊച്ചുകുട്ടികള്‍ വരെയുള്ള ഈ ബ്ലോഗര്‍മാരില്‍ എല്ലാവരും സമന്മാരാണെന്നത് തന്നെ ഈ കൂട്ടായ്മയുടെ വിജയവും. എല്ലാവര്‍ക്കും എന്റെ ആശംസകള്‍.

* ആയിരം എന്നത് കൃത്യമായ ഒരു സംഖ്യ അല്ല. ഇതില്‍ ഞാന്‍ കാണാതെ പോയിരിക്കാവുന്ന പല ബ്ലോഗുകളും, മലയാളത്തിലല്ലാതെ പേരുകള്‍ ഉള്ള ബ്ലോഗുകളും, ആദ്യാക്ഷരം മലയാളത്തിലല്ലാതെയുള്ള ബ്ലോഗുകളും ഒഴിവാക്കപ്പെട്ടിരിക്കാം. എങ്കിലും ആയിരം ആയിരം തന്നെ ;)

ക്ലീന്‍ സിറ്റി...

2007-04-08T06:07:00.000Z

ORG MARG ന്റെ പുതിയ സര്‍വേ പ്രകാരം ഇന്ത്യയിലെ ഏറ്റവും വൃത്തിയുള്ള പത്ത് പട്ടണങ്ങളില്‍ തിരുവനന്തപുരവും പെട്ടിട്ടുണ്ടത്രേ.. അത്ഭുതപ്പെടുത്തുന്ന കാര്യം അതല്ല..ആ ലിസ്റ്റില്‍ രണ്ടാം സ്ഥാനത്ത് നില്‍ക്കുന്നത് ചെന്നൈ ആണ്‍. ഇന്ത്യയിലിപ്പോള്‍ വൃത്തി എന്ന വാക്കിന്റെ അര്‍ത്ഥം മാറിപ്പോയോ എന്തോ?!

വിദേശ കുത്തകകള്‍ വിപണി ലക്ഷ്യമിടുന്നു.

2007-04-07T13:56:00.000Z

നമ്മുടെ ഭക്ഷ്യ സംസ്കാരം തകര്‍ത്ത്‌ വിദേശകുത്തകകള്‍ ഇന്‍ഡ്യന്‍ വിപണിയില്‍ കടന്ന്‌ കയറാന്‍ ഗൂഡതന്ത്രങ്ങള്‍ മെനയുന്നു. മൊണ്‍സാന്റോ, കാര്‍ഗില്‍, എ.സി.എം തുടങ്ങിയ വിദേശകമ്പനികള്‍ നമ്മുടെ ഭക്ഷ്യമേഖലയില്‍ പിടിമുറുക്കാനുള്ള നീക്കത്തിലാണ്‌. സംസ്കരിച്ച ഭക്ഷ്യ വസ്തുക്കള്‍ എത്തിക്കുന്നതിന്‌ കേന്ദ്ര ഭക്ഷ്യമന്ത്രാലയം ഒത്താശ നല്‍കുന്നു. 'സംസ്കരിച്ച ഭക്ഷണം കഴിക്കൂ, ആരോഗ്യം സം‌രക്ഷിക്കു' എന്ന പരസ്യം ഇടവിട്ട്‌ ടി.വി.കളില്‍ ഭക്ഷ്യമന്ത്രാലയംതന്നെ നല്‍കുന്നു. അപ്പോഴപ്പോള്‍ തയ്യാറാക്കുന്ന ഭക്ഷണത്തേക്കാള്‍ എത്രയോ ഇരട്ടി അപകടകരം ആണ്‌ സംസ്കരിച്ച ഭക്ഷ്യവസ്തുക്കള്‍. അതിലടങ്ങിയിരിക്കുന്ന രാസ വസ്തുക്കള്‍ വരുത്തിവയ്ക്കാവുന്ന അപകടങ്ങള്‍ അധിക്റുതര്‍ മറച്ചുവെയ്ക്കുകയാണ്‌. കോര്‍പ്പറേറ്റ്‌ കമ്പനികളുടെ ഓഫീസ്സുകളില്‍ നമ്മുടെ ഭക്ഷണശീലങ്ങള്‍ തീരുമാനിക്കുന്ന കാലമാണ്‌ വരുന്നത്‌. ഇതിനെതിരെ അപൂര്‍‌വം ചിലരില്‍ നിന്നേ ചെറുത്ത്‌നില്പ്‌ ഉയരുന്നുള്ളൂവെന്നതും പ്രസ്താവ്യമാണ്‌.

കോളയില്‍ വിഷമുണ്ട്‌ - കേന്ദ്രസര്‍ക്കാര്‍ സമ്മതിക്കുന്നു.

2007-04-05T04:41:00.000Z

ഒടുവില്‍ കേന്ദ്രസര്‍ക്കാര്‍ സമ്മതിക്കുന്നു. കൊക്കൊകോളയില്‍ മാരകമായ വിഷാംശം അടങ്ങിയിട്ടുണ്ടെന്ന്‌ കേന്ദ്രസര്‍ക്കാര്‍ സുപ്രിം കോടതിയില്‍ സമര്‍പ്പിച്ച സത്യവാംഗ്‌മൂലത്തില്‍ വ്യകതമാക്കി. കോളകളില്‍ വിഷാംശം ഉണ്ടെന്ന്‌ 'സെന്റര്‍ ഫോര്‍ സയന്‍സ്‌ ആന്‍ഡ്‌ എന്‍വയോണ്‍മെന്റ്‌' കണ്ടെത്തിയതിനെത്തുടര്‍ന്ന്‌ കേന്ദ്രം രൂപവത്‌കരിച്ച വിദഗ്ദ്ധ സമിതി ഈയിടെ റിപ്പോര്‍ട്ട്‌ സമര്‍പ്പിച്ചിരുന്നു. ഇന്‍ഡ്യന്‍ കൗണ്‍സില്‍ ഒഫ്‌ മെഡിക്കല്‍ റിസേര്‍ച്ചിന്റെ ഡയറക്ടര്‍ ജനറല്‍ എന്‍.കെ.ഗാംഗൂലി അദ്ധ്യക്ഷനായ സമിതി നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ്‌ കേന്ദ്രം സുപ്രിീം കോടതിയില്‍ റിപ്പോര്‍ട്ട്‌ നള്‍കിയത്‌. കോളകളില്‍ കീടനാശിനിയുടെ അംശം ഉണ്ടെന്ന്‌ സര്‍ക്കാരും സമ്മതിച്ചതോടെ കോള ഉല്‌പന്നങ്ങള്‍ക്ക്‌ അന്തിമമായ ഗുണനിലവാരം നിശ്ചയിക്കാനുള്ള ബാധ്യത കേന്ദ്ര ആരോഗ്യമന്ത്രാലയത്തില്‍ നിക്ഷിപ്തമായിരിക്കുകയാണെന്ന്‌ സി.എസ്സ്‌.സി. പ്രസ്താവിച്ചു. 4 കൊല്ലമായി തങ്ങള്‍ നടത്തുന്ന പ്രചരണത്തിന്റെ യുക്തിപരമായ പര്യവസ്സാനമാണിതെന്ന്‌ സി.എസ്സ്‌.സി. ഡയറക്ടര്‍ സുനിതാ നാരായണന്‍ പറഞ്ഞു.കീടനാശിനികളുണ്ടോ എന്ന്‌ അറിയാന്‍ കോളകളിലെ പഞ്ചസാര പരിശോധിക്കുമെന്ന്‌ കേന്ദ്ര ആരോഗ്യമന്ത്രി കഴിഞ്ഞ ആഗസ്റ്റില്‍ പര്‍ലമെന്റില്‍ പ്രസ്താവിച്ചിരുന്നു. പഞ്ചസാരയാണ്‌ വെള്ളമല്ല കോളകളുടെ വിഷാംശത്തിന്‌ കാരണമെന്ന നിലപാട്‌ ആദ്യം കേന്ദ്രം സ്വീകരിച്ചിരുന്നു. ഇതേ വാദമായിരുന്നു കോള കമ്പനികളുടേതും. എന്നാല്‍ വിദഗ്‌ധ സമിതി പഞ്ചസാരയില്‍ വിഷാംശം കണ്ടെത്തിയിട്ടില്ല. തങ്ങളുടെ ഉല്‌പന്നങ്ങള്‍ സങ്കീര്‍ണ്ണമായതിനാല്‍ പരീക്ഷണശാലകളില്‍ പരിശോധിക്കാന്‍ സാധിക്കില്ലെന്നായിരുന്നു കോള കമ്പനികളുടെ നിലപാട്‌. എന്നാല്‍ ലോകമെമ്പാടും സര്‍ക്കാരുകള്‍ കോളകള്‍ പരിശോധിക്കുന്നുണ്ട്‌. അതിനാല്‍ കോളകള്‍ പരീക്ഷണശാലകളില്‍ പരിശോധിക്കണമെന്നുതന്നെയാണ്‌ വിദഗ്‌ധ സമിതിയുടെ അഭിപ്രായം.കോളാപാനീയങ്ങള്‍ മനുഷ്യര്‍ക്ക്‌ ഹാനികരമെന്ന്‌ ചൂണ്ടിക്കാട്ടി സെന്റര്‍ ഫോര്‍ പബ്ലിക്ക്‌ ഇന്ററസ്റ്റ്‌ എന്ന സന്നഗ്ദ്ധ സഘടന നല്‍കിയ പൊതുതാല്‍പര്യ ഹര്‍ജി പരിഗണിച്ചാണ്‌ ജസ്റ്റിസ്സ്‌ എ.കെ.താക്കുറിന്റെ നേതൃത്വത്തിലുള്ള സുപ്രിം കോടതി ബെഞ്ച്‌ കേസ്സെടുത്തത്‌.

പെരുന്തച്ചന്‍ സായിപ്പ് യാത്രയായി

2007-04-01T13:15:00.000Z

മലയാളിയുടെ വാസ്തുശില്പകലയ്ക്ക് എന്നും പ്രിയപ്പെട്ട “ലാറി ബേക്കര്‍” വിട പറഞ്ഞു.

സാധാരണക്കാരുടെ പെരുന്തച്ചനായിരുന്നു ഈ ഇംഗ്ലണ്ടുകാരന്‍.
അദ്ദേഹത്തിന്റെ ഓര്‍മ്മയായി നമ്മുടെ മുന്നില്‍ ഉയര്‍ന്നു നില്‍ക്കുന്ന സ്മാരകങ്ങള്‍ ഒരുപാടാണ്.
കയ്യില്‍ നില്‍ക്കാത്ത കാശിനു വീടുവയ്ക്കാതെ കയ്യിലുള്ള കാശിനു നല്ലവീടുവയ്ക്കാന്‍ മലയാളിയെ പടിപ്പിച്ചത് ഈ ബേക്കര്‍ സായിപ്പായിരുന്നു.

സിമന്റു പൂശാത്ത ചുവരുകള്‍ ഉള്ള വീടുകളെ (ഏത് ആര്‍ക്കിടെക്റ്റ് നിര്‍മ്മിച്ചാലും) നമ്മള്‍ ‘ബേക്കര്‍ സ്റ്റൈല്‍‘ വീടുകള്‍ എന്നു പറഞ്ഞതിന്റെ കാരണം ഈ സായിപ്പിന്റെ ദീര്‍ഘവീക്ഷണം മാത്രമാണ്.

തമ്പാനൂരിലെ വളഞ്ഞുമുകളിലേക്ക് കയറുന്ന ഇന്ത്യന്‍ കോഫീഹൌസിന്റെ ‘മാവേലിക്കഫേ’ ല്‍ ഇരിക്കുമ്പോള്‍ നമ്മള്‍ അറിയാതെ ഓര്‍ത്തുപോകും ഈ സായിപ്പിന്റെ വ്യത്യസ്ത ചിന്തകളെ.

ബേക്കര്‍ സായിപ്പിനു ആദരാഞ്ജലികള്‍.

സര്‍, പൈസ ഒരു പ്രശ്നമല്ല...

2007-04-01T08:27:00.000Z

സര്‍, പൈസ ഒരു പ്രശ്നമല്ല , എനിക്കു് ഒരു "ചിലവു് കുറഞ്ഞ വീടു്" ഉണ്ടാക്കിത്തരണം !

പ്രശസ്ത വാസ്തുശില്പി ലാറിബേക്കര്‍ അന്തരിച്ചു. അദ്ദേഹത്തോടു് ഒരു "പൊങ്ങന്‍" ആവശ്യപ്പെട്ടതായി അദ്ദേഹം വെളിപ്പെടുത്തിയിരുന്നതാണു് മുകളില്‍ ഉദ്ധരിച്ചതു്.

ലാറിബേക്കര്‍ക്കു് അഭിവാദ്യങ്ങള്‍ !

വിവാഹാര്‍മ്മാദങ്ങള്‍!

2007-03-23T14:09:00.000Z

കല്യാണത്തിനുള്ള ഒരുക്കങ്ങള്‍ തകൃതിയായി പുരോഗമിക്കുകയാണ്‌, ബ്ലോഗന്മാര്‍ വീട്ടിനു പിന്നിലെ ആ ഷമിയാനപ്പന്തലില്‍ കുത്തിയിരുന്നു ബീഡിവലിക്കുന്നതും പാര ദൂഷണം പറയുന്നതും നിര്‍ത്തി ഉത്സാഹിച്ച്‌ ഒരുക്കങ്ങള്‍ തുടങ്ങേണ്ടതാണ്‌.

ദുര്‍ഗ്ഗയുടെ പ്രായത്തില്‍ എറ്റവും മൂത്ത അമ്മായി വിളക്കെടുക്കാന്‍ മുന്നോട്ടുവരണമെന്ന് അറിയിച്ചാല്‍ ആരും വരില്ലെന്നറിയാവുന്നതുകൊണ്ട്‌ ഏറ്റവും സുന്ദരി അമ്മായി വിളക്കെടുത്ത്‌ പെണ്ണിനെ ആനയിക്കുന്നവരുടെ മുന്നിലുണ്ടാകേണ്ടതാണെന്ന് അറിയിക്കുന്നു. പെണ്ണിന്റെ ചേച്ചിമാര്‍, അനിയത്തികള്‍ തുടങ്ങിവര്‍ തിക്കിത്തിരക്കാതെ അഷ്ടമംഗല്യം എടുത്ത്‌ കൂടെ പോവുക.

രഞ്ജിത്തിന്റെ കാലു കഴുകാന്‍ ദുര്‍ഗ്ഗയുടെ ആങ്ങളമാരില്‍ എറ്റവും ജൂനിയറായ പച്ചാളത്തെ തിരഞ്ഞെടുക്കാവുന്നതാണ്‌, പക്ഷേ ഒന്നു സൂക്ഷിക്കുന്നത്‌ നല്ലതായിരിക്കും കാലു കണ്ടാല്‍ പുള്ളി അറിയാതെ വാരിപ്പോകും.

മുഹൂര്‍ത്തം നോക്കാന്‍ ഉമേഷ്‌ ഗുരുക്കളെയും മംഗളപത്രം ചൊല്ലാന്‍ പണിക്കര്‍മാഷെയും രാജേഷ്‌ വര്‍മ്മയേയും നേരത്തേ എര്‍പ്പാടാക്കിയിട്ടുണ്ട്‌. സൂ, നളപാചകികള്‍, ഇഞ്ചി, ആര്‍പ്പി തുടങ്ങി പാചകക്കാര്‍ ആവശ്യത്തിലും ഏറെ അണിനിരന്നിട്ടുണ്ട്‌. സാന്ഡോസിനെ അവീടെക്ക് വിടരുത്, ചെക്കന്‍ വീട്ടുകാര്‍ കൊറിയയില്‍ നിന്നും ഹോണോലുലുവില്‍ നിന്നും അല്ല വരുന്നത്. വക്കാരിയെ കലവറയില്‍ ഒന്നു ശ്രദ്ധിക്കുക, ഊണു തികയാതെ വന്നാല്‍ പിന്നെ ഞാന്‍ മുന്നറിയിപ്പ്‌ തരാഞ്ഞിട്ടാണെന്നു വേണ്ട.

നാളെ ആകാശം നല്ല തെളിഞ്ഞു തന്നെ ഇരിക്കുമെന്ന് ഷിജു നിരീക്ഷിച്ചിട്ടുണ്ട്‌. പന്തലു പണി- ഹാര്‍ഡ്‌ വെയര്‍ ഇക്കാസിന്റെ വക, തുണിത്തരങ്ങള്‍ ശ്രീജിത്ത്‌ നാട്ടിലെ കടയില്‍ നിന്നും കൊന്റുവന്നിട്ടുണ്ട്‌. പന്തലിനും ഇല്യൂമിനേഷനുമു തെങ്ങില്‍ മൈക്ക്‌ കെട്ടിയുള്ള പാട്ടിനും സാങ്കേതിക നിര്‍ദ്ദേശത്തിനായി നളന്‍, കണ്ണൂസ്‌, തറവാടി, വല്യമ്മായി.... എഞ്ജിനീറുമാര്‍ ഇഷ്ടമ്പോലെ ഉണ്ട്‌. വേണുമാഷ്‌, സുജിത്ത്‌ ചിത്രകാരന്‍, പച്ചാന, ഡാലി (സാല്വഡോറിന്റെ പേരിന്റെ ബലത്തില്‍) എന്നിവര്‍ ചുവരില്‍ ക്രേപ്പ്‌ പേപ്പറും മറ്റും കൊണ്ട്‌ ആര്‍ട്ട്‌ വര്‍ക്ക്‌ നടത്തുന്നതായിരിക്കും. കതിര്‍മണ്ഡപം ഡിസൈന്‍ മാസ്റ്റര്‍ ശില്‍പ്പികളായ പരാജിതന്‍, കൈപ്പള്ളി എന്നിവരും ഡിസൈന്‍ സാക്ഷി, സിയ, ഹരീ, അലീഫ്‌ എന്നിവരും നിര്‍വ്വഹിക്കും.
എന്റര്‍ട്ടെയിന്റ്‌മന്റ്‌ സ്റ്റേജില്‍ കിരണ്‍, ബിരിയാണിക്കുട്ടി, സാരംഗി, രാമകൃഷ്ണന്‍, കുറേയധികം പേരുകള്‍ ഉണ്ട്‌. കുറുമാന്റെ തായമ്പക, ബഹുവിന്റെ വയലിന്‍, പുള്ളീടെ തബല ഇതൊക്കെ ഉള്ളപ്പോള്‍ ഗെട്ടിമേളം വേറേ വേണോ എന്നു പോലും സംശയം.

ക്യാമറയുമായി ആര്‍ത്തലച്ചു വരുന്ന ലക്ഷങ്ങളില്‍ ജാലകം, സപ്തന്‍, തുളസി, സാഹ, ആഷ തുടങ്ങി മുന്‍ നിര പുലികള്‍ നൂറു പേര്‍ മാത്രം നിന്ന് ബാക്കിയുള്ളവര്‍ പുറം പണിക്ക്‌ പോകേണ്ടതാണ്‌. ഞാന്‍ സംവിധാനം വിട്ട്‌ കൊഴഞ്ഞു, ഒരു ചുക്കു കാപ്പി കുടിച്ചേച്ചും വരാം .. പത്തഞ്ഞൂറാള്‌ ഇനിയും പണിയില്ലാതെ നില്‍ക്കുന്നു, വിശാലാ, അചിന്ത്യേ, പെരിങ്ങോടാ, അതുല്യേ,
അഗ്രജാ ഇങ്ങോട്ടു വന്ന് ദാ ചുമ്മാ ന്മില്‍ക്കുന്ന ആളുകളെയൊക്കെ വിളിച്ച്‌ ഓരോ പണിയേല്‍പ്പിച്ചേ, ഞാന്‍ ഒരു ബ്രേക്ക് എടുക്കട്ടെ.

നമ്മുടെ പെരിങ്ങോടന്‍ ഇന്ന് ഏഷ്യാനെറ്റ് റേഡിയോയില്‍!

2007-03-17T11:43:00.000Z

കലാസ്‌നേഹികളേ...,

ഏഷ്യാനെറ്റ് റേഡിയൊ 648 ഏയെമ്മില്‍ ഇന്ന് (17-03-07) രാത്രി കൃത്യം 7:35 ന് (ലുലു ന്യൂസ് അവറില്‍), കേരളത്തിന്റെ പൊന്നോമനപ്പുത്രനും‍ മലയാള ബ്ലോഗിലെ കിരീടം വക്കാത്ത രാജാവും കീമാനെന്ന അതിനൂതനമായ ‘മലയാളം ടൈപ്പാന്‍ സഹായി‘ യുടെ ഉപജ്ഞാതാവുമായ ശ്രീ. രാജ് നീട്ടിയത്ത്.....ഹ്

ഗള്‍ഫിലുള്ള മലയാളികള്‍ക്ക് വേണ്ടി വരമൊഴിയെപ്പറ്റിയും...ഉം....കീമാനെപ്പറ്റിയും.. ഉം.. മലയാള ബ്ലോഗുകളെപ്പറ്റിയും ഘോരഘോരം സംസാരിക്കുന്നു.

സഹായം, ഹെല്‍പ്‌.ആഡ്‌സെന്‍സ്‌

2007-03-11T06:20:00.000Z

നെറ്റിന്റെ ബില്ല് പൈസ മുതലാക്കാമെന്നു കരുത്യാണ്‌ ഈ പ്രാരാബ്ധക്കാരന്‍ ബ്ലൊഗില്‍ adsense ഫിറ്റ്‌ ചെയ്യാന്‍ അപേക്ഷിചത്‌. അപ്പൊ ഈ മറുപട്യാണ്‌ കിട്ട്യേത്‌. Unfortunately, after reviewing your application, we're unable to accept you into Google AdSense at this time. We did not approve your application for the reasons listed below. Issues: - Unsupported language - Excessive pop-ups Further detail: Unsupported language: We have found that the content of your site is primarily in a language that we do not support at this time. A full list of supported languages is available at https://www.google.com/support/adsense/bin/answer.py?answer=9727&hl=en_GB . If you manage or own another site in one of our supported languages, feel free to resubmit your application as described below. Excessive pop-ups: Google believes strongly in a positive user experience. We've found that pop-ups reduce this positive experience, decrease the efficiency of the information seeking process, and discourage users from clicking on ads. Your site currently exceeds the maximum number of acceptable pop-ups. If you choose to limit your site to a maximum of 5 pop-ups, we'll be happy to reconsider your application:( വിസാലമനസ്കനും മറ്റു ചിലരും പക്ഷെ ഈ സംഭവം ഫിറ്റ്‌ ചെയ്തിട്ടുണ്ടെന്നാണല്ലൊ അറിവ്‌. ആരെങ്കിലും പറഞ്ഞു തരുമോ

വടക്കോട്ട്‌ തലവെച്ച്‌ ഉറങ്ങരുത്‌: ഒരു ശാസ്ത്രസത്യം.

2007-03-10T09:32:00.000Z

അന്ന്‌: എടാ മോനേ വടക്കോട്ട്‌ തല വച്ച്‌ ഉറങ്ങാതെ. എത്ര പ്രാവശ്യം പറഞ്ഞു...അമ്മുമ്മയുടെ ഉപദേശം.(ആര്‌ അനുസരിക്കാന്‍...)

ഇന്നു: ഇതൊരു ശാസ്ത്രസത്യം.ഭൂമിയുടെ തെക്കുനിന്നും വടക്കോട്ടുള്ള ശക്തമായ കാന്തവലയം വടക്കോട്ട്‌ തലവച്ചുകിടക്കുന്നയാളിന്റെ തലച്ചോറിലേക്കുള്ള രക്ത സംക്രമണത്തെ (രക്തത്തില്‍ ഇരുംബിന്റെ അംശം ഉള്ളതുകൊണ്ട്‌) പ്രതികൂലമായി ബാധിക്കുന്നു. [like poles repels and opposite poles attracts]. തുടര്‍ച്ചയായി ഇത്‌ സംഭവിച്ചാല്‍ നേരം വെളുത്ത്‌ എഴുന്നേള്‍ക്കുബോള്‍ ഓര്‍മ്മയില്‍ സുക്ഷിച്ചപലതും മറന്നുപോയെന്ന്‌ വരാം.ഉന്മേഷം ഇല്ലാതാകാം.[ഈയിടക്ക്‌ ഒരു പുസ്തകത്തില്‍ വായിച്ചതാണ്‌ ഞാന്‍.]
ബൂലോകര്‍ ഇതിനോട്‌ യോജിക്കുന്നുണ്ടോ?
അമ്മുമ്മ ഇതൊക്കെ എങ്ങനെയറിഞ്ഞു?

സഹായിക്കൂ... സഹായ മാഡീ... ഉതവി പണ്ണുങ്കോ...

2007-03-05T08:33:00.000Z

നമസ്കാരം,

സുഹൃത്തുക്കളേ... എന്റെ ബ്ലോഗ്- തിരുവനന്തപുരം ക്രോണിക്കിള്‍ അടിച്ചുപോയ വിവരം സസന്താപം അറിയിച്ചുകൊള്ളട്ടെ. കഴിഞ്ഞ ദിവസം ബ്ലോഗ്ഗറില്‍ ലോഗിന്‍ ചെയ്തപ്പോഴാണ് ഞാന്‍ ആ വിവരം അറിഞ്ഞത്. എന്റെ ഡാഷ്ബോര്‍ഡില്‍ തി.ക്രോ യുടെ ലിങ്ക് കാണാനില്ല. യു ആര്‍ എല്‍ കൊടുത്ത് നോക്കിയപ്പോ, ബ്ലോഗര്‍ 2-ലേക്ക് മൈഗ്രേറ്റ് ചെയ്യുന്നതിന് മുന്നേ ഉള്ള ഒരു വെര്‍ഷന്‍ ആണ് കണ്ടത്. അതില്‍ എന്റെ ലേറ്റസ്റ്റ് പോസ്റ്റുകള്‍ ഒന്നും ഇല്ല. ഇങ്ങനേ നേരത്തെ ആര്‍ക്കേലും പറ്റിയിട്ടുണ്ടോ? ഉണ്ടെങ്കില്‍ (ഇല്ലെങ്കിലും) ഇതെങ്ങനെ ശരിയാക്കാം?

തി ക്രൊ നഷ്ടപ്പെട്ട അവസ്ഥയില്‍, ഞാന്‍ പുതിയ ഒരു ബ്ലോഗ് ആരംഭിച്ചു- ‘പൊന്നൂസ് തട്ട്‌കട‘. എന്റെ ഗ്രഹപ്പിഴ, പോസ്റ്റ് ഒന്നും പിന്മൊഴിയില്‍ വരുന്നില്ല. പിന്മൊഴി@ജിമെയില്‍.കോം എന്നാണ് ഞാന്‍ കൊടുത്തത്. എന്താണ് പ്രശ്നമെന്ന് ഒരു എത്തും പിടിയും കിട്ടുന്നില്ല. ആരാന്റേം സഹായ ഹസ്തം പ്രതീക്ഷിച്ചുകൊള്ളുന്നു.

തി ക്രോ തിരിച്ചുപിടിക്കുക എന്നതാണ് എനിക്ക് താല്പര്യം.

എന്നെ കരകയറ്റൂ... ഒരു ദിവസം ലീവെടുത്ത് വീട്ടിലിരുന്നു ബ്ലോഗാം എന്ന് വിചാരിച്ചിട്ട് ഇപ്പോ ഇതാണവസ്ഥ. കഷ്ടാല്‍ കഷ്ടേന ശാന്തികൃഷ്ണാ എന്നാണല്ലോ... ഗതികെട്ടവന്‍ മൊട്ടയടിച്ചാല്‍ അന്ന് കല്ല് മഴ പെയ്യും... ഇതൊക്കെ ഇപ്പൊ ഭയങ്കര മാച്ചിങ് ആണെന്ന് തോന്നുന്നു.

സ്വന്തം
പൊന്നൂസ്

ഇതൊഴിവാക്കാവുന്നതല്ലേ?

2007-03-04T08:34:00.000Z

ഇന്നത്തെ ഒരു പ്രമുഖ ദിനപത്രത്തിലെ ചിത്രമാണിത്‌.
ചോറ്റാനിക്കര മകം മഹോത്സവത്തിനെപ്പറ്റി ആകെയുള്ള ചിത്രം. ചിത്രത്തിലെ സ്ത്രീ യുടെ കണ്ണുനീര്‍ എന്റെ ഫോട്ടോയില്‍ ശരിയായി പതിഞ്ഞിട്ടില്ല. ഇതു മാതിരിയുള്ള ചിത്രങ്ങള്‍ ആദ്യമായല്ല കാണുന്നത്‌. സഹികെട്ടാണ്‌ ഇതെഴുതുന്നത്‌...
ചിത്രത്തില്‍ കാണുന്ന സ്ത്രീകളോട്‌ സമ്മതം ചോദിച്ചിട്ടോ അഥവാ അവര്‍ ചോറ്റാനിക്കരമയമ്മയ്ക്കു വേണ്ടി സാക്ഷ്യപ്പെടുന്നതോ ആയിരിക്കില്ല ഇതെന്ന് എനിക്കും നിങ്ങള്‍ക്കും അറിയാം. ഒരാള്‍ തന്റെ ആവലാതികള്‍ കരഞ്ഞ്‌ ദൈവത്തോട്‌ പറയുമ്പോള്‍ അത്‌ ചിത്രത്തിലാക്കി പ്രസിദ്ധീകരിക്കുവാന്‍ ഏതായാലും ദേവസ്വം ബോര്‍ഡിനു പോലും അധികാരമില്ലാതിരിക്കെ ഒരാളുടെ സ്വകാര്യതയില്‍ എങ്ങിനെയൊക്കെ കയറിക്കൂടാമെന്ന് പത്രക്കാര്‍ മത്സരിച്ച്‌ തെളിയിക്കുന്നു... നാളെ ഈ ചിത്രം എന്റെയോ, നിങ്ങളുടെയോ, അമ്മയുടെയോ ഭാര്യയുടേയോ ആകാം... ഈ പ്രവണത ശരിയല്ലെയെന്ന് കുറച്ചു കാലമായി എനിക്കു തോന്നിത്തുടങ്ങിയിട്ട്‌. ബൂലോകത്തിന്റെ മാധ്യമ സുഹൃത്തുക്കള്‍ ശ്രദ്ധിക്കുമല്ലോ?

ദുഫായില്‍ ഉള്ള മലയാളികളുടെ ശ്രദ്ധക്ക്‌

2007-02-25T16:24:00.000Z

ദുഫായില്‍ ഉള്ള മലയാളികളുടെ ശ്രദ്ധക്ക്‌

കേരളത്തില്‍ നിന്നും ഗള്‍ഫിലെ ദുഫായില്‍ പോയി ജോലി ചെയ്യുന്നവരുടെ ശ്രദ്ധക്ക്‌. നിങ്ങളാരെങ്കിലും ഒരു മോട്ടോര്‍ ബൈക്ക്‌ നാട്ടില്‍ വെച്ചിട്ട്‌ പോയിട്ടുണ്ടോ.
അത്‌ ഇപ്പോള്‍ കസ്റ്റഡിയിലാണ്‌..
ആരുടെ എന്നല്ലേ..
ഈ ലിങ്കിലുള്ള ചിത്രം കാണൂ:

http://www.merinews.com/bigSearchImage.jsp?imageID=427&imageCount=5&galTypeImage=0&imgType=recentImg

ഉടമസ്ഥന്‍ ഇനിയെങ്കിലും എന്നെ ഈ തടവില്‍ നിന്നും മുക്തനാക്കൂ...

കൃഷ്‌ krish

പ്രാണസഖി ഞാന്‍ വെറുമൊരു....

2007-02-25T08:40:00.000Z

പ്രാണസഖി ഞാന്‍ വെറുമൊരു..

പാതിരാവായില്ലാ പൗര്‍ണ്ണമി കന്യയ്ക്‌..

ആദ്യത്തേ കണ്മണി..

അല്ലിയാമ്പല്‍ കടവി..

ല്‍താമസമെന്തേ വരുവാന്‍..

ഇനി ഇത്‌ പോലുള്ള വരികള്‍ നമുക്ക്‌ തരുവാന്‍ ആരുണ്ട്‌ ബാക്കി?

2007-02-23T08:22:00.000Z

കുറുമാന്‍ തന്നെ ജേതാവ്

2007-02-22T20:52:00.000Z

ഇന്‍ഡിബ്ലോഗീസ് അവാര്‍ഡിനെപ്പറ്റിയുള്ള ബ്ലോഗഭിമാനി റിപ്പോര്‍ട്ടു കണ്ടയുടന്‍ തുടങ്ങിയ വെപ്രാളം അവസാനിച്ചത് ഇപ്പോഴാണ്.

ഇന്‍ഡിബ്ലോഗീസ് ഏര്‍പ്പെടുത്തിയ ഇന്ത്യന്‍ വെബ് ലോഗ് അവാര്‍ഡ് (മലയാള വിഭാഗം) കുറുമാന്‍റെ കഥകള്‍ നേടി. കുറുമാന് ഹൃദയം നിറഞ്ഞ ആശംസകള്‍, അഭിനന്ദനങ്ങള്‍!

ബൂലോഗത്തില്‍ നിന്നും പ്രസിദ്ധീകൃതമാവുന്ന രണ്ടാമത്തെ പുസ്തകം കുറുമാന്‍റേതാവട്ടെ എന്ന് ആശംസിക്കുന്നു.

അവസാന സ്ഥാനത്തിനു വേണ്ടിയുള്ള വാശിയേറിയ പോരാട്ടത്തില്‍, 13-നെതിരെ 5 വോട്ടുകള്‍ക്ക് ഈയുള്ളവന്‍, ബൂലോഗത്തിന്‍റെ അഭിമാനമായ വിശാലനെ പിന്തള്ളി.

ധീരാ, വീരാ, കുറുമാനേ, ധീരതയോടെ നയിച്ചോളൂ...

കൊടകരപുരാണം : മൂന്നാം പതിപ്പും, പിന്നെ ചില അവാര്‍ഡുകളും...

2007-02-20T07:54:00.000Z

കൊടകര പുരാണം, ഇന്നലെ പുറത്തിറങ്ങിയെന്നൊ..?

എന്നതാ ഈ പറയുന്നേ..??

അതിന്റെ മൂന്നുപതിപ്പും ചൂടപ്പം പൊലെ വിറ്റുപോയത് നിങ്ങള്‍ ആരും അറിഞ്ഞില്ലേ..? ഇല്ലേല്‍ ദാ പൊയ ശനിയാഴ്ച ദില്ലിയില്‍ ചൂടപ്പം പോലെ, വിറ്റു പൊയ മനൊരമ പറയുന്നു.. പുരാണം സൂപ്പര്‍ ഡൂപ്പര്‍ ഹിറ്റായെന്ന്.

(മനൊരമയുടെ നാക്ക് പൊന്നാകട്ടെ..)

അതു മാത്രമല്ല, ബ്ലൊഗേഴ്സ് ഈയിടെയായി തെന്നി തെറിച്ച് ആകാശത്തെത്തി നക്ഷത്രമാകാന്‍ സാദ്ധ്യതയുള്ളവരെ തേടിപിടിച്ച് വീരശൃംഖലയും പൊന്നാടയും ഒക്കെ കൊടുക്കുന്നുണ്ടു പൊലും...

എന്റെ പൊന്നെ, അതൊക്കെ പൊട്ടെ,

ശനിയാഴ്ച രാവിലെ ശ്രീമതി, “നിങ്ങടെ ഫൊട്ടം ദാണ്ടെ പേപ്പറില്‍” എന്ന് പറഞ്ഞപ്പൊ,

ഞാന്‍ ഞെട്ടിയത്, ഇന്ത്യാ ഗേറ്റിനുമുന്നില്‍ തെന്നി വീണപ്പൊ സിജു കാണിച്ച ഈ വി“കൃതി“ ആയിരിക്കുമെന്നൊര്‍ത്തല്ല....... (മിനിമം ഞാന്‍ ഒരു “ജ്ഞാനപീഠം” പ്രതീക്ഷിച്ചുപൊയി..)

എനിവേ, ഇത്തരം പൊട്ടിക്കുന്ന (ബ്രെയ്ക്കിംഗ്..) ന്യൂസ് ദില്ലിവാലകള്‍ക്ക് സമ്മാനിച്ച, ഉണ്ണുണ്ണ്യേട്ടനെ ഒന്ന് നേരിട്ട് സംസാരിക്കാന്‍, 2-3 വട്ടം മനൊരമയിലേക്ക് നംബ്ര് കറക്കിയെങ്കിലും.. നൊ ഫലം..

എന്തായാലും.. ഇനി ഇതു വായിച്ച് നിങ്ങള്‍ കൂടെ ഒന്ന് ഞെട്ട്...

കൊടകര പുരാണം പുസ്തകത്തിന്റെ കവര്‍ ചിത്രങ്ങള്‍

2007-02-20T07:10:00.000Z

മുന്‍കവര്‍

വശത്തുള്ള പേജ്

പിന്‍‌കവര്‍

കടപ്പാട്: വിശ്വപ്രഭ‍

കൊടകരപുരാണം പുറത്തിറങ്ങി.

2007-02-19T18:55:00.000Z

ഏറെക്കാലത്തെ കാത്തിരിപ്പിനുശേഷം അതു സംഭവിച്ചു.
വിശാലമനസ്കന്‍ എഴുതിയ, ബൂലോകത്തില്‍ നിന്നുമുള്ള ആദ്യപുസ്തകമായ കൊടകരപുരാണം കറന്റ് ബുക്സ് ഇന്ന് പുറത്തിറക്കി.

തൃശ്ശൂരിലെ ബുക്ക് ഫെയറില്‍ ഇത് വില്‍പ്പനയ്ക്കായും വച്ചിട്ടുണ്ട്. നാളെ തന്നെ തൃശ്ശൂരിനു പുറത്തുള്ള ബുക്ക് സ്റ്റാളുകളില്‍ പുരാണം എത്തും എന്ന് പ്രതീക്ഷിക്കുന്നു.

വില : 65 രൂപ

ഔപചാരികമായ പ്രകാശനകര്‍മ്മം (കേരളത്തിലെ) ഉടന്‍ തന്നെ നടക്കും. അതിനെകുറിച്ചുള്ള ചര്‍ച്ചകള്‍ അണിയറയില്‍ പുരോഗമിക്കുന്നു.
(ഈ പറഞ്ഞതൊക്കെ ശരിയല്ലേ വിശാലാ?)

ഉഷാ ഉതുപ്പ്‌ ചമ്മിയപ്പോള്‍.

2007-02-18T14:12:00.000Z

ഉഷാ ഉതുപ്പ്‌ ചമ്മിയപ്പോള്‍.

ഗുവാഹട്ടിയില്‍ നടന്ന 33ാ‍മതു ദേശീയ ഗെയിംസിന്റെ സമാപന ചടങ്ങ്‌ ഇന്ന്‌ വൈകീട്ട്‌ നടന്നു. പ്രധാനമന്ത്രി ഇതില്‍ പങ്കെടുത്തു.അതിനുശേഷം സമാപനചടങ്ങിന്റെ ഭാഗമായി വിവിധ കലാ പരിപാടികള്‍ അവതരിപ്പിക്കപ്പെട്ടു. പ്രസിദ്ധ ഗായിക ഉഷാ ഉതുപ്പിന്റെ വിവിധ ഭാഷകളിലുള്ള ഗാനത്തിന്‌ ചുവടുപിടിച്ച്‌ നൂറ്‌കണക്കിന്‌ സ്കൂള്‍കുട്ടികള്‍ വിവിധ സംസ്ഥാനങ്ങളിലെ നൃത്തരൂപങ്ങള്‍ അവതരിപ്പിച്ചു. ആദ്യത്തെ പഞ്ചാബി പോപ്പ്‌ ഗാനം തുടങ്ങി രണ്ട്‌ മിനുറ്റ്‌ കഴിഞ്ഞതും ഉഷാ ഉതുപ്പിന്റെ ആക്ഷന്‍ മാത്രം, പാട്ടില്ല. പാട്ട്‌ നിന്നുപോയി. അപ്പോഴല്ലെ അറിയുന്നത്‌, മൈക്കും പിടിച്ച്‌ ആളെ പറ്റിക്കുകയാണെന്ന്‌. സ്റ്റേഡിയം മുഴുവന്‍ ചിരികളുയര്‍ന്നു. ഉഷ ഉതുപ്പ്‌ ശരിക്കും ഒന്ന്‌ ചമ്മി. മൈക്കിലൂടെ അനൗന്‍സ്‌മന്റ്‌ വന്നു, ചില ടെക്നിക്കല്‍ കാരണങ്ങള്‍കൊണ്ട്‌ തടസ്സപ്പെട്ടതിനു ഖേദം.

ഒന്ന്‌ രണ്ട്‌ മിനിറ്റ്‌ കഴിഞ്ഞ്‌ CD വീണ്ടും ശരിയാക്കി ഗാനം വീണ്ടും ആദ്യം തൊട്ട്‌ തുടങ്ങി, ഉഷാ ഉതുപ്പ്‌ മൈക്കും പിടിച്ച്‌ അതിനനുസരിച്ച്‌ ചുണ്ടും അനക്കി ആക്ഷനും കാണിച്ചു.

ഉഷാ ഉതുപ്പ് സി.ഡി.യിലെ പാട്ടിനൊപ്പം ചുണ്ടനക്കുന്നു
പാട്ടിനിടക്ക് സി.ഡി. അപ്രതീക്ഷിതമായി നിന്നപ്പോള്‍ ചമ്മിയ ഉഷാ ഉതുപ്പ്.
കലാപരിപാടികള്‍ തുടറ്ന്നപ്പോള്‍

ചില ഗായികാ/ഗായകന്മാര്‍ CD-യിട്ട്‌ ചുണ്ടനക്കി പലയിടങ്ങളിലും ഗാനമേള നടത്താറുണ്ടെന്ന്‌ കേട്ടിട്ടേയുള്ളൂ. ഇന്ന് ഇത്‌ ലൈവ്‌ ആയി കണ്ടു.

****

അല്ലാ ആശാനെ, CD-യിട്ട്‌ പ്രസിദ്ധ ഗായികാ/ഗായകന്മാര്‍ മൈക്കും പിടിച്ച്‌ ചുണ്ടനക്കി എന്തിനാ ഗാനമേളയും പരിപാടികളും നടത്തുന്നേ. ചുണ്ടനക്കാനും കാശേ..(കരോക്കെയാണെങ്കില്‍ പിന്നെയും മനസ്സിലാക്കാം)

കൃഷ്‌ krish

ഒരു ഫോട്ടോ ബ്ലോഗ്ഗ് തുടങ്ങി.....

2007-02-16T18:22:00.000Z

സുഹൃത്തേ, അടുത്തിടെ ഞാന്‍ ഒരു ഫോട്ടോ ബ്ലോഗ്ഗ് തുടങ്ങി. പേര് ഡോട്ട്കോം പാല്‍ സ് ഫോട്ടോ ബ്ലോഗ്ഗ് . കോം (http://www.dotcompalsphotoblog.com) . ഈ ബ്ലോഗ്ഗില്‍ നിങ്ങള്‍ക്ക് ദിവസേന ഒരു പുതിയ പടം കാണാം. ദിവസേനയുള്ള ഒരു പടം നേരിട്ട് നിങ്ങളുടെ ഇ മെയിലില്‍ എത്തിക്കാനുള്ള സൌകര്യവും ഉണ്ട്, ഈ കൊളുത്തില്‍ (http://www.dotcompalsphotoblog.com/index.php?x=about ) പോയി നിങ്ങളുടെ ഇ മെയില്‍ വിലാസം കൊടുത്താല്‍ മതിയാകും.

നിങ്ങള്‍ക്ക് ഉപയോഗമായേക്കാവുന്ന മറ്റൊരു വെബ് സൈറ്റ് കൂടി ഈയുള്ളവന്‍ കഴിഞ്ഞ ദിവസം തുടങ്ങി. ( http://www.freeimagehost.in ) . ഒന്നു സന്ദര്‍ശിച്ചു നോക്കൂ തീര്‍ച്ചയായും ഉപയോഗപ്പെടും.

വീണ്ടും കാണാം......പ്രശാന്ത്...............

ഒരു വാലന്റൈന്‍ ദിന സന്ദേശം

2007-02-14T09:50:00.000Z

ഇതാരാണെന്നു മനസ്സിലായോ

നമ്മുടെ പഴയ സുപര്‍ണ

പണ്ട് വൈശാലിയായ് വന്നു ഋഷ്യശ്രംഘനേയും ഗന്ധര്‍വ്വനേയും മലയാളികളെ മൊത്തവും പാട്ടിലാക്കിയ സുപര്‍ണ തന്നെ

അപ്പോ പറഞ്ഞു വന്നത് ഈ ഭംഗിന്നൊക്കെ പറയുന്നത് ഇത്രയേയൊള്ളൂ.

കൂടുതല്‍ ഉപദേശമൊന്നുമില്ല, കാര്യം മനസ്സിലായല്ലോ

വിവേകം വൈകിയുമുദിക്കാം

2007-02-11T11:00:00.000Z

രാഷ്ട്രീയത്തെക്കുറിച്ചു തന്നെയാണ് പറയുന്നത്.ഏറെയൊന്നുമില്ല. ഏതാനും വരികള്‍ മാത്രം.

ചീഞ്ഞളിഞ്ഞു ദുര്‍ഗന്ധം വമിക്കുന്ന വൃത്തികെട്ട കക്ഷിരാഷ്ട്രീയം നമ്മുടെ നാടിനെ എവിടെക്കൊണ്ടെത്തിച്ചിരിക്കുന്നു എന്നു മനസ്സിലാക്കാന്‍ വലിയ ഗവേഷണമൊന്നും വേണ്ട. ദുഷിച്ച രാഷ്ട്രീയക്കാരുടെ സഹിക്കാനാവാത്ത തെമ്മാടിത്തരങ്ങള്‍ നമ്മെ എത്രത്തോളം ദുരിതത്തിലെത്തിലെത്തിക്കാമോ അതിന്റെ മൂര്‍ദ്ധന്യത്തിലേക്ക് തന്നെ എത്തിച്ചിരിക്കുന്നു. കേരളപ്പിറവി മുതല്‍ തന്നെ ഈ ചൂഷണം നമ്മള്‍ സഹിക്കുന്നു; സാക്ഷാല്‍ ഇ.എം.എസ് എന്ന അതിവക്രബുദ്ധിയുടെ മന്ത്രിസഭ മുതലിങ്ങോട്ട് നാം എന്തൊക്കെ സഹിച്ചു? നാടിനെക്കുറിച്ചും നാടിന്റെ ഭാവിയെക്കുറിച്ചും സമഗ്രകാഴ്ച്ചപ്പാടും വ്യക്തമായ വീക്ഷണവുമില്ലാത്ത രാഷ്ട്രീയ നേതാക്കന്മാര്‍ എല്ലാവരും ചേര്‍ന്ന് അമ്പതാണ്ടത്തെ കേരളത്തെ അഞ്ഞൂറാണ്ട് പിന്നാക്കം നടത്തിച്ചു. സ്വാര്‍ത്ഥലാഭങ്ങള്‍ക്കാ‍യി രാഷ്ട്രീയനേതൃത്വം മെനെഞ്ഞെടുത്ത സമരാഭാസങ്ങള്‍ നമുക്കു വരുത്തിയ കൊടും നഷ്ടങ്ങളെക്കുറിച്ചു നാം ബോധവാന്മാരുമാണ്. എന്നിട്ടും നാം പിന്തിരിപ്പന്‍ രാഷ്ട്രീയപ്പാര്‍ട്ടികള്‍ക്ക് സിന്ദാബാദ് വിളിച്ചു നമ്മുടെ വിലപ്പെട്ട സമയങ്ങള്‍ ദുര്‍വ്യയം ചെയ്യുന്നു. വിദ്യാര്‍ത്ഥികള്‍ ഏതാനും കുട്ടിനേതാക്കന്മാരുടെ ഭാവി ശോഭനമാക്കാന്‍ ഇന്നും വിപ്ലവപ്പാട്ടു പാടി തെരുവില്‍ അടിമേടിച്ചു സ്വന്തം ഭാവി ഇരുളടഞ്ഞതാക്കുന്നു.
വിവേകം നമുക്കു വൈകിയുമുദിക്കാം...തലതിരിഞ്ഞ രാഷ്ട്രീയ നേതാക്കളെ നിലക്കു നിര്‍ത്താന്‍ ജനമെന്ന മഹാശക്തിക്ക് കഴിയുകതന്നെ ചെയ്യും...നമ്മെ ഭരിക്കേണ്ട, നാട് ഭരിക്കേണ്ട മന്ത്രിപുംഗവര്‍ പോലും തമ്മില്‍ത്തല്ലുന്ന, നാ‍ട് അരാജകത്വത്തിലേക്ക് നീങ്ങുന്ന ഈ വര്‍ത്തമാനത്തിലെങ്കിലും നാം ഉണരണം, ഉണര്‍ന്നേ പറ്റൂ...
എല്ലാ അര്‍ത്ഥത്തിലും അധപ്പതിച്ച രാഷ്ട്രീയപ്പാര്‍ട്ടികള്‍ക്കെതിരേ ആരെങ്കിലും ശബ്ദിക്കുന്നത് മഹാപാപമാണ് രാഷ്ട്രീയക്കാരുടെ കണ്ണില്‍! അവര്‍ നമ്മെ അരാഷ്ട്രീയ വാദികളാക്കിക്കളയും. ജനാധിപത്യവിരുദ്ധരാക്കും. നമ്മെ ഭരിക്കേണ്ടവരെ നാം തെരഞ്ഞെടുക്കുന്ന മഹത്തരമായ പ്രക്രിയ ആണ് ജനാധിപത്യം എന്നാണ് വെപ്പ്. എന്നാല്‍ രാഷ്ട്രീയക്കാര്‍ അവര്‍ ചെയ്യുന്ന എല്ലാ വൃത്തികേടുകള്‍ക്കും മറയായി പിടിക്കുന്ന പ്രതിരോധായുധമായി ജനാധിപത്യം മാറിപ്പോയി എന്ന വസ്തുത നാം മനസ്സിലാക്കണം. ജനാധിപത്യം ശുദ്ധീകരിക്കപ്പെടണം. ശരാശരി മലയാളിയുടെ മനസ്സിലെ പഴഞ്ചന്‍ രാഷ്ട്രീയ സങ്കല്‍പ്പങ്ങള്‍ നാം തച്ചുടക്കണം. നമ്മെ ഭരിക്കാന്‍ യോഗ്യതയും അറിവും വിവേകവും വികസന കാഴ്ച്ചപ്പാടുമുള്ളവരെ മാത്രം നമ്മുടെ നേതാക്കളായി കാണാന്‍ പാകത്തില്‍ നമ്മുടെ മനസ്സ് നാം വിശാലമാക്കണം. അല്ലാത്തവര്‍ മാനിക്കപ്പെടരുത്. ഇത്തരം ദേശവിരുദ്ധരായ നേതാക്കളെ സഹിക്കുന്നത് അങ്ങേയറ്റം അവികസിതമായ ഒരു രാഷ്ട്രത്തിന്റേയും ജനതയുടേയും ലക്ഷണമാണെന്ന വസ്തുത നാം തിരിച്ചറിയാതെ പോകുന്നു. ഇരുമുന്നണികളുടെയും ഈര്‍ക്കില്‍പ്പാര്‍ട്ടികളുടെയും അത്യാഗ്രഹങ്ങള്‍ അവരുടെ പട്ടടയില്‍ അടങ്ങണം. പൊതുജനം കഴുത എന്ന് പകലന്തിയോളം ജല്‍പ്പിക്കുന്നത് രാഷ്ട്രീയക്കാര്‍ മാത്രമാണെങ്കിലും ഇത്രനാളും നാമതു ശരിവെക്കുകയായിരുന്നു. അങ്ങനെയല്ലെന്നു നാം അവരെ ബോധ്യപ്പെടുത്തിയില്ലെങ്കില്‍, വിവേകം നമുക്കു വൈകിയുമുദിച്ചില്ലെങ്കില്‍...

ബൂലോഗത്ത്‌ ദാ ഒരു പുലി ഒളിച്ചു നടക്കുന്നു!

2007-02-06T12:02:00.000Z

പ്രിയരേ, ഒരു പുലി ദാ ബൂലോഗത്ത്‌ കിടന്ന് കറങ്ങുന്നുണ്ട്‌.

ഒളിച്ചാണ്‌ കറക്കം.

മലയാള ബൂലോഗ ചരിത്രത്തില്‍ ഒരു 100% മുഴുനീള കാര്‍ട്ടൂണ്‍ ബ്ലോഗ്‌ ഇതാദ്യമായാണെന്ന് തോന്നുന്നു! അഗ്രിഗേറ്ററുകളൊന്നും പിടിക്കാത്തതുകൊണ്ട്‌ നമ്മളില്‍ പലരും പുള്ളിക്കാരന്റെ സാന്നിദ്ധ്യം അറിയുന്നില്ല.മലയാളികളെ (അറ്റ്‌ ലീസ്റ്റ്‌ കേരളകൗമുദിയുടെ വായനക്കാരെയെങ്കിലും) തന്റെ രാഷ്ട്രീയ-ആക്ഷേപഹാസ്യ കാര്‍ട്ടൂണുകളിലൂടെ കുടുകുടെ ചിരിപ്പിക്കുകയും ചിന്തിപ്പിക്കുകയും ചെയ്യുന്ന ശ്രീ T.K. സുജിത്‌ തന്റെ കാര്‍ട്ടൂണുകള്‍ ബ്ലോഗ്‌ ചെയ്യുന്നു. കേരളകൗമുദി വായിക്കാത്തവര്‍ക്ക്‌ സുജിത്തിന്റെ കാര്‍ട്ടൂണുകള്‍ ആസ്വദിക്കാനിതൊരു സുവര്‍ണ്ണാവസരവും കൂടെയാണ്‌.

(ടെക്നോ പുലികളുടെ ശ്രദ്ധയ്ക്ക്‌, അദ്ദേഹത്തിന്‌ ബൂലോഗ സാങ്കേതികവിദ്യയും യുണീകോഡുമൊന്നും വല്യ പിടിയുണ്ടാകില്ലന്ന് തോന്നുന്നു. അദ്ദേഹത്തിനു വേണ്ടുന്ന അസ്സിസ്റ്റന്‍സ്‌ കൊടുക്കണേ.)

അദ്ദേഹത്തെ നമ്മുക്കെല്ലാവര്‍ക്കും ബൂലോഗത്തേക്കും മലയാളം യുണീകോഡിലേക്കും സഹര്‍ഷം സ്വാഗതം ചെയ്യാം.