കുട്ടനാടന്‍ പുഞ്ചയിലെ
കൊച്ചുപെണ്ണേ കുയിലാളെ
കൊട്ടുവേണം കുഴല്‍ വേണം
കുരവ വേണം!
വരവേല്‍ക്കാനാളു വേണം !
കൊടിതോരണങ്ങള്‍ വേണം!
വിജയശ്രീലാളിതരായ്‌
വരുന്നു ഞങ്ങള്‍ !
കറുത്ത ചിറകുവച്ചോ-
രരയന്നക്കിളി പോലെ!
കുതിച്ചു കുതിച്ചുപായും
കുതിര പോലെ!
തോല്‍വി എന്തെന്നറിയാത്ത
തലതാഴ്‌ത്താനറിയാത്ത
“കാവാലം ചുണ്ടനിതാ
ജയിച്ചു വന്നൂ!”
പമ്പയിലെ പൊന്നോളങ്ങള്‍
ഓടിവന്നു പുണരുന്നു !
തങ്കവെയില്‍ നെറ്റയിന്മേല്‍
പൊട്ടു കുത്തുന്നൂ!
തെങ്ങോലകള്‍ പൊന്നോലകള്‍
മാടിമാടി വിളിക്കുന്നൂ!
തെന്നല്‍ വന്നു വെഞ്ചാമരം
വീശിതരുന്നു!
“ചമ്പക്കുളം പള്ളിക്കൊരു
വള്ളംകളിപ്പെരുന്നാള്!”
അമ്പലപ്പുഴയിലൊരു
ചുറ്റുവിളക്ക്‌!
കരുമാടിക്കുട്ടനിന്ന്:
പനിനീര്‍ക്കാവടിയാട്ടം!
കാവിലമ്മക്കിന്നു രാത്രി
ഗരുഡന്‍തൂക്കം! (കുട്ടനാടന്‍...)
(സംബ്ബാധനം: വയലാര്‍ ക്യതികള്‍)
തകര്‍പ്പന്‍. ഈ പാട്ട് ആദ്യമായാണ് മുഴുവനായി കിട്ടുന്നത്. ഏതായാലും അരവിന്ദിന്‍റെ ഒറ്റ്ക്കുള്ള സംഘഗാനം മുടങ്ങിയില്ല.
ReplyDeleteലാലേട്ടന്‍...
ബ്ലോഗിങ്ങിന് തത്തുല്ല്യമായ ഒരു മലയാളം വാക്ക് തരപ്പെടുത്താന്‍ കഴിയില്ലേ...
ReplyDeleteലാലേട്ടാ ഇതു പോസ്റ്റ് ചെയ്തതു നന്നായി.
ReplyDeleteഈ ബൂലോഗസംഘത്തില്‍ മെംബര്‍ ആവാന്‍ എന്താണാവൊ ചെയ്യേണ്ടൂ?
ReplyDeleteവളരെ നന്ദി ലാല്‍ :-)
ReplyDeleteജോബിചേട്ടാ,
ReplyDeleteകലക്കി. ആദ്യത്തെ രണ്ട് വരി മാത്രമേ അറിയുമായിരുന്നുള്ളൂ.
കറുത്ത ചിറകുവച്ച് അരയന്നപ്പിട പോലെ.. എന്നല്ലേ?
ReplyDelete