എന്നോട് ക്ഷമിക്കൂ...

പ്രിയ കൂട്ടുകാരെ...

ഇപ്പോള്‍ റേഡിയോ ഏഷ്യ 94.7 f.m-ല്‍ വിദ്യയുടെ ‘ടൈം ഔട്ട്’ നടന്നു കൊണ്ടിരിക്കുകയാണ്. വിക്കിപീഡിയയാണ് വിഷയം. അതിനിടയില്‍, മലയാളം വിക്കിപീഡിയയെ കുറിച്ച് വിവരം നല്‍കാന്‍ ഞാന്‍ അവിടേക്ക് വിളിച്ചു. അപ്പോള്‍, വിദ്യ എന്നോട് യുണികോഡിനെ കുറിച്ചും, ബൂലോകക്ലബിനെ കുറിച്ചും ചോദിച്ചിരുന്നു. ഞാന്‍ കൂടുതല്‍ വിവരങ്ങളും, റഫര്‍ ചെയ്യാവുന്ന സൈറ്റുകളുടെ അഡ്രസുകളും ഇമെയില്‍ ചെയ്യാമെന്ന് പറഞ്ഞു.

ഇനിയാണ് സംഭവം. കുറച്ച് കഴിഞ്ഞ്, റേഡിയോ കേട്ട് കൊണ്ടിരിക്കുന്നതിനിടയില്‍ വിദ്യ പറയുന്നത് കേട്ടു. “....ഡ്രിസില്‍ നേതൃത്വം നല്‍കുന്ന ബൂലോകക്ലബിനെ കുറിച്ച് ....... “. പ്രിയ കൂട്ടുകാരെ.. ഈ പ്രസ്‌താ‍വന, വിദ്യ ചില തെറ്റിദ്ധാരണയുടെ മേല്‍ പറഞ്ഞതാണ്. ഉടന്‍ തന്നെ ഞാന്‍ വിളിച്ച് തിരുത്തിയിട്ടുണ്ട്. ദേവേട്ടനാണ് ഇതിന്റെ ഉപഞ്‌ജാതാവ് എന്നും പറഞ്ഞിട്ടുണ്ട്. ഈ സംഭവത്തില്‍ ഞാന്‍ നിരപരാധിയാണ്. ഇത് ആരെങ്കിലും റേഡിയോയില്‍ കേട്ടിട്ടുണ്ടെങ്കില്‍ എന്നെ തെറ്റിദ്ധരിക്കരുതെന്ന് അഭ്യര്‍ത്ഥിക്കുന്നു.