Friday, October 13, 2006

ഹര്‍ത്താല്‍ വിവരങ്ങള്‍

പ്രവാസികളേ....കേരളത്തിലേക്ക്‌ യാത്ര പുറപ്പെടും മുന്‍പ്‌ ഇവിടം സന്ദര്‍ശിക്കൂ!!!

http://www.harthal.com

28 comments:

രാധ said...

ഹര്‍ത്താലിനും വെബ് സൈറ്റോ! ഗൊള്ളാം !
ഇതൊരു പുതിയ അറിവാണേ. വെറുതെ അല്ല കേരളം ഒരടി മുന്നോട്ടു പോവുമ്പൊള്‍ നാലടി പിന്നോട്ടു പോവുന്നത്.കര്‍ണ്ണാടകത്തിലൊക്കെ രാജ് കുമാര്‍ മരിച്ചപ്പോള്‍ എങ്ങാണ്ട് ഒരു ബന്ദ് ഉണ്ടായേ പിന്നേ ദാ ഈ കഴിഞ്ഞ ആഴ്ചയാ പിന്നൊന്നുണ്ടായത്.
അതും ഒരു പൊതുതാല്‍പ്പര്യ ബന്ദ്. അതിത്തി തര്‍ക്കം വിത് മഹാരാഷ്ട ഓണ്‍ ബെല്‍ഗാം. എല്ലാ പാര്‍ട്ടികളും പങ്കെടുത്തു വിജയിപ്പിച്ചു.ബന്ദിന്‍റെ അന്നു രാവിലെ മുതല്‍ ലവന്മാര്‍ കേബിള്‍ വരെ കട്ട് ചെയ്തു കളഞ്ഞു. കമ്പനി ആണെങ്കില്‍ ബന്ദ് പ്രമാ‍ണിച്ചു ഒഴിവും. കടകളും വാഹനങ്ങളും ഇല്ല എന്നു പറയേണ്ടതില്ലല്ലോ. അക്ഷരാര്‍ത്തത്തില്‍ കുടുങ്ങീപ്പോയി. രാവിലെ മുതല്‍ വൈകുന്നേരം
വരെ റൂം മേറ്റിന്റെ മോന്തയും കണ്ട് ഇരിക്കേണ്ടി വന്നു.

ബെന്നി::benny said...

ഇന്ന് തമിഴ്നാട്ടില്‍ പഞ്ചായത്ത് / മുനിസിപ്പല്‍ / കോര്‍പ്പറേഷന്‍ തെരഞ്ഞെടുപ്പ് ആരംഭിച്ചിരിക്കുകയാണ്. കാലത്തു തന്നെ സമ്മതിദാനാവകാശം ഉപയോഗിക്കാന്‍ ഞാന്‍ പോളിംഗ് സെന്‍ററിലെത്തി.

ഡി എം കെ ഗുണ്ടകള്‍ എല്ലാ ബൂത്തൂകളും കയ്യടക്കി വെച്ചിരിക്കുന്നു. എന്നോട് അല്‍പ്പസമയം ഇരിക്കാന്‍ റിട്ടേണിംഗ് ഓഫീസര്‍ ആവശ്യപ്പെട്ടു. ഡി എം കെ ഗുണ്ടകള്‍ ബൂത്തൂകളോരോന്നായി പിടിച്ച് കള്ളവോട്ട് ചെയ്യുകയാണ്. അതിനിടയില്‍ ശരിക്കും സമ്മതിദാന അവകാശം വിനിയോഗിക്കാന്‍ വന്ന എനിക്ക് അടി കിട്ടണ്ട എന്ന് ആ മഹാനുഭാവന്‍ കരുതിയതാവാം എന്നോട് കാത്തിരിക്കാന്‍ പറഞ്ഞത്.

അഞ്ചോളം പുസ്തകങ്ങള്‍ റിട്ടേണിംഗ് ഓഫീസറുടെ കയ്യില്‍ നിന്ന് തട്ടിയെടുത്ത്, കള്ളവോട്ടുകളാക്കി പെട്ടിയില്‍ നിക്ഷേപിച്ചു കഴിഞ്ഞപ്പോള്‍ ഗുണ്ടകള്‍ തണുത്തു.

ഓഫീസര്‍ എന്നെ വിളിച്ച് വോട്ട് ചെയ്യാനുള്ള പേപ്പര്‍ തന്നു. ഞാനത് ഒപ്പിട്ട് വാങ്ങേണ്ട താമസം, ഒരു ഡി എം കെ ഗുണ്ട വന്ന് എന്നെ പിടിച്ചുവലിച്ച് വോട്ടിടാന്‍ തയ്യാറാക്കിയിട്ടുള്ള കൂട്ടിലേക്ക് കൊണ്ടുപോയി. എന്‍റെ മുമ്പില്‍ വെച്ചു തന്നെ ഡി എം കെ ചിഹ്നത്തില്‍ കുത്തി, പെട്ടിയില്‍ നിക്ഷേപിച്ചു. എന്നിട്ട് ‘പോപ്പാ’ എന്നും പറഞ്ഞു.

നല്ല ഡെമോക്രസി അല്ലേ? കേരളത്തില്‍ ഇതൊക്കെ നടക്കുമോ?

കേരളമൊഴികെ മറ്റ് സ്ഥലങ്ങളില്‍ നടക്കുന്നത് ഇതൊക്കെത്തന്നെയാണ്. ബാംഗ്ലൂരെന്ന ഉപഭോഗ സിറ്റി തലസ്ഥാനമായ കര്‍ണാടകവും സൈബര്‍‌ബാദിനെ തലസ്ഥാനമാക്കിയ ആന്ധ്രയും ചെന്നൈ തലനഗരമായ തമിഴ്നാടും ജനാധിപത്യത്തിനെ കാണുന്ന രീതി, മേല്‍പ്പറഞ്ഞ പോലെയാണ്. കമ്മ്യൂണിസ്റ്റ് “ബെസ്റ്റ്” ബംഗാളും ഒട്ടും പിന്നിലല്ല.

കേരളത്തെപ്പറ്റി സകലര്‍ക്കും പരാതിയാണ്. പിന്തിരിപ്പന്‍ ചിന്താഗതിയാണെത്രെ കേരളീയരുടേത്!! ഈ പരാതി മിക്കപ്പോഴും വരുന്നത് പ്രവാസി മലയാളികളില്‍ നിന്നാണ്. ഞാനുമൊരു പ്രവാസിയാണ്. പക്ഷേ, കേരളീയരുടെ ചരിത്രബോധത്തിനെ ഏഴയലത്തെത്തില്ല മറ്റ് സംസ്ഥാനങ്ങളെന്ന് നെഞ്ചില്‍ തൊട്ട് പറയാന്‍ എനിക്ക് പറ്റും.

ഉപഭോഗ സംസ്കാരം കൂടിയാല്‍ വികസനമായി എന്ന് ധരിച്ചുവശായിരിക്കുന്ന ഈ മിഡില്‍ ക്ലാസ് മൂങ്ങകള്‍ വോട്ട് ചെയ്യാറില്ല. അധികാരിവര്‍ഗ്ഗത്തിന് കുഴലൂതി, മാക്സിമം ഭോഗിക്കലാണ് (എന്തും) ഇവറ്റയുടെ എന്നത്തെയും പണി.

ജനാധിപത്യം എന്തെന്ന് അറിയാത്ത രാജ്യങ്ങളിലും ഗുണ്ടാ വിളയാട്ടം നടക്കുന്ന നഗരങ്ങളിലും ഇരുന്ന് കേരളത്തിലെ ഹര്‍ത്താലിനെ പുച്ഛിച്ച് തള്ളുന്നവരെ എനിക്ക് പേടിയാണ്, സംശയമാണ്.

(ഞാന്‍ ഹര്‍ത്താല്‍ അനുഭാവി അല്ല. എന്നാല്‍ ആവശ്യം വേണ്ട സമയത്ത് ഹര്‍ത്താല്‍ വേണം എന്ന് തന്നെയാണ് എന്‍റെ അഭിപ്രായം. പൊതുജങ്ങളെ ബുദ്ധിമുട്ടിക്കാതെ അത് നടത്തുകയും വേണം.)

മഹേഷ് മംഗലാട്ട് said...

ബെന്നീ,
കേരളത്തിലും ഇത്തരം കലാപരിപാടികള്‍ അരങ്ങേറാറുണ്ട്. കണ്ണൂര്‍ ഇക്കൂട്ടത്തില്‍ ഒന്നാം സ്ഥാനത്താണ്.
എന്നാല്‍ അന്യസംസ്ഥാനങ്ങളിലെ ജനാധിപത്യവുമായി താരതമ്യം ചെയ്യുമ്പോള്‍ നിസ്സാരം.
പക്ഷെ എത്രകാലം എന്ന് പറയാനാവില്ല

ശ്രീജിത്ത്‌ കെ said...

കണ്ണൂരില്‍ കള്ളവോട്ട് ഉണ്ടെന്നതല്ലാത് ഈ രീതിയിലുള്ള ഗുണ്ടാവിളയാട്ടം ഉണ്ടോ? അത് പറഞ്ഞപ്പോഴാണ് ഓര്‍ത്തത്, ഗുണ്ടകളേയും പാര്‍ട്ടിപ്രവര്‍ത്തകരേയും എങ്ങിനെ തിരിച്ചറിയും?

ബെന്നീ, താങ്കള്‍ക്ക് സംഭവിച്ചത് വളരെ പേടിപ്പെടുത്തുന്ന അനുഭവം തന്നെ. ഭരണം കയ്യിലുണ്ടെങ്കില്‍ എന്തും ആകാം എന്ന നില വന്നാല്‍ അത് ആപത്താണ്. പൊതുജനങ്ങള്‍ ആയുധം കയ്യിലെടുക്കുന്ന ഒരവസ്ഥ വരുത്താന്‍ വരെ ഇത് ഇടയാക്കിയേക്കും.

അത് പോട്ടെ, ഒരു രാഷ്ട്രീയപ്പാര്‍ട്ടി എത്ര നല്ല കാരണത്തിന്റെ പേരിലായാലും ഹരത്താല്‍ നടത്തുന്നത് കൊണ്ട് എന്ത് ഗുണമെന്ന് മനസ്സിലാകുന്നില്ല. കഴിഞ്ഞ ആഴ്ച കര്‍ണ്ണാടകയില്‍ എല്ലാ രാഷ്ട്രീയപ്പാര്‍ട്ടികളും ഒത്ത് ചേര്‍ന്ന് ഒരു ഹര്‍ത്താല്‍ നടത്തിയത് കൊണ്ട് എന്ത് ഗുണമുണ്ടായോ എന്തോ. അന്ന് ഓഫീസിന് അവധി കൊടുക്കേണ്ടി വന്നതിനാല്‍ മറ്റൊരു ശനിയാഴ്ച പ്രവര്‍ത്തിദിനമാക്കി എല്ലാ കമ്പനികളും. ആര് എന്ത് നേടി ഈ ഹര്‍ത്താല്‍ കൊണ്ട്?

Thulasi said...

മഹേഷേ,

ഈ കാരണം പറഞ്ഞല്ലേ കഴിഞ്ഞ തെരെഞെടുപ്പില്‍ കണ്ണുരില്‍ പോലീസും ഭരണകൂടവും ഭീകരാന്തരീക്ഷം സൃഷ്ടിച്ചത്? എന്നിട്ട് അങ്ങനെ ചെയ്യുന്നു എന്ന്‌ പറഞ്ഞ പാര്‍ട്ടിയുടെ ഭൂരിപക്ഷം കൂടുകയല്ലേ ചെയ്തത്?
വേറുതെ പറയല്ലേ മാഷെ.

മഹേഷ് മംഗലാട്ട് said...

ചങ്ങാതിമാരേ,
ഗുണ്ടാ വിളയാട്ടം മറ്റു സംസ്ഥാനത്തിന്‍റെ അത്രയുമില്ല എന്നേയുള്ളൂ.
അനുഭവിച്ചറിഞ്ഞാലേ ഇത് ബോധ്യമാകൂ.

വേണു venu said...

എന്നിട്ട് ‘പോപ്പാ’ എന്നും പറഞ്ഞു.
ബെന്നീ ഇതൊക്കെ സൌത്തിലും,?
ഞാനൊരിക്കല്‍ (kanpur) ഏതൊ വോട്ടു ചെയ്യാന്‍ വൈകി ചെന്നപ്പോള്‍, എന്‍റെ പേരില്‍ ആരോ വോട്ടു ചെയ്തു കഴിഞ്ഞിരുന്നു. ‍
എന്നിലെ മലയാളിയ്ക്കു് അന്നു രാത്രി ഉറങ്ങാന്‍ കഴിഞ്ഞില്ല.
ഞാന്‍ എല്ലാവരോടും പറഞ്ഞു.ഇതൊന്നും സൌത്തില്‍ നടക്കില്ലാ എന്നു്. കഷ്ടം സൌത്തിലും അതൊക്കെ.?

ബെന്നി::benny said...

വേണ്വോ, എനിക്കും ഭ്രാന്ത് പിടിച്ച പോലെയായി. എന്‍റെ വിഷമം പങ്കുവെച്ചപ്പോള്‍ ലഭിച്ച മറുപടികള്‍ -

റിട്ടേണിംഗ് ഓഫീസര്‍: തമ്പീ, കളമ്പ്. ഇപ്പടിയെല്ലാം പേശണാ അവങ്ക എതാവത് ഏടാകൂടം പണ്ണുവാങ്കോ. ഓഫീസറാരുന്തു കൂടെ എനക്ക് അവങ്കള്‍ക്കിട്ടെ പേശമുടിയലെ. പോ തമ്പീ പോ.

പൊലീസ് കോണ്‍‌സബിള്‍മാര്‍: എങ്കളെ എന്നാത്തെ പണ്ണ സൊല്‍‌റെ? വേടിക്കൈ പാക്കതാന്‍ എങ്കളാലെ ഇപ്പ മുടിയും. ഉനക്ക് എതാവത് പുകാറിരുന്താ, പൊലീസ് സ്റ്റേഷന്‍ പോ, ഇല്ലേനാ ഇലക്ഷന്‍ കമ്മീഷണറെ പോയ്‌പാര്.

പ്രൊജക്റ്റ് മാനേജര്‍: വൈ ഡു യു ഗെറ്റ് അനിമേറ്റഡ്? ഇറ്റ്‌സ് എ പാര്‍ട്ട് ഓഫ് ഔര്‍ ലൈഫ് സ്റ്റൈല്‍. ഡു നോട്ട് ഗെറ്റ് ഇമോഷണല്‍... ടേക്ക് ഇറ്റ് ഈസി! നതര്‍ 10 മിനിറ്റ്‌സ്, ദേര്‍ ഈസ് എ റിസോഴ്സ് മീറ്റിംഗ്. പ്ലീസ് ബി ഇന്‍ കോണ്‍‌ഫറന്‍സ് ഹോള്‍..

ശ്രീജിത്ത്‌ കെ said...

വേണൂ, കള്ളവോട്ട് നമ്മുടെ നാട്ടിലും ഒരുപാട് നടക്കാറുണ്ട്. കണ്ണൂരില്‍ കോണ്‍ഗ്രസ്സ് ചായ്‌വുള്ളര്‍ അതിരാവിലെ തന്നെ വോട്ട് ചെയ്യാന്‍ ചെന്നില്ലെങ്കില്‍ വോട്ട് മറ്റുള്ളവര്‍ ചെയ്യും എന്ന അവസ്ഥയാണ്. ഇക്കാരണം കൊണ്ട് പലതവണ പോയി വോട്ട് ചെയ്യാന്‍ പറ്റാതെ മടങ്ങി വന്ന ഒരുപാടുപേരെ എനിക്കറിയാം, എന്റെ അമ്മവീട്ടുകാര്‍ ഉള്‍പ്പെടെ.

വേണു venu said...

സത്യത്തില്‍ ഞാനെപ്പോഴും പൊക്കം കാട്ടുന്ന എന്‍റെ നാടിന്‍റെ മുഖ മുദ്ര,കള്ള വോട്ടില്ല,100% സാക്ഷരത,നീറ്റ് ആന്‍റ് ക്ലീന്‍,സമ്പന്നമായ പ്രക്രുതി,
ദൈവത്തിന്‍റെ കൈ ഒപ്പു്.
ശ്രീജിത്തേ ഇതൊക്കെ പുതിയ അറിവാണേ.

രാധ said...

ബെന്നി മാഷേ,
പ്രവാസിയായ താങ്കള്‍ക്കു ഹര്‍ത്താലുകളോടും ബന്ദുകളോടും പെര്‍മനെന്റ് കേരളീയര്‍ക്കുള്ളത്ര പരിചയം ഉണ്ടാവില്ലെന്നറിയാം. ബന്ദ് നിരോധിച്ചപ്പോള്‍ ഹര്‍ത്താല്‍ എന്ന പേരില്‍ ബന്ദ് നടത്തിയ പാരമ്പര്യമാണു നമ്മുടേത്. ഈ കഴിഞ്ഞ കുറേ വര്‍ഷങ്ങളായി കേരളാത്തില്‍ തന്നെ താമസിച്ചുള്ള പരിചയം വച്ചു പറയുകയാണു.മാസത്തിലൊന്ന് എന്ന കണക്കിലാണു ഹര്‍ത്താല്‍ ആഹ്വാനങ്ങള്‍. ഓരോ ഹര്‍ത്തലും ഓരോ ഹോളിഡേ ആയി മാറുകയാണു.ഓഫീസുകളിലെ ഹാജര്‍ നില വളരെ പരിതാപകരം.ഹാജരാവണം എന്നു വച്ചാ‍ല്‍ തന്നെ വഴിയില്ല. സ്ക്കൂളുകള്‍ക്ക് അവധി.രോഗികളും യാത്രക്കാരും കഷ്ടപ്പെടുന്നതിന്നു കണക്കില്ല.മാറ്റി വയ്ക്കാത്ത പരീക്ഷകള്‍ക്കു അങ്ങനെ എത്തിപ്പെടും എന്ന ടെന്‍ഷന്‍. മറ്റൊരു വിശേഷം ഉദ്യോഗസ്തന്‍മാര്‍ പിറ്റേ ദിവസം വന്നു ഒപ്പിടും എന്നതാണ്.അല്ലെങ്കില്‍ ലീവുണ്ടാവില്ല ബാക്കി. ഞാന്‍ നേരിട്ടു കണ്ടിട്ടുണ്ടിത്.ചുരുക്കത്തില്‍ നഷ്ടം ആര്‍ക്ക്? ഞാനും താ‍ങ്കളും അടങ്ങുന്ന പൊതുജനം എന്ന കഴുതയ്ക്ക്.
ഹര്‍ത്താലുകളും നിരോധിക്കേണ്ട കാലമായി.‘പൊതുജനാഭിപ്രായം‘ രെഖപ്പെടുത്താന്‍ പൊതുജനങ്ങള്‍ക്കു കഷ്ട്പ്പാടുണ്ടാകത്ത ഒരു മാര്‍ഗ്ഗം കണ്ടു പിടിച്ചേ തീരൂ.

മഹേഷ് മംഗലാട്ട് said...

ശ്രീജിത്തേ,എണ്ണിയാല്‍ മറ്റൊരിടത്തും പത്തിലേറെ വരാത്ത ജനതാദള്‍കാരു പോലും അവര്‍ക്ക് മുന്‍തൂക്കമുള്ള സ്ഥലത്ത് ഈ കലാപരിപാടി നടത്താറുണ്ട്.
കയ്യൂക്കുള്ളവന്‍ കാര്യക്കാരന്‍ എന്ന ചൊല്ല് വെറുതെടയല്ല.നമ്മുടെ സംസ്കാത്തിന്‍റേയും രാഷ്ട്രീയത്തിന്‍റെയും ആധാരശിലയാണത് എന്നു മനസ്സിലാക്കാന്‍ ഇനിയെങ്കിലും നമ്മള്‍ തയ്യാറാവണം

ദിവ (diva) said...

ബെന്നീ

നമ്മുടെ നാട്ടുകാരെക്കുറിച്ച് വ്യത്യസ്ഥമായി ചിന്തിച്ചത് ഇഷ്ടപ്പെട്ടു

കൂടുതല്‍ ആളുകള്‍ക്ക് നാടിനെ പറ്റി നല്ലതു പറയാന്‍ ഇത് ഇട വരുത്തട്ടെ, (ഗൃഹാതുരത കൂടാതെയുള്ള) നാടിന്റെ നല്ല വശങ്ങളും ആളുകള്‍ ഓര്‍ക്കുകയും പറയുകയും ചെയ്യാന്‍ തുടങ്ങട്ടെ എന്ന് ആഗ്രഹിക്കുന്നു.

അറ്റ്ലീസ്റ്റ്, ഏതുകാര്യത്തിനും, ‘മല്ലു, മലയാളി= കൊലയാളി’ തുടങ്ങി അപകര്‍ഷമായ പ്രയോഗങ്ങള്‍ ഉപയോഗിക്കുന്നത് ഒഴിവാകട്ടെ... മറ്റു സംസ്ഥാനക്കാരെക്കാളും, പെരുമാറ്റത്തിന്റെയും ചിന്തയുടെയും നന്മയില്‍ നമ്മള്‍ ഒട്ടും പിറകിലല്ല എന്ന് തിരിച്ചറിയട്ടെ...

പടിപ്പുര said...

ഒരു മൊട്ട്‌ സൂചിയെങ്കിലും ഉല്‍പ്പാദിപ്പിക്കാനുള്ള ഫാക്ടറികളില്ലാത്ത്‌ കേരളത്തില്‍ ഒരു ബന്ദ്‌ ദിനം കോമ്പന്‍സേറ്റ്‌ ചെയ്യുക എന്ന് പറഞ്ഞാല്‍ ഭൂരിഭാഗത്തിനും മനസ്സിലാവില്ല. (കൊച്ചിയിലെ എക്സ്‌പോര്‍ട്ട്‌ പ്രൊമോഷണല്‍ സോണും തിരുവനന്തപുരത്തെ അപ്പാരല്‍ പാര്‍ക്കും പോലുള്ളിടങ്ങളില്‍ ജോലിചെയ്യുന്ന ചെറിയൊരു വിഭാഗത്തിനൊഴിച്ച്‌.)

അല്ലാത്തവര്‍ക്ക്‌ ബന്ദും ഹര്‍ത്താലും ഉത്സവം തന്നെ. കൂലിപ്പണിക്കര്‍ക്കൊഴിച്ചുള്ളവര്‍ക്ക്‌ അദ്ധ്വാനിക്കാതെ കാശ്‌ കിട്ടുന്ന ഒരു ദിനം!

ഉപ്പായിമാപ്ല said...

ബെന്നി കേരളത്തിനെ താരത‌മ്യം ചെയ്തത് ഗുണ്ട വിളയാടുന്ന, സാമാന്യബുദ്ധിക്ക് നിരക്കാത്തതു ചെയ്യുന്ന അണ്ണാച്ചിലാന്‍ഡുമായാണ്.
അല്ലെങ്കില്‍ പഠിപ്പും വിവരവുമില്ലാതെ തോക്കുമെടുത്ത് ജന്മിയുടെ പിന്നാലെ നടക്കുന്ന വടക്കന്‍ ബാഹുബലികളുടെ ലോകവുമായാണ്.
100 ശതമാനം സാക്ഷരതയും, 0 ശതമാനം ജനസംഖ്യാ വര്‍ദ്ധന നിരക്കും,നല്ല രാഷ്ട്രീയബോധവും, സാമ്പത്തികസ്ഥിതിയും വിദ്യാഭ്യാസപുരോഗതിയുമുള്ള കേരളത്തിനെ ഈ പ്രദേശങ്ങളോട് താരത‌മ്യം ചെയ്ത് സായൂജ്യമടയാം.
ലോകത്ത് വേറെ പല സ്ഥലങ്ങളുമുണ്ട്. പ്രവാസികള്‍ അവിടെയിരുന്നാണ് കേരളത്തിനെ വിമര്‍ശിക്കുന്നത്.
കേരളത്തിന്റെ പത്തിലൊന്നുപോലും വിഭവശേഷിയില്ലാതെ പരിശ്രമംകൊണ്ടും അച്ചടക്കം കൊണ്ടും പുരോഗമിച്ച നല്ല ഫസ്റ്റ് വേള്‍ഡ് സ്ഥലങ്ങള്‍. അത് മനസ്സിലാക്കൂ..അല്ലാതെ
അതിന്‍ പോയന്റ് ഇല്ലാന്ന്, വെറുതെ കുന്നായ്മ പറയുകയാണ് എന്നൊക്കെ പറഞ്ഞാല്‍ കഷ്ടം എന്നേ പറയാനുള്ളൂ.

നമ്മക്ക് അണ്ണാച്ചിയോടും ഹിന്ദിക്കാരനോടും മാത്രം മത്സരിച്ചാല്‍ മതി അല്ലിയോ?.

എനിക്ക് നൂറില്‍ അഞ്ച് മാര്‍ക്ക്. ഇറച്സിവെട്ടുകാരന്റെ മോന് രണ്ടര. ടെയ്‌ലറുടെ മോന് തൊണ്ണൂറ് കിട്ട്യാ എനിക്കെന്നാ ചേതം!

സംശയം വാസു said...
This comment has been removed by a blog administrator.
സംശയം വാസു said...
This comment has been removed by a blog administrator.
സംശയം വാസു said...
This comment has been removed by a blog administrator.
ഉമേഷ്::Umesh said...

നല്ല കാര്യം, വാസൂ. എന്റെ മനസ്സിലും ഇതുപോലെ ഒരു ആശയമുണ്ടായിരുന്നു. എങ്ങനെ ആളുകളെക്കൊണ്ടു സംശയം ചോദിപ്പിക്കും എന്നൊരു സംശയമേ എനിക്കുണ്ടായിരുന്നുള്ളൂ :)

ഒരു അഭിപ്രായം. ചോദ്യങ്ങളെ കാറ്റഗറൈസു ചെയ്യാവുന്ന ഒരു ബ്ലോഗാണെങ്കില്‍ നല്ലതു്. (വേര്‍ഡ്പ്രെസ്സ്.കോം പോലെ.) സംശയമുള്ളവര്‍ ആ വിഷയത്തിലുള്ള ചോദ്യങ്ങള്‍ നോക്കാമല്ലോ.

വേണമെങ്കില്‍ മോഡരേറ്റു ചെയ്യുകയും ചെയ്യാം. വരമൊഴി, യൂണിക്കോഡ്, ബ്ലോഗിംഗ്, എച്. ടി. എം. എല്‍. തുടങ്ങിയ കാറ്റഗറികള്‍ ചേര്‍ക്കാം.

ചോദ്യങ്ങള്‍ ചോദിക്കാന്‍ ഒരു പോസ്റ്റു വെയ്ക്കാം. അതില്‍ കമന്റുകളായി ചോദ്യങ്ങള്‍ ചോദിക്കാം.

വേണമെങ്കില്‍ രണ്ടു ബ്ലോഗാക്കാം. ഒരു ബ്ലോഗില്‍ ഒരു പോസ്റ്റു മാത്രം. മോഡറേറ്റഡ്. അതിന്റെ കമന്റായി ചോദ്യങ്ങള്‍ ചോദിക്കാം. അതില്‍ നിന്നു തെരഞ്ഞെടുത്ത ചോദ്യങ്ങള്‍ മറ്റേ സാധാരണ ബ്ലോഗില്‍ അഡ്‌ന്മിനിസ്ട്രേറ്റര്‍ ഓരോ പോസ്റ്റായി പ്രസിദ്ധീകരിക്കുന്നു. അതു മോഡരേറ്റഡ് ആകണമെന്നില്ല. ആളുകള്‍ക്കു് ഉത്തരങ്ങള്‍ അയയ്ക്കാം.

വിക്കിയാണു് ഇതിനു പറ്റിയ മാദ്ധ്യമം. പക്ഷേ, ബ്ലോഗ് കൂടുതല്‍ പോപ്പുലര്‍ ആയതുകൊണ്ടു് ഇതും നല്ലതു തന്നെ.

സംശയം വാസു said...
This comment has been removed by a blog administrator.
Adithyan said...

ബൂലോഗത്തില്‍ സ്വന്തമായി വ്യക്തിത്വം ഇല്ലാത്തവര്‍ പുതിയ കമ്മ്യൂണിറ്റി സംരഭങ്ങളുമായി വരുന്നതില്‍ ആരെങ്കിലും പങ്കുകൊള്ളുന്നതിനു മുന്‍പ് വിവരങ്ങള്‍ സൂക്ഷ്മമായി മനസിലാക്കണം എന്ന് എല്ലാവരോടും അഭ്യര്‍ത്ഥിയ്ക്കുന്നു.

മറ്റൊരു ബ്ലോഗിന്റെ പരസ്യം ബൂലോക ക്ലബ്ബില്‍ വെയ്ക്കരുത് എന്ന് വ്യക്തമാക്കിയിട്ടുണ്ട്. ഞാന്‍ ഈ പരസ്യങ്ങള്‍ നീക്കം ചെയ്യണോ?

വാസൂ, ഈ മാതിരി രണ്ടു മൂന്നിടത്തും കൂടെ സ്പാമിങ്ങ് നടത്തിക്കഴിഞ്ഞാല്‍ ഏവൂരാന്റെ ശ്രദ്ധയില്‍ പെടാം. അത് കഴിഞ്ഞാല്‍ ഉടന്‍ ഒരു ബ്ലോക്ക് വാങ്ങി വെയ്ക്കാം.

Anonymous said...

ആദി,

ഈ സംശയം വാസൂനെ മനസ്സിലായില്ലേ? :-)

Pattern of Patterns എന്നൊരു തിയറിയുണ്ട് :)

Anonymous said...

ഈ സംശയം വാസുവിനെ നിങ്ങള്‍ക്കു മനസ്സിലായില്ലേ മാളോരേ ?

നേരത്തെ പുള്ളിക്കാരന്‍ വേറെ രണ്ടു മൂന്നു പേരുകളിലും, പിന്നെ അപരനുമൊക്കെയായി പ്രത്യക്ഷപ്പെട്ടിട്ടുണ്ട്.

ആ “ങ” എഴുത്ത് കണ്ടാ അറിയത്തില്യോ അതു നമ്മടെ സ്വന്തം ആളാണെന്ന്‌?

കലാഭവന്‍ മണി ചിരിക്കുന്നത്
ങ്യാ‌ഹഹ... എന്നാണ്
ങ്ങ്യാ ഹ ഹ എന്നല്ല !

മ്വാനേ വാസൂ, അനാവശ്യ സംശയങ്ങളൊന്നും നന്നല്ല കേട്ടോ?

കണ്ണൂസ്‌ said...

ബെന്നീ, തമിഴ്‌നാട്ടില്‍ അതും മദ്രാസില്‍ ഇത്ര പരസ്യമായി ബൂത്തു പിടിത്തം നടക്കുമെന്നത്‌ അതിശയമായി തോന്നുന്നു.

"കേരളത്തില്‍ ഇതൊക്കെ നടക്കുമോ"? എന്ന ചോദ്യം പ്രസക്തമാണ്‌. പക്ഷേ നടക്കാത്തത്‌ ജനങ്ങളുടേയും മാധ്യമങ്ങളുടേയും പ്രതികരണശേഷി പേടിച്ചിട്ടാണോ എന്നതാണ്‌ അതിലും പ്രസക്തമായ ചോദ്യം. CPI (ML) വിചാരിച്ചാല്‍ പോലും സമ്പൂര്‍ണ്ണ ബന്ദിന്‌ നിന്നു കൊടുക്കുന്നവരല്ലേ നമ്മള്‍. കേരളത്തില്‍ ഇത്‌ നടക്കാത്തത്‌ ബൂത്ത്‌ പിടിക്കാന്‍ പോകാനുള്ള റിസ്‌ക്‌ എടുക്കാന്‍ ധൈര്യമുള്ള ആള്‍ക്കാരെ കിട്ടാഞ്ഞിട്ടാവാനേ തരമുള്ളു.

തൊടുപുഴക്കാരന്‍ said...

വല്ലപ്പൊഴും ഒരു ഹര്‍ത്താല്‍‌ ഒരു രസമല്ലെ ?
iamnotanislan@yahoo.com

തൊടുപുഴക്കാരന്‍ said...

ഈയാഴ്ച ഒരു ഹര്‍ത്താലിന് ചാന്‍‌സ് കാണു‍‌ന്നുണ്ട്.
iamnotanisland@yahoo.com

സംശയം വാസു said...

(നിങ്ങളെ ഞ്ഞെട്ടിച്ചേക്കാവുന്ന ഒരു പുതിയതരം അപരന്മാരെ ക്കുറിച്ച് ഈ കമന്റിന്റെ അവസാനത്തില്‍ വായിക്കുക))

അന്നോണീ, ആദിത്യാ, injnji penne, ശരിയാണ് സ്വന്തം പേരൊ മേല്‍ വിലാസമോ ഞാന്‍ കൊടുത്തിട്ടില്ല.
മറ്റൊന്നും കൊണ്ടല്ല. ‘സംശയലോകം’ എന്നത് തീര്‍ത്തും ഒരു പൊത് വേദിയാക്കാനേ ഉദ്ദേശിച്ചുള്ളൂ.
എന്റേതായ ഒന്നും അതില്‍ പോസ്റ്റാത്തതിലാണ് അതില്‍ എന്റെ പ്രൊഫൈല്‍ കൊടുക്കാഞ്ഞത്.
എന്നാല്‍ ഇങ്ങനെയുള്ള ബ്ലോഗുകള്‍ ആള്‍ക്കാര്‍ തട്ടിപ്പായിക്കാണുന്നു എന്ന് ഞ്ഞാന്‍ മനസ്സിലാക്കി . അതിനാല്‍ PROFILE ഇല്‍ ഞ്ഞാന്‍ ഇട്ടിട്ടുണ്ട്.

പേരില്‍ ‘ലോകം ‘ ഉള്ളതിനാല്‍
ബൂലോഗത്തെ തകര്‍ക്കാനോ (ബൂലോഗം 2 പോലെ) മറ്റോ തുടങ്ങിയതാണെന്ന് കരുതുന്നത് സ്വാഭാവികം. എന്നാല്‍ ബൂലോഗത്തെ അംഗങ്ങള്‍ക്ക് ക്ലബ്ബിലോ ബ്ലോഗിലോ ഒന്നും പോസ്റ്റാന്‍ കഴിയാത്ത സംശയങ്ങള്‍ പോസ്റ്റാന്‍ സഹായിക്കുന്നതായിരുന്നു എന്റെ ബ്ലോഗ്.(എന്ന് വച്ച് സംശയങ്ങള്‍ക്കെല്ല്ലാം ഉത്തരം നല്‍കുന്നത് ഞാനാണെന്ന് കരുതരുത് കെട്ടോ !) .

ബ്ലോഗിനെ പറ്റിയുള്ള വിവരങ്ങള്‍ക്ക് ബ്ലോഗില്‍ തന്നെ പോവുക. ഇവിടെ ലിങ്ക് പോസ്റ്റിയാല്‍ അത് പരസ്യമാകുമല്ലോ.( സ്വന്തം പോസ്റ്റുകളോ മറ്റോ ഒന്നുമില്ലാത്ത ഒരു പൊത് ബ്ലോഗിനെ പറ്റിയുള്ള വിവരം ഒരേയൊരു പോസ്റ്റിന്റെ കമന്റില്‍ ഇടുന്നത് തെറ്റാണോ?) വേറെവിടെയും ഞാന്‍ സ്പാമിയിട്ടില്ല.

(പിന്മൊഴികളില്‍ മെമ്പര്‍ഷിപ്പിന് അപേക്ഷിച്ചിട്ടുണ്ട്)

--- ആദിത്യാ ശരിയാണ് ഞാന്‍ സിനികുമാറും, നഞ്ജൂസ്, പുളു എന്ന പേരിലൊക്കെ വന്നിട്ടുണ്ട്.(ആ ബ്ലോഗെല്ലാം ഫ്ലോപ്പായിരുന്നു) (അനുഭവം ഗുരു !).
പാറ്റേര്‍ണ്സും, ങ്യാഹ ഹ യുമെല്ലാം കലക്കി..
എന്നാല്‍ ഒന്ന് മനസ്സിലാക്കണം. തോളു ചരിക്കുന്നവരെല്ലാം മോഹന്‍ ലാലെല്ല.അത് പോലെ ‘ങ്’ എഴുതുന്നവരെല്ലാം അപരന്‍സ് ആണെന്ന് കരുതുന്നെങ്കില്‍ കരുതിക്കോ.
(എന്റെ ആദ്യത്തെ ബ്ലോഗിലുമുണ്ടായിരുന്നു സമാനമായ ഒരു അന്നോണീ കമന്റ് .. PATTERNS OF PATTERNS എനിക്കറിയാത്തത് കൊണ്ട് ആരാണതെന്ന് അറിറ്റില്ല. (ചിലപ്പോള്‍ ആ അപരന്‍ തന്നെയായിരിക്കാം..! അതില്‍ നിന്ന് തലയൂരാന്‍ ).അതിനാല്‍ ആ അന്നോണിയെ നിങള്‍ തന്നെ പിടികൂടുക. സത്യം വെളിവാകും.
***************************
-----നിങ്ങളെ ഞ്ഞെട്ടിക്കുന്ന ഒരു കാര്യം ഞ്ഞാന്‍ പറയാം...
വിശാല മനസ്ക്ക്കന്റെ അപരന്റെ പ്രൊഫൈല്‍ ഓര്‍മ്മയില്ലേ,... കോപ്പി ചെയ്ത പ്രൊഫൈലും ഒരു പോസ്റ്റുമെല്ലാമുള്ള,.. ?
ബൂലോഗത്തിലെ ഏത് കൊച്ച് കുട്ടിക്കും അത് മനസ്സുലാക്കാം . number of profile views തന്നെ !.
പക്ഷെ, ബൂലോഗരെ, എന്റെ നീണ്ടകാലത്തെ റിസേര്‍ച്ചിന്റെ ഫലമായി ഞ്ഞെട്ടിക്കുന്ന ഒരു സത്യം ഞ്ഞാന്‍ മനസ്സിലാക്കി. ! ഒറിജിനലും അപരനും തമ്മില്‍ വ്യത്യാസമില്ലാത്ത അവസ്ഥ!
-----വിശദീകരിക്കാം---
നിങള്‍ക്ക് ‘രാമു’ എന്ന പേരില്‍ ഒരു ബ്ലോഗ് id ഉണ്ടെന്ന് കരുതുക. നിങ്ങള്‍ ഫോട്ടോ വെക്കാതെയാണ് കമന്റുന്നതെന്ന് കരുതുക.
വിശാലമനസ്ക്കനെ പ്പോലെ പ്രശസ്ത്തനായ ഒരാളുടെ പ്രൊഫൈല്‍ view സ്വാഭാവികമായും 5000, 8000 ത്തിനു മുകളിലായിരിക്കും.
എന്നാല്‍ , OTHER ആയി, കമന്റുമ്പോള്‍, നിങ്ങളുടെ ‘രാമു’ എന്ന ഡിസ് പ്ലേ നേം, അതറില്‍ ചേറ്ത്ത്, YOUR WEB PAGE എന്ന സ്ഥാനത്ത് നിങ്ങളുടെ പ്രൊഫൈലിന്റെ ലിങ്ക് (for eg: http://www.blogger.com/profiles/2134 )
ടൈപ്പ് ചെയ്താല്‍,....
അതെ നിങ്ങളുടെ പേരില്‍ ഇങ്ങനെ അതറായി കമന്റുന്ന അപരന്റെ പേരില്‍ ക്ലിക്കിയാല്‍ കാണുന്നത് നിങ്ങളുടെ സ്വന്തം ‘പ്രൊഫൈല്‍ ‘!!!!.
അതായത് ഒറിജിനലും അപരനെയും തിരിച്ചറിയാത്ത അവസ്ഥ. ! (സംശയിക്കേണ്ട ! ഇത് ഞ്ഞാന്‍ എന്റെ ബ്ലോഗില്‍ തെന്നെ പരീക്ഷിച്ച് നോക്കിയതാണ് )

ബ്ലോഗരെ, ബ്ലോഗിനികളെ, അപ്പോള്‍ വിശാലമനസ്ക്കന്റെ ബ്ലോഗ് അഡ്രസ്സിനെ അനുകരിച്ച് ഒന്നുണ്ടാക്കി, അതില്‍ എല്ലാം കോപ്പി ചെയ്ത്, വന്ന ആ അപരന്റെ മണ്ടത്തരത്തെ നാം ഏത് പേരിട്ട് വിളിക്കും. ?!!.
കാരണം ആരുടെ പ്രൊഫൈല്‍ അഡ്രസ്സും ഉപയോഗിച്ച് ആര്‍ക്കും ആരുടെയും അപരനാകാം, ഒറിജിനലിനെ തറപറ്റിക്കാം ...
അപ്പോള്‍ അന്നോണി മാത്രമല്ല ‘ അതര്‍’ കടിച്ചാലും അത്താഴം മുടങ്ങുമെന്നര്‍ഥം !
-- ഇത്രയും കാലമായിട്ടും ഈ കാര്യം ആരുടെയും ശ്രദ്ദയില്‍ പെട്ടില്ല എന്നത് ആശ്ചര്യം തന്നെ .
അപ്പോള്‍ നിങ്ങള്‍ക്ക് ചെയ്യാന്‍ കഴിയുന്നത് രണ്ടു കാര്യങ്ങള്‍...
1) ഈ ബൂലോഗത്തെ എല്ലാ പോസ്റ്റുകളില്‍ നിന്നും , അന്നോണിയെ മാറ്റിയില്ലെങ്കിലും അതറിനെ മാറ്റുക.
2) ഫോട്ടോ ഉപയോഗിച്ച് മാത്രം കമന്റുക

ഇനിയും നിങ്ങള്‍ക്കെന്നെ സംശയമാ‍ണെങ്കില്‍ ഞാന്‍ ഈ ബ്ലോഗും നിര്‍ത്താം....
പക്ഷെ ഒരാളെങ്കിലും (ഉമേഷ് : umesh ) ഈ പുതിയ സംരംഭത്തെ പ്രശംസിച്ചല്ലോ..
അത് മതി. റ്റാറ്റാ...
ആദിത്യാ.. വീണ്ടും കാണാം’ പോട്ടേ...
എന്തെങ്കിലു വിശേഷം ഇണ്ടായാല്‍ ബന്ധപ്പെടാം - samshayamvasu@gmail.com
ഞാന്‍ നിര്‍ത്തുന്നു....
** എനി ഈ ‘സംശയലോകത്തില്‍ സംശയങ്ങളിടാന്‍ മെംബര്‍ഷിപ്പോ , കൂന്തമോ ഒന്നുമില്ല. ബ്ലോഗിലുള്ള ‘സംശയപ്പെട്ടി യില്‍ ഒരു കമന്റായി സംശയങ്ങള്‍ ഇടാം...
ഉത്തരങ്ങളും അവിടെത്തന്നെ കമന്റാവട്ടെ.
അപ്പോള്‍ എനിക്കൊന്നും ചെയ്യാനില്ലല്ലോ..
എനി നിങ്ങളായി നിങ്ങളുടെ സംശയങ്ങളായി...
വല്ലവരു വല്ല തോന്നിവാസവും സംശയമായി ഇട്ടാല്‍ അത് റിമൂവ് ചെയ്യുന്ന പണി മാത്രം ഞ്ഞാന്‍ ഏറ്റെടുക്കാം.
(നല്ല സംശയങ്ങളും മറ്റും സംശയലോകത്ത് ഞാന്‍ പോസ്റ്റാം.. )

എല്ലാവര്‍ക്കും നല്ലത് വരട്ടെ....

Anonymous said...

"ഞാന്‍ സിനികുമാറും, നഞ്ജൂസ്, പുളു എന്ന പേരിലൊക്കെ വന്നിട്ടുണ്ട്."

then you are the ONE copied visaalan too.