വീണ്ടും ചില്ല്‌

യുണീക്കോഡ്‌ നിയമിച്ച രഹസ്യകമ്മീഷന്‍ ചില്ല്‌ എന്‍കോഡ്‌ ചെയ്യാന്‍ (വീണ്ടും) തീരുമാനിച്ചത്രേ. അപ്പോ, പഴയപോലെ ഇനിയും ഒരു സോഫ്റ്റ്‌വെയര്‍ അപ്ഗ്രേഡും വെട്ടും തിരുത്തും റ്റ്യൂഷനും വേണ്ടിവരും.

ഇത്തവണ തോക്കില്‍ കേറിവെടിവച്ച്‌ അത്‌ സ്വന്തം കാലില്‍ കൊള്ളിക്കാനൊന്നും ഞാനില്ല. ഐ.എസ്‌.ഓ.യുടെ അനുവാദവും കഴിഞ്ഞ്‌ യൂണികോഡ്‌ സ്റ്റാന്റേഡില്‍ വരട്ടെ. എന്നിട്ടാവാം അഞ്ജലി, വരമൊഴി, കീമാന്‍ എന്നിവരെല്ലാം മാറുന്നത്‌.

സംഗതി രചന-ഗവണ്‍മന്റ്‌ ക്ലാഷില്‍ വളരെ പ്രമാദമായ ഇഷ്യൂ ആയതിനാല്‍ രാഷ്ട്രീയ ഇടപെടലുകള്‍ ഇനിയും തള്ളിക്കളയാവുന്നതല്ല താനും.

എല്ലാവരുടേയും അറിവിലേയ്ക്കായി പഞ്ചായത്തിനിട്ടു എന്നു മാത്രമേ ഉള്ളൂ.