Thursday, September 14, 2006

ബസ്രയിലെ ഈത്തപഴക്കച്ചവടവും ഒരറബിക്കഥയും

എന്റെ അച്ചന്‍ അപ്പുകുട്ടന്‍ നായര്‍ ഏന്റ്‌ അയാം പ്രൗഡ്‌ ഓഫ്‌ ഹിം. ഇന്‍ഡ്യ എന്റെ രാജ്യമാണ്‌. അതിനെച്ചൊല്ലി ഞാന്‍ അഭിമാനം കൊള്ളുന്നു. അച്ചനു പടിപ്പില്ലെന്ന്‌ പരഞ്ഞോ ദാരിദ്ര്യം എന്നു പറഞ്ഞോ പിതൃത്വത്തേയും മാതൃരാജ്യത്തേയും തള്ളിപ്പറയില്ല.

ബൂലോഗ ക്ലബ്ബുതുടങ്ങുമ്പോള്‍ പറഞ്ഞതില്‍ നിന്നും വ്യതിചലിക്കുന്നതില്‍ ഒരര്‍ഥവുമില്ല. ദേവന്റെ ബ്രൈന്‍ ചെയില്‍ഡാണിത്‌. ഇതിന്റെ വിജയത്തെക്കുറിച്ച്‌ ആദ്യം മനസ്സിലാക്കിയത്‌ ഗന്ധര്‍വനാണേന്ന്‌ ചുമ്മാ ബാ കമെന്റുകള്‍ വായിച്ചാല്‍ അറിയും. എന്റെ മെയില്‍ അഡ്രസ്‌ ആര്‍ക്കും കൊടുക്കുന്നതെനിക്കിഷ്ടമില്ല. അതും ഞാന്‍ അയച്ചു കൊടുത്തു. (കുറുമാനും, കലേഷിനും, പെരിങ്ങോടനും, ഉമേഷിനും അയച്ചിട്ടുണ്ട്‌).


ഒരു സംരംഭത്തിന്റെ വിജയം അതില്‍ പങ്കെടുക്കുന്ന താഴേത്തട്ടിലുള്ളവര്‍ക്കു കൂടി അവകാശപ്പെട്ടതാണെന്ന്‌ കരുതുന്നു. അവരുടെ കൂടെ നില്‍ക്കുന്നതില്‍ എനിക്കാനന്ദമാണ്‌. എന്റെ ജോലി നഷ്ടപ്പെട്ടിട്ടുള്ളത്‌ ഇന്‍ക്വിലാബ്‌ സിന്ദാബാദിന്‌ വേണ്ടി.

വിപ്ലവം, ചെങ്കൊടി എന്ന്‌ പ്രസംഗിക്കുകയും ആര്‍ഭാടങ്ങള്‍ക്ക്‌ സ്പോന്‍സര്‍ ചെയ്യുകയും എന്റെ വഴിയല്ല. ഞാന്‍ സഞ്ചരിക്കുന്നത്‌ ക്വാളിസിലല്ല. കളിപ്പാട്ടമായി ലേപ്ടോപ്‌ വാങ്ങാറുമില്ല.

എന്റെ കുടുമ്പം, എന്റെ സഹോദരി, അമ്മ, സൗഹൃദം ഇതെല്ലാം അതേപടി എന്നും. ഒരു കാലാവസ്ഥയിലും ഇതെല്ലാം മാറ്റുകയില്ല, മാറുകയുമില്ല. അപ്പോള്‍ എന്തിനു വേണ്ടി ബൂലോഗ ക്ലബ്ബുണ്ടായൊ അതിനു വേണ്ടി നിലകൊള്ളണം എന്നാണ്‌ എന്റെ അഭിപ്രായം. അതങ്ങിനെ അല്ല ക്ലാസ്‌ തിരിച്ചെ പറ്റു എങ്കില്‍ ആ ജാതി വ്യവസ്ഥയില്‍ എനിക്ക്‌ പങ്കു വേണ്ട. എന്റ്‌ മെമ്പര്‍ഷിപ്‌ കേന്‍സലാക്കുക.

ഏവൂരാന്‍ പറഞ്ഞ സാങ്കേതിക പ്രശ്നങ്ങള്‍ ഒഴിവാക്കുകയും, സഭ്യത ലംഘിക്കാതിരിക്കുകയും ചെയ്യുന്നിടത്തോളം എന്തും ഏതും ഇവിടേ കാണട്ടെ.

വിധിക്കപ്പെടാതിരിക്കാന്‍ നീയും വിധിക്കാതിരിക്കുക എന്ന്‌ പണ്ട്‌ കൃസ്തു പറഞ്ഞിട്ടൂള്ളതോര്‍ക്കുക. ചവറിനെക്കുറിച്ചു പറയുമ്പോള്‍ നാം നടത്തുന്ന പരിസരമലിനീകരണം ആദ്യമോര്‍ക്കുക. എത്ര ചപ്പുകള്‍ നാം വലിച്ചെറിയുന്നു. മിനറല്‍ വാട്ടര്‍ കുപ്പി പിടിച്ച്‌ പരിസ്ഥിതി മലിനീകരണത്തെ ക്കുറിച്ച്‌ ഭാഷണം നടത്താതിരിക്കുക.
പൊങ്ങച്ചമാകുന്ന എളിമയും, വക്കാലത്തു പിടിച്ച്‌ ഞായറാഴ്ച്ച വക്കിലാകുന്നതും നല്ലത്‌. പക്ഷെ അത്‌ വളര്‍ച്ചക്കുതകില്ല. കാരണം അത്‌ കപടമാണ്‌. ക്ലാസ്സികുകളും സ്വാതീ സംഗീതവും മാത്രമെഴുതിയാല്‍ ബൂലോഗ ക്ലബ്ബില്‍ സെകന്റ്‌ ഷോക്ക്‌ അവാര്‍ഡു പടത്തിനുള്ള തള്ളായിരിക്കും.


അദ്ധ്വാനിക്കുന്നവന്റേയും ഭാരം ചുമക്കുന്നവന്റേയും അത്താണിയാകട്ടെ. അറേബ്യന്‍ പരിമളത്തിന്റെ കഥയേക്കാള്‍ വിയര്‍പ്പിന്റെ കഥകള്‍ വരട്ടേ. മുല്യ്യച്യുതിയുടെ കഥകളേക്കാള്‍ മൂല്യങ്ങള്‍ ഉയര്‍ത്തിക്കാട്ടുന്ന കഥകള്‍ വരട്ടേ.

ഗന്ധര്‍വനിപ്പോള്‍ ഈത്തപഴക്കച്ചവടമണ്‌ ബസ്രയില്‍. അതുകൊണ്ടാരും ബസ്രയിലേക്ക്‌ ഈത്തപ്പഴം എക്സ്പോര്‍ട്‌ ചെയ്യല്ലെ.

34 comments:

Anonymous said...

ഗന്ധര്‍വന്‍റെ മുന്‍ കമന്‍റുകളില്‍ നിന്നും മറ്റും നിങ്ങളെപ്പറ്റി ഏകദേശ രൂപം കിട്ടിയിട്ടുണ്ട്. അറിവും പക്വതയും ലോക പരിചയവും ഉള്ള ഒരു ആദരണീയ വ്യക്തിയാണെന്ന് തോന്നിയിട്ടുമുണ്ട്.

താന്‍ പിടിച്ച മുയലിന് മൂന്ന് കൊമ്പ് എന്ന മട്ടിലുള്ള നിങ്ങളുടെ ഈ പോസ്റ്റിടല്‍ അത്ര ഭൂഷണമായി തോന്നുന്നില്ല. ക്ലബ് വേണ്ടെങ്കില്‍ കളഞ്ഞിട്ട് പോണം, ഹേ. അതുമല്ലെങ്കില്‍ ഏതോ ഒരുത്തന്‍ നമ്പര്‍-2 ഇട്ടോണ്ടിരിപ്പോണ്ട്. പോയി ചേര്. എന്ത് വേണമെങ്കിലും കാട്ടിക്കൂട്ട്.

കണ്ണൂസ്‌ said...

ഗന്ധര്‍വരേ, ഓരോരുത്തരും സ്വന്തം ബ്ലോഗില്‍ പോസ്റ്റ്‌ ചെയ്യേണ്ട കഥയും, കവിതയും ഇവിടെ കൊണ്ടുവന്നിടണം എന്ന് ദേവന്റെ ഉത്‌ഘാടന പോസ്റ്റ്‌ വായിച്ചപ്പോള്‍ തോന്നിയോ? "സ്വന്തം ഒരു തുണ്ട്‌ ഭൂമിയുള്ള ആര്‍ക്കും" എന്ന് പറയുമ്പോള്‍ അവന്‍ ആ ഭൂമി ഉപയോഗിക്കുന്നവന്‍ കൂടിയാവണം എന്ന് അര്‍ത്ഥമില്ലേ? സ്വന്തം കലാ സൃഷ്ടികളും, അവനവനെ മാത്രം ബാധിക്കുന്ന വിഷയങ്ങളും ക്ലബ്ബില്‍ നിന്നൊഴിവാക്കണം എന്നു മാത്രമല്ലേ ജിത്ത്‌ പറയുന്നുള്ളൂ? അതില്‍ എന്താണ്‌ തെറ്റ്‌?

ക്ലബ്‌ തുടങ്ങിയപ്പോള്‍ ഉള്ള പോലെ 30 അംഗങ്ങളല്ല ഇപ്പ്പ്പോള്‍ ബൂലോഗത്ത്‌. എല്ലാവരും അവനവന്‍ ചെയ്യുന്ന എല്ലാ കാര്യങ്ങളും ഇവിടെ കൊണ്ടു വന്ന് തട്ടുകയാണെങ്കില്‍ "സ്വന്തം ബ്ലോഗ്‌" എന്ന ആശയം തന്നെ പോയില്ലെേ? പോസ്റ്റ്‌ ചെയ്യാവുന്ന വിഷയങ്ങളില്‍ നിയന്ത്രണങ്ങളില്ലെങ്കിലാണ്‌ ബൂലോഗ ക്ലബ്ബിന്റെ പ്രസക്തി ഇനി നഷ്ടപ്പെടാന്‍ പോവുന്നത്‌.

അതുല്യ said...

കണ്ണൂസ്സെ ഇത്‌ ജിത്തിനുള്ള പോസ്റ്റ്‌ അല്ലാ. ഇന്നലെ ഈ ലിങ്കില്‍ http://boologaclub.blogspot.com/2006/05/blog-post.html

അദ്ദേഹം ഒരു കമ്നന്റിട്ടിരുന്നു. അതിനു ഞാന്‍ വളരെ കാര്യകാരണം സഹിതം മറുപടിയിട്ടിരുന്നു. അതോണ്ട്‌ എനിക്കിട്ട മറു-അടിയാണീ പോസ്റ്റ്‌.

ഗന്ധര്‍വനു, with due respects, Ego, നല്ലതാനു, പക്ഷെ വേണ്ടാത്ത പ്രതലത്തിലേയ്ക്‌ അത്‌ ഒഴുകി വന്നാ, E വെട്ടി GO മാത്രം പറയും ജനം. എല്ലാര്‍ക്കും ഒരു പാട്‌ ബഹുമാനം ഉണര്‍ത്തുന്ന തരത്തിലുള്ള നിലപാട്‌ ആയിരുന്നുവെന്ന് ഒക്കെ കേള്‍ക്കുന്നു. അത്‌ നിലനിര്‍ത്തി പോകുന്നതല്ലേ നല്ല്ത്‌?

ബാക്കി എഴുതിയ പ്രസ്ക്ത ഭാഗങ്ങളിലേയ്ക്‌ കടക്കുന്നില്ലാ. അല്‍പം മിനറല്‍ വാട്ടര്‍ കുടിച്ചിട്ട്‌ വരാം.

Anonymous said...

ദുബായി മീറ്റില്‍ കണ്ട നിങ്ങള്‍ ഇത്രേം തരം താഴ്‌ന്ന തരത്തില്‍ വാക്കുകള്‍ ഉപയോഗിച്ച്‌ ഇങ്ങനെ ഒരു പോസ്റ്റിടരുതായിരുന്നു.

ജിത്തും, കണ്ണൂസ്സും, അതുല്യയും, കരീമാഷും ഒക്കെ പറഞ്ഞതില്‍ കഴമ്പുണ്ടെന്ന് കരുതാന്‍ നിങ്ങള്‍ക്കാവുമെന്നാണു എനിക്ക്‌ തോന്നുന്നത്‌. അല്ലാ ഇനി അതുല്യയുടെ ക്വാളിസിനോടും ലാപ്പ്‌ റ്റോപ്പിനോടും ആണു കലിപ്പെങ്കില്‍, അത്‌ ഈ ഒരു പോസ്റ്റില്‍ കൂടെ പറഞ്ഞത്‌ അപഹാസ്യമായി പോയി നിങ്ങളെ പോലെ ഒരു വ്യക്തി.

അതുല്യയേ നേരിട്ട്‌ മീറ്റിലും, പിന്നെ വീട്ടിലും അവരുടെ ആതിഥേയം അനുഭവിച്ചറിഞ്ഞ ഒരു വ്യക്തി എന്ന അളവില്‍, അവര്‍ നിങ്ങള്‍ ആരോപിച്ച വ്യക്തിത്വത്തിനു ഉടമയല്ലാ എന്നും കൂടി പറഞ്ഞു കൊള്ളട്ടെ.

സു | Su said...

ഗന്ധര്‍വന് :)

ഈ ക്ലബ് തുടങ്ങുമ്പോള്‍ നിയമാനുസൃതവും സഭ്യവും ആയ എന്തും ഇടാം ആര്‍മ്മാദിക്കാം എന്നൊക്കെപ്പറഞ്ഞാണ് തുടങ്ങിയത്. ദേവന്‍ ഇത് തുടങ്ങിയതിന്റെ കാരണവും വ്യക്തമാക്കിയിട്ടുണ്ട്. തവളയെപ്പറ്റി എഴുതുന്ന പോസ്റ്റില്‍ തളയെപ്പറ്റിയും വളയെപ്പറ്റിയും വളത്തെപ്പറ്റിയും എന്ന രീതിയില്‍ ഓഫ്‌ടോപ്പിക്ക് കമന്റ് നിറയുമ്പോള്‍ ആ പോസ്റ്റിന്റെ പ്രസക്തി നഷ്ടപ്പെടുന്നു എന്ന തോന്നല്‍ ഉണ്ടാവും. അങ്ങനെ ഒരു പോസ്റ്റില്‍ അതിന്റെ ഉള്ളടക്കത്തില്‍ നിന്ന് വ്യതിചലിക്കാതെ കമന്റ് വെച്ച്, വേറെ എന്തെങ്കിലും അഭിപ്രായമോ, തമാശയോ പറയാന്‍ ആണ് ഇവിടെ ഒരു ക്ലബ്ബ് തുടങ്ങിയത്.


പിന്നെ, തങ്ങളുടെ ബ്ലോഗിലെ മറ്റു പോസ്റ്റുകളുടെ കൂടെ വെയ്ക്കാന്‍ ആഗ്രഹമില്ലാത്ത പോസ്റ്റുകള്‍ ( ഉദാ: വിശാലന്‍ ഒരു ദു:ഖ പോസ്റ്റ് വെച്ചു ഇവിടെ. അത് കൊടകരപുരാണത്തില്‍, ആ ചിരിപ്പടക്കങ്ങള്‍ക്കിടയില്‍ വെച്ചാല്‍ വിശാലനെ എല്ലാരും കൂടെ കരയിപ്പിക്കും) വെക്കാം എന്നൊരു മേന്മയും കൂടെ ഉണ്ട്.

അന്ന് കുറച്ച് അംഗങ്ങളേ ഉണ്ടായിരുന്നുള്ളൂ. ഇന്ന് സ്ഥിതി അതല്ല. എല്ലാവരും തങ്ങള്‍ എഴുതുന്ന പോസ്റ്റിന്റെ പരസ്യം വെക്കാന്‍ തുടങ്ങിയാല്‍ ആ പരസ്യം നോക്കാന്‍ തന്നെ സമയം പിടിക്കും. പിന്നെ ഓരോന്നിനും ആശംസകളും. ഓണാശംസകള്‍ക്ക് ഓരോരുത്തരായി ഇവിടെ പോസ്റ്റ് ഇടണോ? അങ്ങനെ വെറുതേ കിട്ടുന്ന സമയം, ബ്ലോഗുകള്‍ വായിക്കാന്‍ എടുത്തുകൂടേ എല്ലാവര്‍ക്കും?

മലയാളം ബ്ലോഗ് എന്നുപറഞ്ഞാല്‍ ക്ലബ്ബിലെ അംഗത്വം എന്നാണെന്ന് പലരും വിചാരിക്കുന്നുണ്ട്. വരിക, മെയില്‍ ഐ ഡി വെക്കുക, എന്നേയും അംഗമാക്കൂ എന്ന് പറയുക.

അംഗങ്ങള്‍ എത്ര വേണമെങ്കിലും ആവട്ടെ. പക്ഷെ എന്തും പോസ്റ്റ് ചെയ്യാനുള്ള സ്ഥലമല്ല ഇതെന്ന് എല്ലാവരും അറിഞ്ഞിരിക്കണം. എല്ലാവര്‍ക്കും താല്പര്യമുള്ള കാര്യങ്ങള്‍, അല്ലെങ്കില്‍ പങ്കുവെക്കേണ്ടുന്ന അറിവുകള്‍ , ഇതൊക്കെയാവട്ടെ ഇനി ക്ലബ്ബില്‍. എന്നാലേ ക്ലബ്ബിനൊരു അര്‍ത്ഥം വരൂ. അല്ലാതെ ഞാന്‍ കാശിക്കു പോകുന്നു എന്ന് എനിക്കൊരു പോസ്റ്റിടണമെങ്കില്‍ അതെന്റെ ബ്ലോഗില്‍പ്പോരേ? (അതിനു വേറെ ആളെ നോക്കണം. അങ്ങനെയൊരു പോസ്റ്റ് ഇടുന്നുണ്ടെങ്കില്‍ ഞാന്‍ ഇവിടെ ഇടും.)

കുറച്ച് കാലം മുമ്പ് അംഗങ്ങള്‍ക്ക് ഓരോ പോസ്റ്റ് ഒക്കെ ഇടാമായിരുന്നു ഇവിടെ. അംഗങ്ങള്‍ വര്‍ദ്ധിച്ച സ്ഥിതിയ്ക്ക് അതിനു ചാന്‍സ് ഇല്ല ഇനി. അത്യാവശ്യം ഉള്ള, പോസ്റ്റുകള്‍ ഇടാന്‍ എല്ലാവരും ശ്രദ്ധിക്കുക. പണ്ടായിരുന്നെങ്കില്‍ ഗന്ധര്‍വ്വനൊരു മറുപടി എന്നും പറഞ്ഞ് ഞാനിതൊരു പോസ്റ്റ് ആയി ഇട്ടേനെ. ഇന്ന് അത് പറ്റില്ല എന്ന് ഞാന്‍ സ്വയം തിരിച്ചറിവ് നടത്തുന്നു. അത് എല്ലാവര്‍ക്കും ഉണ്ടാകണം.

മിനറല്‍ വാട്ടര്‍ എനിക്കിപ്പോ വേണ്ട. ശ്രീകൃഷ്ണജയന്തി പ്രമാണിച്ച് പാല്‍‌പ്പായസം കുടിക്കണം. പക്ഷെ ആരു വെച്ച് തരും? അതൊരു പോസ്റ്റ് ആയി ഇട്ടാലോ? ;) ഐഡിയ... ഹച്ച്...എയര്‍ടെല്‍.

അരവിന്ദ് :: aravind said...

പ്രിയ ശ്രീജിത്തേ,
ശ്രീജിത്ത് ക്ലബിനു വേണ്ടി ചിലവാക്കുന്ന വിലപ്പെട്ട സമയത്തിന് ആദ്യമായി നന്ദി പറയുന്നു. നല്ലൊരു കാര്യമാണ്. ഉത്തരവാദിത്വങ്ങള്‍ ഏറ്റെടുക്കാന്‍ എല്ലാവര്‍ക്കും കഴിഞ്ഞു എന്ന് വരില്ല. അല്പ സമയം എന്റെ ഒരു കണ്‍ഫ്യൂഷന്‍ തീര്‍ക്കാനും കണ്ടെത്തുമല്ലോ.

ഈയിടെ പലയിടങ്ങളിലായി ക്ലബ്ബിന്റെ റോള്‍, അതില്‍ വരാവുന്ന പോസ്റ്റുകള്‍ മുതലായവയെക്കുറിച്ച് എല്ലാവരും കൂടെ ചര്‍ച്ച ചെയ്തപ്പോള്‍ ക്ലബ്ബിന്റെ റോള്‍ എനിക്ക് കണ്‍-ഫ്യൂഷനായി. അത് ഒന്ന് ശരിക്കും മനസ്സിലാക്കാന്‍ ആണ് ഈ കമന്റ്. എന്നെപ്പോലെ സംശയം മറ്റുള്ളവര്‍ക്കും ഉണ്ടെങ്കില്‍ മാറട്ടെ എന്ന് കരുതി ഇത് പോസ്റ്റ് ചെയ്യുന്നു. അല്ലെങ്കില്‍ മെയില്‍ അയച്ചാല്‍ മതിയായിരുന്നു. ശ്രീജിത്തിന് ഇത് ഇവിടെ വേണ്ട എന്ന് തോന്നിയാല്‍ മറുപടി മെയിലായയച്ച് ഇത് ഡിലീറ്റാനുള്ള എല്ലാ സ്വാതന്ത്ര്യവും തരുന്നു. :-)

ക്ലബ്ബിന്റെ റോള്‍ എന്ന പോസ്റ്റില്‍, സ്വന്തം ബ്ലോഗില്‍ ഇടാന്‍ തോന്നാത്ത കളകള്‍ (അത് ആ ബ്ലോഗര്‍ തന്നെയാണ് തീരുമാനിക്കുന്നത്..അല്ലേ?) ഇടാനുള്ള അഴുക്കുചാലായി(അത് ഞാന്‍ അംഗീകരിക്കുന്നില്ല, ക്ലബ്ബ് ബൂലോഗത്തിന്റെ ഒരു പോഷക ചാലാണ്) ക്ലബ്ബിന്റെ വിശേഷിപ്പിച്ചിരിക്കുന്നു. തുടര്‍ന്ന്,
“ഇത്തരത്തിലുള്ള പോസ്റ്റുകള്‍, കമന്റുകള്‍, ഒഫ്‌ ടോപ്പിക്കുകള്‍, ന്യൂസ്‌, ചെറു തമാശകള്‍ ഒക്കെ ഇങ്ങോട്ടു വെട്ടിത്തുറന്നു വിട്ട്‌ വ്യക്തികളുടെ ബ്ലോഗിന്റെ ഗുണനിലവാരം സൂക്ഷിക്കുന്ന ബൂലോഗ അഴുക്കുചാല്‍ അല്ലെങ്കില്‍ റെഫ്യൂസ്‌ ബിന്‍ ആണ്‌ ക്ലബ്‌.“ എന്നും പറഞ്ഞിരിക്കുന്നു.

പക്ഷേ ഈയിടെ ക്ലബ്ബില്‍ ബൂലോഗ സമൂഹത്തിന് മൊത്തം സിഗ്‌നിഫിക്കന്റായ അറിയിപ്പുകള്‍, ചര്‍ച്ചകള്‍ ക്ഷണങ്ങള്‍, സഹായ അഭ്യര്‍ത്ഥനകള്‍ മുതലായവയേ ക്ലബ്ബില്‍ ഇടാവൂ എന്നൊരു നിയമം വന്നതായി തോന്നുന്നു.
അത് പുതിയതായി ഉണ്ടാക്കിയതാണോ?

ചോദിക്കുന്നതിന് കാരണം ക്ലബ്ബില്‍ പോസ്റ്റാന്‍ എന്റെ കൈവശം ഇത്തിരി കഥകള്‍ ഉണ്ടായിരുന്നു. തിരിച്ചടി സ്റ്റ്രാറ്റജി, ഉത്തരവാദി സ്റ്റൈല്‍ ചെറിയ കഥകള്‍. മൊത്തം ചില്ലറയില്‍ പോസ്റ്റാവുന്നതേയുള്ളൂ. എന്നാല്‍ അതൊക്കെ അവിടെ പോസ്റ്റി എല്ലാവരേയും കൊണ്ട് വായിപ്പിച്ച്, കഴിഞ്ഞ പോസ്റ്റിനേക്കാള്‍ മോശായി , ഇതിന് തമാശ പോര എന്നൊക്കെ പറയിപ്പിക്കേണ്ട എന്ന് വച്ചിട്ടാണ്. പെട്ടെന്നെഴുതുന്ന പൊട്ടക്കഥകള്‍ (ബാക്കി അങ്ങനെയല്ല എന്നല്ല). അതിനി ക്ലബ്ബില്‍ ഇടാന്‍ പാടുണ്ടോ?

ഉദാഹരണത്തിന് ചിലര്‍ ഇവടെയിട്ട പോസ്റ്റിലെ ഹാസ്യ/ശോക പോസ്റ്റുകള്‍ എനിക്ക് വളരെ ഇഷ്ടായി. അത് ഇവിടെയിടുന്നതില്‍ എനിക്ക് കുറ്റമൊന്നും തോന്നിയുമില്ല. പഴയ ആ മെന്റാലിറ്റി കാരണമാകാം. പക്ഷേ ക്ലബിന്റെ റോള്‍ വായിക്കുമ്പോള്‍ ബ്ലോഗര്‍ക്ക് സ്വന്തം ബ്ലോഗില്‍ ഇടേണ്ട എന്ന് തോന്നിയത് ഇടാം എന്ന സന്ദേശവും കിട്ടുന്നു.


ഇല്ലെങ്കില്‍ ക്ലബ്ബിന്റെ റോള്‍ എന്ന പോസ്റ്റ് നല്ല ധറോ ആയി ഒന്നു തിരുത്തിയെഴുതുക. കാരണം എന്റെ
അഭിപ്രായത്തിലിപ്പോഴും ക്ലബ്ബില്‍ എന്തും പോസ്റ്റാം (സ്വാഗതം ചെയ്യലും, പോസ്റ്റ് പരസ്യവും ഉള്‍പ്പെടെ..അത് നമുക്ക് പറഞ്ഞ് പരിഹരിക്കാവുന്നതേയുള്ളൂ..ലഗേരഹോ കണ്ടോ? സ്റ്റെയര്‍ കേയ്സില്‍ തുപ്പുന്നവനെ നന്നാക്കിയ പോലെ..:-)) പകുതി തമാശയാണേ.). എല്ലാം അല്പം കഴിഞ്ഞാല്‍ കലങ്ങിത്തെളിയും എന്നാണ്‍ പ്രതീക്ഷ.

പക്ഷേ ക്ലബ്ബില്‍ മേല്പറഞ്ഞ പുതിയ(?) നിയമങ്ങള്‍ പ്രാബല്യത്തില്‍ വന്നെങ്കില്‍ ഒന്നറിയിക്കണം പ്ലീസ്. മാത്രമല്ല ക്ലബ്ബിന്റെ റോളില്‍ നിന്ന് തമാശ എടുത്ത് മാറ്റണം.

ഞാന്‍ ചര്‍ച്ചകളുടെ വരികള്‍ക്കിടയില്‍ വായിച്ചോ?

എല്ലാവിധ സപ്പോര്‍ട്ടും ക്ലബ്ബിന്റെ ഏത് രൂപത്തിനും ഭാവത്തിനും ഉതകുന്ന ഭൂരിപക്ഷാഭിപ്രായത്തിന് വാഗ്ദാനം ചെയ്യുന്നു.

നന്ദി ശ്രീജി :-)

പ്രത്യേക അഭ്യര്‍ത്ഥന : അനോണികളെ വെറുതേ വിടുന്നതല്ലേ നല്ലത്? ചിലര്‍ പ്രശ്നക്കാരാണെങ്കിലും കൂടുതലും നല്ല അനോണികളാണ്. കൊട്ട് കിട്ടേണ്ടവര്‍ക്ക് രണ്ട് കൊട്ട് കൊടുക്കാന്‍ അനോണികള്‍ വേണ്ടേ കൂട്ടരേ ? ഇമേജോര്‍ത്ത് എല്ലാം കടിച്ചമര്‍ത്തുന്നവര്‍ക്ക് ഒരു രക്ഷാമാര്‍ഗ്ഗം?...നമ്മള്‍ ഒരു ജനാധിപത്യബൂലോഗമല്ലേ ? :-)

സസ്നേഹം
അരവിന്ദന്‍
ക്ലബ്ബ് അംഗത്വനമ്പര്‍ 2255

Kalesh Kumar said...

:(

അഭയാര്‍ത്ഥി said...

പാവം അനോണി ഹ ഹ ഹ ഹഹ.

ഗന്ധര്‍വന്‍ വെറുമൊരു കേവലമനുഷ്യനാണ്‌ ഹേ.
ഇഗോയിസ്റ്റിക്‌ ദിങ്ങ്ലൊടിഫികേഷനൊന്നുമില്ല.

അനോണിയെപ്പോലെ മുറിച്ചാല്‍ മുറിയും കുത്തിയാല്‍ വേദനിക്കും. ഉണ്ണുന്നത്‌ ചോറ്‌. നമ്മള്‍ക്കൊക്കെ ഡോക്ടര്‍ കുറിച്ചു തരുന്നത്‌ ഒരേ മരുന്നുകളൊക്കെ തന്നെ. സാധാരണ മാന്വ ജാതിക്കുള്ള എല്ലാ അസുഖങ്ങളും ബാധിക്കപ്പെടാം. മാനുഷികമായ ആനന്ദങ്ങളും , ദുഖങ്ങളുമൊക്കെ ഉള്ളവന്‍.

എന്റെ കവിളത്തടിച്ചാല്‍ മറുകരണം കാട്ടിക്കൊടുക്കുക (കൃസ്തു പറഞ്ഞതു പാലിക്കുന്നു മറുകരണം). അഥായത്‌ കരണീയമായത്‌. അനോണി നിങ്ങള്‍ക്ക്‌ പ്രിയപ്പെട്ടത്‌ ഗന്ധര്‍വനും ഇഷ്ട്ടപെടണോ?. ആരുടെ ആതിഥേയത്തെക്കുറിച്ചാണ്‌ പറയുന്നത്‌.

സദ്യയുണ്ട്‌ മുറുക്കി നന്മ ചൊല്ലല്‍ എന്റെ പണിയല്ല എനിക്കു യോജിക്കുകയുമില്ല അനോണി. അനോണി ഉണ്ടോളു നല്ലതു പറഞ്ഞോളു.

നമ്മുടെ വീട്ടില്‍ കാവല്‍ കിടക്കും.... എന്നു തുടങ്ങി കുഞ്ചന്‍ നമ്പ്യാര്‍ എന്തോ പാടിയിട്ടുണ്ടല്ലോ?.

എനിക്ക്‌ പക്കത്തല്ല ഊണ്‌.
ദീപ്പസ്തമ്പം മഹാശ്ചര്യവുമല്ല.
നമുക്ക്‌ പണവും വേണ്ട

നമുക്ക്‌ കിട്ടണം രണ്ട്‌. പറ്റുമോ ഒന്നു പൊട്ടിക്കാന്‍

kusruthikkutukka said...

:( :( :(
qw_er_ty

Sreejith K. said...

അരവിന്ദേട്ടാ, മറുപടികള്‍ അക്കമിട്ട് നിരത്തിയിരിക്കുന്നു.

1) ക്ലബ്ബിന്റെ റോള്‍ ഇപ്പോഴുള്ളത് വളരെ കുറച്ച് മെംബര്‍മാര്‍ ഉള്ളപ്പോള്‍ മാത്രം ഉപയോഗിക്കാവുന്നതരമാണ്. നൂറില്‍ പരം മെമ്പര്‍മാര്‍ ഉള്ള ഈ സമയത്ത് അത് തിരുത്തേണ്ടി വന്നിരിക്കുന്നു. കഴിഞ്ഞ രണ്ട് ദിവസങ്ങളായി ഞാനും ദേവേട്ടനുമടക്കം ചിലര്‍ അങ്ങിനെ ഒരു നിയമാവലി പല തിരുത്തലുകള്‍ക്കും ശേഷം അന്തിമരൂപത്തില്‍ എത്തിച്ചിരുന്നതുമാണ്. ഗന്ധര്‍വ്വന്റെ ഈ പോസ്റ്റ് വന്നില്ലായിരുന്നെങ്കില്‍ അതിന്ന് തന്നെ പോസ്റ്റിട്ടേനേ. ഇനി എല്ലാവരുടേയും അഭിപ്രായങ്ങല്‍ കൂടി അറിഞ്ഞതിനു ശേഷം തിരുത്തലുകള്‍ വേണമെങ്കില്‍ അതും കൂടി ചേര്‍ത്ത് പതുക്കെ പോസ്റ്റ് ഇടാം എന്നതാണ് പൊതുവേ വന്ന അഭിപ്രായം.

2) മൊത്തം ചില്ലറയില്‍ ഓരോ പോസ്റ്റ് ഇട്ടതിനുശേഷവും താങ്കള്‍ ആദ്യ കമന്റ് ആയി പറയുന്ന ഒന്നാണ്, ഇതില്‍ തമാശ കുറഞ്ഞുപോയി എന്ന്. അങ്ങിനെ ആരെങ്കിലും അവിടെ അഭിപ്രായം പറഞ്ഞിട്ടുണ്ടോ? താങ്കള്‍ എന്തെഴുതിയാലും അത് നല്ല നിലവാരം പുലര്‍ത്തുന്നു എന്നതാണ് എന്റെ വ്യക്തിപരമായ അഭിപ്രായം. അതു കൊണ്ട് തന്നെ അങ്ങിനെ ഉള്ള കഥകള്‍ ആ ബ്ലോഗില്‍ തന്നെ വരണം എന്നാണ് എന്റെ ആഗ്രഹം. താങ്കള്‍ക്ക് പിന്നെ സ്വന്തം പോസ്റ്റുകള്‍ കണ്ടുപിടിക്കാനും ആര്‍ക്കെങ്കിലും PDF ആക്കണമെങ്കില്‍ അതിനും, ആ ബ്ലോഗ് തന്നെയാണ് സൌകര്യം. അരവിന്ദേട്ടനും വിശാലേട്ടനും ഈ ക്ലബ്ബില്‍ നല്ല പോസ്റ്റുകള്‍ മുന്‍പ് ഇട്ടിരുന്നു, അതെല്ലാവരും ആസ്വദിച്ചിരുന്നു. അത് പഴയ കഥ. അന്നത്തെ കാലാവസ്ഥ മാറിപ്പോയി. നമുക്കും മാറേണ്ടേ?

3) അനോണിക്ക് ഞാന്‍ മറുപടി കൊടുക്കില്ല എന്നേ ഞാന്‍ പറഞ്ഞിട്ടുള്ളൂ. അതിപ്പൊ എന്റെ ബ്ലോഗിലായാലും ശരി, എനിക്കത്രയ്ക്കേ സൌകര്യമുള്ളൂ. അതെന്റെ വ്യക്തിപരമായ അഭിപ്രായം മാത്രമാണ്. അതും ക്ലബ്ബും, ഒരു നിയമാവലിയുമായി ബന്ധമില്ല. ഈ ക്ലബ്ബില്‍ അനോണികളെ വിലക്കണമെന്ന് ഞാന്‍ പറയില്ല, പറഞ്ഞിട്ടുമില്ല.

4) മറ്റൊരഭിപ്രായം ഉയര്‍ന്ന് വന്നത്, ഈ ബ്ലോഗില്‍ ആര്‍ക്കും എന്തും പോസ്റ്റാം എന്ന് തന്നെ നിയമം വയ്ക്കാം എന്നതാണ്. പക്ഷെ ഈ ബ്ലോഗ് തനിമലയാളത്തിലും പിന്മൊഴികളിലും വിലക്കേണ്ടി വരും ഇതിന്റെ പ്രാധാന്യം കുറയ്ക്കാന്‍. അത് വേണോ? ഇതെന്റെ സ്വന്തം അഭിപ്രായമല്ല എന്നും കൂടെ പറഞ്ഞുകൊള്ളട്ടെ. ഞാന്‍ ഈ ആ‍ശയത്തിന് എതിരാണ്.

അരവിന്ദ് :: aravind said...

നന്ദി ശ്രീജി. :-)
ഒന്നാമത്തെ മറുപടി തന്നെ എല്ലാം ക്ലിയറാക്കുന്നു. ക്ലബ്ബിന്റെ വളര്‍ച്ച പ്രശ്നമുണ്ടാക്കുന്നെങ്കില്‍, ക്ലബ്ബിന്റെ റോള്‍ തിരുത്തണം എന്നതായിരുന്നു എന്റെ അഭിപ്രായം. അത് എത്രയും പെട്ടെന്ന് പോസ്റ്റാക്കണം. ദേവ്‌ജിയുടെ അഭിപ്രായങ്ങളും ഉണ്ടെന്നറിഞ്ഞതില്‍ മനസ്സു നിറഞ്ഞ സംതൃപ്തി. ആരെന്തൊക്കെയായാലും ഈ സൂപ്പര്‍ ഹിറ്റ് ബ്ലോഗിന്റെ ‘തന്തപ്പിടി‘ അങ്ങോരാണല്ലോ :-))

ആശയക്കുഴപ്പമുണ്ടാക്കുന്ന ഇപ്പോളുള്ള ക്ലബ്ബ് റോളാണ് ഗന്ധര്‍വ്വജിയുടെ കണ്‍‌ഫ്യൂഷന് പിന്നിലെന്നും തോന്നുന്നു.

ക്ലബ്ബീന്റെ നിയമാവലികള്‍ കണ്ടിട്ട് ഞാന്‍ അഭിപ്രായം അറിയിക്കാം.അതായിരിക്കും ശരി. ഇല്ലെങ്കില്‍ നിങ്ങള്‍ എഴുതിയത് തന്നെ ഞാന്‍ വീണ്ടും പറയും.

ഗുഡ് ലക്ക് ആന്റ് ഓള്‍ സപ്പോര്‍ട്ട്. :-)

അര

ദേവന്‍ said...

അരവിന്ദന്‍ കുട്ടീ,
ഒരു നിവര്‍ത്തീമില്ലാത്ത തിരക്കായോണ്ടാണേ (ഇവിടെ കലാശക്കൊട്ട്‌ കൊട്ടിക്കൊന്റിരിക്കുന്നു. പണി ഈ വരുന്ന റമദാനു മുന്നേ തീര്‍ത്തില്ലേല്‍ നമ്മടെ പണി തീര്‍ത്തുകളയുമെന്ന് സര്‍ക്കാരു ഭീഷണി) പോസ്റ്റാന്‍ പറ്റാത്തത്‌. ഓരോരുത്തരുടേയും ബ്ലോഗിന്റെയും മൊത്തത്തില്‍ ബൂലോഗത്തിന്റെയും ക്വാളിറ്റി കൂട്ടുന്ന എന്തു പരിപാടിക്കും മുന്നില്‍ തന്നെ ഞാനുമുണ്ടേ. ചൂടു ചര്‍ച്ചയൊക്കെ നടന്ന് ഉശിരന്‍ സൊല്യൂഷനുകളൊക്കെ ഇവിടെയും സന്തോഷിന്റെ ബ്ലോഗ്ഗിലും ജീമൈല്‍ ചെയിന്‍ ആയും ഒക്കെ വരട്ടെ.. ഏലയ്യാ!

കുറുമാന്‍ said...

ഏവിടുന്നു വായിക്കാന്‍ തുടങ്ങണം, ഏതൊക്കെ ബ്ലോഗുകളില്‍ ആദ്യം കയറിയിറങ്ങി കമന്റണം, ഓഫീസ് ജോലി ആദ്യം ചെയ്യണോ അതോ ബ്ലോഗ് വായന ആദ്യം വേണോ എന്നെല്ലാമുള്ള കണ്‍ഫ്യൂഷന്റെ ഇടയിലാണ് ഇവിടെ കാലു മാറ്റവും, കുതി കാല്‍ വെട്ടും കാണുന്നത്.

മലയാളിയുടെ എരുമ അല്ല ഒരുമ പണ്ടേ പ്രസിദ്ധമാണല്ലോ?

ബ്ലോഗുകള്‍ എത്ര വന്നാലും, ക്ലബ്ബൊന്നു മതി.

ഒരുമയുണ്ടെങ്കില്‍ ഒരൊറ്റ ക്ലബ്ബില്‍ തന്നെ നമുക്കൊരുമിച്ചാര്‍മ്മാദിക്കാം.

പെരിങ്ങോടന്‍,അരവിന്ദന്‍, വിശാലന്‍, ഇടിവാള്‍ സൂ, കുട്ട്യേടത്തി, ഇഞ്ചിപെണ്ണ്, കുമാര്‍, തുടങ്ങി പേരെഴുതിയാല്‍ തീരാത്ത്ത്ര ആളുകളുടെ പോസ്റ്റുകള്‍ വായിക്കാന്‍ എനിക്കു സമയം തരൂ എന്റെ ബൂലോകനാര്‍ കാവിലമ്മേ.....

ഒപ്പം പണിപോകാതിരിക്കാന്‍, കുറച്ച് ഓഫീസ് ജോലി ചെയ്യാനുള്ള ക്ഷമയും.

magnifier said...

ഹ..ഹാ‍ാ‍ാ.. ഇതൊക്കെ ഒന്നു വിചാരണക്കെടുക്കാനായിരുന്നു ഞാന്‍ ബൂലോഗരാജ്യം ചവിട്ടു നാടകം ഗ്ലബ്ബില്‍ സീര്യെലൈസ് ചെയ്യാന്‍ തുടങിയെ, അതിനി വേണ്ടാന്ന് തോന്നുന്നു.അതിനിടയ്ക്ക് ഗ്ലബ്ബിന്റെ ഡാറ്റാബേയ്സ് ഒന്നു പപ്പടമായോ..ഇന്നലെ ഇട്ട ബൂലൊഗത്തിലിട്ട പോസ്റ്റ് തനിമലയാളത്തില്‍ ഉണ്ട്...ബൂലോഗത്ത് പ്രത്യക്ഷപ്പെട്ടിട്ടും ഇല്ല...ഇതെന്ത് മറിമായം

പുലികേശി രണ്ട് said...

നമുക്കൊരുപണി ചെയ്താലോ? ബൂലോഗക്ലബ്ബില്‍ എന്തിടാം എന്തിടരുത് എന്നു ചര്‍‌ച്ച ചെയ്യാനുള്ള പോസ്റ്റുകള്‍ മാത്രം ഇട്ടാല്‍ മതി ബൂലോഗക്ലബ്ബില്‍. അപ്പോള്‍ പിന്നെ യാതൊരു കണ്‍‌ഫ്യൂഷനുമുണ്ടാവില്ല.
ഇമ്മാതിരി ക്ലബ്ബുകളില്‍ മെംബര്‍‌ഷിപ്പ് ഇല്ലാത്തതിനാലാവണം അള്‍‌സറും മലബന്ധവും എനിക്കില്ലാതെപോയത്. ഗന്‍‌ധര്‍‌വന്‍ കി ജയ്.

അലിഫ് /alif said...

പുലികേശി രണ്ട്..,ബൂലോഗ ക്ലപ്പ് രണ്ട്..ആകെ ഇന്നൊരു “രണ്ടിന്റെ മണമാണല്ലോ”

അഭയാര്‍ത്ഥി said...

ബസ്രയിലെ കച്ചോടം കഴിഞ്ഞ്‌ ഈത്തപഴച്ചാക്കുകള്‍ ചുരുട്ടിക്കെട്ടുന്നു. ബൂലോഗ്ഗ ക്ലബ്ബിന്റെ വളര്‍ച്ചക്കായി (നല്ല രീതിയിലെ നടത്തിപ്പിനായി) ഇത്‌ രൂപീകരിച്ച ദേവഗുരുവും, ഇതിന്റെ സാങ്കേതികബ്ദ്ധിമുട്ടുകള്‍ പേറുന്നവരും തീരുമാനങ്ങള്‍ എടുക്കട്ടെ.
എത്രക്കെഴുതാം എന്നും , സാങ്കേതിക ബുദ്ധിമുട്ടുകള്‍ എന്തെന്നും മെമ്പര്‍ മാര്‍ക്കറിഞ്ഞാല്‍ നല്ലത്‌.
എന്തെഴുതണം, എന്തിടണം എന്നത്‌ മെമ്പറുടെ വിവേചനത്തില്‍പെട്ട കാര്യമാകട്ടെ.

പിന്നെ ചില ഭാഷാ പ്രയോഗങ്ങള്‍ വ്യക്തിപരമായ കമെന്റുകള്‍ക്കുള്ള മറുപടിമാത്രം. ഈത്തപ്പഴകച്ചവടം ലാഭത്തിലോടി.

ഇതിലെ ഡിസ്കഷന്‍സ്‌ മറ്റൊരു ബ്ലോഗിലേക്ക്‌ പോസ്റ്റിയിരിക്കുന്നതിനാല്‍ ദേവഗുരുവിനോട്‌ ഈ ബ്ലോഗ്‌ ഡിലിറ്റ്‌ ചെയ്യാന്‍ അപേക്ഷിക്കുന്നു. കാരണം വ്യക്തിപരമായാ കാര്യങ്ങളും ബ്ലോഗും കൂട്ടി കുഴക്കേണ്ടെന്ന്‌ കരുതിയാണ്‌.

ബൂലോഗ ക്ലബ്ബ്‌ ഇന്നല്ലെ അതിന്റെ അവതാരൊദ്ധ്യേശം സാഫല്യത്തിലാക്കിയത്‌ ഗുരുവേ?. നമ:

ദേവന്‍ said...

മനസ്സിലായി, ഞാന്‍ ഇതു ഡിലീറ്റ്‌ ചെയ്ത്‌ വിശം മാഷിന്റെ " മാ നിഷാദാ" കേള്‍ക്കുന്നത്‌ കണ്ട്‌ കൈ കൊട്ടി ചിരിക്കാനല്ലേ ഗന്ധര്‍വ്വരേ? :)

പുലികേശി രണ്ട് said...

പ്രിയ ബസ്രാ കുഞ്ഞപ്പൂ,ബൂലോഗക്ലബ്ബിലെ പോസ്റ്റുകളൊന്നും തമോഗര്‍‌ത്തത്തിലേക്കയയ്ക്കരുതെന്ന് വിശ്വേട്ടന്റെ ആര്‍‌ഡര്‍ ഉള്ളതിനാല്‍ താങ്കളുടെ അപേക്ഷ നിഷ്‌കരുണം തള്ളിക്കളയേണ്ടിവന്നതില്‍ നിര്‍‌വ്യാജമായ വ്യസനമുണ്ടെന്ന് അറിയിച്ചുകൊള്ളുന്നു. എന്നു സ്വന്തം അടിയില്‍ ഒപ്പ്.

അഭയാര്‍ത്ഥി said...

ഉരലിനും ഉലക്കക്കും പെയ്ന്റടിച്ച കപ്ട സന്യാസിയെ പായിച്ച നോട്ട്‌ കെട്ട്‌ പപ്പടം പോലെ ഉണക്കാനിട്ട പൊറ്റേക്കാട്ടിന്റെ പ്രശസ്തമായ ആ കഥാ പാത്രം ഞാന്‍ തന്നെ പുലി കോശി ഞണ്ടാമനെ.

എന്നെപറ്റി നല്ലതു പറഞ്ഞതിന്‌ നന്ദി പുലികേശി 2. നിങ്ങളിലെ അമര്‍ഷവും രക്തത്തിളപ്പും തിരിച്ചറിയുന്നു.

അതുല്യ said...

പോസ്റ്റ്‌ മായ്ച്ചു കളയേണ്ട ആവശ്യമുണ്ടെന്ന് തോന്നുന്നില്ല. ഒരു ക്യാരക്ടര്‍ വിറ്റ്‌-നെസ്സ്‌ ടെസ്റ്റ്‌ വരുമ്പോ ഉപകാരപെടും.

പക്ഷെ വൈകിയ വേളയിലെങ്കിലും, ഈ പോസ്റ്റ്‌ അനുചിതമായിരുന്നില്ലന്ന് തോന്നിയ ഗന്ധര്‍വ മനസ്സിനെ നമുക്ക്‌ വാഴ്ത്താം.

പണിതിരക്കു കുറയുമ്പോള്‍ ഈ വഴിയ്കിനിയും ഇറങ്ങണേ, ഉത്തരവും തര്‍ക്കുത്തരവും ഒക്കെയാവുമ്പോള്‍ അല്ലെ ബ്ലോഗുണരുന്നത്‌. സഹബ്ലോഗര്‍മ്മാര്‍ സ്വന്തം സമയവും, പണവും മെനക്കടുത്തി, പലവഴിയ്കും ചെയ്ത്‌ തരുന്ന/തന്ന ഉപകാരങ്ങള്‍ മറക്കാതിരിയ്ക്കാം സുഹൃത്തേ നമുക്ക്‌.

അഭയാര്‍ത്ഥി said...

ebowkഞാന്‍ എന്റെ കയറ്റിയ ചുമടിറക്കുന്നു.

സ്വര്‍ണം കോടി കഷണങ്ങളായി മുറിച്ചാലും ഓരോ തരിയിലും സ്വര്‍ണം തന്നെ. വിലകുറയുന്നുമില്ല. കെമികല്‍ പ്രോപ്പര്‍ടിയും ഒന്നു തന്നെ. അക്വാരീജിയ ഒഴികെ ഒരു ആസിഡും അതിനെ അലിയിപ്പിക്കില്ല.

ആരുടെ വക്കാലത്ത്‌ . എന്തുപകാരം. ഇതില്‍ എഴുതുന്നത്‌ എന്റെ ജോലിസമയം കട്ടെടുത്ത്‌ പ്രതിഫലം ?.

എന്റെ പ്രതിഫലം ദേവനെപ്പോലുള്ളവരുടെ പോസ്റ്റ്‌ വായിക്കാനൊക്കുന്നു. ഒരു പാട്‌ അറിവുകള്‍ ലഭിക്കുന്നു. എനിക്കു വേണ്ടിയുള്ള ഉപകാരമായിട്ടല്ല ക്ലബ്ബ്‌ രൂപീകരിച്ചിരിക്കുന്നത്‌.

ഓരോ അണുവിലും ഗന്ധര്‍വന്‍ ഗന്ധര്‍വനാണ്‌.

ഇല്ലാ എന്റെ ബസ്സ്‌ വിടുന്നു. പോട്ടേ

ണിം ണിം. മണിയടിച്ചോ?. പോട്ടേ രയ്റ്റ്‌.

ആ കടത്തു വള്ളം യാത്രയായി പാട്ടിട്ടേട കന്നാലി...

പുലികേശി രണ്ട് said...

ആദാമിന്റെ മകന്‍ അബു എന്ന ഗന്ധര്‍വന്റേതാണോ,ശ്രീമതി അതുല്യയുടെതാണോ കൂടുതല്‍ നല്ല കാരക്റ്റര്‍ എന്റെ ദൈവമേ എന്നു ഞാന്‍ ഉറക്കെവിളിച്ചുചോദിച്ചു.എന്നോടുപെട്ടെന്നൊരിടിമുഴക്കം വിളിച്ചുപറഞ്ഞു അതിന്റെ ഉത്തരം. അതിവിടെ എഴുതിയാല്‍ അതുല്യയ്ക്കു വിഷമമായാലോ എന്നു കരുതി എഴുതുന്നില്ല.

Unknown said...

പുലികേശി ഇന്ന് നല്ല ഫോമിലാണല്ലോ... :)

(സച്ചിന്റെ പെട കണ്ടോ കൂട്ടരേ. ഇതൊന്നുമല്ല അതാണ് പെട)

കണ്ണൂസ്‌ said...

ഈ ആദാമിന്റെ മകന്‍ അബുവിനെ എനിക്കറിയാമല്ലോ!!

പുലികേശി രണ്ട് said...

ബൂലോകക്കൂട്ടായ്മ വിട്ടുപോകുന്ന ഗന്ധര്‍‌വ്വന് ഒരു ഗാനോപഹാരം:“ദേവാങ്കണങ്ങള്‍ കൈയൊഴിഞ്ഞ ഗന്ധ്ര്‌വ്വന്‍ ബൂലോകക്ലബ്ബിലും വിലോലമേഘമായ്”.ഗന്ധ‌ര്‍വാ,ഗന്ധമാദനപര്‍‌വതത്തിനരികെ ബൂലോകക്ലബ് 2 എന്നൊരു പൊയ്കയുണ്ട്.അവിടെവരൂ.കന്യകമാര്‍ കാത്തിരിക്കുന്നു.അശരീരിമാര്‍‌ക്കൊഴികെ ആര്‍‌ക്കും ടി പൊയ്കയില്‍ കുളിക്കാം.മെമ്പര്‍ഷിപ്പ് വേണമെങ്കില്‍ ഇത്തിരിവെട്ടം എന്നൊരാളോടുചോദിച്ചാല്‍ മതി.അദ്ദേഹം മെമ്പര്‍ഷിപ്പു വേണോ മെമ്പര്‍ഷിപ്പു വേണോ എന്നുചോദിച്ച് പലയ്യീടത്തും അലഞ്ഞുതിരിയുന്നുണ്ട്.

അഭയാര്‍ത്ഥി said...

എന്റെ പുലികേശി ഞാനിവിടൂന്നെവിടേക്കു പോവാന്‍. ബൂലോഗ 2 ഇല്‍ ചേരാനും ഒരു മടിയുമില്ല. കന്യകമാര്‍ തന്നെ കാഴ്ച്ച വെക്കണമെന്നുമില്ല.

പുലിക്കെവിടേയാണ്‌ കേശം - വാലിലോ?. മുഖത്തൊക്കെ ശ്മശ്രുവല്ലെ.

കാടടച്ചു വെടി വക്കുമ്പോള്‍ കുരുങ്ങരുതേ.

നമ്മളൊക്കെ ഒരു കൂട്ടല്ലെ. ശിക്കാരിയും ഇരയുമ്പോലെ. ഒന്നില്ലാതെ മറ്റേതിന്‌ നില നില്‍പ്പില്ല.

ഇന്നേക്കിത്രേ ഉള്ളു.
ഇനി നാളേ.

പുലികേശി രണ്ട് said...

കന്യകമാര്‍ എന്നെ കാഴ്ച്ക വച്ചാല്‍ കൊല്ലും ഞാന്‍ കന്യകമാരെ.

Adithyan said...

ഗന്ധര്‍വന്‍,

സന്തോഷ് “ബൂലോഗ ക്ലബിന് സംഭവിക്കുന്നത് “ എന്ന പേരില്‍ ഒരു പോസ്റ്റ് ഇട്ടിരുന്നു. സെപ്റ്റംബര്‍ മൂന്നാം തിയതി ഇട്ട ആ പോസ്റ്റില്‍ പലരും അവരുടെ അഭിപ്രായങ്ങള്‍ പറഞ്ഞു. ഇപ്പോള്‍ ഗന്ധര്‍വന്‍ പറഞ്ഞതു പോലെ ആര്‍ക്കും എന്തും തോന്ന്യവാസവും എഴുതാന്‍ വേണ്ടി ക്ലബ്ബ് തുറന്നു കൊടുക്കണം എന്ന് ആരും വാദിച്ചില്ല. ഇപ്പോള്‍ ഈ ഒളിയമ്പെയ്യുന്ന ആരും അന്ന് നടന്ന ചര്‍ച്ചയില്‍ പങ്കാളിയായില്ല.

പല അഭിപ്രായങ്ങളും കണ്ടതിനു ശേഷം സെപ്റ്റംബര്‍ 4-ആം തിയതി വിശ്വേട്ടന്‍ ക്ലബ്ബ് എങ്ങനെ പ്രവര്‍ത്തിക്കണം എന്നതിനെപ്പറ്റി ഒരു നീണ്ട കമന്റ് ഇട്ടിരുന്നു.

ആരും അതിന് എതിരഭിപ്രായം ഒന്നും പറയാതിരുന്നതിനാല്‍ പുള്ളി സെപ്റ്റംബര്‍ 7-ആം തിയതി ചര്‍ച്ച ഉപസംഹരിക്കാന്‍ ആവശ്യപ്പെട്ടു. വീണ്ടും 4 ദിവസം കാത്തിരുന്നിട്ടാണ് സന്തോഷ് 11-ആം തിയതി ചര്‍ച്ച ഉപസംഹരിച്ചത്. അതില്‍ പറഞ്ഞിരിക്കുന്ന കാര്യങ്ങള്‍ പ്രാവര്‍ത്തികമാക്കുക മാത്രമാണ് ശ്രീജിത്ത് ചെയ്തിരിക്കുന്നത്.

ഈ ചര്‍ച്ച നടന്നപ്പോഴൊന്നും അതില്‍ പങ്കെടുക്കാതെ, ഇപ്പോള്‍ എല്ലാം കഴിഞ്ഞ് വന്ന് ഇങ്ങനെ നാടകീയമായ ഒരു പോസ്റ്റ് ഇട്ട് കണ്ടതില്‍ വിഷമമുണ്ട്.

പുലികേശി രണ്ട് said...

വിശ്വേട്ടന്റെ ഒരു പോസ്റ്റ്,അതും ഒരു നീണ്ടപോസ്റ്റ്,വായിച്ചുമനസ്സിലാക്കി എടുക്കാന്‍ മിനിമം 10 ദിവസം വേണ്ടിവരും എന്ന് ഏത് അനോണിക്കും അറിയാം.അതാണ്‍ രാമേട്ടന്‍ 14ന്‍ ഈ പോസ്റ്റിട്ടത്.പേര്‍ രാമേട്ടന്‍ എന്നായതുകോണ്ടുമാത്രം എയ്യുന്നത് ഒളിയമ്പെന്നുകൂട്ടരുത്.”വിശ്വമെല്ലാം പ്രകാശിച്ചോരു സായകം വിശ്വാസഭക്ത്യാ” ജപിച്ചയച്ച് പല രാവണന്‍‌മാരെയും കൊന്നിട്ടുണ്ട് എന്നു മറക്കണ്ട.കണ്ടാല്‍ ബാലീടെ ഫെയ്സ് കട്ടുള്ളവരെമാത്രമേ അവിടന്ന് ഒളിയമ്പാല്‍ ഹനിക്കാറുള്ളൂ.അങ്ങനെയാരേലുമുണ്ടെങ്കില്‍ മുന്നോട്ടുവരൂ. രാമേട്ടന്‍ മരത്തിനുപുറകില്‍ നില്‍ക്കും.

Anonymous said...

Gandharvan,
Thaanklodu poornamayum yojikkunnu.

Anonymous said...

ഗന്ധര്‍വരേ, ഷെയിം ഷെയിം ഇത്രയ്ക്‌ താങ്കള്‍ താഴേയ്ക്‌ പോയല്ലോ. ഇങ്ങനെയല്ലാട്ടോ കരുതിയത്‌. ദയവായി ഇനിയെങ്കിലും താങ്കള്‍ കമന്റിടുന്ന പോസ്റ്റിലും കൂടി കമന്റിനായി കയറരുത്‌.

ഷൈയിം ഷെയിം...

അഭയാര്‍ത്ഥി said...

ആദിത്യനേപ്പോലെ പലരും തെറ്റിദ്ധരിച്ചുട്ടുണ്ടാകും എന്നെ എന്നതുകൊണ്ട്‌ ഈ കുറിപ്പിടട്ടെ..

ബൂലോഗ്ഗ ക്ലബ്ബിന്റെ നന്മയെ ചൊല്ലി എടുക്കുന്ന ഏതു തീരുമാനവും എല്ലാവരും ആദരിക്കേണ്ടതാണ്‌. സാങ്കേതിക ബുദ്ധിമുട്ടുകള്‍മൂലവും, പ്രകടനപരമായ കാര്യ്ങ്ങളും, അവിടേക്കുള്ള ലിങ്കും ഇവിടേക്കുള്ള ലിങ്കും ഒക്കെ പോസ്റ്റായിടുന്നതും അരോചകമാണ്‌ എന്നത്‌ നിസ്തര്‍ക്കം പറയാം. സ്വന്തം പോസ്റ്റിനു പകരം ഇതില്‍ പോസ്റ്റിട്ടാലുള്ള പ്രത്യേകതയെന്ത്‌?.
ഒന്നുമില്ല. പിന്മൊഴിയില്‍ മൊത്തമായി വരുമെന്നൊഴികെ. കൂടുതല്‍ വായനക്കാര്‍ക്ക്‌ ഒരു ഗ്വേരണ്ടിയും ഇതുമൂലമുണ്ടാകുന്നില്ല.
പിന്നെ സു പറഞ്ഞതു പോലെ ഇതിലെ മെമ്പര്‍ഷിപ്പണ്‌ ബ്ലോഗെഴുത്തെന്ന്‌ ഒരു ധാരണയും പുതുതായി വരുന്നവര്‍ക്കുണ്ട്‌.
ഇത്‌ സ്ഥാപിച്ചപ്പോള്‍ ചുമ്മാ ബായില്‍ ദേവന്‍ പറഞ്ഞ കാര്യങ്ങള്‍ക്കൊഴികെ മറ്റൊന്നിനും ഇതില്‍ ഒരു പ്രസക്തിയും ഇന്നുമില്ല.
നല്ല ഒരു ചര്‍ച്ചാ വേദിയാണിത്‌. കുറച്ചുകൂടി കോമണ്‍ ഇന്ററസ്റ്റ്‌ ഉള്ള കാര്യങ്ങള്‍ ഇതില്‍ വരുന്നതാണ്‌ കൂടുതല്‍ നല്ലത്‌. ആശംസകള്‍ 500 കമന്റ്‌ നിറക്കല്‍ ഒക്കെ ഇതിലായാല്‍ കൂടുതല്‍ നന്നായിരിക്കും.

സ്വന്തം ബ്ലോഗിനെ അതിന്റെ പരിപൂര്‍ണ ഐഡന്റിറ്റിയില്‍ നില നീര്‍ത്തുക എന്നതും ഇതുമൂലം സഫലീകൃതമാകും.
ഇനി എന്റെ വിഹ്വലത അരവിന്ദന്‍ പറഞ്ഞതിനോട്‌ പരിപൂര്‍ണമായി യോജിക്കുന്നു.
എന്തിടാം എന്തിടാന്‍ പാടില്ല . ആകേ കണ്‍ഫൂഷനാണ്‌. അത്തരം ഒരവസ്ഥയില്‍ എത്തിക്കണൊ കാര്യങ്ങള്‍ ആവിഷ്കാര സ്വാതന്ത്ര്യം അങ്ങിനെ പൂര്‍ണതയില്‍ തന്നെ ഇരിക്കട്ടെ. ആര്‍കീവ്‌ ചെയ്യുന്നത്‌ അഡ്മിന്‍ പവറുള്ള ആളുടെ വിവേചന്ത്തിലാകട്ടെ. ഒരു ദിവസമോ രണ്ട്‌ ദിവസമോ ഒരു മാസമൊ മാത്രം ജീവിക്കട്ടെ ചവറുകള്‍ എന്ന്‌ കരുതുന്നവ.
ചവറിനെക്കുറിച്ചു പറയുമ്പോള്‍ നാമെല്ലാം ഒരു പോലെ ചവറുകള്‍ തൂകുന്നു. ചൂലെടുക്കുന്നുമില്ല.

പിന്നെ ബൂലോഗ തളര്‍ച്ച എന്നൊക്കെ വിളിച്ചു കൂകുന്നത്‌ ഇതിനെക്കുറിച്ചുള്ള അറിവില്ലായ്മയാണ്‌. ഒരു സംഘടനയെപ്പോലെ തല്ലുകൂടിയാല്‍ നശിക്കുന്നതല്ല ഇതിന്റെ അഡ്മിനിസ്റ്റ്രേഷന്‍. പുകഞ്ഞ കൊള്ളിയെ പുറത്തിടുവാന്‍ എത്ര നേരം വേണം.

ആരൊ എഴുതിക്കണ്ടു മങ്ങിയ യൂണിഫോം മാറ്റാന്‍ പാടില്ലെന്ന്‌ ശഠിക്കുന്നതു പോലെയാണ്‌ നിയമങ്ങള്‍ മാറേണ്ടെന്ന്‌ പറയുന്നതെന്ന്‌.

വസ്ത്രങ്ങള്‍ മാറണം. തുന്നുന്നതും ട്രെന്‍ഡി ആകണം. ധരിക്കുന്ന തൊലി മാറരുത്‌. അത്‌ ഓന്തിനെപ്പോലെ നിറം മാറുന്നതുമാകരുത്‌.

ഒരിക്കല്‍ കൂടി പറയട്ടെ അരവിന്ദന്‍ എഴുതിയ വിഹ്വലതകള്‍ എനിക്കും , അഭിപ്രായങ്ങള്‍ പറയാതിരിക്കുന്നവര്‍ക്ക്ക്കും എന്നറിയുക.

അനോണി സഹോദരന്മാരും പുലികേശി മൂന്നാമനും അങ്ങിനെ എന്റെ കുറ്റങ്ങള്‍ തിരിച്ചറിയുന്ന എല്ലാവരും എനിക്ക്‌ പ്രചോദനമാവുന്നു എഴുതാന്‍.

Adithyan said...

ഗന്ധര്‍വ്വാ, അതിനെ നല്ല്ല രീ‍തിയില്‍ എടുത്തതിന് നന്ദി. ഇത് ആരെയും പുറത്താക്കാനോ വിലക്കാനോ താഴ്ത്തിക്കെട്ടാനോ ഉള്ള ഒരു നീക്കമായിരുന്നില്ല. എല്ലാവരും ഒന്നിച്ച് സന്തോഷമായി മുന്നോട്ടു പോകാനുള്ള ഒരു പരിശ്രമം. ചട്ടങ്ങള്‍ അടിച്ചേല്‍പ്പിക്കാനുള്ള ശ്രമം ഉണ്ടാവില്ല.