ബൂലോഗ പുലിയച്ഛന്മാരേ, കൊച്ചച്ഛന്മാരേ,പുലിയച്ഛി, കൊച്ചേച്ചി......ഹാ...ച്ഛീ....
പറഞ്ഞില്ലേ...ഈ ബ്ലോഗ് ഇരുമ്പുലക്ക വിഴുങ്ങി മേലെ അര ദ്രാം ചുക്കു കഷായവും അതുകിട്ടിയില്ലെങ്കില്‍ ഒരു പെയ്ന്റ്‌ വെറും പച്ചേള്ളം ഷോഡ ചേര്‍ക്കാതെ നില്‍പ്പനടിച്ചും ആ ഉലക്ക ഒന്നെങ്ങാനും ദഹിച്ചു കിട്ടുമോ എന്നും നിരീച്ച്‌ നില്‍ക്കാനും നടക്കാനും ഒടുക്കം വാളുവെച്ചാല്‍ ഓടയില്‍ കിടക്കാനും തുടങ്ങിയിട്ട്‌ ശ്ശി നാളായി. "ബൂലോഗരാജ്യം" ചവിട്ട്‌ (കുരിക്കളെ നെഞ്ഞത്ത്‌) നാടകം നാരായത്തലപ്പത്തൂന്ന്‌ പിടിവിട്ട്‌ പോം വരെ ഞാനായിട്ട്‌ ആ ഉലക്കയ്ക്ക്‌ ഒരു ചിറ്റ്‌ ചാര്‍ത്തിക്കൊടുത്തിട്ടും ഇല്ല. അത്‌ മണ്യറേല്‌ പുയ്യേണ്ണിനെ മുയ്മനായി ഒന്നിച്ച്‌ അദ്യേം പൂദ്യേം കണ്ട പുയ്യാപ്ലക്ക്‌ മനസ്സറിയാണ്ട്‌ പറ്റിപ്പോയപോലത്തെ (അദെന്തൂട്ടാ പ്റ്റ്യേന്ന്‌ ചോയ്ക്കണ്ട...ന്റെ മയ്യത്ത്‌ ബൂലോഗമിറ്റത്തിട്ട്‌ ചവിട്ടിക്കൂട്ടും ദേവരാഗശ്രീജിത്താദിപെരിങ്ങോടഭൃംഗാദികള്‍) ഒരു ദിഗ്ജല വിഭ്രമം അല്ലേയ്നും. ഒരു കീചകവധം കളിച്ചാലോന്നെന്നെ നിരീച്ചാ നോം ആ തുണിക്കണ്ടം അങ്ങട്‌ പൊക്കാന്ന്‌ വെച്ചേ....അദ്‌ ബൂലോഗനഡുമുറ്റത്തെന്നെ നഡത്താംന്നും വെയ്ക്കേര്‍ന്ന്‌. പറഞ്ഞിട്ടേന്താ....അത്‌ നായ പാത്ത്യെ ഗുണ്ടുമ്മല്‌ തീ കൊടുത്തപോലെ ശൂൂ‍ൂ‍ൂ‍ൂ‍ൂ‍ൂ‍ൂ‍ൂ‍ൂ.....(സൂൂ‍ൂ‍ൂ‍ൂ എന്നല്ലേ ഞാന്‍ പറഞ്ഞെ)അതിന്റെ ബാക്കി ഞാനെന്റെ മിറ്റത്തിട്ട്‌ പൊട്ടിച്ചോളാം...ശ്രീ അരവിന്ദാനന്ദ ശ്രീ ഉവചിച്ചപോലെ ഈ തിരുമുറ്റത്ത്‌ ഒരു പുതിയ പോസ്റ്റനേയും അവന്റെ കാലിനേയും തച്ചുകൊന്ന്‌ പതിനെട്ട്‌ കോല്‍ കയത്തില്‍ കുയ്ച്ചൂട്‌ വെച്ച്‌ കളയും രണ്ടുനാലു ദിനം കൊണ്ട്‌.
സോ (ശ്രീ/ശ്രീമതി...തരംപോലെ ടച്ചപ്പാക്കുക) ദേവരാഗര്‍, ശ്രീ ശ്രീ ശ്രീജിത്ത്‌, പെരിങ്ങോടര്‍, അരിങ്ങോടര്‍, ഉമേഷ്വാഷ്‌, കരീം മാഷ്‌, ഇഷ്ടാ,കഷ്ടാ വക്കാരിമിഷ്ടാ, ഷിക്കാരിഷംഭു(യെവനാര്‌?)വലിയമ്മായി, ചെറിയമ്മായി, കുഞ്ഞമ്മായി, കുഞ്ഞമ്മയായി, ഇഞ്ചി, ചുക്ക്‌, ചുക്കുകാപ്പി, ചുക്കില്ലാക്കഷായം, കുട്ടപ്പായി, കുഴപ്പായി(ആയോ?), പാറോതി(ആരോതി?..ആ) കൂമന്‍, കുറുമന്‍, കുഞ്ഞന്‍, കുഞ്ഞ്യേക്കന്‍, കറുംബന്‍, കരിമുകിലീശരന്‍, ചെമ്പോത്താറന്‍, അരക്കന്‍, തൊമ്മന്‍, പിന്നെ തൊമ്മന്റെ മക്കളും,ഇക്കാസ്‌,പിക്കാസ്‌, വില്ലൂസ്‌, സൂൂ‍ൂ‍ൂ‍ൂ.....ശൂൂ‍ൂ‍ൂ‍ൂ(അതു ഞനൊന്ന്‌ ശ്വസംവിട്ടതാ)ഓലപ്പന്തല്‍, ഈര്‍ക്കിലിക്കൊട്ടാരം, പുല്ല്ലൂരാന്‍, എല്ലൂരാന്‍,ഏവൂരാന്‍, ഏറനാടന്‍,തനിനാടന്‍, വള്ളുവനാടന്‍, വള്ളുവക്കോനാതിരി, സാമൂതിരി, ഇത്തിരിവെട്ടം,കൂരിരുള്‍, ആന, പാപ്പാന്‍, അതുല്ല്യ, ഇതൂല്ല്യ (പിന്നെന്തുട്ടാ ഉള്ളേ?), വിഷാല്‍മനസ്കന്‍ വിപരീതം സങ്കുചിത്‌മനസ്കന്‍, കലേഷ്‌, കയ്യേഷ്‌, കണ്ണൂസ്‌, ശനിയന്‍, പിരിയന്‍, യാത്രികന്‍ ഒരു ഫുള്‍ അരവിന്ദന്‍, ഒരു പെയ്ന്റ്‌ അരവി, ഇളംതെന്നല്‍, കൊടുങ്കാറ്റ്‌, പട്ടേരി, പട്ടയടി, കല്ല്യാണി, കളവാണീ, ഇടിവാള്‍, വെറുംവാള്‍, പീലി, മിന്നാമ്മിന്നി, കൈത്തിരി, കരിന്തിരി, ദില്‍ബാസുരന്‍, ബാണാസുരന്‍, രാവണന്‍, യക്ഷി, ഗന്ധര്‍വന്‍, പീലി, ചിരി, പുഞ്ചിരി, പൊട്ടിച്ചിരി, വേണേല്‍ കരച്ചിലും, സ്വദേശി, വിദേശി, പരദേശി, മുല്ല, പിച്ചകം, ചെംബകം, പാച്ചാളം, പച്ചില, കത്തിരി, ശിശു, പയ്യന്‍, വി.കെ.എന്‍, യുവന്‍, ചെണ്ട, മദ്ദളം, ജ്യോതിര്‍മയി, ബിരിയാണി, നെയ്ച്ചോര്‍, പാല്‍പായസം, ബിന്ദു, കുത്ത്‌, കൊമ, ഉണ്ണി, ഉണ്ണ്യേപ്പം, ബിജോയ്സ്‌, ഹണീബി, ത്രീഎക്സ്‌, പണിക്കര്‌, നായര്‌, മേനോന്‍, കുസൃതിക്കുട്ടന്‍, ബാബുക്കുട്ടന്‍,വെറും കുട്ടന്‍,പൊട്ടന്‍.....പിന്നെ ഞാനും അളിയനും (ഹെന്റമ്മോ കുഞ്ഞീഷ്ണന്‍ വൈദ്യര്‌ വരട്ടുചൊറിക്ക്‌ കൊടുക്കുന്ന കഷായത്തിന്റെ കുറിപ്പടി മുഴ്വോന്‍ തപ്പ്യ‍ാ കിട്ട്വോ ഇജ്ജാതി വറൈറ്റി ഉരുപ്പടികള്‍?) എല്ലാരോടുമായി ചില ചോദ്യങ്ങള്‍.....
ചോദ്യം നമ്പര്‍ ഒന്ന്‌....ഹൂൂ‍ശ്ശ്‌ ഇതിന്റെയൊക്കെ ഇടയക്ക്‌ ചോദ്യം മറന്നു....അടുത്തതില്‍ പോസ്റ്റാം...ഒന്നല്ല ഒരുപാട്‌ ചൊദ്യങ്ങളുണ്ട്‌. ഒരോന്നായി വെടിവട്ടം പൊട്ടിച്ച്‌ നമ്മള്‍ക്ക്‌ ഇളംകള്ളും കോഴ്‌യേര്‍ച്ചീം, കുടിക്കാത്തോര്‍ക്കും കുടിച്ച്‌ കുന്തമ്മറിഞ്ഞോര്‍ക്കും മോരുംവെള്ളോം ഒക്കെ തരാതരം വീശി ചവച്ചരച്ച്‌ വാളുവെയ്ക്കാം.....ന്താ ഒരൂട്ടം കൂടണോ?
Subscribe to:
Post Comments (Atom)
13 comments:
മോനേ, മാഗ്നീ, ഇപ്രാവശ്യം കലക്കി ട്ടോ... ഇങ്ങനത്തെ ഗുണ്ഡ് കയ്യിലുണ്ടായിട്ടാണോ ആള്‍ക്കാര്‍ മാഗ്നീടെ മെക്കിട്ട് കയറാന്‍ നോക്കീത്...? അടി... ;-)
ഞാന്‍ ബളേരെ സീരീസ് ആയിട്ടാ...ഗ്ലബ്ബിന്റെ സ്ഥിതി
ഒരുകെട്ട് പപ്പടം ഒനിച്ച് പൊള്ളിച്ച്-
ഒറ്റച്ചവിട്ടിന് പൊട്ടിച്ച്യേരാം....
എന്നു പാ‍ടാന്‍ പരുവത്തിലായോ എന്നൊരു വര്‍ണ്ണ്യത്തിലാശങ്ക....
നീയാണുമോനേ പുലികേശി ഒന്നാമന്‍.ഈ അര്‍ദ്ധരാത്രിക്കും ഞാന്‍ ഇവിടെ ചിരിച്ചുമറിഞ്ഞുപോയി.
എന്റെ പൊന്നിഷ്ടാ..വായിച്ചുചിരിപ്പിച്ച പുലിക്കുഞ്ഞേ..
നമോവാകം, നമോവാകം..
ചിരിച്ചു മാഷെ..ശരിക്കും
കൊള്ളാം.... കേമന്‍
കലക്കീഷ്ടാ, കലക്കി.. ചിരിച്ചു ചിരിച്ചു, വി. കെ. എന്‍. ഭാഷയില്‍ പറഞ്ഞാല്‍ “ചിരിച്ചു ചിരിച്ചു സാസം മുട്ടി, മൂന്ന് കവിള്‍ മണ്ണ് കപ്പി“.. Great... many many thanks for this small mercy, comrade
ഹാഹാ (എന്റെ പേര് നാലഞ്ചിടത്തു പറഞ്ഞിരിക്കുന്നതു കൊണ്ടു്) കൊള്ളാം കൊള്ളാം ;)
മാഗ്നീ,
ജ്ജ് പുല്യാണഡോ.... ഒരു ബ്ലോഗ് റോളുണ്ടാക്കനുള്ള പകുതി സെറ്റപ്പൊക്കെയായി.
രസിച്ചു. ചിരിച്ച് മറിഞ്ഞു. :)
ഇവിടെ തുടരാന്‍ താല്പര്യമില്ലെങ്കില്‍ ഇങ്ങോട്ട് അല്ലങ്കില്‍ ഇങ്ങോട്ട് പോകിന്‍
ഇതു കൊള്ളാമല്ലോ മാഗ്നിഫയറേ. പഴയ ചില മിമിക്രിപ്പരിപാടികള്‍ കേള്‍ക്കുന്നതുപോലെ തോന്നി.
പ്രൊഫൈലില്‍ ക്ലിക്കു ചെയ്തിട്ടു് ആളെക്കാണുന്നില്ല. സ്വന്തമായി ബ്ലോഗൊന്നുമില്ലേ? ഉണ്ടെങ്കില്‍ എന്നെപ്പോലുള്ളവര്‍ക്കു വല്ലപ്പോഴും അവിടെ വന്നു പോസ്റ്റൊക്കെ വായിച്ചു ചിരിച്ചുമറിയാമല്ലോ. ദാ ഇപ്പോള്‍ അരവിന്ദന്റെയും വക്കാരിയുടെയുമൊക്കെ ബ്ലോഗുകള്‍ പോലെ.
ആശംസകള്‍!
മാഗ്നിയേ ! കലക്കി ! ചിരിച്ചു മറിഞ്ഞു..
ബാക്കി പൊട്ടിക്കുന്നതും കാത്തിരിക്കുന്നു !
മാഗ്നിഫിക്കേഷന്റെ ആവശ്യൊന്നുല്ലാണ്ടെന്നെ ങ്ങളു വല്യ ആളാണു കേട്ടാ.ബാക്കീം കൂടി പൊട്ടിക്ക്!.ചിരിക്കാന്‍ വല്യ ഇഷ്ടാണേ.
തള്ളേ!
ത്രേം അലര്‍ച്ചയോടാണോ തിരാനോട്ടം? നരസിംഹമാവുമോ വേഷം
Post a Comment