Friday, June 30, 2006

ഓഫേ ഓഫ് ഓഫ്

ഓഫെഴുതാനൊണ്ടോ ആരേലും...

ക്ലബ്ബില്‍ വെടിവട്ടത്തിനാളുണ്ടോ?

ആരും ഒന്നും വിചാരിയ്ക്കരുത്. രാവിലെ മുതല്‍ പണിയായിരുന്നു. മര്യാദയ്ക്കു ആര്‍ഗ്-ജെര്‍ കളി കാണാനും കൂടി പറ്റിയില്ല. ഇപ്പൊ പണി എല്ലാം വേറെ ഗ്രൂപ്പുകളുടെ തലയില്‍ കെട്ടിവെച്ചു. ഇനി ഒന്നു അര്‍മാദിയ്ക്കാന്‍ ആളുണ്ടോ?

Thursday, June 29, 2006

കൊച്ചി മീറ്റിലെ ചില പുതിയ കാ‍ര്യങ്ങള്‍!

ബി റ്റി എച്ചില്‍ വച്ച് ജൂലൈ 8ന്‌ ഇപ്പോള്‍ ഫിക്സ്‌ ചെയ്തിരിക്കുന്ന കൊച്ചീ മീറ്റിനെ കുറിച്ച്‌ ചിലതൊക്കെകൂടി.
വെറുതെ ഒരു സുഹൃത്‌ സംഗമായിമാത്രം കണ്ടിരുന്ന മീറ്റ്‌ ഒരു "സംഭവമായി" മാറുന്ന ലക്ഷണങ്ങളിലേക്കാണ്‌ കാര്യങ്ങളുടെ പോക്ക്‌ . ഇതുവരെ ഉള്ള പുരോഗതിയും പ്ലാനുകളും അതുല്യയും വിശ്വവും പറഞ്ഞ്‌ അറിഞ്ഞിട്ടുണ്ടാവുമല്ലൊ. അതിലൊന്നും ഒരു മാറ്റവും ഇല്ല. പക്ഷെ ഇനിയുള്ള ദിവസങ്ങളില്‍ അതിനെക്കുറിച്ച്‌ ഒരു വ്യക്തമായ രൂപം കിട്ടണം.
ഈ മീറ്റ്‌ ഇവിടുത്തെ മാസ്‌ മീഡിയ കവര്‍ ചെയ്യാന്‍ ഉദ്ദേശിക്കുന്നു എന്ന് വിശ്വം പറഞ്ഞത് ഓര്‍ക്കുമല്ലൊ. അതുമായി ബന്ധപ്പെട്ട് എന്റെ ഫോണില്‍ പത്ര സുഹൃത്തുക്കള്‍ വിളിക്കുന്നുമുണ്ട്‌.
എന്താണ്‌ ഈ മീറ്റ്‌, എങ്ങിനെയാണ്‌ ഈ മീറ്റ്‌ എന്നൊരു ഡെഫനിഷന്‍ ഇപ്പോള്‍ ആവശ്യമാണ്‌. മാധ്യമ പ്രവര്‍ത്തകരുമായി സംസാരിച്ചതില്‍ നിന്നും മനസിലായതാണ്‌ ഈ കാര്യം. മീഡിയ കവര്‍ ചെയ്യുമ്പോള്‍ അതിന്റേതായ ചില കാര്യങ്ങള്‍ മീറ്റില്‍ വേണ്ടിവരും.

അതായത്‌ മലയാളം ബ്ലോഗുകളെ കുറിച്ച്‌ മൊത്തത്തിലുള്ള ഒരു വിവരണം. കൂടാതെ വരമൊഴിപോലുള്ള സങ്കേതങ്ങളെക്കുറിച്ച്‌, യുണീക്കോഡിനെക്കുറിച്ച്‌, ഈ സംഗമത്തിന്റെ പ്രത്യേകതയെക്കുറിച്ച്‌. ഇതിന്റെ പുതുമയെക്കുറിച്ച്‌ എന്നിങ്ങനെ. വളരെ ചുരുങ്ങിയ നിലയില്‍.

അങ്ങനെവേണ്ടിവന്നാല്‍ കൊച്ചീ മീറ്റില്‍ പങ്കെടുക്കാത്ത ഇപ്പോഴും മറുനാട്ടില്‍ ചുറ്റി നടക്കുന്നവര്‍ക്കുള്ള ശിക്ഷയാവണം ഇതിന്റെ മെറ്റീരിയല്‍ തയ്യാറാക്കല്‍. പക്ഷെ വളരെ ഗുളിക രൂപത്തില്‍ വേണം. (പവര്‍പോയന്റ്‌ പ്രസന്റേഷന്‍? ഹാ എനിക്കറിയില്ല!)


കൂടാതെ പങ്കെടുക്കുന്നവര്‍ക്കൊക്കെ അവരവരുടെ ബ്ലോഗിംഗ്‌ അനുഭവങ്ങള്‍, ബ്ലോഗിംഗ്‌ തുടങ്ങിയശേഷമുള്ള കാര്യങ്ങള്‍ ഇങ്ങനെ ഒക്കെ സംസാരിക്കാം. അതിനു 5 മുതല്‍ 10 മിനുട്ടുവരെ ഒരു സമയ പരിധിയും നിശ്ചയിക്കാം.

ഇതൊക്കെ വെറും നിര്‍ദ്ദേശങ്ങള്‍ മാത്രമാണ്‌. വെറും തോന്നലുകള്‍.

എല്ലാവര്‍ക്കും നിര്‍ദ്ദേശങ്ങള്‍ വയ്ക്കാം. ഇതിന്റെ വിജയത്തിലേക്കായി.

ഇതിലുമുപരിയായി കൂടുതല്‍ വിനോദങ്ങള്‍, ഗെയിമുകള്‍ എന്നിവയും ആലോചിക്കാം നിര്‍ദ്ദേശിക്കാം. വേണമെങ്കില്‍ ഒരു വിക്കി ക്വിസ്‌ മത്സരം വരെ. പിന്നെ രസകരമായ കളികള്‍!

ശ്രീജിത്ത്‌ ചിരിക്കണ്ട. നിയമ വിരുദ്ധമായ സൂചിയേറ്‌, കട്ടേം പടം കളി, വെട്ടിമലര്‍ത്ത്‌, ചൂതാട്ടം, കള്ളവാറ്റ്‌ എന്നിവ ഉത്സവപ്പറമ്പില്‍ നിരോധിച്ചിരിക്കുന്നു. അത്തരത്തില്‍ ഒള്ള എന്തരെങ്കിലും വ്യാലകള്‌ കാണിച്ചാ അമ്മേണ ഇടികള്‌ വാങ്ങിക്കും. (ചോദ്യം: എന്താ വഴിയേ പോണ വയ്യാവേലി എല്ലാം ശ്രീജിത്തിനു നേരെ? ഉത്തരം: സ്നേഹം കൊണ്ടാ!)


ഈ മീറ്റിനെ ഇപ്പോഴും ഒരു സുഹൃത് സംഗമം എന്ന നിലയില്‍ മാത്രവും കാണാം. മീഡിയ കവറേജ് വേണ്ടിവരുമ്പോളുള്ള കാര്യമാണ് ഞാന്‍ ഈ സൂചിപ്പിച്ചത്. ഇനി നിര്‍ദ്ദേശങ്ങളാണ്‌ വേണ്ടത്‌.

ഇത്രയുമൊക്കെ പറഞ്ഞിട്ട്‌ വീണ്ടും ഒരു വാക്ക്‌. കാര്യങ്ങളുടെ കിടപ്പ്‌ അനുസരിച്ച്‌ എന്റെ വരവിനു ഇപ്പോഴും ഒരു ഉറപ്പും വന്നിട്ടില്ല. തുറന്നു പറഞ്ഞാന്‍ ഒരുതരം "അയ്യൊ, അണ്ണന്‌ അപ്പീസില്‌ പോവാനുള്ളതല്ലീ.." ആറ്റിറ്റ്യൂഡ്. ;) എന്തായാലും ഇത്തരത്തിലുള്ള ചില കാര്യങ്ങള്‍ എന്നെക്കൊണ്ട്‌ കഴിയുന്നത്‌ ചെയ്യാനുള്ള ശ്രമം. അത്രമാത്രം.


തട്ടിക്കൂട്ടുന്ന പോസ്റ്റ്‌ ആണ്‌ അക്ഷരത്തെറ്റുകള്‍ തിരുത്തിവായിക്കുക. വ്യാകരണത്തെറ്റുകള്‍ കണ്ടില്ല എന്നു വയ്ക്കുക. വേറേ വഴിയില്ല!

പ്രഥമ ഇമാറാത്ത് ബൂലോഗസംഗമം

എന്റെ ബൂലോഗകൂടപ്പിറപ്പുകളേ...

അങ്ങനെ ലാസ്റ്റ് അവസാനം ഇതാ ഇമറാത്ത് അല്‍ അറബിയത്ത് അല്‍ മുത്തഹിദയില്‍ വച്ച് (യു.ഏ.ഈ എന്ന് അറബീല്‍ പറഞ്ഞതാ) നടത്താന്‍ പോകുന്ന പ്രഥമ ഇമാറാത്ത് ബൂലോഗസംഗമം ഇതിനാല്‍ ഔദ്യോഗികമായി പ്രഖ്യാപിച്ചുകൊള്ളുന്നു.

തീയതി : വെള്ളിയാഴ്ച്ച. ജൂലൈ 7, 2006.
സമയം : വൈകുന്നേരം 5 മണി - 8 മണി വരെ.(ലോക്കല്‍ ടൈം)
സ്ഥലം : പാര്‍ട്ടി ഹാള്‍, ഫസ്റ്റ് ഫ്ലോര്‍, കുവൈറ്റ് ടൌവ്വര്‍, ഷാര്‍ജ്ജ.
റോളയില്‍ ബാങ്ക് സ്ട്രീറ്റിനു പിന്നിലുള്ള അല്‍-റാംസ് റെസ്റ്റോറന്റാണ് ക്യാറ്ററിംഗ് ചുമതല ഏറ്റേക്കുന്നത്.
ഫോണ്‍ നമ്പര്‍ : 050-4535647 (ശ്രീ.സക്കറിയാസ്)

ലൊക്കേഷന്‍: ഷാര്‍ജ്ജ - അജ്‌മാന്‍ റോഡില്‍ റോളയില്‍ നിന്ന് അജ്‌മാ‍നിലേക്ക് പോകുമ്പോള്‍ ലുലു പാലം ഇറങ്ങി വരുമ്പോള്‍ റോഡിന്റെ വലതുവശത്ത് നാലാ‍മത്തെ കെട്ടിടം (താഴേ നിലയില്‍ “ഫ്രെഷ് ചിക്കന്‍ കിങ്ങ് റെസ്റ്റോറന്റ്” ഉണ്ട്.) കുവൈറ്റ് ടവ്വറിന്റെ ഫസ്റ്റ് ഫ്ലോറിലെ പാര്‍ട്ടി ഹാളില്‍ വച്ചാണ് സംഗമം നടത്തുന്നത്.

താഴെ പറയുന്ന ഇമറാത്തില്‍ വസിക്കുന്ന ബൂലോഗര്‍ സംഗമത്തിന് തീര്‍ച്ഛയായും എത്തി ചേരുമെന്ന് പ്രതീക്ഷിക്കുന്നു :
അനിലേട്ടന്‍+സുധേച്ചി+കണ്ണനുണ്ണിമാര്‍
നിഷാദ് കൈപ്പള്ളി+ഭാര്യ+കുഞ്ഞ്
രാജ് (പെരിങ്ങോടര്‍)+ഒരു സുഹൃത്ത്
ദേവേട്ടന്‍+ഒരു സുഹൃത്ത്
മണികണ്ഠന്‍(സങ്കുചിതന്‍)+ഭാര്യ
സജീവ് (വിശാലമനസ്കന്‍)+സോന+2 കുഞ്ഞുങ്ങള്‍
നദീര്‍ (ഡ്രിസില്‍)
ഇബ്രാന്‍ (ചിലനേരത്ത്...)
ആരിഫ്(ഇളം തെന്നല്‍)
സമീഹ+സക്കീര്‍+2 കുഞ്ഞുങ്ങള്‍
വിനോദ് (ഇടിവാള്‍)+മായ+മീര+വിഘ്നേഷ്
രാഗേഷേട്ടന്‍(കുറുമന്‍)+ഭാര്യ+2 കുഞ്ഞുങ്ങള്‍
രാജീവ്(സാക്ഷി)
പ്രസീദ് (കണ്ണൂസ്) + ഭാ‍ര്യ
ജ്യോതിസ് (26ന് പുള്ളിക്കാരന്‍ എത്തുമെന്നും പുള്ളിക്കാരനെ കൊണ്ടുവരാ‍മെന്നും പ്രസീദ് ഏറ്റിട്ടുണ്ട്)
സിദ്ധാര്‍ത്ഥന്‍+ഭാര്യ
സാക്ഷാല്‍ ശ്രീമാന്‍. ഗന്ധര്‍വ്വന്‍
ദിലീപ്(ദില്‌ബാസുരന്‍)
കലേഷ്+റീമ+ഗോപുവണ്ണന്‍

ഇതുകൂടാതെ മലയാളം ബ്ലോഗുകളുമായോ മലയാളം യുണികോഡ് കമ്പ്യൂട്ടിംഗുമായോ ഏതെങ്കിലും തരത്തില്‍ ബന്ധപ്പെട്ട ആര്‍ക്കും പ്രത്യേക ക്ഷണമില്ലാതെ തന്നെ പങ്കെടുക്കാവുന്നതാണ്. വരുന്നവര്‍ ദയവ് ചെയ്ത് മുന്‍‌കൂട്ടി എന്നെയോ (050-3095694) നദീറിനെയോ (050-8675371)അറിയിക്കണം എന്ന് അപേക്ഷിക്കുന്നു.വരാന്‍ കഴിയുന്നവര്‍ എല്ലാരും വരണം - ഇമറാത്തിലുള്ളവരാ‍യാലും ജി.സി.സിയില്‍ ഉള്ളവരായാലും, എവിടെയുള്ളവരായാലും ശരി. ദയവ് ചെയ്ത് വരുന്നവര്‍ ഒരിക്കല്‍ കൂടെ അവരുടെ പ്രസന്‍സ് കമന്റുകള്‍ വഴി കണ്‍ഫേം ചെയ്യണം എന്ന് വിനീതമായി അപേക്ഷിക്കുന്നു...

ആരെയൊക്കെയോ ക്ഷണിക്കാന്‍ ഞാന്‍ വിട്ടുപോയി എന്ന് എനിക്ക് തോന്നുന്നു. വിട്ടുപോയെങ്കില്‍, ആരെയും മനപൂര്‍വ്വം വിട്ടുപോയതല്ല .ക്ഷമിക്കുക. ദയവായി ഞങ്ങളോടൊപ്പം ചേരുക. എന്നെ വിളിക്കുക : 050-3095694

കാര്യപരിപാടി :
വൈകിട്ട് അഞ്ച് മണിയോടെ കൂടാം
1.ഐസ് ബ്രേക്കിംഗ് (ആര്‍ക്കും (പലര്‍ക്കും) ആരേയും മുഖദാവില്‍ പരിചയമില്ലല്ലോ - എല്ലാവരും സ്വയം പരിചയപ്പെടുത്തല്‍)
2.വിശാലനെ ആദരിക്കല്‍ (എന്താ വേണ്ടേ? തീര്‍ച്ചയായും വേണം - എങ്ങനെ ആദരിക്കണമെന്നതിനെകുറിച്ച് തീരുമാനിക്കണം)
3.ഇമാറാത്ത് ബൂലോഗ ഫോറം പോലെ എന്തേലുമൊരു കൂട്ടായ്‌മ രൂപീകരിക്കുന്നതിനെകുറിച്ച് എല്ലാവര്‍ക്കും താല്പര്യമുണ്ടെങ്കില്‍ ഒരു ചര്‍ച്ച ആകാം.
4.ഓപ്പണ്‍ ഫോറം - സൂര്യനു കീഴിലുള്ള സകല സംഭവങ്ങളെക്കുറിച്ചും ചര്‍ച്ച ചെയ്യാം.
ഇതിനിടയ്ക്കോ, ഇത് കഴിഞ്ഞോ ആര്‍ക്കും എന്ത് കലാപരിപാടിയും (പാട്ടോ, കവിത ചൊല്ലലോ, കഥപറച്ചിലോ, സ്കിറ്റോ, ഗെയിംസോ) അവതരിപ്പിക്കാം.
ഏഴ് മണിയോടെ ഭക്ഷണം റെഡിയാകും.
ശാപ്പാടൊക്കെ കഴിഞ്ഞ് എട്ട്-എട്ടരയോടുകൂടി പിരിയാം.
(ഈ കാര്യപരിപാടികളില്‍ മാ‍റ്റം വരുത്താ‍ന്‍ സകലര്‍ക്കും അനുവാദമുണ്ട്.)

മെനു താഴെ പറയുന്നതാണ് :
വെല്‍ക്കം ഡ്രിങ്ക് : സോഫ്റ്റ് ഡ്രിങ്ക് (ഫാന്റ/പെപ്സി/7 അപ്പ്)
സ്റ്റാര്‍ട്ടേഴ്സ് : ചിക്കന്‍ ലോലിപോപ്പ് , വെജിറ്റബിള്‍ സ്പ്രിങ്ങ് റോള്‍സ്
സലാഡ്‌സ് : ടോസ്‌ഡ് ഗ്രീന്‍ സലാഡ്, ചിക്കന്‍ ഹവായിയന്‍ സലാഡ്
വെജിറ്റേറിയന്‍ : മലായ് കോഫ്‌ത, മിക്സഡ് വെജിറ്റബിള്‍ കുറുമ (സൌത്തിന്ത്യന്‍ സ്റ്റൈല്‍‍)
നോണ്‍ വെജിറ്റേറിയന്‍ : സൌത്തിന്ത്യന്‍ സ്പൈസി മട്ടന്‍ മസാല, ചില്ലി ചിക്കന്‍ ‍, കപ്പ + മുളകിട്ട നെയ്‌മീന്‍ കറി
അസോര്‍ട്ടഡ് ബ്രഡ്‌സ് : നാന്‍,പൊറോട്ട,ചപ്പാത്തി
ഫ്ലേവേര്‍ഡ് റൈസ് : മിക്സഡ് ഫ്രൈഡ് റൈസ്
അക്കമ്പനിമെന്റ്സ് : പിക്കിള്‍സ്, പപ്പട്, റൈത്ത
ഡിസ്സേര്‍ട്ട് : ഗുലാബ് ജാമുന്‍, ഐസ് ക്രീം

ചിലവ് വരുന്നത് : 30 ദിറഹംസ് പെര്‍ ഹെഡ്

(ഇനി ഉണ്ടാകാനിടയുള്ള ചോദ്യങ്ങള്‍ക്കുള്ള ഉത്തരങ്ങള്‍ - ഫാക്യൂ)

ഡയലോഗൊക്കെ കേള്‍ക്കാന്‍ രസമുണ്ട്. വല്ലോം നടക്കുമോ?നടത്തണം - ആരും വന്നില്ലെങ്കില്‍ എന്റെ കാര്യം കട്ടപ്പുക! പിന്നെ, ഷാ‍ര്‍ജ്ജയിലുള്ളവര്‍ ആരേലും ഇതിന്റെ മുതലാളി സക്കറിയാ ചേട്ടനെ റോളയില്‍ ഒന്ന് ചെന്ന് കണ്ട് ഒരു ടോക്കണ്‍ അഡ്വാന്‍സ് കൊടുക്കണം (തയാറുള്ളവര്‍ ദയവായി എന്നെ വിളിക്കുക)

കണക്കിന്റെ പരിപാടി എങ്ങനാ?
ഇതിന്റെ കണക്കപ്പിള്ളയായ നദീറ് (എന്നെ തെറിയൊന്നും വിളിക്കണ്ട. നീ തന്നെടാ!) ഒരു മേശയും കസേരയുമൊക്കെയിട്ട് ഹാളിലെവിടേലും ഇരിക്കുന്നുണ്ടാകും - ഓരോരുത്തരും 30 ദിറഹംസ് വച്ച് നദീറിനെ ഏല്‍പ്പിച്ചാല്‍ മതി. നദീറ് കണക്കൊക്കെ കൂട്ടി അവസാനം ബില്ല് സെറ്റില്‍ ചെയ്തോളും.

ഷാര്‍ജ്ജ ക്രിക്കറ്റ് സ്റ്റേഡിയമെന്നൊക്കെ പറഞ്ഞിട്ട് ഇപ്പം സ്ഥലം മാറിയോ ?
മാറ്റേണ്ടി വന്നു. കാരണം ഇവരുടെ ഓഫര്‍ ഒന്നൂടെ നല്ലതായി തോന്നി - ഐറ്റങ്ങള്‍ കൂടുതലുണ്ട്.

ഇവിടെ പാര്‍ക്കിംഗ് സൌകര്യം ഉണ്ടോ?
ഉണ്ട്. പിന്നെ റോളയ്ക്ക് അടുത്തായതുകൊണ്ട് മീറ്റര്‍ ടാക്സി പിടിച്ചു ബുദ്ധിമുട്ടേണ്ട കാര്യവുമില്ല - നടക്കബിള്‍ ദൂരമേയുള്ളു.

ഈ മെന്യുലെ ഐറ്റംസ് മാറ്റാന്‍ പറ്റുമോ?
പിന്നെന്താ? ബേസിക്ക് സ്ട്രക്ചര്‍ ഇങ്ങനെ നിര്‍ത്തിക്കോണ്ട് ഐറ്റംസ് മാറ്റാം. ഉദാഹരണത്തിന് താറാവ് കറിയുണ്ട് (ഡക്ക് റോസ്റ്റ്). താറാവ് വേണമെങ്കില്‍ ഒരു നോണ്‍ വെജ് ഐറ്റം കുറച്ചുകൊണ്ട് താറാവിനെ കറിവയ്പ്പിക്കാം.

സ്‌മോളടിക്കാനുള്ള സ്കോപ്പുണ്ടോ?
സ്ഥലം ഷാര്‍ജ്ജയാണ്. ബാക്കി ഞാന്‍ പറയണോ? ഒരു മാസം സര്‍ക്കാര്‍ ചിലവില്‍ താമസം, പിന്നെ ഓണമടുപ്പിച്ച് നാട്ടിലുമെത്താം. ഹാള്‍ കാണുമ്പോള്‍ അങ്ങനെയൊക്കെ തോന്നുമെന്ന് സക്കറിയാ ചേട്ടന്‍ എന്നോട് പ്രത്യേകം പറഞ്ഞു. ഞാന്‍ “എല്ലാരും കുടുംബത്തില്‍ പിറന്നവരാണ്, ഡീസന്റാണ് “ എന്നൊക്കെ പറഞ്ഞു.

ഗസ്റ്റുകളെ കൊണ്ടുവരാമോ?
തീര്‍ച്ഛയായും. പക്ഷേ, ദയവായി എന്നെയോ(050-3095694) അല്ലേല്‍ നദീറിനെയോ (050-8675371) മുന്‍‌കൂട്ടി അറിയിക്കണം.

ക്രെഡിറ്റ് കാര്‍ഡുകള്‍ സ്വീകരിക്കുമോ?
ഇല്ല. ലിക്ക്വിഡ് കാഷ് മാത്രമേ ക്യാറ്ററിംഗ് സെറ്റപ്പുകാര്‍ സ്വീകരിക്കുന്നുള്ളു.

ദൂരദേശങ്ങളില്‍ നിന്നു വരുന്നവര്‍ക്ക് ടി.എ/ഡി.ഏ ഉണ്ടോ?
അതിന്റെ ചുമതല അനിലേട്ടനും ദേവേട്ടനുമാണ് - അവരുമായി നേരിട്ട് ബന്ധപ്പെടുക.

സ്ഥലത്തിന്റെ റൂട്ട് മാപ്പ് എവിടെ?
ഇബ്രാന്‍, രക്ഷിക്കൂ....

സംഗമത്തെക്കുറിച്ച് മാദ്ധ്യമങ്ങളില്‍ റിപ്പോര്‍ട്ട് ചെയ്യിക്കാനെന്തേലും ശ്രമം നടത്തുന്നുണ്ടോ?
എന്റെ അറിവില്‍ ഇതുവരെ ഇല്ല.

ഇനി ഞാന്‍ എന്താ വേണ്ടത്?
ഞാനൊന്ന് റെസ്റ്റ് എടുക്കട്ടെ.
ഇനി ബാക്കിയുള്ളോരെല്ലാരുമൊന്ന് ഉഷാറായേ....
കമന്റുകള്‍ പോരട്ടേ.....

മലയാളം ബ്ലോഗുകള്‍ ഗൃഹലക്ഷ്മിയില്‍

2006 ജുലായ് ലക്കം ഗൃഹലക്ഷ്മിയില്‍ നിന്നും....



Wednesday, June 28, 2006

കെച്ചപ്പ്‌

ലഞ്ചിന് പിസ കഴിക്കാന്‍ പോയ ഒരു ദിവസം. ഫോണില്‍ ആരോടോ സംസാരിച്ചുകൊണ്ട്‌ പെപ്സിയാണെന്നു കരുതി ഞാനെടുത്ത് വായിലേക്ക് ഒഴിച്ചത് കെച്ചപ്പിന്റെ ബോട്ടില്‍ .

'ഇതെന്താ വീഴാത്തേ' എന്ന് വിചാരിച്ച്‌ കുപ്പിയിലേക്ക്‌ നോക്കിയപ്പോഴല്ലേ...കാര്യം മനസ്സിലായത്.

പതുക്കെ കുപ്പി താഴെ വച്ച്, പ്രകടനം ആരെങ്കിലും കണ്ടോയെന്നറിയാന്‍ ചുറ്റും നോക്കിയപ്പോ, ഒരു അറബിക്കൊച്ച്‌ 'കൌതുകലോകം'കാണുന്ന കണക്കെ, ആശ്ചര്യത്തോടെ എന്നെ നോക്കി അതിന്റെ അമ്മയേ എന്നെ കാട്ടികൊടുക്കാനായി മാന്തുന്നു!

കെച്ചപ്പ്‌ കുപ്പിയോടെ ‘ടുമ ടുമാന്ന്‘ കുടിക്കുന്നവരും ഈ ഭൂമിയിലുണ്ടോ പടച്ചോനേ.... എന്നാകും ആ കൊച്ച്‌ ചിന്തിച്ചിരിക്കുക.

ഹവ്വെവര്‍, തകര്‍ന്ന മാനവുമായി അരവിന്ദന്‍ പറഞ്ഞ ‘ബ് ഹാ’ എന്ന ചിരിയോടെ ഞാനവിടെ നിന്നും ഓടിരക്ഷപ്പെട്ടു.

(മുന്‍പൊരിക്കല്‍ കമന്റിയതാണ് )

സാമൂഹിക പ്രതിബദ്ധത

വണ്ടികളുടെ ഹെഡ് ലൈറ്റ്, ചോരത്തിളപ്പുള്ള യുവാക്കളില്‍ ഉളവാക്കുന്ന സാമൂഹ്യപ്രതിബദ്ധതയെക്കുറിച്ച് ശ്രീജിത്തിന്റെ പോസ്റ്റില്‍ വായിച്ചപ്പോളാണ്, ഈ സംഭവം ഓര്‍മ വന്നത്.
അന്ന് ഞാന്‍ ബാംഗ്ലൂരില്‍, സി.വി.രാമന്‍‌ നഗറിലുള്ള എന്റെ ഓഫീസിലേക്കും, തിരിച്ചും, പുതുപുത്തന്‍ അംബീഷനില്‍ പറന്നു നടക്കുന്ന കാലം.
അങ്ങനെ ഒരു ദിവസം, കോറമാംഗലയില്‍ നിന്ന് റിംഗ് റോഡിലൂടെ, എയര്‍‌പോര്‍ട്ട് ജംഗ്‌ഷനിലേക്ക് ട്രാഫിക്ക് ജാമിനകത്തൂടെ അടുത്ത് കൊണ്ടിരിക്കെ, എതിരെ വരുന്ന ലൈനില്‍കൂടി ദാ വരുന്നു ഒരു കൈനറ്റിക് ഹോണ്ട, മെല്ലെ മെല്ലെ...ഹെഡ്‌ലൈറ്റും കത്തിച്ചോണ്ട്.
വല്ല തമിഴനോ, തെലുങ്കനോ, കന്നഡിഗനോ ആണെങ്കില്‍ പോ പുല്ല്, എനിക്കെന്ത് ചേതം എന്ന് ഞാന്‍ വിചാരിച്ചേനെ..
ഇത് കൈനറ്റിക്കിന്റെ മുകളില്‍ , ഒരു യുവ സുന്ദരി...കാണുന്ന സുന്ദരിമാരോടെല്ലാം ഒരു നിമിഷം കൊണ്ട് പ്രേമം തോന്നുന്ന പ്രായത്തിലായിരുന്ന ഞാന്‍ ആ നിമിഷം ആ നടുറോഡില്‍ വച്ച് ആ സുന്ദരിയുടേയും ആരാധകനായി. ഹോ എന്നാ അഴക്!!

ഏതായാലും ഞാനും ലവളും ഓപ്പസിറ്റ് സൈഡിലേക്കാണ് വണ്ടിയില്‍ പോകുന്നത്. “ലബ്ബ്” ഒന്നും ഡെവലപ്പ് ചെയ്യാന്‍ പോണില്ല. പിന്നെ ഇത്ര സുന്ദരിമാര്‍ റ്റു ലെറ്റ് അവസ്ഥയില്‍ അധികകാലം നില്‍ക്കാനും ഒട്ടും വകുപ്പില്ല..

അപ്പോ എന്നതേലുമാട്ടെ, ഇവള്‍ക്കൊരു ഉപകാരമെങ്കിലും ചെയ്തേക്കാം എന്ന് കരുതി, സ്പീഡ് കുറച്ച്, വണ്ടി ആ ജാമിനകത്തുകൂടി വളച്ച് തിരിച്ച് അവളുടെ അടുത്ത് ഓപ്പസിറ്റ് പൊസിഷനില്‍ എത്തിച്ചു.

ഞാന്‍ ഹെല്‍മെറ്റ് ഇട്ടിരുന്നത് കൊണ്ട്, “ പെങ്ങളേ, നിങ്ങടെ വണ്ടീടെ ലൈറ്റ് ഓണാ“ണെന്ന് പറയാന്‍ പറ്റില്ലായിരുന്നു.

അതു കൊണ്ട്, സാധാരണ എതിരെ പാഞ്ഞു പോകുന്നവരോട് ലൈറ്റ് ഓണാണ് എന്ന് കാണിക്കുന്ന ആംഗ്യ സിഗ്നല്‍ ഞാന്‍ അവളുടെ നേരെ കാണിച്ചു.

കൈ അവളുടെ നേരെ പിടിച്ച് വിരലുകള്‍ വിടര്‍ത്തുകയും അടക്കുകയും ചെയ്തു കൊണ്ടുള്ള ആ സര്‍‌വ്വ സാധാരണ സിഗ്നല്‍.

അവളെന്റെ ഹെല്‍മെറ്റിട്ട മുഖത്തേക്കും കൈകളിലേക്കും ഒന്ന് മാറിമാറി നോക്കി.
പിന്നെ...

പ്‌ഫ!!!!
എന്നൊരാട്ട്.

എന്റെ സിഗ്നല്‍ കലിപ്പായി എന്ന് മനസിലാക്കിയ ആ നിമിഷം, ആറ് സെക്കന്റില്‍ നൂറ് പിടിക്കുന്ന വണ്ടി അന്ന് രണ്ട് സെക്കന്റില്‍ നൂറ്റമ്പതിലെത്തി.

ഞാന്‍ ഒത്തിരി മിസ്സ് ചെയ്തോ?

ഹലോ ഡിയേര്‍‌സ്!! :-)
ചുമ്മാ എല്ലാരോടും ഒരു ഹായ് പറയാന്‍ വന്നതാ...
ചില തിരക്കുകള്‍ കാരണം പണി(ബ്ലോഗ് വായന, എഴുത്ത്, കമന്റിംഗ്) കുറച്ചു ദിവസങ്ങളായി മുടങ്ങിപ്പോയി.
ഇനി പതുക്കെ ഒരറ്റത്തുനിന്ന് തുടങ്ങാം. :-)
ഏവൂരാന്റെ സൈറ്റില്‍, ശ്രീജിത്തിന്റെ കാറിന്റെ ലൈറ്റും സാമൂഹികപ്രതിബദ്ധതയും എന്ന പോസ്റ്റ് തൊട്ട് മുകളിലോട്ട് വായിച്ചും കമന്റിയും തുടങ്ങണം.
ബൈ ദ ബൈ, ബാംഗ്ലൂര്‍ മീറ്റിന്റെ ഫോട്ടവും അവലോകനവും കണ്ടു.:-)) അടിപൊളി!
ചങ്കില്‍തട്ടി പറയുന്നു..കൊതിച്ചുപോയി..ഞാന്‍ ബാംഗ്ലൂരിലോ, ഗള്‍ഫിലോ അമേരിക്കയിലോ മറ്റോ ആയിരുന്നെങ്കില്‍..ഒരു മീറ്റില്‍ എനിക്കും പങ്കെടുക്കാരുന്നു ...(ഫോട്ടത്തിലെ ഹോട്ടല്‍ കൈരളിയാണോ? അതോ മാസോ?അതോ തറവാടോ? ടൈത്സ് ഒന്നും ശ്രദ്ധിക്കാറുണ്ടായിരുന്നില്ല...;-))
അപ്പോ എല്ലാരും എന്നെ മിസ്സ് ചെയ്തു അല്ലേ ;-)) ഏയ്...ഐ ആം ബാക്ക്! :-)
അപ്പോ “പണി“ തുടങ്ങട്ടെ. :-)

എല്ലാവര്‍ക്കും ശുഭദിനം.

ബൂലോകർ

മലയാള ബ്ലോഗുകൾ പ്രസിദ്ധീകരിക്കുന്ന ബൂലോക മലയാളികളെ പരിചയപ്പെടുകയും ഈ കൂട്ടായ്മയിൽ പങ്കാളികളാകുകയും ചെയ്യുക എന്ന സന്ദേശത്തോടുകൂടി ബൂലോകർ എന്ന ഒരു പുതുക്കിയ ഒരു പേജ്‌ പ്രസിദ്ധീകരിച്ചിരിക്കുന്ന വിവരം എല്ലാ ബൂലോകം മലയാളികളെയും സസന്തോഷം അറുയിച്ചുകൊള്ളട്ടെ. ഈ പേജ്‌ പ്രാരംഭ അവസ്ഥയിലാണ്‌. വിലയേറിയ നിർദ്ദേസങ്ങക്കും അഭിപ്രായങ്ങളും കമെന്റുകളായി രേഖപ്പെടുത്തുകയോ വ്യക്തിപരിചയം എന്ന പേജിൽനിന്ന്‌ മെയിലുകൾ അയക്കുകയോചെയ്യുക. എല്ലാപേരുടെയും സഹകരണം പ്രതീക്ഷിക്കുന്നു.

Tuesday, June 27, 2006

പാപത്തിന്‍റെ പങ്ക്


കുഞ്ഞേ പൊറുക്കുക.
'ശേഷം ചിന്ത്യ'ത്തില്‍ ചിത്രം കണ്ടപ്പോള്‍ അറിയാതെ കണ്ണുടക്കിപ്പോയി.
നിന്‍റെ കരളുരുകുന്ന കണ്ണീരിലും
എന്‍റെ ചായക്കൂട്ടുകളുടെ സാധ്യതകളെക്കുറിച്ചു മാത്രം ചിന്തിച്ചതിന്
കുഞ്ഞേ പൊറുക്കുക.

കള്ളുഷാപ്പിനും വെബ്‌ സൈറ്റ്‌

വന്നു വന്നു, കള്ളുഷാപ്പിനും വെബ്‌ സൈറ്റ്‌. നമ്മള്‍ മലയാളികള്‍ എല്ലാത്തിനും ഒരു മാതൃകയാണേ !ഷാപ്പിലിരുന്ന്‌ രണ്ടെണ്ണം വിട്ട്‌ അപ്പത്തന്നെ ബ്ലോഗെഴുതാന്‍ തോന്നിയാലും, അതിനുള്ള സൌകര്യമുണ്ടല്ലൊ ! സമാധാനം !!

ഇതൊന്നു നോക്കൂ മാളോരേ..

Collected By ഇടിവാള്‍

Monday, June 26, 2006

ലഞ്ച്‌ വെന്യൂ.


ഇന്നുച്ചക്ക്‌ ഞങ്ങള്‍ രണ്ടാള്‍ക്കും ശാപ്പാട്‌ ഗള്‍ഫ്‌ ന്യൂസില്‍ വച്ചിട്ടായിരുന്നു.
(കോട്ടയത്തു പോകുമ്പോഴൊക്കെ ഞാന്‍ മനോരമയിലാ ഉറങ്ങാറ്‌ എന്ന മിമിക്രിയാല്‍ ഇന്‍സ്പയര്‍ഡ്‌)

ഒരു സംശയം

മാന്യ മഹാ ബൂലോകരേ..
എല്ലാവര്‍ക്കും സുഖമെന്ന് കരുതി സന്തോഷിക്കുന്നു. കൂടുതല്‍ ക്ഷേമത്തിനായി ദൈവത്തോട് പ്രാര്‍ത്ഥിക്കുന്നു. ഒരു സംശയനിവാരണത്തിനു ഈ വേദി ഞാന്‍ ഉപയോഗപ്പെടുത്തടെ..!!
പുസ്‌തക അവലോകന / ആസ്വാദനത്തിനു വേണ്ടി മാത്രമായി ഒരു ബ്ലോഗ് ഉണ്ടോ? ഇല്ലെങ്കില്‍ അതിനു വേണ്ടി മാത്രമായി ജോയിന്‍റ്റ് വെഞ്ചര്‍ ആയി ഒരു ബ്ലോഗ് തുടങ്ങാമോ? എല്ലാവരും, വായിക്കുന്ന പുസ്‌തകങ്ങളെ കുറിച്ച് ഒരു അവലോകനം ഈ ബ്ലോഗില്‍ ഇടുകയാണെങ്കില്‍, മറ്റുള്ളവര്‍ക്ക്, പുതിയ പുതിയ പുസ്‌‌തകങ്ങള്‍ പരിചയപ്പെടുകയുമാകാം. വാ‍യനശാലയും വായനക്കിടയിലും വ്യക്തിഗത ബ്ലോഗുകളാണല്ലോ. സംശയ നിവാരണം പ്രതീക്ഷിക്കുന്നു.

എനിക്കൊന്നും വായിക്കാന്‍ പറ്റുന്നില്ല

ഞാന്‍ ആരോട് ഈ സങ്കടം പറയും?? കഷ്ടം കഷ്ടം.... എല്ലാം കുറേ square square മാത്രം....... എന്നാലും ഞാന്‍ നാട്ടില്‍ എത്തി. നമ്പര്‍ കിട്ടിയവര്‍ ഒക്കെ എന്നെ വിളിക്കുകയും, നമ്പര്‍ ഉള്ളവരെ ഒക്കെ ഞാന്‍ വിളിക്കുകയും ചെയ്തിരുന്നു.‍ സുഖമായി ഇരിക്കുന്നു. നാട്ടില്‍ രണ്ടുദിനം ചൂടായിരുന്നു. എല്ലാം പഴയപോലെ, റോഡില്‍ ഇറങ്ങിയാല്‍ എപ്പോള്‍ പ്രൈവറ്റ് ബസ്സും ഓട്ടോ റിക്ഷയും മുട്ടി എന്ന് ചോദിച്ചാല്‍ മതി..... പിന്നെ റ്റൂ വീലേര്‍സിന്റെ കാര്യം പറയണ്ട..... റോഡ് കാണുമ്പോള്‍ തോന്നും, എന്താ അവിടെ റ്റൂ വീലറിന്റെ റാലി ആണോന്ന്. വിശ്വംജി പറഞ്ഞിരുന്നു, എല്ലാവര്‍ക്കും വരാന്‍ പറ്റിയ ഒരു ദിനം മീറ്റിനായി എടുക്കാന്‍, എന്നിട്ട് ബ്ലോഗ് വഴി അപ്ഡേറ്റ് ആക്കാന്‍, ഞാന്‍ മുഹൂര്‍ത്തം നോക്കി, എന്നാവുമ്പൊ, ഇന്ത്യക്കാരും, ദുബായിക്കാരും ഒക്കെ ഉണ്ടാവുമല്ലോ എന്ന് കരുതി, നെറ്റ് കഫേയില്‍ വന്നിട്ട്........ ഹ ഹ കഷ്ടം എന്ന് പറയേണ്ടു..... എല്ലാം എല്ലാം കുറേ square മാത്രം. എന്റെ സ്വന്തം സിസ്റ്റം ആണെങ്കില്‍ യമ സ്ലോ..... നന്ദി ആരോട് ഞാന്‍ ചൊല്ലേണ്ടു..... അത് കൊണ്ട് ദയവായി ആരെങ്കിലും ബ്ലോഗ് മീറ്റിന്റെ വിവരങ്ങള്‍ ഡിസ്കസ് ചെയ്യാന്‍ എന്നെ ഫോണില്‍ ബന്ധപ്പെടുക. കൊച്ചിയില്‍ ആണെങ്കില്‍ ഓര്‍ഗനൈസിങ്ങിന് ഞാന്‍ മുന്‍പന്തിയില്‍ ഉണ്ടാകും. എല്ലാ സഹായ സഹകരണങ്ങളും....

ദേവ ഗുരു പ്രത്യേകം പറഞ്ഞിരുന്നു, അതുല്യ നാട്ടില്‍ പോയാല്‍ കല്ലില്‍ അരച്ച ഉള്ളി ചമ്മന്തി കഴിക്കണം, ആരോഗ്യത്തിനു വളരെ നല്ലതാണ്, പ്രത്യേകിച്ച് കഷായം ഒക്കെ കുടിക്കുമ്പോള്‍ എന്ന്. അതു കൊണ്ട് എന്റെ മൊബൈല്‍ അമ്മിക്കല്ല് ഒക്കെ mobilise ചെയ്ത് ദേവ ഗുരുവിന്റെ ഉപദേശപ്രകാരം, ഇന്നു രാവിലെ ഇഡലിയും ഉള്ളി ചമ്മന്തിയും ഉണ്ടാക്കി.....അല്പം ദേവഗുരുവിനും, ബാക്കി എന്റെ എല്ലാ ബ്ലോഗ് സുഹൃത്തുക്കള്‍ക്കും. വക്കാരീ, സദ്യ വട്ടം ആയി വരുന്നൂ ട്ടോ. ഇല നാട്ടില്‍ കിട്ടാനില്ല വക്കാരീ, മഴയും കാറ്റും കാരണം, ഇല ഒക്കെ വെട്ടിക്കീറി. എന്നാലും ഞാന്‍ ഒന്ന് ഒരുക്കുന്നുണ്ട്. കുമാറിനേയും, തുള്‍സീനേയും, ശ്രീജിത്തിനേയും, ഉമേനെയും, ചന്ദ്രേട്ടനേയും ഒക്കെ ഒക്കെ, വിളിക്കണം എന്‍റ ഫ്ലാറ്റിലേക്ക്, എന്നിട്ട് ഞങ്ങള്‍ സദ്യ ‍ഉണ്ണും. വക്കാരിക്ക് പടം മാത്രം അയക്കാം കേട്ടോ.......



എന്റെ പ്രകൃതിയെ തൊട്ട് നില്‍ക്കുന്ന ഫ്ലാറ്റിലെ ജാലക വാതില്‍ ദൃശ്യങ്ങള്‍ ഇതാ....ഒരു മഴയ്ക്ക് കോപ്പ് കെട്ടിയപ്പോള്‍ ഓടിക്കേറി ടെറസ്സില്‍ നിന്ന് എടുത്തതാ... പിന്നെ ജനല്‍ തുറന്നാല്‍ കാണുന്ന കാഴ്ചകളും......













ബാംഗ്ലൂര്‍ ബ്ലോഗ്ഗേര്‍സ്‌ മീറ്റ്‌, ഒരവലോകനം.

നമസ്കാരം,

ബൂലോകവാര്‍ത്തകള്‍ വായിക്കുന്നത്‌ ബ്ലോഗുകുമാരന്‍.


പ്രധാനവാര്‍ത്തകള്‍...


ബാംഗ്ലൂര്‍ ബൂലോകമീറ്റ്‌ ശ്രീജിത്തിന്റെ മേല്‍നോട്ടത്തില്‍ വിജയകരമായി സമാപിച്ചു. ശ്രീജിത്ത്‌, കുഞ്ഞന്‍, വര്‍ണ്ണമേഘങ്ങള്‍, അജിത്ത്‌, മഴനൂലുകള്‍, കല്ല്യാണി, കുട്ടപ്പായി തുടങ്ങിയവര്‍ സംബന്ധിച്ച മീറ്റിലൂടെ, പുതു സൌഹ്രുദങ്ങള്‍ക്ക്‌ മൊട്ടിടുകയും, ബൂലോകത്തേയും, ഭൂലോകത്തേയും കുറിച്ച്‌ അനവധി ചര്‍ച്ചകള്‍ക്കു വഴിതെളിയ്ക്കുകയും ചെയ്തതായാണ്‌ അറിയാന്‍ കഴിഞ്ഞത്‌. കൂടിക്കാഴ്ച്ചകള്‍ ഇനിയും തുടരാമെന്ന പ്രതീക്ഷകളോടെ, ഉദ്ദേശം പത്തര മണിയോടെ ചടങ്ങുകള്‍ക്കു തിരശ്ശീലവീണു.


വാര്‍ത്തകള്‍ വിശദമായി...

ഫോറം മാളില്‍ ശനിയാഴ്ച നടന്ന ബാംഗ്ലൂര്‍ ഘടകം ബൂലോകമീറ്റില്‍ അഭൂതപൂര്‍വമായ തിരക്കാണനുഭവപ്പെട്ടത്‌. കല്യാണി സൃഷ്ടിച്ച പ്രഭാവലയം മൂലം ബൂലോകികളുടെ ഇരിപ്പിടത്തിലും ചുറ്റിലും അല്‍പം തിരക്കനുഭവപ്പെട്ടതൊഴിച്ചാല്‍ സമ്മേളനം തികച്ചും ശാന്തിപരവും സമാധാനപൂര്‍ണ്ണവും ആയിരുന്നു.


സംഭവസ്ഥലത്ത്‌ വളരെ നേരത്തെ എത്തിച്ചേര്‍ന്ന മുഖ്യസംഘാടകന്‍ മണ്ടൂസ്‌ വഴിവിട്ട സ്ത്രീജനങ്ങള്‍ക്കു ക്ഷമിക്കണം, വഴിതെറ്റിയ ബൂലോകര്‍ക്കു നേര്‍വഴിയരുളി ഒരു നേര്‍വരയിലെത്തിച്ചു. മാളിന്റെയകത്തു മക്‍ഡോണള്‍ഡ്‌സിന്റെ മുന്നില്‍ തുടങ്ങിയ ബൂലോകചര്‍ച്ച, സാമ്പത്തിക അവലോകനങ്ങള്‍ക്ക് ശേഷം വെളിയിലേക്കും അടുത്തുള്ള തോമാസ്സുചേട്ടന്റെ ചായക്കടയിലേക്കും ചുവട്മാറ്റപ്പെട്ടു.

ഒരു സ്റ്റീല്‍ഗ്ലാസ്‌ നിറച്ച ചായയുടെ പുറത്തു തുടങ്ങിയ ബൂലോകത്തെ കുറിച്ചുള്ള ചര്‍ച്ചയില്‍, സൂവിനെ പിടികിട്ടാപ്പുള്ളിയായി പ്രഖ്യാപിക്കാനുള്ള പ്രമേയം അവതരിക്കപ്പെട്ടു. വിശാലന്റെ സര്‍ഗ്ഗക്ഷമതയേയും അരവിന്ദന്റെ ശുദ്ധനര്‍മ്മത്തേയും രണ്ടാമതു പറഞ്ഞ കക്ഷിയുടെ സാഹിത്യത്തിലുണ്ടായ പ്രകടമായ മാറ്റത്തേയും കുഞ്ഞന്‍ വിലയിരുത്തി. പാപ്പാനേയും ദേവരാഗത്തേയും കുറിച്ച്‌ വാചാലനായ മഴനൂലുകള്‍ അവരുടെ ചിലവരികള്‍ ഉദ്ധരിച്ച്‌ പൊട്ടിച്ചിരിയുടെ അലകളുണര്‍ത്തി. എല്ലാവരേയും അമ്പരപ്പിച്ച ശ്രീജിത്തിന്റെ സീരിയസ്സ്‌ മുഖത്തിനു നേരെ കുഞ്ഞന്റെ ക്യാമറ പലതവണ കണ്‍തുറന്നു. കാമറ കണ്ടപ്പോള്‍ തള്ളപക്ഷി തീറ്റ കൊടുക്കുമ്പോള്‍ കുട്ടിക്കിളികള്‍ വായതുറക്കുന്നപോലെ അദ്ദേഹം വാ പൊളിച്ചു.

പരിചയപ്പെടലുകളും തമാശകളുമായി കൂടിക്കാഴ്ച്ച പുരോഗമിയ്ക്കവേ, നെടുമങ്ങാടിന്റെ പ്രിയപുത്രന്‍ കുമാര്‍ ഫോണിലൂടെ മീറ്റിന്റെ അതിഥിയായി. എല്ലാവരോടും അല്‍പനേരം സംസാരിച്ച്‌ "എന്തരേണ് വിശേഷങ്ങള്‍ ചെല്ലാ, തള്ളേ ഈ മീറ്റ് നടക്കുമെന്ന് അമ്മേണെ ഞാന്‍ വിചാരിച്ചില്ല് പയലേ" എന്നൊക്കെ പറഞ്ഞ് അദ്ദേഹം തന്റെ ആശംസകള്‍ അറിയിച്ച്‌ പിന്‍വാങ്ങി. ഉടനേതന്നെ അചിന്ത്യയും ഫോണ്‍ വിളിച്ച്, തന്നെ അസാനിദ്ധ്യം എന്തെങ്കിലും തരത്തില്‍ അനുഭവപ്പെടുന്നോ എന്ന് ചോദിച്ചറിഞ്ഞു.

സംഘാടകരെക്കൂടാതെ സംഗമസ്ഥാനതെത്തിയ അജിത്തും, കല്യാണിയുടെ അര്‍ദ്ധപ്രാണന്‍ പ്രകാശും തങ്ങളുടെ വ്യക്തിപ്രഭാവം കൊണ്ടു സമ്മേളനം ധന്യമാക്കി. അല്‍പനേരം ഇന്ത്യാ റ്റുഡേ ലേഖനത്തെപ്പറ്റിയുള്ള കല്യാണിയുടെ വിവരണങ്ങളും ചൂടുപിടിച്ച സംവാദങ്ങള്‍ക്കുമിടയില്‍ കുട്ടപ്പായിയുടെ ഫോണില്‍ സംസാരിച്ചുകൊണ്ടുള്ള തനി അച്ചായന്‍ സ്റ്റൈലിലുള്ള നടപ്പുകണ്ട്‌(ഒരു കാല്‍ പൊന്നാനിയിലും മറു കാല്‍ പാപ്പനംകോട്ടും പ്രതിഷ്ഠിച്ച്‌), ഹോട്ടല്‍ നടത്തിപ്പുകാരന്‍ വരെ ചിരിച്ചു എന്നത്‌ അദ്ദേഹം അറിഞ്ഞിട്ടില്ല, ഇതുവരെ!

ബാംഗ്ലൂര്‍ ബ്ലോഗ്ഗേര്‍സ് കൂടായ്മ ഒരു അസ്സോസിയേഷന്‍ ആയി രൂപികരിക്കാനുള്ള നിര്‍ദ്ദേശവും ഹര്‍ഷാരവങ്ങളോടുകൂടി സ്വീകരിക്കപ്പെട്ടു. അപ്പോള്‍ അവിടെ ഉണ്ടായിരുന്ന ഏഴ് പേര്‍ക്കും ഓരോ സ്ഥാനം എന്തായാലും കിട്ടും എന്നതിനാല്‍ എല്ലാവരും ആവേശത്തോടെ തുടങ്ങിയ സീറ്റ് വിഭജന ചര്‍ച്ച, ട്രെഷറല്‍ എന്ന ഒറ്റ പോസ്റ്റിന്റെ പേരില്‍ ഉണ്ടായ കടിപിടിയെത്തുടര്‍ന്ന് ഒരു തീരുമാനമാകാതെ പിരിഞ്ഞു.

ആറ് മണിയുടെ മുംബൈ ഫ്ലൈറ്റ് പറക്കുന്നത് കണ്ടതോടെ, മഴനൂല്‍, ബാര്‍മുതലാളിയുടെ സിഗ്നല്‍ ആണതെന്നപോലെ "എന്നെ വിളിക്കുന്നു, നമുക്ക് പോകാം" എന്ന് പറഞ്ഞ് തുടങ്ങി. അന്നേരം കൊണ്ട് സംസാരത്തിന്റെ വേഗത വീണ്ടെടുത്ത ശ്രീജിത്തും, കുഞ്ഞനും മഴനൂലിന്റെ ഭാഷ്യം ശ്രദ്ധിക്കാതെ സംസാരം നിര്‍വിഗ്നം തുടരുന്നതിനിടയില്‍ ബാര്‍ മുതലാളിയുടെ രണ്ടാമത്തേയും മൂന്നാമത്തേയും റിമൈന്ററുകള്‍ മറ്റു ഫ്ലൈറ്റുകളുടെ രൂപത്തില്‍ വന്നു. മഴനൂല്‍ അസ്വസ്തനായി തുടരുന്നതിനിടെ ബാര്‍മുതളാളി ഒരു ഭീഷണി എന്ന കണക്കെ ഫൈറ്റര്‍ പ്ലെയില്‍ അയച്ചതോടുകൂടി പിടിവിട്ട മഴനൂല്‍ "ഇതിന്നത്തെ ലാസ്റ്റ് ഫ്ലൈറ്റ് ആണ്, ഞാന്‍‍ പോണു " എന്ന് പറഞ്ഞ് തുടങ്ങി.


മഴനൂലിന്റെ ആക്രാന്തത്തെ മാനിച്ചുകൊണ്ട് ചായക്കടയ്ക്കു വെളിയില്‍ കുഞ്ഞനും കല്യാണിയും പ്രകാശും വീണ്ടും കാണാമെന്നു പറഞ്ഞു പിരിഞ്ഞു. ചഷകങ്ങള്‍ നിറക്കാന്‍ ഒരു കമ്പനിക്കുള്ള മഴനൂലുകളുടെ ക്ഷണത്തെ ഐകകണ്ഠമായാണ്‌ എല്ലാവരും എതിരേറ്റത്‌ . മഴപെയ്തുനനഞ്ഞ വഴികളില്‍ തണല്‍മരങ്ങളുടെ ഛായയില്‍ നടക്കാന്‍ പ്രത്യേകം ശ്രദ്ധിച്ചിരുന്ന അദ്ദേഹം ഒരു തികഞ്ഞ മതസൌഹാര്‍ദ്ദവാദിയാണെന്നുള്ളതു (ചോദ്യങ്ങള്‍ അദ്ദേഹത്തോടു നേരിട്ടാവാം) ബൂലോകത്തിനു അഭിമാനിക്കാവുന്നതാണ്‌.

ചഷകങ്ങള്‍ നിറഞ്ഞപ്പോള്‍ കേരളരാഷ്ട്രീയത്തിലെ മൂല്യച്യുതികളേയും ജുഡീഷ്യറിയുടെ കഴിവുകേടിനെയും കുറിച്ചു വാചാലനായ വര്‍ണ്ണമേഘം, കേരളസംസ്ഥാനത്തില്‍ പടര്‍ന്നു കിടക്കുന്ന ചൊവ്വാദോഷം എന്ന മഹാമാരിയെക്കുറിച്ചു വര്‍ണ്ണിച്ചപ്പോള്‍ ശ്രീജിത്തിന്റെ പ്രസന്നമായ മുഖത്തു എന്തോ ഓര്‍ത്തിട്ടെന്നവണ്ണം ഒരു ശോകഛായ പടര്‍ന്നു.
ചഷകങ്ങള്‍ നിറയുകയും ഒഴിയുകയും ചെയ്യുന്നതോടൊപ്പം അജിത്ത്‌ മലയാളഭാഷയ്ക്കു പുതിയപുതിയ വാക്കുകള്‍ സംഭാവന ചെയ്യുകയായിരുന്നു. സുഹൃത്തു പുതുതായ്‌ വാങ്ങിയ ആള്‍ട്ടോ (കാര്‍) യെക്കുറിച്ചു കുട്ടപ്പായി സംസാരിച്ചപ്പോള്‍, ഓട്ടോ ഓടിയ്ക്കുന്ന software engineer- ഓ എന്നുവരെ അദ്ദേഹം അത്ഭുതപ്പെട്ടു!!!

പിന്നീട്‌, 20000 രൂപയുടെ ലോണിന്‌, 25000 രൂപാ പ്രോസ്സസ്സിംഗ്‌ ഫീ എന്ന അജിത്തിന്റെ അശരീരി കേട്ട്‌ 'എന്ത്‌?' എന്നെല്ലാവരും പുരികം ചുളിച്ചപ്പോള്‍ അത്‌ 20000,15000,10000 എന്ന കണക്കില്‍ കുറഞ്ഞ്‌ വന്ന്‌ അവസാനം 5000 ത്തില്‍ ഉറപ്പിക്കുകയും ചെയ്തു.അതെ തുടര്‍ന്ന്‌ ക്വോട്ട്‌ ഓഫ്‌ ദി മീറ്റ്‌ ആയി അജിത്തിന്റെ വാമൊഴികളെ തിരഞ്ഞെടുക്കുക്കയും, 'ചളിവീര കുമാരന്‍' എന്ന പട്ടം അദ്ദേഹം സവിനയം ഏറ്റു വാങ്ങുകയും ചെയ്തു.
എല്ലാം കേട്ടു രസിച്ച്‌, എന്നാല്‍ ശ്രദ്ധപൂര്‍ണ്ണമായും മദ്യത്തില്‍ത്തന്നെയൂന്നി മഴനൂലുകള്‍ സിഗരറ്റുകള്‍ ഒന്നൊന്നായി പുകച്ചുതള്ളി. എങ്കിലും ആ സായഹ്നത്തിന്റെ ജാലസ്മികത മൂലം ഉണ്ടായ ജഞ്ജിലിപ്പ് അദ്ദേഹം ജഡികാസ്മകമായി വദ്രമസ്മകരിക്കുന്നുണ്ടായിരുന്നു.

വാചാലമായ അന്തരീക്ഷം ബില്ലിന്റെ വരവോടെ ശ്മശാനതുല്യമായി. ബാംഗ്ലൂരില്‍ നടക്കുന്ന അടുത്ത കേരളവാരത്തില്‍ പണം വാങ്ങാതെ വില്ലടിച്ചാമ്പാട്ട്‌ അവതരിപ്പിക്കാമെന്ന ശ്രിജിത്തിന്റെ ഉറപ്പിന്മേല്‍ ഞങ്ങളെ പിരിയാന്‍ ഹോട്ടല്‍ അധികാരികള്‍ അനുവദിച്ചു. കണ്ണില്‍ നിറഞ്ഞ ബാഷ്പകണങ്ങള്‍ തെല്ലുവിഷമത്തോടെ മറച്ചു ഏവരും യാത്രാമൊഴി ചൊല്ലി. നല്ലൊരു സായന്തനം ചിലവഴിച്ച ചാരിതാര്‍ഥ്യത്തോടെ, ആ ഓര്‍മ്മകള്‍ അയവിറക്കി സ്വന്തം കൂടുകള്‍ തേടിപ്പറന്നു.

വാര്‍ത്തകള്‍ അവസാനിക്കുന്നില്ല,
പുതിയ വാര്‍ത്തകളുമായി വീണ്ടും സന്ധിക്കും വരൈ വണൈക്കം..

അംഗബലം കൊണ്ടും ആവേശം കൊണ്ടും അനശ്വരമായ മീറ്റിന്റെ ഏരിയല്‍ വ്യൂ പിടിയ്ക്കാന്‍ കറങ്ങിത്തിരിഞ്ഞ ബി.ബി.സി ഫ്ലൈറ്റിന്‌ നാമമാത്രമായ്‌ കിട്ടിയ പടത്തിന്റെ ലിങ്ക്‌ ഇവിടെ

Saturday, June 24, 2006

വിക്കിപീഡിയ

പ്രിയപ്പെട്ടവരേ....... പുല്ലൂരാന്‍ മാപിയയുടെ കാര്യം പറഞ്ഞപ്പോള്‍ ആണ് ഓര്‍മ്മ വന്നത്.

www.wikipedia.org യില്‍ കേരളത്തിലെ പല സ്ഥലങ്ങളേയും പ്രശസ്ത വ്യക്തികളേയും പറ്റിയുള്ള വിവരങ്ങള്‍ അപൂര്‍ണ്ണമായി കിടക്കുന്നു. സമയം കൈയ്യിലുള്ളവര്‍ക്ക് ഇവ പൂര്‍ണ്ണമാക്കാനോ പുതിയ വിവരങ്ങള്‍ കൂട്ടിച്ചേര്‍ക്കാനോ ശ്രമിച്ചുകൂടെ ?

Friday, June 23, 2006

വിക്കിമാപിയ

വിക്കിമാപിയ

എല്ലാരും ഒന്നു ആഞ്ഞു പിടിച്ചാലും!! ടാഗ്‌ ചെയ്യൂ.

ഇവിടെ
ഇവിടെ
ഇവിടെ
ഇവിടെ
ഇവിടെ
ഇവിടെ

ഒക്കെ ഒന്നു ക്ലിക്ക്‌ & സൂം ചെയ്തോക്കൂ

അതു പോലെ കേരളത്തിലെ എല്ലാ പ്രധാന സ്ഥലങ്ങളും ടാഗ്‌ ചെയ്യാം!

ചിലപ്പൊ ഹൈസ്പീഡ്‌ കണക്ഷന്‍ വേണ്ടി വരും!

ഞാനും ഉണ്ട്...

ബൂലോക ക്ലബ്ബില്‍ എത്തിയതില്‍ അതിയായ സന്തോഷം. ഇവിടം എപ്പോഴും പോസ്റ്റുകള്‍ കൊണ്ട് നിറഞ്ഞിരിക്കട്ടെ.....

പിന്നെ വേറൊരു കാര്യം (ഓഫ് ടോപിക്ക്) കേരളാക്ലിക്ക്.കോം മില്‍ ഇമെയില്‍ സെര്‍വീസ് തുടങ്ങിയിട്ടുണ്ട് , ഇന്‍ അസ്സോസിയേഷന്‍ വിത്ത് ഗൂഗിള്‍സ് ജിമെയില്‍...(ചിരിക്കുന്നു....)....

നിങ്ങളുടെ പേര് @ കേരളാക്ലിക്ക്.കോം ലഭ്യമാണ് . താല്പര്യമുള്ള ചങ്ങാതികള്‍ ദയവായി കേരളാക്ലിക്ക്.കോം വിസിറ്റ് ചെയ്യാന്‍ താല്പര്യം. അലെങ്കില്‍ ഒരു മെയില്‍ അയക്കൂ (webmaster(at)keralaclick.com)
ചന്ദ്രേട്ടന്‍ ഒരു യൂസര്‍ ആണ്.

Thursday, June 22, 2006

നിരക്ഷരന്റെ കവിത

ബൂലോഗ കൂട്ടായ്മ

വ്യാകരണ്ണത്തിന്നുമേഷ്ജി,
ആയുരാരോഗ്യത്തിന്നു ദേവന്‍,
നര്‍മ്മത്തിനിന്നു, വിശാലന്‍,അരവിന്ദന്‍,ശ്രീജിത്തും,
വിക്കി ക്വിസ്സിന്നു മന്‍ജിത്തുമൊപ്പം തന്‍ പാതി കൂട്ട്യേടത്തിയും.

പടത്തിന്നിന്നു കുമാറും, തുളസിയും, പുതുതായിട്ടു സിദ്ധാര്‍ത്ഥനും,
ഗവേഷണത്തിന്നപ്പുറം നിത്യ സഹായിയായ്, സന്തത സഹചാരിയായ് ,
പോസ്റ്റിലും വലിയ ഹാസ്യ കമന്റുമായ് വക്കാരിയും,

സാഹിത്യത്തില്ലൂന്നി കഥകള്‍ ചമക്കുന്ന പെരിങ്ങോടരും, ഏവൂരാനും,
ജ്യോതിസ്സും, സൂവും,പിന്നെ,അരിഗോണികല്‍ ചമക്കുന്ന ഇബ്രുവും,
ആരിഫും, ബൂലോഗ പടം ഒരുക്കുന്ന ഡ്രിസിലും,
വരയിലുമെഴുത്തിലും, അമ്പരപ്പിക്കൊന്നോരോ കഴിവുമായൊരു സാക്ഷിയും ,

നമ്മളെല്ലാരും എഴുതുന്ന വരമൊഴിക്കാശാന്‍ സിബു വേറെ തന്നെയും,
എല്ലാമറിഞ്ഞിട്ടും കണ്ണടച്ചിരിക്കുന്ന ബെന്നിയും, താന്‍ കുത്തിയ കുമ്പളങ്ങക്കുരു
മുളച്ചോന്ന് നോക്കുന്ന ചന്ദ്രേട്ടനും,

എങ്കിലും നമ്മള്‍ ഇന്നൊന്നായറിയുന്നു പരസ്പരം, കൂടുന്നു, എഴുതുന്നു, അതു തന്നെ നമ്മുടെ വിജയം , ബൂലോഗ കൂട്ടായ്മ.

അവസാന വാക്ക്.

ഇന്ന് വിക്കെണ്ട്. എന്നെ ആരും വീക്കരുത്. ഞാന്‍ ആള്‍ റെഡി ആറെണ്ണം വീക്കി, ഏഴാമന്‍ ഗ്ലാസ്സില്‍,ചാറ്റ് ചെയ്യേണ്ടവര്‍ക്ക് ഞാന്‍ അവിയലബിള്‍ (ക ട് : പെരിങ്ങോടന്‍)

ബ്ലോഗിനെ ഒരു PDF ആക്കുമ്പോള്‍...

ബ്ലോഗിനെ ഒരു PDF പുസ്തകമാക്കുമ്പോള്‍ ശ്രദ്ധിക്കേണ്ട ചില കാര്യങ്ങള്‍ ഇവിടെ കൊടുത്തിരിക്കുന്നു.

ബാംഗ്ഗ്ലൂര്‍ ബ്ലോഗന്മാരുടെ ഒന്നാം തിരു കൂടിക്കാഴ്ച.

ബാംഗ്ലൂര്‍ എന്ന സിലിക്കണ്‍ വാലിയുടെ ഉള്ളിലും പ്രാന്തപ്രദേശങ്ങളിലും പണി ചെയ്തും, ബ്ലോഗ്‌ ചെയ്തും ജീവിച്ച്‌ പൊരുന്ന എല്ലാ പുലി ജന്മങ്ങള്‍ക്കും വേണ്ടി ഒരു വട്ടമേശ സമ്മേളനം നടത്താന്‍ നാട്ടുകൂട്ടം തീരുമാനിച്ചിരിക്കുന്നു.

ദിവസം: ജൂണ്‍ 24 - 2006
സമയം: ഉദ്ദേശം 5 മണി വൈകുന്നേരം
വേദി: കൂലങ്കഷമായ ചര്‍ച്ചകള്‍ക്ക്‌ സ്ഥിരം വേദിയാകാറുള്ള 'ഫോറം മാള്‍'.

ആയതിന്റെ അവിഘ്ന നടത്തിപ്പിനും, അത്ഭുത വിജയത്തിനും എല്ലാ ബാംഗ്ലൂര്‍ ബ്ലോഗരേയും, തല്‍പര വായനക്കാരെയും സവിനയം ക്ഷണിച്ചു കൊള്ളുന്നു.

അറിയാവുന്നതും, വിരലിലെണ്ണാവുന്നതുമായ അഡ്രസ്സുകളില്‍ അറിയിക്കാന്‍ സാധിച്ചിട്ടുണ്ട്‌.
കുറിമാനം കിട്ടാത്ത അംഗങ്ങള്‍ ഇവിടെ കമന്റിയാല്‍ അറിയിപ്പും, നടത്തിപ്പും എല്ലാം ത്വരിത വേഗത്തിലാക്കാം..

ബാംഗ്ലൂര്‍ ബ്ലോഗന്മാര്‍ക്കു വേണ്ടി മാത്രം എന്നു ധരിച്ച്‌ മറ്റാരും ഒഴിഞ്ഞ്‌ നില്‍ക്കാതെ, 'എന്നാ പിന്നെ ഞാനും' എന്നും നിനച്ച്‌ രംഗം കൊഴുപ്പിക്കാന്‍ തീരുമാനമെടുത്താല്‍ ഞങ്ങള്‍ അതീവ സംതൃപ്തര്‍.
വിശാലന്റെ നേട്ടത്തില്‍ വിശാലമായി പങ്കു ചേരാനും, സന്തോഷിക്കാനും (ചഷകങ്ങള്‍ നിറയ്ക്കാനും..!) അതു വഴി സാധിക്കും എന്ന വസ്തുത കൂടി ഇതിനു പിന്നിലുണ്ടാകുന്നു.
നാട്ടില്‍ നിന്നും,മറ്റിടങ്ങളീല്‍ നിന്നും ഇതു വഴി കടന്നു പോകുന്ന പ്രിയ ബ്ലോഗ്‌ കുടുംബക്കാരോട്‌ ഇവിടം അന്നേ ദിവസം ഒരു ഇടത്താവളമാക്കാന്‍ അപേക്ഷ.

പ്രചോദനം: യു. ഏ . ഈ ബ്ലോഗ്‌ മീറ്റ്‌ വിജയിപ്പിക്കാന്‍ തുനിഞ്ഞിറങ്ങിയ മിഡില്‍ ഈസ്റ്റ്‌ ബ്ലോഗര്‍ക്ക്‌. ഞങ്ങളിലെ വീര്യം നിങ്ങളില്‍ നിന്നാര്‍ജ്ജിതം.

എന്ന്‌..
സവിനയം സംഘാടകര്‍
ഒപ്പ്‌.

എ.സി.വി യുടെ തലസ്ഥാന വാർത്താപരിപാടി

Image Hosted by ImageShack.us


വെള്ളിയാഴ്ച (23-06-06) രാത്രി 8 മണിക്കുള്ള എ.സി.വി യുടെ തലസ്ഥാന വാർത്തകളിൽ എന്റെ ബ്ലൊഗിനെക്കുറിച്ച്‌ അൽപം വിവരണം ഉണ്ടായിരിക്കുന്നതാണ്‌. തിരുവനന്തപുരത്തുനിന്ന്‌ കാണിക്കുന്ന ഈ വാർത്താപരിപാടി കാണുവാൻ കഴിയുമെന്നുള്ളവർ കാണുക.
ബാക്കി വിവരണം പരിപാടി കണ്ടതിന്‌ ശേഷം.
ഇല്ല വെളിച്ചം കാണിച്ചില്ല. കൂട്ടരെ ഇനി വെളിച്ചം കാണിക്കുമെന്ന്‌ പ്രതീക്ഷിക്കണ്ട അല്ലെ. ഇന്ന്‌ രാവിലെയും ഞാൻ ( Ph.04713256317) അന്വേഷിച്ചപ്പോൾ തീർച്ചയായും കാണിക്കും എന്നാണ്‌ പറഞ്ഞിരുന്നത്‌. ഇപ്പോൾ വിളിച്ചപ്പോൾ (Mob: 0934992467) എടുത്ത ബൈറ്റ്‌ മിസ്സായി ഒരിക്കൽകൂടി എടുക്കണമെന്ന്‌ പറയുന്നു. നോക്കാം ഏതുവരെ പോകുന്നുവെന്ന്‌. ഇത്‌ വെളിച്ചം കാണിച്ചില്ലയെങ്കിൽ എന്റെ ബ്ലോഗുകൾ കൂടുതൽ ശക്തമാക്കും.

പുതിയ ബ്ലോഗന്‍

പ്രിയ ബൂലോകരെ...
എന്റെ ഒരു സുഹൃത്ത് ഒരു ബ്ലോഗ് തുടങ്ങിയിട്ടുണ്ട്. ഇവിടെ ചെന്ന് ഒന്നു സ്വാഗതം ചെയ്‌താല്‍ നന്നായിരുന്നു. ആരെങ്കിലും അദ്ദേഹത്തിനു മലയാളത്തില്‍ ബ്ലോഗുന്നതിനെ കുറിച്ച് പറഞ്ഞു കൊടുത്താലും കൊള്ളാമായിരുന്നു. :)

വിശാലന്‌...



.....വര്‍ണ്ണമേഘം,മഴനൂല്‍.

യു.എ.ഇ ബൂലോക സമ്മേളനം.

പ്രിയ ബൂലോകരേ..
നേരത്തെ ചര്‍ച്ച ചെയ്‌തത് പോലെ, അഖില ബൂലോകരുടെ, യു.എ.ഇ രാജ്യാന്തര സമ്മേളനം 1181ആം ആണ്ട് മിഥുനം 23 (2006 ജൂലൈ 07) വെള്ളിയാഴ്‌ച നടത്തുന്നതിനെ കുറിച്ച് ആലോചിക്കുന്നു. സമ്മേളനം വിളിക്കാന്‍ ഇവനാരെടാ എന്നായിരിക്കും ചോദ്യം. ബ്ലോഗ് രത്നം കലേഷ് ആണ് എന്നെ ഈ ദൌത്യം ഏല്‍‌പിച്ചത്. ങാഹ..!! (ഡ്രിസില്‍ ശ്വാസം പിടിക്കുന്നു).
മുകളില്‍ പറഞ്ഞ തിയ്യതി ഒരു ഒഷ്‌പന്‍ മാത്രമാണ്. കുറേയേറെ യു.എ.ഇ ബ്ലോഗരുടെ മൊബൈല്‍ നമ്പറുകള്‍ എന്റെ കയ്യിലുണ്ട്. ഞാന്‍ വ്യക്തിപരമായി ബന്ധപ്പെടുന്നതിനേക്കാള്‍ നല്ലത്, ഇവിടെ ചര്‍ച്ച ചെയ്‌ത്, സ്‌ഥലവും തിയ്യതിയും ഉറപ്പിക്കുന്നതല്ലെ നല്ലത്? അഖില ബുലോക ഫോറം യു.എ.ഇ ചാപ്‌റ്ററിന്റെ അഭിമാനം, ഇന്‍‌ഡിക് ബ്ലോഗര്‍ അവാര്‍ഡ് ജേതാവ് ബഹു. ശ്രി ശ്രി വിശാലമസ്‌കന്‍‌ജിക്ക് യു.എ.ഇ ചാപ്‌റ്ററിന്റെ ഉപഹാരസമര്‍പ്പണവും ആലോചിക്കാവുന്നതാണ്. എല്ലാം, ഇവിടെ ചര്‍ച്ച ചെയ്‌ത് തീരുമാനത്തിലെത്തുമെന്ന് വിശ്വസിക്കട്ടെ. ബൂലോകത്തെ കുറിച്ച് ഒരു അര മണിക്കൂര്‍ നീളമുള്ള ഡോക്യുമെന്ററി ചെയ്യുന്ന കാര്യവും സമ്മേളനത്തിന്റെ അജണ്ടയില്‍ കൊണ്ടു വരാവുന്നതാണ്.

Wednesday, June 21, 2006

ഭാഷാഇന്ത്യാ അവാര്‍ഡ് സജീവിന് (വിശാലന്)

കൂട്ടുകാരെ,

അങ്ങനെ ഭാഷാഇന്ത്യയുടെ ബ്ലോഗ് അവാര്‍ഡ് ജേതാക്കളുടെ വിവരം ഇതാ പുറത്തുവന്നിരിക്കുന്നു. നമ്മളൊക്കെ കരുതിയ പോലെ കൊടകരപുരാണക്കാരനു തന്നെ അവാര്‍ഡ്.

പാനലിന്റെ തീരുമാനത്തിനോട് സാമ്യമുള്ള ബ്ലോഗുകള്‍ പ്രവചിച്ച വിശ്വപ്രഭയ്ക്കും അവാര്‍ഡുണ്ട്.

അപ്പോള്‍ വിശാലോ, ആഘോഷം തുടങ്ങുകയല്ലേ... എനിക്ക് ഹോട്ടുമതി കേട്ടോ. ബീറൊന്നും ഇപ്പോള്‍ ഏല്‍ക്കുന്നില്ല.

ദാ ലിങ്ക് : http://www.bhashaindia.com/Contests/IBA/Winners.aspx

പൊടിക്കൈകള്‍

എല്ലാവരോടും ഒരേ ഒരപേക്ഷ..
ഒത്തിരി കഷ്ടപ്പെട്ടാ ഈ പൊടിക്കൈകള്‍ ഒപ്പിച്ചത്‌.
പരീക്ഷിച്ച്‌ നോക്കിയിട്ട്‌ അറിയിക്കണം.
ഈ ലിങ്കില്‍ ലിങ്കൂ..

ഗഡിയും ചുള്ളനും

ഗഡി:
ഗഡിയെന്നാല്‍ 'അടുത്ത സുഹൃത്ത്‌' എന്നും 'സോള്‍ ഗഡി' എന്നാല്‍ വളരെ അടുത്ത സുഹൃത്ത്‌ എന്നതുമാണ്‌ പൊതുവില്‍ അര്‍ത്ഥമെങ്കിലും, നമ്മളോട്‌ അടുപ്പമുള്ള വ്യക്തിയോട്‌ വേറൊരു വ്യക്തിയെ പറ്റി പറയുമ്പോള്‍ അദ്ദേഹത്തെ ഗഡി എന്ന് പരാമര്‍ശിക്കാം.

ഉദാ:-
*ഇന്നലെ പാതിരാക്ക്‌ എതോ ഒരു അറബി എന്നെ ഫോണില്‍ വിളിച്ച്‌ അറബീല്‌ ജാതി പെരുക്കിഷ്ടാ.

'മനുഷ്യനെ മിനക്കെടുത്താതെ പോയി കിടന്നൊറങ്ങറ ഗഡീ'

എന്ന്‌ പറഞ്ഞ്‌ ഞാന്‍ മൊബെയില്‍ സ്വിച്ചോഫ്‌ ചെയ്തുവച്ചു.
ഇതിലെ ഗഡി അപരിചിതനായ അറബിയാണ്‌.

ചുള്ളന്‍:
സുന്ദരന്‍ എന്ന് തന്നെ അര്‍ത്ഥം. സുന്ദരാ അല്ലേ സുന്ദരീ എന്ന് വിളിച്ചാല്‍ ആര്‍ക്കും വല്യ പരാതിയൊന്നുമുണ്ടാവാത്തതുകൊണ്ടത്രേ അത്‌ വ്യാപകമായ വിളിയായിക്കിയത്‌. ഇപ്പോ ചുള്ളനും ഗഡിയും ഒരേ അര്‍ത്ഥത്തില്‍ പ്രയോഗിച്ചുവരുന്നുണ്ട്‌

ഉദാ:-
സ്വന്തം അച്ഛന്‍ ഡ്രസ്സ്‌ മാറി രാവിലെ പുറത്തേക്ക്‌ പോകുന്നത്‌ കണ്ട്‌ അമ്മയോട്‌ മകന്‍ ചോദിക്കുന്നു

*അമ്മേ, ദെവിടേക്കാ കാലത്ത്‌ തന്നെ ചുള്ളന്‍ ചെമ്പ്‌ റോളില്‍..?
* * *
പി.എസ്.: ഞാന്‍ ബ്ലോഗില്‍ സാധാരണ ഗഡിയെന്നും ചുള്ളനെന്നും വിളിക്കുന്നത്‌ 'പ്രിയ സുഹൃത്തേ' എന്ന അര്‍ത്ഥത്തിലാണ്‌.

worth posting?.

I was using varamozhi online for translating my manglish in to malayalam(ofcourse with all those spelling accuracies). Yesterday when I tried to open it, the page was redirected to the main page where I could not find the required one.

Whether this service is stopped or else there is a way to access it?. Need magnanimous guidance.

The url for that was "http://varamozhi.sourceforge.net/sallaapam/convert.php.

This link was provided by "devaragam" thru the blog.

Thanks in advance.

GANDHARVAN

Tuesday, June 20, 2006

വക്കാരീസങ്കല്‍പ്പം

പ്രത്യക്ഷപ്പെടാത്ത ശക്തികളെ (ഞാന്‍ ദൈവത്തെയാണ്‌ ഉദ്ദേശിച്ചതെന്ന് വിചാരിച്ച്‌ ഞെളിയണ്ടാ, കുട്ടിച്ചാത്തന്‍, മറുതാ, നെരിപ്പോടുമാടന്‍ ഇത്യാദിയാ മനസ്സില്‍) നമുക്ക്‌ ഇഷ്ടമുള്ള ഒരു രൂപത്തില്‍ സങ്കല്‍പ്പിക്കാനല്ലേ പറ്റൂ.

എല്ലാവരും കരഞ്ഞു വിളിച്ചിട്ടും വക്കാരി പ്രത്യക്ഷപ്പെടുന്നില്ല. ഫോട്ടോക്കു പകരം പ്രതിമയേയും പോസ്റ്റുമാനേയും അയച്ച്‌ പറ്റിക്കുന്നു. അതിനാല്‍ എനിക്കു വക്കാരിയെ സങ്കല്‍പ്പിക്കാന്‍ കഴിയുന്ന രൂപം ഇവിടെയിടുന്നു. ഇനിമേലില്‍ വക്കാരിമഷ്ടാ എന്നു പറയുമ്പോ ഞാന്‍ ഈ രൂപം ആലോചിക്കാം.

വാക്യത്തില്‍ പ്രയോഗിക്കുക

സിംഹാസനം

സര്‍ക്കസില്‍ ഒരു സിംഹമുണ്ടായിരുന്നു....

ഒരു ദിവസം സിംഹം തീവളയത്തില്‍‌ക്കൂടി ചാടി..

ചാടിയപ്പോള്‍ തീകൊണ്ട് അതിന്റെ സിംഹാസനം പൊള്ളിപ്പോയി.

(കഃട്-അനിയച്ചാര്‍ക്ക്)

ഒരു കടുപ്പമേറിയ ഫുട്ബോള്‍ ചോദ്യം!

ബൂലോക അന്തേവാസ്സികള്‍ക്കു മുന്‍പില്‍ ഒരു കടുപ്പമേറിയ ഫുട്ബോള്‍ ചോദ്യം!
2 മത്സരങ്ങള്‍ വീതം ഒരോ ടീമും കളിച്ചു കഴിഞ്ഞു, അപ്പോള്‍ എല്ലാവരും എല്ലാ ടീമിന്റേയും കളി കണ്ടിട്ടുണ്ടാകും.

ചോദ്യം ഇതാണ്‌...ഈ ലോകകപ്പ്‌ കളിക്കുന്ന ഏതെല്ലം രാജ്യങ്ങളുടെ ഫുട്ബോള്‍ ജേര്‍സ്സിയില്‍ അവരുടെ official logo -ക്കു മുകളില്‍ Star(s) ഉണ്ട്‌?

ചോദ്യം കടുപ്പമാണോ...? ഏയ്‌ അല്ല കേട്ടോ..ഉത്തരങ്ങള്‍ പോരട്ടെ..

അയണിച്ചക്ക

അയണിച്ചക്ക ആഞ്ഞിലി എന്ന മരത്തിൽ കായ്ക്കുന്നതും ഭക്ഷ്യ യോഗ്യവുമാണ്‌. ഇതിന്റെ വേരുപടലം വളരെ വ്യാപിച്ചു കിടക്കുന്നതിനാൽ മണ്ണിൽ നിന്ന്‌ വളരെയധികം മൂലകങ്ങൾ വലിച്ചെടുക്കുകയും കടുപ്പമുള്ള തടിയിലെ സൈലം എന്ന ഭാഗത്തുകൂടെ ഇലയിലെത്തുകയും അവിടെവെച്ച്‌ പാചകം ചെയ്യപ്പെടുന്ന ആഹാരത്തിന്റെ ഒരംശം പൂവും കായുമായി മാറുകയും ചെയ്യുന്നു. ക്യാമറ ഇല്ലാത്തതിനാൽ സ്കാനറിൽ സ്കാൻ ചെയ്തതു കാരണം പടം വ്യക്തമല്ല. എങ്കിലും കണ്ടിട്ടില്ലാത്തവരും കണ്ടിട്ടുള്ളവരും ഇത്‌ കാണട്ടെ അത്രയേ ഈ ബ്ലോഗുകൊണ്ട്‌ ഉദ്ദേശിച്ചുള്ളു. ഇതിന്റെ കുരുവിനെ അല്ലക്കുരു എന്നു പറയും. വരത്തു തിന്നാൻ കള്ളാം. കശുവണ്ടിപരിപ്പിൽ എൻഡോസൾഫാൻ ഉണ്ടാകാം ഇതിൽ അത്‌ ലവലേശമില്ല.

ഇഞ്ചിയുണ്ടോ കറിവേപ്പിലയുണ്ടോ?

എല്‍ജീ, സൂ, മറ്റു പാചകരേ,
അര്‍ജ്ജന്റ്‌ സഹായം വാണ്ടഡ്‌.

രണ്ടു വയസ്സില്‍ താഴെ ഉള്ള ഒരു കുട്ടിക്ക്‌ കഴിക്കാന്‍
1. ചീര
2. പാലക്‌
3. കാരറ്റ്‌
4. ബീറ്റ്‌ റൂട്ട്‌
5. ക്യാബേജ്‌
6. മധുരക്കിഴങ്ങ്‌
എന്നിവ ഒറ്റക്കോ ഒന്നിച്ചോ ചേര്‍ന്ന പാചക കുറിപ്പുകള്‍ വേണമല്ലോ
(എനിക്ക്‌ ആകെ ഇതു പുഴുങ്ങി ശകലം ഉപ്പു ചേര്‍ത്ത്‌ ഉടച്ച്‌ കൊടുക്കുന്ന സൂത്രപ്പണിയേ അറിയൂ. ശകലം കാരറ്റ്‌ പുഴുങ്ങി ഉടച്ച്‌ പഞ്ചാരവാക്കു പറഞ്ഞ്‌ ഒരു കുഞ്ഞാവക്ക്‌ കൊടുത്തിട്ട്‌ അവന്‍ അഞ്ഞൂറാന്‍ സ്റ്റൈലില്‍ ഥൂ എന്ന് തുപ്പിക്കളഞ്ഞു.)

ഇനി എനിക്ക്‌ ഒരു കാര്യം പറഞ്ഞു തരണേ. ഞാന്‍ ഈ കാസ്സറോള്‍ എന്നുവച്ചാല്‍ ശാപ്പാടു ചൂടാറാത്ത പാത്രം ആണെന്നാ വിചാരിച്ചിരുന്നത്‌. ഈ പ്രശ്നം ഒരന്താരാഷ്ട്ര പ്രശ്നമാക്കിയപ്പോ മദാമ്മാരും മറ്റും ഇതെല്ലാം കൊണ്ട്‌ കാസ്സറോള്‍ ഉണ്ടാക്കി കൊടുക്കാന്‍ പറയുന്നല്ലോ.

Monday, June 19, 2006

മടങ്ങിവരൂ...


ഈ കരച്ചില്‍ കാണുന്നില്ലേ.
ബൂലോഗ ക്ലബ്ബിനെ അനാഥമാക്കാതെ പടിയിറങ്ങിപോയവര്‍ ദയവായി മടങ്ങിവരൂ.

സഹായിക്കൂ...

എന്റെ ഒരു അടുത്ത സുഹൃത്തിന് (മലയാളി) ഇന്തോനേഷ്യയില്‍ കലിമന്താനിലുള്ള ബഞ്‌ജാര്‍മാസിന്‍ (Banjarmasin) എന്ന സ്ഥലത്തൂന്ന് ഒരു ജോലി ഓഫര്‍ കിട്ടി. ആ സ്ഥലത്തെ കുറിച്ച് വിക്കിയിലൊക്കെ തപ്പീട്ട് വളരെ കുറച്ച് വിവരങ്ങളേ കിട്ടിയുള്ളു.
ആ ഓഫര്‍ സ്വീകരിക്കണോ വേണ്ടയോന്ന് പുള്ളിക്കിതുവരെ തീരുമാ‍നിക്കാനായിട്ടില്ല.


പ്രിയ ബൂലോഗരേ, ആര്‍ക്കേലും ഇന്തോനേഷ്യയില്‍ ജോലി ചെയ്യുന്നതിനെകുറിച്ച് വല്ല ഐഡിയയും ഉണ്ടോ? ഉണ്ടേല്‍ ദയവായി അതെകുറിച്ച് ഒന്ന് കമന്റുമോ?

മാത്തപ്പന്‍

അന്ന് ചേട്ടന്‍ ബഹറിനില്‍ നിന്ന് ആദ്യമായി വെക്കേഷന്‌ നാട്ടില്‍ വരുന്ന ദിവസമായിരുന്നു.

ചേട്ടന്റെ ഫേവറൈറ്റ്‌ ചക്കക്കൂട്ടാനും കൂര്‍ക്ക ഉപ്പേരിക്കും പുറമേ ചേട്ടന്‌ ഒരു കിലോ ആട്ടിറച്ചിയും ഞങ്ങള്‍ക്ക്‌ പോത്തിറച്ചിയും വാങ്ങി എല്ലാമൊരുക്കി ഞങ്ങള്‍ കാത്തിരുന്നു.

പ്രതീക്ഷിച്ചതിലും നേരത്തേ ചേട്ടനേയും കൊണ്ട്‌ വിജയേട്ടനും സംഘവും എത്തി. ബ്രൂട്ടിന്റെ രൂക്ഷഗന്ധം അവിടമാകെ വ്യാപിച്ചു.

കെട്ടിപ്പിടുത്തങ്ങള്‍ക്കും കരച്ചിലും പിഴിച്ചിലിനും ശേഷം ഹാളിലെത്തി, മൊത്തത്തില്‍ ഒന്ന് കണ്ണോടിച്ച ചേട്ടന്‍ സ്വിച്ച്‌ ബോഡിലേക്ക്‌ നോക്കി മുഖത്ത്‌, 'ങേ..?' എന്നൊരു ചോദ്യഛിന്നത്തൊടെ അമ്മയോട്‌ ചോദിച്ചു.

ഏതാ ഈ മാത്തപ്പന്‍???

പൊട്ടിച്ചിരിച്ചിരികള്‍ക്കിടയില്‍ ഞാന്‍ പോയി, സ്വിച്ച്‌ ബോഡില്‍ തിരുകി വച്ച, 'ശ്രീ.മുത്തപ്പന്‍ ഈ വീടിന്റെ ഐശ്വര്യം' എന്ന് എഴുതിയ തകിട്‌ എടുത്ത്‌ പൊന്തിച്ചു വച്ചു.

ഇന്നത്തെ കണി സിബു.

ഇന്ന് രാവിലെ കണികണ്ടത്‌ സിബുവിനെയാണ്‌. സിന്‍ഡി ക്രോഫോഡിനെപ്പോലെ മനോഹരമായ ബ്യൂട്ടി സ്പോട്ടോടുകൂടിത്തന്നെ സിബുവിനെ കണ്ടു. മലയാളമനോരമ ഇന്നത്തെ പ്രിന്റ്‌ എഡിഷനില്‍.
മലയാളം ബ്ലോഗുകളെക്കുറിച്ചും മലയാളം വിക്കിയെക്കുറിച്ചും ഉള്ള ലേഖനം. അതും ഈ വായനവാരത്തില്‍ തന്നെ വന്നു. അതു ഇവിടെ പതിക്കുന്നു. റൈറ്റ്‌ ക്ലിക്ക്‌ ചെയ്താല്‍ വിശദമായി വായിക്കാം.



ഇത്തരം ചിലകാര്യങ്ങള്‍ പറയാനും കാണിക്കാനും ചര്‍ച്ചചെയ്യാനും പറ്റിയ ഒരു വേദികൂടിയായി ക്ലബ്ബിനെ മനസില്‍ കാണുന്നത്‌ കൊണ്ട്‌ ഞാന്‍ ഇവിടുന്ന് ഇറങ്ങിപ്പോകുന്നില്ല. പകരം പടിയിറങ്ങിയവരെ വീട്ടിലെ ഒരംഗത്തെപ്പോലെ ഇവിടേക്ക്‌ തിരികെ വിളിക്കുന്നു.

ബ്ലോഗ് ഗ്രൂപ് ഫോടൊ

പ്രിയ ബ്ലോഗീ ബ്ലോഗന്മാരേ.. അന്ന് ദാ ഇവിടെ ഞാനോരു വാക്ക് പറഞ്ഞിരുന്നു. വാക്ക് പറഞ്ഞാല്‍ പറഞ്ഞതാ ഈ ഡ്രിസില്‍. ഹാ..!!! ഇന്നാ പിടിച്ചോ...!! ഗ്രൂപ് ഫോടോ ഇവിടെ ഉണ്ട്.

Sunday, June 18, 2006

ലോകകപ്പ് ബ്ലോഗ്

കപ്പ് തുടങ്ങുന്നതിനു മുമ്പെ ആലോചിച്ച്തായിരുന്നു... എല്ലാരും കൂടെ ഒരു ലോകകപ്പ് ബ്ലോഗ് തുടങ്ങിയാലോന്ന്‌?

പറ്റുന്ന കളികള്‍ക്കൊക്കെ തുടങ്ങുന്നതിനു മുന്നെ തന്നെ ഓരോ പോസ്റ്റിടാം... കളി നടക്കുമ്പോള്‍ തത്സമയം എല്ലാവര്‍ക്കും കമന്റുകള്‍ വഴി കളി വിശകലനം ചെയ്യാം...

എല്ലാരും തിരക്കിലയതു കൊണ്ട് നടക്കില്ലാ എന്നു തോന്നിയതു കൊണ്ട് നേരത്തെ പറഞ്ഞില്ല. ഇപ്പോ കളികള്‍ മൂത്തു വരുമ്പോ ;-)

ആര്‍ക്കെങ്കിലും സമയമുണ്ടെങ്കില്‍ പറയൂ...

Friday, June 16, 2006

കുട്ട്യേടത്തിയസ്യ , മണ്ടന്‍ ശ്രീജിത്തസ്യ , പ്രചോദനസ്യ

ഒരിക്കല്‍ നോം (കട: വിശാലേട്ടന്‍) നമ്മുടെ വകയിലെ ഒരു ജ്വേഷ്ടന്റെ ജാതകം ഒത്തുനോക്കാനായി നമ്മുടെ ആസ്ഥാന കണിയാന്റെ അടുത്ത്‌ എത്തിച്ചേരുകയുണ്ടായി. നമ്മുടെ ഉറ്റസുഹൃത്തും കൂടെ എഴുന്നെള്ളിയിരുന്നു.

ആസ്ഥാന കണിയാരുടെ വസതി കോണ്‍ക്രീറ്റ്‌ കൊണ്ട്‌ നിര്‍മ്മിക്കപ്പെട്ടതായിരുന്നു. വാസ്തുകലയില്‍ രഥാലയം എന്നും ഇപ്പോള്‍ കാര്‍ പോര്‍ച്ച്‌ എന്നും അറിയപ്പെടുന്ന സ്ഥലത്ത്‌ ആയിരുന്നു ഇടപാടുകര്‍ അഥവാ കസ്റ്റമേഴ്സ്‌ കാത്തിരിക്കേണ്ടത്‌. ഒടിച്ചുമടക്കാവുന്ന ഇരുമ്പു കസേര നാലെണ്ണം അവിടെ സ്ഥാപിച്ചിരുന്നു വരുന്നവര്‍ക്കിരിക്കാന്‍.

നോം അവിടെ എത്തിച്ചേരുമ്പോള്‍ അകത്ത്‌ കണ്‍സള്‍ട്ടേഷന്‍ നടക്കുകയായിരുന്നു. അതിനാല്‍ തോഴനോടൊപ്പം നമ്മള്‍ തുരുമ്പുമണമുള്ള കസേരയില്‍ ഇരുന്നു.

മറ്റുള്ളവരുടെ സ്വകാര്യതയില്‍ എത്തി നോക്കുന്ന നമ്മുടെ ശീലം ഇവിടെയും പൊന്തി വന്നു.എത്തിനോക്കി. സാരിയുടുത്ത യുവതി. 30 വയസ്സു തോന്നിക്കുമായിരിക്കണം. കൂടെയൊരു മദ്ധ്യവയ്സ്ക.

ലോകത്തുള്ള കണിയാന്മാരില്‍ 100ല്‍ 99..99 ഉം ശ്ലോകം ബെയ്സ്ഡ്‌ ആണല്ലോ?അതായത്‌
ഗംഭീര ഹോട്ടസ്യ
സഹി ന കര്‍മ്മസ്യ'
എന്തൊരു ചൂട്രപ്പ, സഹിക്കാന്‍ പറ്റണില്ല്യടക്കെ' എന്ന് പറയുന്നതിന്‌ മുമ്പ്‌ അവര്‍ എബൌവ്‌ മെന്‍ഷന്‍ഡ്‌ ശ്ലോകം ട്രാന്‍സ്മിറ്റ്‌ ചെയ്തിരിക്കും.

അകത്തു നടന്ന ഡയലോഗ്‌ ചോര്‍ത്തിയത്‌:

കണിയാന്‍:
സഹസ്രാമറി പറഞ്ഞസ്യന:
പരിണയ യോഗസ്യ:
ച്ചാല്‍. കുട്ടീ, ആയിരം മറി ഞാന്‍ പറഞ്ഞുതന്നതല്ലേ? കുട്ടീയുടെ ജാതകത്തില്‍ വ്യാഴം കോങ്കണ്ണിനാല്‍ നോക്കി നില്‍ക്കുകയാണ്‌. കോടിയില്‍ ഒരാള്‍ക്ക്‌ വരുന്ന യോഗം. വിവാഹയോഗം ല്ല്യ ത്രന്നെ.

ഒരു യുവതിയുടെ മധുരതരമായ ചെറു ശബ്ദത്തിന്‌ ഇടിമുഴക്കമാകാന്‍ കഴിയുമെന്ന് എനിക്ക്‌ മനസിലായത്‌ ആ നിമിഷമായിരുന്നു.

ചെവി കൂര്‍പ്പിച്ചുപോയി. മലയാളി ആയിപ്പോയില്ല്യേ?

ഇടിമുഴക്കം: അല്ല പണിക്കരേ.... ഈ സീതയും രാമനും ജാതകം നോക്കിയിട്ടാണോ കെട്ടിയത്‌? വില്ലൊടിച്ചവന്‍ കെട്ടി. അത്രല്ല്യേ ഉള്ളൂ. ജാതകം ചേര്‍ന്നവന്മാരൊന്നുമല്ലല്ലോ വില്ല് ബ്രേയ്ക്ക്‌ ചെയ്യാന്‍ വന്നത്‌. ആണോ പണിക്കരേ?
കണിയാന്‍: പ്പെ പ്പെ പ്പെ പ്പെ പ്പെ പ്പെ പ്പെ

ഇടിമുഴക്കം: വാസ്‌ പാണ്ഡവ- ദ്രൌപതി കമ്പയേര്‍ഡ്‌ ദേര്‍ ജാതകംസ്‌?

കണിയാന്‍: ള്ള ള്ള ള്ള ള്ള ള്ള ള്ള ള്ള ള്ള ള്ള

ഇടിമുഴക്കം: കൃഷ്ണന്‍ ഭാമ?കണിയാന്‍: പ്പു പ്പു പ്പു പ്പു പ്പു പ്പു പ്പു പ്പു പ്പു

ഇടിമുഴക്കം: ഭീമന്‍ ഹിഡുംബി???? ഈസ്‌ ദേര്‍ എനി എവിഡന്‍സ്‌ ഇന്‍ മഹാംഭാരത? ടെല്‍ മീ..

കണിയാന്‍: ബ്ബ ബ്ബ ബ്ബ ബ്ബ ബ്ബ ബ്ബ ബ്ബ ബ്ബ ബ്ബ ബ്ബ

ഞങ്ങള്‍ കൂടി കയ്യിലുള്ള ജാതകങ്ങള്‍ 1432 കഷ്ണങ്ങളാക്കി. പുറത്തിറങ്ങിയ ആ യുവതിയെ കടലാസ്‌ വൃഷ്ടിയില്‍ മുക്കി, ജാതക യുക്തിവാദികളായി പ്രഖ്യാപിച്ചു.

ഇതസ്യ പോസ്റ്റസ്യ ശുഭസ്യ:
കുട്ട്യേടത്തിയസ്യ പോസ്റ്റസ്യ
മണ്ടന്‍ ശ്രീജിത്തസ്യ പോസ്റ്റസ്യ
പ്രചോദനസ്യ ഇതി പോസ്റ്റസ്യ
പ്ലീസ്‌ കമന്റസ്യ:

Thursday, June 15, 2006

നഗരവല്‍ക്കരണം

എല്ലാ പുഴകളും ഒരു കടലിലേക്ക്, എല്ലാ ശരരേഖകളും ഒരേ ഭൂമിയിലേക്ക് ! എന്‍റെ തൊട്ടടുത്ത ഗ്രാമമായ നടുവട്ടത്ത് നിന്നും. ഫോട്ടോ 2001 ലേതാണ്.ഇതിപ്പോഴും അങ്ങനെതന്നെയുണ്ടോ എന്നറിയില്ല.

ഒരാള്‍കൂടി

കമ്പ്യൂട്ടര്‍, ഇന്റര്‍നെറ്റ്, ഇമെയില്‍ എന്നൊക്കെ കേട്ടാല്‍ തിരിഞ്ഞോടുന്ന കേരളത്തിലെ പത്രപ്രവര്‍ത്തക സുഹൃത്തുക്കളെപ്പറ്റി ഞാന്‍ പലയിടത്തും പറഞ്ഞിട്ടുണ്ട്. അതില്‍പ്പെടാത്ത ചുരുക്കം ചിലരിലൊരാളാണ് മംഗളം ദിനപത്രത്തിലെ ന്യൂസ് എഡിറ്റര്‍ ഇ പി ഷാജുദ്ദീന്‍. മുണ്ടക്കയത്തിനടുത്ത് കൂട്ടിക്കല്‍ സ്വദേശി. ദീപികയില്‍ എന്റെ സഹപ്രവര്‍ത്തകനായിരുന്നു. ഷാജുദ്ദീന്‍ സ്തുതിയായിരിക്കട്ടെ എന്ന പേരില്‍ ഒരു ബ്ലോഗ് തുറന്നിട്ടുണ്ട്. സമയവും സൌകര്യവുമുള്ളവര്‍ അവിടെയും പോയി ഒരു സ്വാഗതം പറയുക.

തിരിച്ചടി സ്റ്റ്രാറ്റജി -2 (പൊക്കിയെടുത്തത്)

(അന്ന് കുമാര്‍ജിയുടെ ‘ഗോപാലകിഷയണ്ണന്‍‘ വായിച്ചപ്പോളോര്‍‌ത്തത്)


ശിവന്‍‌മാമക്ക് കവലയില്‍ വച്ച് വെട്ടു കൊണ്ടെന്ന് കപ്പയ്ക്ക് കിളക്കാന്‍ വരുന്ന തങ്കനാണ് ഓടിക്കിതച്ച് വന്ന് പറഞ്ഞത്.
നേരം സന്ധ്യമയങ്ങിയിരുന്നു.

അമ്മായി, അയ്യോ എന്റെ ദൈവമേ എന്റനിയന്‍!! എന്ന് നിലവിളിച്ച്, നെഞ്ചത്ത് രണ്ട് പ്രാവിശ്യം തമ്പേറടിച്ച്, താഴോട്ടിരിക്കുന്നത് കണ്ടു.

തങ്കനു പിന്നാലെ വന്ന രാജനും, സുനിയുമാണ് കാര്യങ്ങള്‍ പറഞ്ഞ് അമ്മായിയെ ആശ്വസിപ്പിച്ചത്.
സീരിയസ്സാക്കാനില്ല.

പണ്ട് പഞ്ചായത്ത് മെംബറായിരുന്ന ശിവന്മാമ ചെറിയ ഒര്‍തിര്‍ത്തി പ്രശ്നം തീര്‍ക്കാന്‍ പോയതായിരുന്നു. പ്രതിഭാഗത്തുള്ള കാപ്പിക്കടക്കാരന്‍ സദാശിവനോട് ന്യായം പറഞ്ഞ്, ഒരു ഭീഷണി സ്വരത്തില്‍ വേലി മാറ്റിക്കെട്ടണം എന്ന താക്കീത് നല്‍കി തിരിഞ്ഞു നടന്നപ്പോള്‍, സദാശിവന്‍ പിന്നാലെ വന്ന്, മണ്ടക്കിട്ട് മടവാളിനൊരു കൊട്ടു കൊടുത്തു പോലും.

അതാണ് പിന്നെ വെട്ടായത്.

മണ്ടയല്ലേ..കൊട്ടിയാല്‍ പൊട്ടാതിരിക്കുമോ? പൊട്ടി, ചോര ചീറ്റി. ജീപ്പ് വിളിച്ച് ശിവന്മാമയെ ആശുപത്രിയിലേക്ക് നാട്ടുകാര്‍ ശുഷ്കാന്തിയോടെ കൊണ്ടുപോയി. ചോര കണ്ട് ഞെട്ടി സദാശിവന്‍ പിന്മതിലും കാനയും ചാടി ഓടി മറഞ്ഞു പോലും.

അമ്മായി വിങ്ങുന്നു.

വിവരം കേട്ട് അയല്പക്കത്ത് നിന്നും ടീച്ചറും പിള്ളേരും വന്നു. മണിയമ്മാവനും ശാരദാമായിയും പിന്നാലെ. മറിയാമ്മച്ചേടത്തിയും താമസിയാതെ എത്തി. ബന്ധുജനങ്ങള്‍ ഈ അവസരത്തില്‍ അമ്മായിക്ക് കൂട്ടുള്ളത് ഭാഗ്യം.

ശേഖരേട്ടന്‍ അളിയനു പിന്നാലെ ആശുപത്രിയിലേക്ക് ടാക്സി പിടിച്ച് പോയത്രേ..ദൈവമേ ഒന്നും വരുത്തരുതേ..മണ്ണാര്‍ശാല ഉരുളി കമഴ്ത്തിയുണ്ടായ അനിയന്‍ കുഞ്ഞാണേ...ശിവനേ, ശിവനെ കാത്തോളണേ..
അമ്മായി ഉറക്കെ പ്രാര്‍ത്ഥിക്കുന്നു.

രാജനും സുനിയും ആശുപത്രിയില്‍ പോയി വിവരം തിരക്കി വരാമെന്ന് പറഞ്ഞ് ഓട്ടോക്കൂലിയും വാങ്ങിപ്പോയി.

പിന്നാമ്പുറത്തെ ചായ്പ്പിലെ ലൈറ്റിട്ട് വീട്ടിലവശേഷിച്ച പിള്ളേരും പെണ്ണുങ്ങളും അവിടെ ഇരിപ്പായി.

അല്പം മാറി പത്രം മറിച്ച് നോക്കി മണിയന്‍മാമയും ഉണ്ടല്ലോ..അങ്ങേര് പോണില്ലേ ആശുപത്രീല്? ഓ, അവിടെ പോയിട്ട് എന്ത് പ്രയോജനം?

ഫോണ്‍ മുഴങ്ങി. അമ്മായി ഓടി ചെന്നെടുക്കുന്നു.
കുഴപ്പം ഇല്ലത്രെ. വെറും രണ്ട് കുത്തിക്കെട്ട്. എട്ടരയാകുമ്പോഴേക്കും ശേഖരേട്ടന്‍ ശിവന്മാമയേയും കൊണ്ട് വീട്ടിലെത്തും.നതിംഗ് ടു വറി.

“അവനെ വെറുതെ വിടരുത്..ആ സദാശിവനെ”
ടീച്ചര്‍ ഉറക്കെ പ്രഖ്യാപിച്ചു. “പോലീസില്‍ കേസ് കൊടുക്കണം.”

“എന്നാലും അവന്റെ ഒരു ധൈര്യം...നല്ല വക്കീലിനെ വല്ലതും കാണണം..കിടക്കണം, ആ എമ്പോക്കി, അകത്ത് കുറേക്കാലം” ശാരദാമ്മായി ശരിവച്ചു.

“പിള്ളേരെ വിട്ട് നല്ലത് രണ്ട് കൊടുക്കുവാ വേണ്ടേ..എന്നിട്ടേ പോലീസില്‍ പിടിപ്പിക്കാവൂ” അമ്മായിക്കും അതേ അഭിപ്രായം.

“ഒന്നും വേണ്ട !“

സ്ത്രീ ശബ്ദങ്ങളുടെയിടയില്‍ ഒരു പുരുഷ ശബ്ദം മുഴങ്ങി. എല്ലാവരും ഞെട്ടി തിരിഞ്ഞു നോക്കി. സാധാരണ കേള്‍ക്കാത്ത ശബ്ദം. മണിയമ്മാവനാണല്ലോ...

“ഒന്നും വേണ്ട..” പത്രം താഴ്ത്തി അങ്ങേര്‍ പറഞ്ഞു.
“പോവുക- അവന്റെ ചായക്കട അങ്ങ് കത്തിക്കുക”

ആരും ഒന്നും മിണ്ടിയില്ല. ശാരദാമ്മായി പോലും.

അല്പസമയം കഴിഞ്ഞ് സ്ത്രീകള്‍ വീണ്ടും ചര്‍ച്ചയാരംഭിച്ചു. വക്കീലാര്, പോലീസില്‍ പോയാല്‍ സ്വൈരക്കേടാകുമോ, പുറത്ത് നിന്ന് പിള്ളേരെ വിളിച്ചു വരുത്തണോ...ചര്‍ച്ച മെല്ലെ മുറുകി.

“ഒന്നും വേണ്ട..” പെട്ടെന്ന് പിന്നില്‍ നിന്നും വീണ്ടും പുരുഷ ശബ്ദം. അങ്ങേരാണല്ലൊ പിന്നേം.

ഞെട്ടി നിശബ്ദം നോക്കുന്ന സ്ത്രീ മുഖങ്ങളെ ഒന്നു നോക്കി വീണ്ടും മണിയമ്മാവന്‍ പറഞ്ഞു.
“അതൊന്നും വേണ്ട..നേരെ പോവുക..അവന്റെ കട അങ്ങ് കത്തിക്കുക.”

സ്ത്രീകള്‍ പരസ്പരം നോക്കി. ആരും ഒന്നും മിണ്ടിയില്ല.
നിമിഷങ്ങള്‍ കഴിഞ്ഞുപോയി. മറിയാമ്മച്ചേടത്തി വീണ്ടും സംസാരിക്കാന്‍ തുടങ്ങി. വക്കീല്, പോലീസ്, പാര്‍ട്ടി, തിരിച്ച് തലക്ക് വെട്ട് ..
സ്ത്രീ ശബ്ദങ്ങള്‍ വീണ്ടു ചായ്പ്പില്‍ പൊങ്ങി.

“ഒന്നും വേണ്ടാന്ന് പറഞ്ഞില്ലേ!!“
പുരുഷശബ്ദം ഇത്തവണ നന്നേ ഉയര്‍ന്നിരുന്നു.
“പോവുക, അവന്റെ കട കം‌പ്ലീറ്റ് അങ്ങ് കത്തിക്കുക”


......

ശാരദാമ്മായി പതുക്കെ എഴുന്നേറ്റത് ആരും കണ്ടില്ല.

“ഇങ്ങേരിത് കൊറേ നേരമായല്ലോ കട കത്തിക്ക് കട കത്തിക്ക് എന്ന് അവിടിരുന്ന് പറയുന്നു.!“ ശാരദാമ്മായി കണവനെ നോക്കി ചീറ്റി.
“ആരോടാ ഈ കത്തിക്കാന്‍ പറയുന്നേ? എന്നാ ഇങ്ങേര് തന്നെ അങ്ങോട്ട് പോയി അങ്ങ് കത്തീര്. അവിടെ കത്തിക്ക് ഇവിടെ കത്തിക്ക് എന്ന് പറഞ്ഞോണ്ടിരിക്കാതെ!. ഹല്ലപിന്നെ!“

ടിം.

ചായ്പ്പില്‍ പിന്നെ പുരുഷശബ്ദം കേട്ടതേയില്ല. ന്യൂസ് പേപ്പര്‍ മറിക്കുന്ന ശബ്ദം മാത്രം സ്ത്രീകളുടെ സംസാരത്തിനൊപ്പം ഇടവിട്ട് കേട്ടുകൊണ്ടിരുന്നു.

ഏകോപനമില്ലായ്‌മ

ഒരു ടിപ്പിക്കല്‍ പത്രവാര്‍ത്ത.



ആളാരാണെന്ന് മനസ്സിലായില്ല അല്ലേ... സാരമില്ല. നമുക്ക് മനോരമ വായിക്കാം.



ഇപ്പം പിടികിട്ടിയില്ലേ ആളാരാണെന്ന്. ഇത്രയേ ഉള്ളൂ. തൊട്ടപ്പുറത്തായിരുന്നല്ലോ ദീപിക ഓഫീസ്. ഒരു ഓട്ടോ പിടിച്ച് പോയി, ചേട്ടാ, ഇതില്‍ നമ്മള്‍ ആളെ പറയണോ അതോ എങ്ങും തൊടാതെ പറയണോ എന്നൊന്ന് ചോദിച്ചിരുന്നെങ്കില്‍ ഈ കണ്‍‌ഫ്യൂഷന്‍ ഉണ്ടാകുമായിരുന്നോ?

ഇനി താഴെ കാണുന്ന സംഭവത്തില്‍ ഇതൊക്കെ ലൈവായി കാണിച്ച് ആനന്ദിക്കുന്ന ടി.വിയണ്ണന്മാര്‍ക്ക് എത്രമാത്രം പങ്കുണ്ട്?



സാരമില്ല. ഇനി നാലുകൊല്ലവും പതിനൊന്നു മാസവും കൂടി ഈ കലാപരിപാടികള്‍ തുടരും.

Wednesday, June 14, 2006

നഗരത്തിലൊരു തണല്‍വഴി.

പാവം കള്ളന്‍!



(ചിത്രത്തിന് കടപ്പാട്: മലയാള മനോരമ വാര്‍ത്ത)

Tuesday, June 13, 2006

ഗുരുക്കെണി

മരങ്ങളുടെ ഒടുക്കത്തെ പേരുകളൊക്കെ ഇരന്നും തുരന്നും പുസ്തകവും ഗൂഗിളും അറുത്തു മാറ്റിയും ഒരുതരത്തില്‍ പിഴച്ചുപോകുമ്പോഴാണു തണുപ്പന്റെ ബ്ലോഗിലിട്ട്‌ എന്നെ ഗുരുക്കള്‍ പൊക്കിയത്‌

ഗുരുക്കെണി
മരങ്ങളുടെ ഒടുക്കത്തെ പേരുകളൊക്കെ ഇരന്നും തുരന്നും പുസ്തകവും ഗൂഗിളും അറുത്തു മാറ്റിയും ഒരുതരത്തില്‍ പിഴച്ചുപോകുമ്പോഴാണു തണുപ്പന്റെ ബ്ലോഗിലിട്ട്‌ എന്നെ ഗുരുക്കള്‍ പൊക്കിയത്‌.
"ഡേ തമ്പി, പിലാശ്‌ മരം എന്താഡേ?"
ഉദാഹരണമായി
ചുവന്നു ചന്ദ്രക്കല പോല്‍ വളഞ്ഞും
വിളങ്ങി പൂമൊട്ടുടനേ പിലാശില്‍;
വനാന്തലക്ഷ്മിക്കു നഖക്ഷതങ്ങള്‍
വസന്തയോഗത്തിലുദിച്ച പോലെ.

ചെവല ചന്ദ്രക്കല പോലും. വനലക്ഷ്മീ ഗോപാല്‍ സ്വാമിയുടെ നഖക്ഷതം പോലും. സത്യത്തില്‍ ഈ കവികളെല്ലാം മാര്‍ക്ക്വിസ്‌ ഡി സാഡിന്റെ ശിഷ്യന്മാര്‍ ആയിരുന്നോ ഇവന്മാര്‍ക്കു പിച്ചും നുള്ളും ഇത്തിരി കൂടുതലാണല്ലോ.

വെയിറ്റേ മിനുട്ട്‌, ഈ ജ്യോത്സ്യന്മാര്‍ ഒക്കെ പിലാശ്‌ അഥവാ പ്ലാശുമരം എന്നല്ലേ എഴുതാറ്‌. അപ്പോ രണ്ടും ഒന്നല്ലേ, ശ്രീകണ്ഠേശ്വരം ചിലപ്പോള്‍ ഇംഗ്ലീഷോ ദ്വിഥമോ എഴുതാറും ഉണ്ട്‌. ആരെങ്കിലും ശ താ വലി നോക്കാന്‍ പറഞ്ഞു. ങേ ഹേ. ആരുമില്ല.

ആരും വേണ്ടാ. ഞാന്‍ തന്നെ വൈകുന്നേരം കൂടു പൂകിയനേരം പുസ്തകം നോക്കി.

പിലാശ്‌ = പലാശ
അയ്യോ. പ്ലാശിലോട്ട്‌ ക്രോസ്സ്‌ ലിങ്ക്‌ ഇല്ലല്ലോ. അപ്പോ ഞാന്‍ ഗുരുക്കള്‍ക്കു തെറ്റു പറഞ്ഞു കൊടുത്തു? ഐ ആം സ്റ്റോറി.

പലാശം... ങേ?. കേതുവിനെ അങ്ങനല്ലേ പ്രാര്‍ത്ഥിക്കാറ്‌?
"പലാശ പുഷ്പ സംകാശം കാശ്യപേയം മഹാദ്യുതം രൊുദ്രം രൌദ്രാത്മകം ഘോരം തം കേതും പ്രണമാമ്യഹം.."
അപ്പോ പലാശപ്പൂവ്‌ രൌദ്രമായ ചുവപ്പു പുഷ്പം .. ഘോരം.. കണ്ടങ്കോരം..മനസ്സിന്റെ അന്തരാഷ്ട്രത്തിലെങ്ങ്നോ ചമത മരത്തിന്റെ മുടിഞ്ഞ ചെവല തെള്ളിക്കേറി വരുന്ന്.

ഒച്ചനക്ഷത്രാവലി കുറച്ചു മുന്നോട്ട്‌ മറിച്ചു. ചമത, പ്ലാശു വൃക്ഷം,
പലാശം.ഈപ്പി നാരായണേട്ടന്റെ ഡിക്ഷണറി കൂടെ നോക്കി. പലാശം =ചമത.

യുറീക്കാ. ശാസ്ത്രകേരളം. ബാലരമാ, പൂമ്പാറ്റാ. നമ്മടെ ചമതാ പാര്‍ട്ടി. പഴേ മുനികന്യകമാര്‍ ലതിന്റെ തൊലിയല്ലെ അടിച്ചു പഞ്ചറാക്കി കാഞ്ചീപുരം മരവുരിയും ബനാറസ്‌ കഞ്ചുകവും ഉടുത്തത്‌. ഇതിന്റെ വിറകൊടിച്ചല്ലേ സന്യാസിമാര്‍ അതിരാത്രവും നടത്തി അടി തിരിഞ്ഞവരും സോമയാഗം നടത്തി ചോ മാതിരി ആയതും (മാതിരി അല്ലാത്ത ഒറിജിനല്‍ ചോ. നമ്മുടെ രാമസ്വാമി, ചിരം ജീവി ആണെന്ന തോന്നുന്നത്‌, എത്രായിരം കൊല്ലമായി താടിച്ചേട്ടന്മാര്‍ ചോ മാതിരി ആകാന്‍ ശ്രമിക്കുന്നു..)

ഇതിന്റെ തോല്‍ ഇഞ്ചക്കുത്തു കുത്തി പിന്നെ പിരിച്ചു കയര്‍ ആക്കിയതിനാത്തല്ലേ നിര്‍വ്വാണം കിട്ടാത്ത ബുദ്ധസന്യാസിമാരും മറ്റും "ലിപ്റ്റണ്‍ റ്റീ ബാഗ്‌" (ക്രെഡിറ്റ്‌ സെമിക്ക്‌) ചമഞ്ഞത്‌?

ലിങ്കാന്‍ തണുപ്പബ്ബ്ലോഗിലോട്ടു ചെന്നപ്പോ ഗുരുക്കള്‍ അവിടെ വീണ്ടും ശ്ലോകിച്ചു വച്ചിരിക്കുന്നു.ചമതാ.. ഗുരുക്കളേ, ഈ മരമെന്നു കരുതിയാണു ഭ്രമരം ഭ്രമിച്ച്‌ കിളിച്ചുണ്ടേല്‍ ചുംബിച്ചത്‌. ഹാവൂ.

MSK Prathapന്റെ പുസ്തകം കൂടി തുറന്നു. ചമത = butea monosperma

എത്രവേണം ചിത്രം? ദാ...

പണിമുടക്ക്‌

കൂട്ടുകാരെ ഇന്നത്തെ പൊതുപണിമുടക്കു നിങ്ങള്‍ എല്ലാരുമെങ്ങിനെ ആഘോഷിക്കുന്നു?
ഞാനാണേല്‍ പതിവു പോലെ ഓഫീസില്‍ വന്നിരുന്നു പതിവു പണിയൊക്കെ ചെയ്തു കൂട്ടുന്നു..

(നടക്കാതെപോയ) ഗുള്‍ഫ് മീറ്റിന്റെ ഓര്‍മ്മയ്ക്ക്

എല്ലാരും മറന്നു കാണും. എന്നാലും,കഴിഞ്ഞ വര്‍ഷം നവംബര്‍ 27ന് ദേവേട്ടന്‍ ഒരു പോസ്റ്റ് സമകാലിക ബ്ലോഗില്‍ ഇട്ടു. അത് ഞാന്‍ ഇവിടെ കോപ്പി-പേസ്റ്റ് ചെയ്യുന്നു.

Sunday, November 27, 2005
കാക്കത്തൊള്ളായിരത്തി ഒന്ന്

ഐക്യ അറബിനാടുകള്‍ മലയാളികൂട്ടങ്ങള്‍ക്ക്‌ കുപ്രസിദ്ധമാണെന്ന് ഇനി ഞാന്‍ പറഞ്ഞു നിങ്ങളറിയേണ്ട കാര്യമില്ല. (ഈ നാട്ടിലല്ലാത്തവരേ, ഞങ്ങളുടെ അസ്സോസ്സിയേറ്റല്‍ ഭയങ്കരമാണ്‌. ഒരുത്തന്‍ കൊല്ലം അസ്സോസിയേഷന്‍ ഉണ്ടാക്കും, അതു രണ്ടായി ഒരു കഷണം കൊല്ലം-ചിന്നക്കട അസ്സോസിയേഷണാകും. ഒരു മാസം കഴിയുമ്പോള്‍ കൊല്ലം-ചിന്നക്കട-സിനി വ്യൂവേഴ്സ്‌ ജനിക്കും. അതില്‍ നിന്ന് കൊ-ചി-സിവ്യു-മോഹന്‍ലാല്‍ ഫാന്‍സ്‌. കൊ-ചി-സിവി-മോഫാ- നരസിംഹം ഫാന്‍സ്‌ . മേപ്പടിയില്‍ പോ മോനേ ദിനേശാ ഫാന്‍സ്‌, അങ്ങനെ അങ്ങനെ. കാക്കത്തൊള്ളായിരം തികച്ചു)കാക്കത്തൊള്ളായിരത്തി ഒന്നായിട്ടു UAE ബ്ലോഗര്‍ ഒരിക്കല്‍ ഒത്തുകൂടണോ വേണ്ടയോ എന്ന് ഒന്നു രണ്ട്‌ രഹസ്യ സംഭാഷണങ്ങള്‍ നടക്കുകയും, തല്‍ഫലമായി, ഒരാഹ്വാനം സമ കാലില്‍ പതിക്കാന്‍ ഒരൊളിപ്പോരാളി എന്നെ ചുമതലപ്പെടുത്തുകയും ചെയ്തു. എന്റെ ജോലി ദാ കഴിഞ്ഞു, നിങ്ങളായിട്ട്‌ എന്താണെന്നു വച്ചാല്‍ തീരുമാനിച്ചോ. സംഭവം നടക്കുകയാണെങ്കില്‍, എല്ലാവര്‍ക്കും താല്‍പ്പര്യമുണ്ടെങ്കില്‍ ആലോചിക്കുക. ഒരു ദശാബ്ദത്തെ ഓണ്‍ലൈന്‍-ഓഫ്ഫ്ലൈനാക്കല്‍ പരിചയം കൊണ്ട്‌ ഞാന്‍ പറയുന്നു..കണ്ടുമുട്ടിയാല്‍ ഓഫ്‌ലൈന്‍ ഇന്റ്ര്ഗ്രേഷന്‍ ഡിസില്ല്യൂഷന്‍ എന്ന അടുപ്പം തോന്നായ്ക വരും കണ്ടില്ലേല്‍ ഓണ്‍ലൈന്‍ ഡിസിന്‍ഹിബിഷന്‍ എന്ന അകല്‍ച്ച വരും പറഞ്ഞില്ലേല്‍ ഇച്ചാച്ചന്‍ പട്ടിയിറച്ചി തിന്നും, പറഞ്ഞാല്‍ അമ്മാമ്മ ഇടി കൊള്ളും എന്ന സ്ഥിതിവിശേഷമാണ്‌ സുഹൃത്തുക്കളേ. 6 മാസത്തിലൊരിക്കല്‍ കണ്ടുമുട്ടുന്നതിനെക്കാള്‍ മോശമാണല്ലോ ഒരിക്കലും കാണാതിരിക്കുന്നതിനെക്കാള്‍ മോശമാണല്ലോ.

കൂലം കഷായമായി ആലൊച്ചു ഒരു പൊട്ടത്തീരുമാനത്തില്‍ എത്തിച്ചേരുക..

എന്റെ പണി കഴിഞ്ഞു, ഞാന്‍ ദേ പോണേണ്‌

written by ദേവരാഗം at 1:19 PM

ഇതിന്റെ മറുപടികള്‍ രസകരമായിരുന്നു. അത് ഇവിടെ വായിക്കുക.

അമേരിക്കന്‍ മീറ്റും കേരള മീറ്റും ഒക്കെ നടക്കാന്‍ പോകുന്നതു കണ്ടപ്പോള്‍ ഇമാറാത്ത് മീറ്റിനെ കുറിച്ച് ഒരുമാത്ര വെറുതേ നിനച്ചു പോയി!


അമേരിക്കക്കാരും കേരളക്കാരുമൊക്കെ ദാ കൂടാന്‍ പോകുന്നു. എന്താ എന്റെ ഗള്‍ഫരേ നമ്മുക്കെല്ലാവര്‍ക്കുമൊന്ന് കൂടിക്കൂടേ?
ചൂടാണ്. എവിടെ കൂടുമെന്നാകും. ഒരു വെള്ളിക്കളമൈ ഏതേലും റെസ്റ്റോറന്റിലോ അല്ലേല്‍ ഏതേലും മാളിലോ , ആരുടെയെങ്കിലും വീട്ടിലോ ഒക്കെ ഒന്ന് കൂടിക്കൂടേ? വേണമെങ്കില്‍ ചക്ക പ്ലാവിലും കായ്ക്കില്ലേ?
എല്ലാരുടെയും അഭിപ്രായങ്ങള്‍ അറിയാന്‍ താല്പര്യപ്പെടുന്നു.

Sunday, June 11, 2006

പെട്രോൾ വിലകൾ വിവിധ രാജ്യങ്ങളിൽ

പല രാജ്യങ്ങളിലെയും പെട്രോളിന്റെ വിലകളിൽ അവിശ്വസനീയമായ വ്യത്യാസം കാണുന്നു. ഇപ്പോൾ ഇന്ത്യയിൽ പെട്രോളിന്‌ 4 രൂപയും ഡീസലിന്‌ 3 രൂപയും കൂടിയിരിക്കുകയാണ്‌. അതിനെ പ്പറ്റി ഒരന്വേഷനമാണ്‌ ബ്ലോഗിലൂടെ നടത്തുന്നത്‌. അത്‌ ബൂലോക ക്ലബ്ബ്‌ ആയിക്കൊട്ടെ. പ്രശന്ത്‌ പറയുന്നു പാകിസ്ഥാനിൽ 17 രൂപ മലേഷ്യയിൽ 18 രൂപ എന്നിങ്ങനെ അങ്ങിനെ യാണെങ്കിൽ ഇന്ത്യയിലെ വില കൂടുതലാണ്‌ എന്ന കാര്യത്തിൽ സംശയം വേണ്ട. എന്നാൽ ഇംഗ്ലണ്ടിൽ 80 രൂപയും സ്കോട്ട്‌ലന്റിൽ 79 രൂപയും ആണെങ്കിൽ ഇന്ത്യയിൽ പൊതുജനങ്ങളെ ബുദ്ധിമുട്ടിച്ചുകൊങ്ങു നടത്തുന്ന സമരങ്ങൾ എന്തിനാണ്‌?
In Pakistan the price of petrol is Rs 43. Yes US and Malaysia are the only countries which have petrol prices lower than India. India is much better than other countries in petrol prices
Turkey-Rs 63
Holland-Rs 72
England-Rs 80
Scotland- Rs 79
Germany- Rs 81
Even in US we pay about Rs 30 for 1 litre of petrol. In that 56% are tax. So it is an unoversal phenomina of having tax on petrol.
പൊതുജനങ്ങൾക്ക്‌ തെറ്റിദ്ധാരണയുണ്ടാകുന്ന രീതിയിൽ ഇത്തരം കാര്യങ്ങൾ അവതരിപ്പിക്കുമ്പോൾ ബൂലോക മലയാളികൾക്ക്‌ അവരവർക്കറിയാവുന്ന ശരിയായ വില കമെന്റുകളായി രെഖപ്പെടുത്തുമെന്ന്‌ വിശ്വസിക്കട്ടെ.

Friday, June 09, 2006

പുതിയ ബ്ലോഗുകള്‍

ബിരിയാണിക്കുട്ടി ഒരു ഹൈദരാബാദി ബിരിയാണി ബ്ലോഗ്‌ തുടങ്ങി. സ്വാഗതം. (മൂപ്പത്യാര്‍ക്ക്‌ പിന്മൊഴീടെ അംഗമാകുന്നത്‌ എങ്ങാന്നു ആരെങ്കിലും ഒന്നു പറഞ്ഞു കൊടുക്കണേ, ശനിയനോ ആദിയോ മറ്റോ ഒരു ഹെല്‍പ്പ്‌ ഉണ്ടാക്കിയിട്ടില്ലേ അതെവിടേയാ?)

തനിമലയാളം.ഓര്‍ഗ്‌ ലും ബിരിയാണി പെട്ടില്ലല്ലോ എവൂരാനേ?

Thursday, June 08, 2006

വിവാഹപിറ്റേന്ന്

സിനിമകളിലൊക്കെ പലവുരു കണ്ടിട്ടുള്ളതുപോലെ വിവാഹപിറ്റേന്ന് രാവിലെ കുളി കഴിഞ്ഞ് ഈറനണിഞ്ഞ മുടിയില്‍ തോര്‍ത്ത് കെട്ടി മാക്സിയിട്ട് “ഇക്കാ...” എന്ന് സ്നേഹപൂര്‍വ്വം വിളിച്ച് കട്ടിലിനരികില്‍ വന്നിരുന്ന് പതുക്കെ സ്നേഹത്തോടെ തഴുകി ഉണര്‍ത്തി ചായ തരുന്ന പുതിയപെണ്ണ് വരുന്നതും കാത്ത് പാതിമയക്കത്തില്‍ പുതിയാപ്ല കട്ടിലില്‍ കമഴ്ന്നു കിടന്നു.

കതകു തുറക്കുന്ന ശബ്ദം. അവളെത്തി. ഒന്നും അറിയാത്തപോലെ കിടക്കാം. അവള്‍ വന്നു വിളിക്കുമ്പോള്‍ ചായ മേടിച്ച് മേക്കട്ടിലില്‍ വച്ചിട്ട് അവളെ കെട്ടിപുണരണം....അവന്‍ മനസ്സിലോര്‍ത്തു.

അവള്‍ അടുത്തുവന്നെന്നു തോന്നുന്നു. ഉറക്കം നടിച്ച് കിടക്കാം.

പെട്ടന്ന് ഭൂമികുലുങ്ങുന്നതുപോലെ തോന്നി - അവനെ ശക്തമായിട്ടാരോ പിടിച്ചു കുലുക്കുന്നതുപോലെ. അവന്‍ വിറച്ചുകൊണ്ട് ഞെട്ടി എഴുന്നേറ്റു. കൈയ്യില്‍ ചായയുമായിതാ വന്നു നില്‍ക്കുന്നു വീട്ടിലെ വേലക്കാരി തള്ള.

“എന്തൊരൊറക്കമാണിത് കൊച്ചേ, എഴുന്നേക്ക്, ദാ ചായ കുടി!“

രക്ഷിക്കണേ.. ആരേലും ഓടി വായോ.

കമ്പ്യൂട്ടറേട്ടന്മാരേ, ഈ വിദ്യാവിഹീനപ്പശുവിനെ രക്ഷിക്കോ.

പ്രശ്നം ഇതാണ്‌.
ഒരു പാപിയുടെ ആപ്പീസില്‍ നിന്നും മാസാമാസം എനിക്കു ഒരു എക്സല്‍ ഫയലില്‍ കുറേ ആളുകള്‍ക്ക്‌ കാശു കൊടുത്ത കണക്കു വരും. ഞാന്‍ അതു എ ഡി ഐ വഴി ഞമ്മടെ ബിമാനക്കണക്കുപുസ്തകത്തില്‍ കയറ്റി വിടും. സിമ്പിള്‍. എന്നാല്‍ ഈ സിമ്പിള്‍ കോമ്പ്ലക്സ്‌ ആകുന്നത്‌ ഇങ്ങനെ ആണ്‌.
ലവന്റെ ചാര്‍ട്ട്‌ ഓഫ്‌ അക്കൌണ്ടിലെ കോഡും ഞമ്മടെ സാമ്പത്തിക വെളിച്ചപ്പാട്‌ പതിനൊന്നാമന്റെ കോടും രണ്ടാണ്‌.

ലവരുടെ കോഡിനെ ഞാന്‍ എന്റെ കോഡിലോട്ട്‌ ലങ്ങനെ മാപ്പ്‌ ചെയ്തു ഒരു സ്പ്രെഡ്‌ ഷീറ്റ്‌ ആക്കി വച്ചിട്ടിണ്ട്‌.



ഓരോ മാസവും പാപി ഇങ്ങനെ ഒരു ഫയല്‍ അയക്കും

എനിക്കതില്‍ ലവന്റെ കോഡ്‌ മാറ്റി എന്റെ കോഡ്‌ ആയാലേ എ ഡി ഐ നടക്കൂ. ഇല്ലെങ്കില്‍ സാമ്പത്തിക വെളിച്ചപ്പാട്‌ തല വെട്ടി പിളര്‍ക്കും.

ഈ വീ ലുക്ക്‌ അപ്‌ എന്നോ മറ്റോ ഒരു സാധനം കൊണ്ട്‌ ലവന്‍ അയക്കുന്ന ഫയലില്‍ ലവന്റെ കോഡ്‌ നമ്പ്ര മാറ്റി എന്റെ കോഡ്‌ നമ്പ്ര ഇടാന്‍ ഒരു വഴിയില്ലേ (ഈയാര്‍പ്പിക്കാര്‍ ഇമ്പ്ലെമെന്റര്‍മാര്‍ എപ്ലും ചെയ്യാറില്ലേ ഇതുപോലെ എതാണ്ട്‌) അതു എങ്ങനെ സാധിക്കും സാര്‍?

ആരേലും രക്ഷിക്കോ. ഞാന്‍ ഒന്നു പണിയെടുത്ത്‌ പെഴച്ചോട്ടെ.

കഥ ശരിക്കും കൂട്ടുന്നതു തന്നെ...?

ഉറപ്പില്ല.......എങ്കിലും.

തോമസ് ജേക്കബ്ബിന്റെ മനോരമയിലെ കഥക്കൂട്ട് വായിച്ചു; “വെളുക്കാന്‍ തേച്ചത് പേരായി” . ഇവിടുണ്ട്

അദ്ദേഹം ആയിരത്തിത്തൊള്ളായിരത്തി അറുപതുകളിലെ ഒരു സംഗതി വിവരിക്കുന്നുണ്ട്. ജസ്റ്റീസ് പി. ഗോവിന്ദമേനോന്‍ കോട്ടയം മെഡിക്കല്‍ കോളേജിന്റെ ആഡിറ്റോറിയത്തിന്റെ ഉദ്‌ഘാടനം നിര്‍വ്വഹിക്കുന്ന രംഗം. ജസ്റ്റീസ് ഗോവിന്ദമേനോന്‍ പറഞ്ഞത്രേ:

“വന്നു വന്ന് ഇപ്പോള്‍ എന്തിനും ഏതിനും സ്പെഷ്യലൈസേഷനാണ്. ശരീരത്തിലെ ഓരോ ഇഞ്ചിനേയും ഓരോ സ്പെഷിലിസ്റ്റുകള്‍ പകുത്തെടുത്തിരിക്കുന്നു. ഇടതു കണ്ണിനു ചികിത്സിക്കുന്ന ഡോക്ടറല്ല വലതു കണ്ണിനു ചികിത്സിക്കുക................. etc. etc".

പക്ഷേ ഒരു സംശയം...

ആയിരത്തിത്തൊള്ളായിരത്തി അറുപതുകളില്‍ അങ്ങിനെയൊരു സ്ഥിതിവിശേഷം നാട്ടിലുണ്ടായിരുന്നോ? ഓരോ കണ്ണിനും ഓരോ സ്പെഷ്യലിസ്റ്റുകളൊക്കെയുള്ള ഒരു സ്ഥിതിവിശേഷം? സ്പെഷ്യലിസ്റ്റുകളൊക്കെ ഉണ്ടാകാന്‍ തുടങ്ങിയത് ഏറ്റവും പോയാല്‍ എണ്‍പതുകളിലൊക്കെയല്ലേ?

അല്ല, ഇനി അങ്ങിനെതന്നെയാണോ? എങ്കില്‍ സോറി തോമസ് ജേക്കബ്ബ് സാര്‍ :)

Wednesday, June 07, 2006

എന്തും തേക്കും ബംഗാളി

'യ്യോ' ഇന്നും സമയം അതിക്രമിച്ചു, ഡ്രെസ്സെടുത്ത്‌ സോഫയില്‍ വയ്കട്‌..'
കുളിക്കിടെ ഞാന്‍ വിളിച്ചുപറഞ്ഞു.

'എടുത്തുവച്ചിട്ടുണ്ട്‌. ശബ്ദമുണ്ടാക്കി, ഉറങ്ങ്നുന്ന ക്ടാങ്ങളെ എണീപ്പിക്കാതെ'
കിച്ചണീന്ന് മറുപടി.

ടര്‍ക്കി തലയിലിട്ട്‌, ബംഗാളിയുടെ ലോണ്ട്രിയില്‍ തേച്ച്‌മിനുക്കിയ, നൂല്‍കമ്പി ഹാങ്ങറില്‍ വടിപോലെ കിടക്കുന്ന ഷര്‍ട്ടെടുത്തിടാന്‍ നേരം, ദാണ്ട്രാ അകമേ മറ്റൊരു തുണി വടിപോലെ കിടക്കുന്നു!

പാന്റല്ല, സാരിയല്ല, പിള്ളേരുടെ ഉടുപ്പല്ല, കീറിയ ഒരു സാരിക്കഷണം!

'എടീ, ആ ബങ്കാളി ആരുടെയോ തുണി തെറ്റി നമുക്ക്‌ കൊടുത്തുവിട്ടിരിക്കുന്നെടീ, ദേ നോക്ക്യേ'

കിച്ചണില്‍ നിന്ന് വന്ന എന്റെ ഹൌസ്‌ വൈഫ്‌ തുണി കണ്ടതും പൊട്ടിച്ചിരിച്ചുകൊണ്ട്‌ പറഞ്ഞു..

'അയ്യോ ഇത് നമ്മടെ തന്നെയാ.. കൊച്ചിന്റെ മൂത്രം തുടക്കണ തുണിയാ. ഇന്നലെ തേയ്കാന്‍ കൊടുത്തപ്പോള്‍ അറിയാതെ പെട്ടതാ'

അര്‍പ്പണം

ആഹാരവും ജലവും നല്‍കി വളര്‍ത്തിയ ഭൂമിക്കു തന്നെ.

ദ മല്യാലി എഫക്റ്റ്..

“ഹേയ്, വാറ്റ്സാപ്പ് മാന്‍?” ഞാന്‍ തല പൊക്കി നോക്കി, ഓ, വൈഭവ് ആണ്.. ഉത്തര്‍പ്രദേശുകാരന്‍ ടീം മേറ്റ്.. വെളുക്കനെ ചിരിച്ചു കൊണ്ട് ക്യൂബിക്കിളിന്റെ മേലേക്കൂടെ തലയിട്ട് നോക്കുന്നു
"ഐം ഗൂഡ്, താങ്ക്സ്..” മറുപടി കൊടുത്തു.. രാവിലെ തന്നെ അയാളുടെ മുഖത്തു നോക്കി തര്‍ക്കുത്തരം പറയാന്‍ മനസ്സുവന്നില്ല..

“ഹാവ് യൂ ഹേഡ് ഓഫ് ദ മല്യാലി എഫക്റ്റ്?” അടുത്ത ചോദ്യം.. ഇതെന്ത് എഫക്റ്റ്? രാമന്‍ എഫക്റ്റെന്നൊക്കെ കേട്ടിട്ടുണ്ട്..
“നോ? വാറ്റ്സാറ്റ്?” എന്ന മറു ചോദ്യത്തിന് ഒറ്റശ്വാസത്തില്‍ മറുപടി പറഞ്ഞു ആ വടക്കന്‍

“റ്റൂ മല്യാലീസ് - ഫ്രന്‍സ്”
“ത്രീ മല്യാലീസ് - അസ്സോസ്സിയേഷന്‍“
“ഫോര്‍ മല്യാലീസ് - റ്റു അസ്സോസ്സിയേഷന്‍സ്”
“ദാറ്റ്സ് ദി മല്യാലീ എഫക്റ്റ്!!”

Tuesday, June 06, 2006

നോര്‍ത്ത് അമേരിക്ക സംഗമം

തനി മലയാളം ബ്ലോഗെഴുത്തുകാരുടെ നോര്‍ത്ത്‌ അമേരിക്കാ യൂണിറ്റീന്റെ ഈ വര്‍ഷത്തെ സംഗമം ചിക്കാഗോ ഒ’ഹേര്‍-ല്‍ വെച്ചു ആഗസ്റ്റ്‌ 13 ഞായറാഴ്ച, ഉച്ചതിരിഞ്ഞ്‌ 1:30 മുതല്‍ 7:00 മണി വരെ നടത്താന്‍ തീരുമാനിച്ച വിവരം സസന്തോഷം അറിയിച്ചു കൊള്ളുന്നു.

പങ്കെടുക്കാന്‍ താല്പര്യമുള്ള യൂണിറ്റ്‌ അംഗങ്ങള്‍ എത്രയും വേഗം ഓര്‍ഗനൈസിംഗ്‌ കമ്മറ്റി ചെയര്‍മാന്‍ ശനിയന്‍ അവര്‍കളെയോ അല്ലെങ്കില്‍ ഖജാന്‍ജി എന്നെയോ സമീപിക്കുകയോ ഈ പോസ്റ്റിനു മറുപടി ഇടുകയോ ചെയ്യണമെന്നു താഴ്മയായി അഭ്യര്‍ത്ഥിയ്ക്കുന്നു അപേക്ഷിയ്ക്കുന്നു.

ഔട്ട്-ഓഫ്-കണ്ട്രി യൂണിറ്റ്‌ മെമ്പേഴ്സ്‌ എത്രയും വേഗം വിസയ്ക്കു അപേക്ഷിക്കണം എന്നും ഓര്‍മ്മിപ്പിയ്ക്കുന്നു.

ഓപ്പണ്‍ ഓഫീസ് മലയാളത്തില്‍...

CDAC ഇങ്ങനെയൊരെണ്ണം ചെയ്തിരിക്കുന്നു. ഞാനിന്‍സ്റ്റാള്‍ ചെയ്തിട്ടില്ല. വിവരം കിട്ടിയപാടേ ഇങ്ങോട്ട് വന്നതാണ്. ‘copy, paste, തുടങ്ങീ പലതിനുമുള്ള മലയാളം വാക്കുകള്‍ ഏതായിരിക്കണം എന്നതിനെ പറ്റി ഇവിടെ ധാരാളം ചര്‍ച്ച ചെയ്തതായത്‌ കൊണ്ട്‌ അവരുപയോഗിച്ചിരിക്കുന്നതേതാണെന്നറിയാനൊരു ആഗ്രഹമുണ്ട്‌. എന്നാലും, മലയാളത്തില്‍ കാണാന്‍ പേക്കേജ് മൊത്തം ഇന്‍സ്റ്റാള്‍ ചെയ്യണം എന്നു പറയുന്നതൊരു ചതിയാണ്.

ചെകുത്താന്റെ ദിനം

ചെകുത്താനും വേണ്ടേ ഒരു ദിവസം! എന്നാല്‍ പിന്നെ ഇന്ന് ആയിക്കോട്ടേ എന്നു ചില പത്രങ്ങള്‍. 06.06.06. അതും പോരെങ്കില്‍ രാവിലെ 06:06:06 AM-ഉം, ഇനി ആ സമയം കഴിഞ്ഞു പോയ ചിലര്‍ക്കു 06:06:06 PM-ഉം ഉണ്ട്‌ ആഘോഷിക്കാന്‍.
[മലയാളം വായിക്കാന്‍ അറിയുന്ന ചെകുത്താന്‍മാര്‍ എങ്ങിനെ പ്രതികരിക്കുമോ ആവോ?]

ലീവാപ്ലീക്കേഷന്‍

പ്രിയപ്പെട്ട ബൂലോഗരേ...

സൌത്ത് ആഫ്രിക്കയില്‍ നിലനില്‍ക്കുന്ന ഒരു പ്രത്യേക സാഹചര്യം കണക്കിലെടുത്ത്, ഏതാണ്ട് അടുത്ത ഒരു മാസത്തേക്ക് എനിക്ക് ബ്ലോഗുവാന്‍ കഴിയുവതല്ല എന്ന് താഴ്മയായി ബോധിപ്പിച്ചുകൊള്ളട്ടെ.


അപ്പോ ഹാപ്പി ബ്ലോഗിംഗ്. എല്ലാവര്‍ക്കും.

(പരീക്ഷക്ക് ആശംസകള്‍ കണ്ടപ്പോ, താങ്ക്സുണ്ടെങ്കിലും ..എന്റമ്മേ..എനിക്ക് ടെന്‍ഷനായിപ്പോയി!!!! :-) )

Monday, June 05, 2006

ആനന്ദിനെ പരിചയപ്പെടുക

ഈയടുത്ത കാലത്തു തുളസി നല്‍കിയ ഒരു ലിങ്കില്‍ നിന്നാണെന്നു തോന്നുന്നു ആനന്ദിന്റെ The river has no memories എന്ന ഇംഗ്ലീഷില്‍ ബ്ലോഗിലേയ്ക്കു ഞാനാദ്യം എത്തിച്ചേരുന്നു. അവിടെ നല്‍കിയിരുന്ന അദ്ദേഹത്തിന്റെ ഇ-മെയില്‍ വിലാസത്തിലേയ്ക്കു മലയാളം ബ്ലോഗുകളെ പരിചയപ്പെടുത്തി ഒരു സന്ദേശം അയക്കുകയുണ്ടായി. അതിന്റെ മറുപടി ഇന്നാണു് ലഭിക്കുന്നതു്.

പ്രിയപ്പെട്ട രാജ്, email അയച്ചതിനു വളരെ നന്ദി. ഇവിടെ അമേരിക്കയില്‍ വല്ലപ്പോഴുമേ മലയാളത്തില്‍ വരുന്ന ലേഖനങ്ങളോ, പുസ്തകങ്ങളോ കിട്ടാറുള്ളു.യൂണിവേഴ്സിറ്റി ഗ്രഥശാലയില്‍ കുറച്ചു മലയാളം പുസ്തകങ്ങള്‍ ഉണ്ട് - south asian literature section-ഇല്‍. കിട്ടുന്നതെല്ലാം വായിക്കാറുണ്ടെങ്കിലും, മലയാളത്തില്‍ എഴുതിയിട്ടു ഒരുപാടു നാളായി. എഴുതണം എന്നുണ്ട്, അതുകൊണ്ടു തീര്‍ച്ചയായും ശ്രമിക്കാം. അയച്ചു തന്ന URL കണ്ടു. മലയാളം blog-കുകള്‍ ഇത്രയധികം ഉണ്ട് എന്ന് എനിക്കറിയില്ലായിരുന്നു.


ആനന്ദ് നാരായണന്‍ “നിറക്കൂട്ട്” എന്ന ശീര്‍ഷകത്തില്‍ ഒരു മലയാളം ബ്ലോഗ് തുടങ്ങിയിരിക്കുന്നു. നമുക്കേവര്‍ക്കും അദ്ദേഹത്തെ ഹാര്‍ദ്ദമായി സ്വാഗതം ചെയ്യാം.

Sunday, June 04, 2006

മലയാളം..

നാലു വയസ്സുകഴിഞ്ഞു കണ്ണന്. മലയാളം പഠിപ്പിക്കാന്‍ എപ്പഴാ തുടങ്ങുകാ എന്നു ശ്രീമതിക്ക് സംശയം.. അങ്ങനെ ഒരു ദിവസം തുടങ്ങിയപ്പോഴാണ് കണ്ണന് ‘റ’ തീരെ അങ്ങ് വഴങ്ങുന്നില്ല എന്നു മനസ്സിലായത്..പിന്നീടങ്ങോട്ട് കൊണ്ടു പിടിച്ച് ‘റ’ പഠിപ്പീരായിരുന്നു!
ഇനി ഇപ്പം നിങ്ങള്‍ തന്നെ കേട്ടോളൂ. മൈക്കിന്റെ അപാര ക്വാളിറ്റിയും ഇടക്കിടക്ക് അതിനു കണ്ണന്റെ വകയുള്ള ഇടിയും കാരണം ആകെ മൊത്തം ‘കര്‍ണ്ണാ’നന്ദകരം!

Saturday, June 03, 2006

ഞാനും എത്തി

അങ്ങനെ ഞാനും ബൂലോഗ ക്ലബിലെത്തി.
പറഞ്ഞപോലെ എല്ലാം കൊണ്ട് വന്നിട്ടുണ്ട്.

ലോസോവി എന്ന റഷ്യന്‍ സാലഡ്.


എന്താണെന്ന് പറാഞ്ഞ് തരേണ്ടല്ലൊ? എന്‍റെ സുഹൃത്ത് സെര്‍ഗൈയുടെ കളക്ഷന്‍.



മാട്രിയോഷ്ക - ഒന്നിനുള്ളില്‍ ഒന്നായി ഒരു പാട് പാവക്കുട്ടികളെ അടുക്കിവെക്കുന്ന റഷ്യന്‍ സുവനീര്‍. സാധാരണയായി റഷ്യന്‍ നടോടിക്കഥകളിലെ നായികമാരായിരിക്കും.47 എണ്ണം വരെയുള്ളവ ഞാന്‍ കണ്ടിട്ടുണ്ട്.


കണ്ണികള്‍

മുല്ലപ്പൂ ഏവൂരാന്റെ ബ്ലോഗില്‍ ചോദിച്ച ഓടോ-യുടെ മറുപടി.

പോസ്റ്റുകളിലും കമന്റുകളിലും ലിങ്ക്‌ എങ്ങനെ കൊടുക്കും എന്നാണു ചോദ്യം എന്നു വിചാരിക്കുന്നു. അതല്ലെങ്കില്‍ ഞാന്‍ ചമ്മി.

ഏതു വാക്കാണോ ലിങ്ക്‌ ആക്കേണ്ടത്‌ ആ വാക്ക്‌ ഒരു ‘ആങ്കര്‍’ ടാഗ്-നുള്ളില്‍ കൊടുത്താല്‍ മതി.
ദാ ഇങ്ങനെ.
< a href="http://www.google.com/"> Text for link < /a>

< a > എന്നതിനെ ഓപ്പണിങ്ങ്‌ ടാഗ് എന്നും < /a> എന്നതിനെ ക്ലോസിംഗ്‌ ടാഗ്‌ എന്നും വിളിക്കാറുണ്ട്. രണ്ടിലും സ്പെയിസ്‌ (ബ്ലാങ്ക്) ആവശ്യമില്ല. ഓപ്പണിങ്ങ്‌ ടാഗിന്റെ ഒരു ആട്രിബ്യൂട്ട്‌ (Attribute) ആണ്‌ href.

ഇനി ഈ ലിങ്ക്‌ ചെയ്യുന്ന പേജ്‌ പുതിയ ഒരു ജാലകത്തില്‍ തുറക്കണം എന്നുണ്ടെങ്കില്‍ target="blank" എന്ന മറ്റൊരു ആട്രിബ്യൂട്ട്‌ കൂ‍ടി ഓപ്പണിംഗ്‌ ടാഗില്‍ ചേര്‍ത്ത്താല്‍ മതി.

അപ്പൊ ദാ ഇങ്ങനെ ആവും...
< a href="http://www.google.com/" target="blank"> Text for link < /a>

ജനിതകമാറ്റം വരുത്തിയ വഴുതന

കേന്ദ്ര സർക്കാരിന്റെ കീഴിൽ വരുന്ന പരിസ്ഥിതി വനം മന്ത്രാലയമാണ്‌ (ജനറ്റിക്‌ എഞ്ചിനീയറിംഗ്‌ അപ്രോവൽ കമ്മറ്റി) ഈ പുതിയ തീരുമാനവുമായി മുന്നോട്ടു പോകുന്നത്‌. മൂന്നുവർഷം മുമ്പ്‌ ജനിതകമാറ്റം വരുത്തിയ പരുത്തി കൃഷി ആന്ധ്രപ്രദേശിൽ ഉണ്ടാക്കിയ പ്രശ്നങ്ങൾ ഇപ്പോഴും കോടതിയിൽ കിടക്കുന്നതേയുള്ളു. പരുത്തികൃഷിക്കാണ്‌ ഏറ്റവും കൂടുതൽ പെസ്റ്റിസൈഡ്‌സ്‌ ഉപയോഗിക്കുന്നത്‌ എന്നാണ്‌ അറിവ്‌. പരുത്തിക്കുരു ആട്ടിയെടുക്കുന്ന എണ്ണ ഭക്ഷ്യ എണ്ണയായി ഉപയോഗിക്കുന്നു. അതിന്റെ പിണ്ണാക്ക്‌ പശുക്കൾക്ക്‌ ആഹാരമായി നൽകുന്നു. ഇതിന്റെ എല്ലാം ദോഷവഷങ്ങൾ കണ്ടറിയാനിരിക്കുന്നതേയുള്ളു. ജൈവികതെയെയും ജൈവോത്‌പന്നങ്ങളെയും ജനിതകമാറ്റം വരുത്തി കൃഷി ചെയ്യുന്നതിലൂടെ നശിപ്പിക്കുവാൻ സാധിക്കും. പരുത്തികൃഷിയെക്കാൾ അപകടകാരിയാണ്‌ വഴുതനകൃഷി. മനുഷ്യനെ നേരിട്ട്‌ ബാധിക്കും എന്ന കാര്യത്തിൽ സംശയം വേണ്ട. തിരുവനന്തപുരത്തു പ്രവർത്തിക്കുന്ന തണൽ എന്ന സംഘടന ഇക്കര്യങ്ങളെക്കുറിച്ച്‌ പഠനം നടത്തുകയും ഒരു പരാതിയുമായി രംഗത്തെത്തിയിരിക്കുകയുമാണ്‌. നിങ്ങളിൽ സന്മനസുള്ളവർ അവരോട്‌ സഹകരിക്കണമെന്ന്‌ വിനയപുരസരം അഭ്യർത്ഥിക്കുന്നു.

Friday, June 02, 2006

ട്രെയിന്‍ വിശേഷം

എല്ലാവര്‍ക്കും എവിടേയും പായാന്‍ അതിവേഗ കാറുകളും, പൊഹയ്ക്കാന്‍ ആവശ്യം പോലെ എണ്ണയും, വിസ്തൃതമായ റോഡുകളുള്ളതിനാലുമാണോയെന്നറിയില്ല, ഇവിടെ പബ്ലിക്‍ ട്രാന്‍സ്‌പോര്‍ട്ടേഷന്‍ അത്ര പോര.

വ്യക്തിഗത ഗതാഗതം ഒരു വലിയ വ്യവസായമാണ്. പലതരത്തിലുള്ളവര്‍ക്ക് ചോറൂട്ടുന്ന വ്യവസായം - കാര്‍ ഡീലര്‍മാര്‍ മുതല്‍ ഇന്‍ഷുറന്‍സ് സ്രാവുകള്‍ വരെയുമുള്ളവരുടെ ആര്‍മാദത്തിന് കാരണം സ്വന്തം വണ്ടിയുള്ള അമേരിക്കന്‍ ജോ-ഷ്മോ (അണ്ടനും അടകോടനുമെന്ന പോലെയുള്ള ഒരു പ്രാദേശിക ക്ലീഷേ..) തന്നെ.

പബ്ലിക്‍ ട്രാന്‍‌സ്പോര്‍ട്ടേഷന്‍ ഇവിടെ തഴക്കാത്തതിന് മേല്പറഞ്ഞ കാര്‍-എസ്.യു.വി. ലോബിയാണെന്ന് പൊതുവെ കരുതപ്പെടുന്നു.

കഴിഞ്ഞയാഴ്ചയുണ്ടായ മിസ്റ്റീരിയസ് കരണ്ട് പോക്കു കാരണം (1, 2 ) ആംട്രാക്കിന്റെ നാല് ട്രെയിനാണ് ഹഡ്സണ്‍ നദിക്കടിയിലെ തുരങ്കത്തില്‍ മണിക്കൂറുകളോളം കുടുങ്ങിയത്. ഇന്നിതാ, എങ്ങാണ്ടൊരു (3) പവര്‍‌സ്റ്റേഷനില്‍ ഇടിമിന്നലുണ്ടായതിനാല്‍, നോര്‍ത്ത് ഈസ്റ്റേണ്‍ കോറിഡോര്‍ ലൈനും ആംട്രാ‍ക്കും വീണ്ടും നിലച്ചിരിക്കുന്നു.

അതെന്തായാലും, പാപ്പാന്റെ നാട്ടിലെ ഹാമില്‍ട്ടണ്‍ റെയില്‍‌വേ സ്റ്റേഷനാണ് ചിത്രത്തില്‍. പകല്‍ പത്തരയായിട്ടും, അഞ്ചാറു ദിവസമായി നാല് അമ്പതേല്‍ തന്നെ ഉടക്കിനില്‍ക്കുന്ന അവരുടെ നാഴികമണി..


ഭ്രാന്ത് (എനിക്കല്ലേ)

ഹോ!! ഇന്നലത്തെ എന്റെ ഒരു സൃഷ്ടിക്ക് (ഉണ്ടകള്‍ എന്ന കവിത)
കിട്ടിയ പ്രോത്സാഹനത്തില്‍ കണ്ണുമഞ്ഞളിച്ച് ഇന്നലെ രാത്രി നേരത്തെതന്നെ കഞ്ഞിയും കുടിച്ച് (ഏയ്, ഡൈലി ഞാന്‍ കഞ്ഞിയല്ല ട്ടോ ;-) ഇന്നലെ കഞ്ഞിക്ക് ചെറുപയര്‍, വാഴക്കാമെഴുക്‍പുരട്ടി, മീന്‍ വറുത്തത്, പപ്പടം, മോരുകൂട്ടാന്‍, അച്ചാര്‍ ഇവ അകമ്പടി) ശ്രീമതിയോട് ഹണി, ഡോണ്ട് ഡിസ്റ്റര്‍ബ്‌ മീ, ഗുഡ്നൈറ്റ് എന്ന് ഗൌരവത്തില്‍ പറഞ്ഞ് സ്റ്റഡിയില്‍ പോയി ഒരു പേനയും നോട്ട്‌പാഡുമെടുത്ത് കാലില്‍ കാലും കയറ്റിയിരുന്നു. അവള്‍ താങ്ക് ഗോഡ് എന്ന് പിന്നില്‍ നിന്ന് പറഞ്ഞത് കേട്ടില്ലെന്ന് നടിച്ചു.

മണിക്കൂര്‍ രണ്ടെടുത്തു, ഈ ഉത്തമ സൃഷ്ടി പിറന്നുവീഴാന്‍..:-)

ഇല്ലാ...ഇത് ജ്ഞാനപീഠം കൊണ്ടൊന്നും നില്‍ക്കുമെന്ന് തോന്നുന്നില്ലാ....ടാഗോറിനൊരു പിന്‍‌ഗാമി? ഹോ! എന്റെ ഒരു കാര്യം!

ഇന്നാ പിടി.


ഭ്രാന്ത് കാണാനിഷ്ടം
ഭ്രാന്ത് വന്നാല്‍ കഷ്ടം
സ്വാതന്ത്ര്യം നഷ്ടം
ചങ്ങല ശിഷ്ടം.

അമ്മയും ഭാര്യയും

ഇറാനില്‍ ജനിച്ച് ഫ്രാന്‍സില്‍ ജീവിക്കുന്ന പ്രാശസ്ത എഴുത്തുകാരി മാര്‍ഷാന്‍ സെട്രാപി (Marjane Satrapi) പെഴ്സപ്പൊലീസ് (Persepolis), പെഴ്സപ്പൊലീസ് 2, എംബ്രോയ്ഡറീസ് (Embroideries) തുടങ്ങിയ പുസ്തകങ്ങളുടെ രചയിതാവാണ്. രണ്ടുദിവസം മുമ്പ് മാര്‍ഷാന്‍ സെട്രാപി സീയാറ്റിലില്‍ വന്നപ്പോള്‍ NPR-ന്‍റെ മാര്‍സീ സില്‍മന്‍ നടത്തിയ അഭിമുഖത്തില്‍ നിന്നുള്ള ഈ ഭാഗം എന്നെ ആകര്‍ഷിച്ചു (ചോരയുള്ളോരകിടിന്‍ ചുവട്ടിലും...):

താങ്കള്‍ക്ക് ഫ്രഞ്ച് പൌരത്വമുണ്ടെങ്കിലും താങ്കളിപ്പോഴും ഇറാനിയനാണെന്നാണോ സ്വയം കരുതുന്നത് എന്ന ചോദ്യത്തിന് മാര്‍ഷാന്‍ സെട്രാപിയുടെ മറുപടി: [ഓഡിയോയില്‍ 15:09 കഴിയുമ്പോള്‍]

For me, Iran is like my mother and France is like my wife. [you know, my mother, you know] [You] only have one mother... [and you know] she can be crazy, she can do anything, [she] is my mother and if she is sick, I would just [you know] be really sad. [if so, you know] Your wife, you choose her, you can divorce her, so you can cheat on her, you can make another baby with someone else somewhere else, so you know, its not the same relationship even if you have chosen it, its not, you know, eternal, you can always change.

ഏതായാലും അഭിമുഖം മുഴുവന്‍ കേള്‍ക്കുന്നവര്‍, ഞങ്ങള്‍ സീയാറ്റിലുകാര്‍ സ്ഥിരം കേള്‍ക്കുന്ന ഈ കാലാവസ്ഥ അറിയിപ്പുകൂടി ശ്രദ്ധിക്കുമല്ലോ: [ഓഡിയോയില്‍ 13:00 കഴിയുമ്പോള്‍]

61 degrees outside our studios. Cloudy skies in Seattle... Increasing clouds today with a chance of rain late this afternoon... Tonight, rain developing in the evening, mostly cloudy, a chance of shower after midnight...

സയന്‍സ് ഫിക്ഷന്‍

ഈ ബൂലോഗത്തില്‍ ആരെങ്കിലും ഇന്നുവരെ ഒരു സയന്‍സ് ഫിക്ഷന്‍ എഴുതിയിട്ടുണ്ടോ? ഉണ്ടെങ്കിലൊന്നറിയിക്കണേ... നാളെ ചിക്കാഗോയിലെ സാഹിത്യസമാജത്തില്‍ ഫുള്‍ ക്രെഡിറ്റോടെ അവതരിപ്പിക്കാനായിരുന്നു. ഓരോ ആഴ്ച്ചയും അവര്‍ക്കോരോ വിഷയങ്ങളുണ്ടത്രേ. ഈ ആഴ്ചയിലേതാണ് സയന്‍സ് ഫിക്ഷന്‍. ആദ്യമായിട്ടാണ് ഞാന്‍ ഞാനീ പരിപാടിക്ക് ഇറങ്ങുന്നത്‌. അല്ലെങ്കിലും സാഹിത്യവും ഞാനും തമ്മിലെന്തു ബന്ധം?

Thursday, June 01, 2006

പരിസ്ഥിതിവാദി

“നമ്മുടെ നാട് നമ്മുടെ വീടാണ്. നമ്മള്‍ പ്ലാസ്റ്റിക്ക് വേസ്റ്റുകള്‍ നമ്മുടെ വീട്ടില്‍ കൂട്ടിയിടുമോ? ഇല്ല. പക്ഷേ നമ്മള്‍ അയല്പക്കക്കാരന്റെ പറമ്പിലോട്ട് തട്ടും. പക്ഷേ സുഹൃത്തുക്കളേ അവിടെക്കിടന്നാലും ഇവിടെക്കിടന്നാലും അത് നമ്മുടെ മണ്ണിനെ മലിനമാക്കും അതുകൊണ്ട് നമ്മള്‍ ഒരിക്കലും നമ്മുടെ വേസ്റ്റ് അയലോക്കക്കാരന്റെ പറമ്പില്‍ തട്ടരുത്”

പരിസ്ഥിതി വാദി പ്രസംഗിക്കുകയാണ്. എല്ലാവരും കൈയടിച്ചു. പ്രസംഗം കഴിഞ്ഞ് പോകാന്‍ തുടങ്ങുമ്പോള്‍ തോമാച്ചേട്ടന്‍ ഓടി അടുത്തെത്തി.

“സാറേ, ഒന്നോ രണ്ടൊ പ്ലാസ്റ്റിക്കൊക്കെയാണെങ്കില്‍ ഞാന്‍ കത്തിച്ചുകളയും. കുഴപ്പമുണ്ടോ?”

“പാടില്ല. അതും എന്താണ് ചെയ്യുന്നത്? അതില്‍‌നിന്നും ഉയരുന്ന വിഷപ്പുക നമ്മുടെ അന്തരീക്ഷത്തെ മലിനമാക്കുകയല്ലേ ചെയ്യുന്നത്? ഒരിക്കലും നമ്മള്‍ പ്ലാസ്റ്റിക്ക് ഇങ്ങനെ കത്തിക്കരുത്”.

“പിന്നെ എന്തുചെയ്യും സാറേ? ഇതെല്ലാം കൂടി ഇങ്ങിനെ കൂന കൂടിക്കൂടി..............”

“സാറപ്പോ എങ്ങിനെയാ ഇതൊക്കെ കളയുന്നേ? മണ്ണിനും വായുവിനും ഒന്നും ഒന്നും പറ്റാതെ?” തോമാച്ചേട്ടന്‍ ചോദിച്ചു.

തോമാച്ചേട്ടന്റെ കവിളത്ത് ഒന്ന് തോണ്ടി കോവാലകിഷയണ്ണന്‍ സ്റ്റൈലില്‍ പരിസ്ഥിതിവാദി മൊഴിഞ്ഞു:

“ഞാനോ, ഞാന്‍ ഇതെല്ലാം കൂടെ ജീപ്പിലോട്ടിട്ട് തമിഴ്‌നാട്ടില്‍ ചരക്കെടുക്കാന്‍ പോകുമ്പോള്‍ അവിടെ തട്ടും”

ഉബൂണ്ടു

ubuntu-def
ubuntu-cof-606








ഇതാ വിശ്വസിക്കുവാന്‍ കൊള്ളാവുന്ന ഒരു ഓപ്പറേറ്റിങ് സിസ്റ്റം. ഉബൂണ്ടുവിന്റെ നാലാമത്തെ പതിപ്പ് 2006, ജൂണ്‍ 1 നു പുറത്തിറങ്ങി. തനിമലയാളം.org -നെ സപ്പോര്‍ട്ട് ചെയ്യുന്നതും ഉബൂണ്ടു എന്ന ഓപ്പറേറ്റിങ് സിസ്റ്റമാണു്. തനിമലയാളം.org -ന്റെ പേരിലും മലയാളം ബൂലോഗരുടെ പേരിലും ഉബൂണ്ടു എന്ന കമ്പ്യൂട്ടര്‍ ഓപ്പറേറ്റിങ് സിസ്റ്റത്തിനും ഐഡിയോളജിക്കും പുറകില്‍ പ്രവര്‍ത്തിക്കുന്ന ഏവര്‍ക്കും നന്ദി രേഖപ്പെടുത്തിക്കൊള്ളുന്നു.

കു: 20 മിനുട്ടിനുള്ളില്‍ ഒരു ഉബൂണ്ടു സിസ്റ്റം ഇന്‍സ്റ്റാള്‍ ചെയ്യുന്നതെങ്ങിനെ എന്നു വിശദീകരിക്കുന്ന വീഡിയോ ഉടന്‍ തന്നെ പുറത്തിറക്കുന്നതാവും.

കലേഷിതാ തിരിച്ചെ.............

ഒടുവില്‍ കല്യാണോം കഴിച്ച് കലേഷും റീമയും സുഖമായി ജീവിച്ചു എന്നാണ് കഥയുടെ സ്വാഭാവിക അന്ത്യം എന്നു കരുതിയെങ്കില്‍ തെറ്റി. പാവം റീമയെ, തല്‍ക്കാലത്തേക്കെങ്കിലും കണ്ണീരിലാഴ്ത്തി, നമ്മുടെ കലേഷിതാ ഇന്ന് കൃത്യം 11 (ഇന്ത്യന്‍ സമയം) മണിക്ക് ദുബായിലേക്ക് തിരിച്ചു കയറി.

ഇന്നു രാത്രിയോടെ മണിക്കൂറില്‍ 100 കിലോമീറ്റര്‍ ശക്തിയോടെ, മലയാളം ബ്ലോഗുകളിലും നെറ്റിന്റെ മറ്റ് പലയിടങ്ങളിലും കലേഷ് ആഞ്ഞടിക്കാന്‍ സാധ്യതയുണ്ടെന്ന് ‘പല അവസ്ഥാ നിരീക്ഷണകേന്ദ്രം’ അറിയിച്ചതായി കൊല്ലത്തുനിന്ന് റിപ്പോര്‍ട്ട്.

ഉണ്ടകള്‍

പ്രിയപ്പെട്ടവരേ...
കഷ്ടപ്പെട്ടെഴുതിയ ഒരു കവിത.

അതി ഗഹനമായ അര്‍ത്ഥതലങ്ങള്‍ ഉള്ള ഒരു കവിതയാണ്.
ജ്ഞാനപീഠം കിട്ട്യാല്‍, പ്ലീസ്..തെറ്റിദ്ധരിക്കല്ല്..:-))


വെളുത്തവന്റെ കൈയ്യില്‍ വെടിയുണ്ട.
കറുത്തവന്റെ കയ്യില്‍ മണ്ണുണ്ട.
എന്റെ കൈയ്യിലൊരെള്ളുണ്ട.

മതി, ഉണ്ടകളെറിഞ്ഞുകളിക്കുന്നവര്‍‌ക്കിടയിലിരുന്നുണ്ടത്.
വീട്ടില്‍ പോകാം, ബാക്കി പൊതിഞ്ഞെടുക്കാം
പോകും വഴിക്ക് തിന്നാന്‍ ഒരവലോസുണ്ടയും.

ശുഭം.



എപ്പടി?

കല്ലുവിന്‌

Photobucket - Video and Image Hosting
കല്ലൂ,

അറിവുകളൊന്നുമില്ലാത്ത നിഷ്കളങ്കതയുടെ സ്വര്‍ഗ്ഗര്യാജ്യത്തായിരുന്നു ഇതുവരെ നീ. എന്നും അവിടെ ജീവിക്കാനാവില്ലല്ലോ, ഭൂമിയിലേക്ക്‌ ഇന്ന് യാത്ര തുടങ്ങുക.

അറിവിന്റെ ലോകമെന്ന് നമ്മള്‍ പറയുന്നത്‌ ഈ ലോകത്ത്‌ നിനക്കു ജീവിതോപാധിയും ആയുധവും ആഭരണവും അറിവായതുകൊണ്ടാണു കല്ലൂ. ഒത്തിരി അറിവു നേടുക.

പിന്നെയും അറിവു നേടുക. അപ്പോല്‍ നീ അറിവുകളെ ചോദ്യം ചെയ്യാന്‍ തുടങ്ങും. അങ്ങനെ അറിവുകളുടെ നിര്‍മ്മാണം നടത്തി തുടങ്ങുക. നിനക്കു വേണ്ടുന്ന അറിവുകള്‍ നീ തന്നെ സൃഷ്ടിച്ച്‌ അറിവിനുവേണ്ടിയുള്ള അര്‍ത്ഥനക്ക്‌ വിരാമമിടുക.

അങ്ങനെ അറിവുകള്‍ സംഭരിച്ച്‌ നീ അതിന്റെ ഉച്ചകോടിയില്‍ വച്ച്‌ അറിവിന്റെ ഇല്ലായ്മയെന്ന സവിശേഷത തിരിച്ചറിയുക. അറിവുകളുടെ ഈ ലോകത്തിന്റെ ചക്രവര്‍ത്തിനിയായി നീ അറിവില്ലായ്മയുടെ നിഷ്കളങ്കതയോടെ ജീവിക്കുക.

ഈശ്വരന്‍ അനുഗ്രഹിക്കട്ടെ.